是否應另編本[九聲廣州音字典]?

gmchen838

九聲三入，是粵语廣州话之特色。为存持色，承傳優秀中華傳統文化，是否應編本有入聲的[九聲廣州音字典]？

嶺南散人

廣州話唔止九聲

penkyamp

音韵学上嘅调类并唔等同现代语音学上嘅调值。

音韵学只有平上去入四调类，边度来嘅九声？？？

现代语音学只有周口店河姆渡六调值，入音节唔属于呢六调值范畴。

普君南拆遷居民

六調九聲，所謂入聲，就係k、p、t結尾嘅音。粵語嘅陰入、中入、陽入，調值可以歸入隂平、陰去、陽去。因此六聲標調法完全足夠表示入聲。

penkyamp

原帖由 普君南拆遷居民 於 2008-9-13 14:42 發表 六調九聲，所謂入聲，就係k、p、t結尾嘅音。粵語嘅陰入、中入、陽入，調值可以歸入隂平、陰去、陽去。因此六聲標調法完全足夠表示入聲。

广州话现代其实系有第二声「口」读嘅入音节，同第四声「河」读入嘅音节。
总共有十一个所谓呢啲无必要嘅分调。

所以，重系应该按「调值」分成「周口店，河姆渡」，而唔好同「平上去入」四个「调类」有任何混淆。

普君南拆遷居民

原帖由 penkyamp 於 2008-9-13 16:20 發表 广州话现代其实系有第二声「口」读嘅入音节，同第四声「河」读入嘅音节。 总共有十一个所谓呢啲无必要嘅分调。所以，重系应该按「调值」分成「周口店，河姆渡」，而唔好同「平上去入」四个「调类」有任何混淆。 ...

 

「河」讀入嘅音節可否舉個例？

另外，如果要細分嘅，隂平都可以分兩個調：「洲周口店，河姆渡」。

penkyamp

「河调」读入音，当然只出现在粤字中。  我细个识得一个烂仔，好中意讲「碌葛」。 嗰个「葛」字就读「河」调。

你如果有鼻鼾，训到 geod-geod 声，第一个geod字系读河调，第二个读谐音「口」调。劏猪先系读「周」调嘅。

你加咗一个「周调平」放喺「周调降」后边，其实詌唔岩。 周调降嘅调位，与周调平系完全相同嘅。 一般规律来讲，每个周调嘅字，喺第个周调嘅字前，读周调平，喺单独情况下，语尾情况下（无第啲字跟后），喺除周调之外其它调字前，都应该读周调降。 但系，有例外。「花」字就系例外。 如果「花」系人姓，系「花费」，「画花咗」，重按平常规律读升降。 但系如果「花」系「植物生殖器官」嘅意思，通常几乎全部读周调平。而且重有一定嘅随意性，比如讲我可以将「花茶」个花读降，又可以读平。而且分男女粤港。 男兴降，女兴平；港兴平，粤兴降。 但系，因为呢个规律，对初学者来讲太难，我唔建议向佢地介绍，因为既然周调系一个统一嘅调位，历史亦表明周调系统一嘅，约定俗成嘅平降，实在无好大实用价值。


花心

下边一篇文, 着重围绕一个"花"字. 这个字在广州话里读阴平调, 因此就有了阴平平, 阴平降两种读法. 阴平降的表达, 在PENKYAMP音节后加^号就可以了. 我在这不仅这样, 而且将平读的花都染成蓝色, 降读的都染成绿色. 下面是我自己读出来的.

花^园入边有好多花. 个花盆入边呢啲系罂粟花同蝴蝶花.. 重有呢啲花, 我晒干整花^茶---茉莉花茶啵! 寻日搬屋, 啲大只佬唔负责, 结果 bònk 墙整花^咗, 电视机屏幕花^嗮, 部车都整花^咗! 重花^费咗唔少钱. 近排净系识得花^钱, 啲花销超过公司分花^红. 见到公司嗰个花司机, 花^ seo, 阿花^展雄, 阿花叔花苏联个仔呢! 着到花衫花^裤花 lïlök 咁, 都几花^ gâhbô^! 梗系最近又抠咗个lau妹. 其实女人呢都系水性杨花^ gê! 不过你同老世做嘢, 就唔好好似个花^和尚咁啦! 最近好想去鼓浪屿睇睇. 上次去, 哇, 嗰啲浪花一阵阵嘅, 好好似雪花^咁, 雪花一样嘅浪花^你见过未啊!


虽然这段话里, 凡是读降的花, 我很少读平, 凡是读平的, 我很少读降, 但是, 可见平降其实是没有语法规律的, 语义意义也十分微, 基本上不存在,语气意义也不多. 完全是约定俗成的. 证明耶鲁拼音将阴平这个本字调动误认为是平阴平和降阴平两个本字调是一种系统性错误.其实平阴平和降阴平不是不同的本字调, 而是同一个本字调的两种约定俗成的变换读法.


