[討論]邊個會講"筷煮"?

Kathy

尋日搭佛山至香港太子既直通車, 聽到前面個佛山既小朋友大大聲講"就到太"煮"啦!" 突然勾起我既回憶, 有人係將"筷子"講成"筷煮"... 你地有無人係讀"筷煮"咖?? 係唔係佛山話先講"子"做"煮"???

毛小子

没听过有人这样说。

highyun

佛山话一律将“原子”“分子”读做“原主”“分主”，我篇《佛山话速成班》讲得好清楚啦

阿强

佛山.顺德唔少地方都将i韵字读成y韵字. 因此,"老师"被叫成"老鼠"; 同佛山嘅朋友倾电话,佢第一句就问"咩树?" 正因如此, 常食嘅"丝瓜" 经常叫成"输瓜"不大吉利. 于是反其义唤作"胜瓜".

highyun

阿强在2005-07-28 23:15:55說道：[br]佛山.顺德唔少地方都将i韵字读成y韵字. 因此,"老师"被叫成"老鼠"; 同佛山嘅朋友倾电话,佢第一句就问"咩树?" 正因如此, 常食嘅"丝瓜" 经常叫成"输瓜"不大吉利. 于是反其义唤作"胜瓜".

“老师”并唔会变成“老鼠”，只会变成“老书”

itxu2k

我觉得系"筷箸"..."箸"系筷子嘅古称 细个时都听到人咁讲,而家就讲得比较少喽

itxu2k

http://news.xinhuanet.com/collection/2004-12/15/content_2336435.htm [唔知有冇可信性] 又据查考，把“箸”改称为“筷”，是广东人首创，为了取个好意头，广东人称“担杆”为“担润”，“通书”为“通胜”，“快”字头上加“竹”，既表达了快之意，又反映了用竹子造，相当恰当。国外一些筷子套，英文译名是chopsticks，意即“很快的棍子”，据说最早出自上海租界，这与广东人给筷子取名，十分相似，因此不能说英文完全译错。

顺德水蛇粥

睇完呢个贴，使我谂起细个嗰阵，我系筷”煮“路、莲花路、松风路玩“伏离离”嘅快乐时光。

阿松

itxu2k在2005-07-31 02:27:05說道：[br]我觉得系"筷箸"..."箸"系筷子嘅古称 细个时都听到人咁讲,而家就讲得比较少喽

應該唔會係“筷”同“箸”連埋一起用，我細嫲係順德人，就講成“筷煮”，係“筷子”的鄉下音。而且“煮”音係陰上（2聲），“箸”係陽去（6聲），不同聲調。細個嗰時，宴會上大人要開始吃都講“起筷”或“落箸”。閩南語/台語現在仍然講“箸”（du4）

顺德水蛇粥

读音唔同，箸：佛山音

itxu2k

阿松在2005-08-01 17:32:43說道：[br][quote]itxu2k在2005-07-31 02:27:05說道：[br]我觉得系"筷箸"..."箸"系筷子嘅古称 细个时都听到人咁讲,而家就讲得比较少喽

應該唔會係“筷”同“箸”連埋一起用，我細嫲係順德人，就講成“筷煮”，係“筷子”的鄉下音。而且“煮”音係陰上（2聲），“箸”係陽去（6聲），不同聲調。細個嗰時，宴會上大人要開始吃都講“起筷”或“落箸”。閩南語/台語現在仍然講“箸”（du4）[/quote] 粤语入面陽去（6聲）升成陰上（2聲）嘅例子太多喽,一啲都唔出奇... "讲话"[gong2waa6]相信绝大多数人都系读成[gong2waa2],但系"话"字本身系冇[waa2]音嘅,我哋要承认呢一点先 至于到底系"筷子"变音,定系"筷箸"升调,我系无本事考究咯 不过肇庆方言有个特色,升调用法相对比较少,而且阳去调同阴上调嘅差别非常明显,所以,我系好清楚噉听到"筷箸"......that is my point

highyun

itxu2k在2005-08-03 01:25:42說道：[br][quote]阿松在2005-08-01 17:32:43說道：[br][quote]itxu2k在2005-07-31 02:27:05說道：[br]我觉得系"筷箸"..."箸"系筷子嘅古称 细个时都听到人咁讲,而家就讲得比较少喽

應該唔會係“筷”同“箸”連埋一起用，我細嫲係順德人，就講成“筷煮”，係“筷子”的鄉下音。而且“煮”音係陰上（2聲），“箸”係陽去（6聲），不同聲調。細個嗰時，宴會上大人要開始吃都講“起筷”或“落箸”。閩南語/台語現在仍然講“箸”（du4）[/quote] 粤语入面陽去（6聲）升成陰上（2聲）嘅例子太多喽,一啲都唔出奇... "讲话"[gong2waa6]相信绝大多数人都系读成[gong2waa2],但系"话"字本身系冇[waa2]音嘅,我哋要承认呢一点先 至于到底系"筷子"变音,定系"筷箸"升调,我系无本事考究咯 不过肇庆方言有个特色,升调用法相对比较少,而且阳去调同阴上调嘅差别非常明显,所以,我系好清楚噉听到"筷箸"......that is my point [/quote] 绝对系“筷子”变音。本来以为呢个问题冇咩好争论架啦。 本身都有“筷子”呢样嘢，佛山话嘅规律又例将“子”读成“主”，既然系噉，重有咩好争啊？关“箸”咩事

顺德水蛇粥

响佛山我读“主”，响广州我读“子”