[ 本帖最後由 penkyamp 於 2008-9-14 03:52 編輯 ]

普君南拆遷居民

goet4 goet2聲嘅goet4的確係陽平入聲，以前都冇留意到添。

 

至於你貼出嚟篇例文，更為我提供一個好例子證明高平高降分得開嘅，以下係我嘅讀法：

 

花園入邊有好多花. 個花盆入邊呢啲系罌粟花同蝴蝶花.. 重有呢啲花, 我曬乾整花茶---茉莉花茶噃! 尋日搬屋, 啲大只佬唔負責, 結果埲牆整花^咗, 電視機屏幕花^嗮, 部車都整花^咗! 重花^費咗唔少錢. 近牌淨係識得花^錢, 啲花銷超過公司分花^紅. 見到公司嗰個花司機, 花^ Sir, 阿花^展雄, 阿花叔花蘇聯個仔呢! 著到花衫花^褲花 哩碌 噉, 都幾花^ 架噃! 梗係最近又溝咗個撈妹. 其實女人呢都係水性楊花嘅! 不過你同老世做嘢, 就唔好好似個花^和尚噉啦! 最近好想去鼓浪嶼睇睇. 上次去, 哇, 嗰啲浪花一陣陣嘅, 好好似雪花噉, 雪花一樣嘅浪花你見過未啊!

 

藍色表示高平，綠色表示高降，紅色表示本來讀高降，因為後面個字係隂平，所以轉讀成高平。

 

規律係有嘅：

當花作名詞，表示植物嘅生殖器官時，即係本意，或者表示形如flower嘅物體時（雪花、浪花），讀高平。

其它時候一般都係高降。

遇到後面有隂平字而讀高降另計。

水性楊花呢個詞比較特別，呢段話入面，佢係作為形容詞，所以讀高降。如果作為名詞時，係讀高平。

penkyamp

原帖由 普君南拆遷居民 於 2008-9-15 13:58 發表 goet4 goet2聲嘅goet4的確係陽平入聲，以前都冇留意到添。   至於你貼出嚟篇例文，更為我提供一個好例子證明高平高降分得開嘅，以下係我嘅讀法：   花園入邊有好多花. 個花盆入邊呢啲系罌粟花同蝴蝶花.. 重有呢啲 ...

呢种规则有一定嘅随意性，比如讲我可以将「花茶」个花读降，又可以读平。而且分男女粤港。 男兴降，女兴平；港兴平，粤兴降。 但系，因为呢个规律，对初学者来讲太难，我唔建议向佢地介绍，因为既然周调系一个统一嘅调位，历史亦表明周调系统一嘅，约定俗成嘅平降，实在无好大实用价 值。
完全系约定俗成或随意性嘅野，唔能够算系昭示任何「历史规律性」。 无论「植物生殖器官花」定系其他「花」，喺中古汉语到今日粤语都系阴平。孙悟空飞唔出如来佛五只手指， 认为呢种约定俗成嘅无「规律」嘅「规则」绀神圣，有乜用？？

嶺南散人

原帖由 普君南拆遷居民 於 2008-9-13 14:42 發表 六調九聲，所謂入聲，就係k、p、t結尾嘅音。粵語嘅陰入、中入、陽入，調值可以歸入隂平、陰去、陽去。因此六聲標調法完全足夠表示入聲。

入聲應該指短促之聲

penkyamp

原帖由 嶺南散人 於 2008-9-15 19:27 發表 入聲應該指短促之聲

梗唔系啦。 入音节可以用长元音做韵腹。

嶺南散人

原帖由 penkyamp 於 2008-9-15 19:31 發表 梗唔系啦。 入音节可以用长元音做韵腹。

按传统的说法，平声是平调，上声是升调，去声是降调，入声是短调，明朝释真空的【玉钥匙歌诀】曰:

「平声平道莫低昂,

上声高呼猛烈强,

去声分明哀远道,

入声短促急收藏。」

penkyamp

四调类，喺唔同时代，调值其实相差好大，所以完全系以「相对关系」而唔系「绝对独立形态」来定义嘅。
明朝本野基本上无用。

嶺南散人

原帖由 penkyamp 於 2008-9-15 19:52 發表 四调类，喺唔同时代，调值其实相差好大，所以完全系以「相对关系」而唔系「绝对独立形态」来定义嘅。明朝本野基本上无用。

四聲本身就係基於調值歸納出來嘅，唔同嘅時代可以根據當世嘅調值重新歸納出新四聲。明朝本嘢嘅用處就係指導僾幾何去歸納四聲。

penkyamp

原帖由 嶺南散人 於 2008-9-15 19:55 發表 四聲本身就係基於調值歸納出來嘅，唔同嘅時代可以根據當世嘅調值重新歸納出新四聲。明朝本嘢嘅用處就係指導僾幾何去歸納四聲。

詌你就违反中古调类喇。


归纳新类可以，但系唔能够称为「平上去入」，必须称为「周口店河姆渡」。