|
|
樓主 |
發表於 2008-8-28 13:00:18
|
顯示全部樓層
接触到国粤语教材, 从小学到成人都有. 我睇过所谓"粤语教材", 根本就唔系乜粤语教材, 而系一个畀旧时香港细路识汉字嘅现代汉语教材,
完全无任何拼音. 亦即系话, 粤语教材同国语教材嘅水平比, 差咗五十年左右. 呢个就系无拼音造成嘅系统性弊病. 我立志改革呢种粤语课本.
粤语喺我所在地好受政府尊重, 媒体亦做得好, 因为粤人重系华人嘅半边天. 但系粤语教材同课堂就无人报名. 四班人报名国语, 对一班人报名粤语,
而且报国语嘅人有鬼佬, 有大陆人, 有台湾人, 有竹星. 报粤语嘅人只有粤籍竹星, 无新来大陆人, 更无鬼佬.
而且学完国语班嘅人可以去参加汉语水平考试, 报完粤语班嘅人都唔知道学到啲乜.
粤语确实系当地"官方语言"之一, 当地系好多"官方语言". 但系如果成为咗一种无人学, 无人讲嘅"官方语言", 佢首先会被国语全盘取代.
粤语唔能够依赖专家喇. 第一件事情就系要参照国语课本, 搞出一本针对鬼佬, 竹星同北方人嘅, 以广东话拼音为主纲, 汉字为辅嘅课本.
呢件事先系最重要嘅. 有咗呢本课程, 第二步先系搞"粤语水平考试", 使粤语嘅价值同水平可以用得到社会承认嘅手法巩固为可投资嘅价值. 然后,
粤语先会同市场, 现代媒体同国际交流挂钩嘅.
------
希望粤协能够有人喺度协助教材规范化, 水平确认工作. 呢度基本上将当"官方语言". 地位系被确认嘅.
但系唔系每种语言都得到社区自身嘅系统化同, 支持. 传媒做得好现代, 但无人继续佢. 而家连港籍,
鬼佬都认为国语会成为呢度又一大外语, 亦即系功能上取代粤语嘅重要性. 所以我好担心. 希望协员能大家见见面, 分分工.
香港嗰度, 我认为唔好再讨好语言学会. 粤协需要成为一个年轻力量集结嘅地方. 亦就系话, 后生仔要喺学院入边多写粤语语言学嘅论文, 挑战前人水平. 咁我哋粤语嘅学术水平先会超越前人做嘅嘢而提高.
另外就系大陆. 虽然"政策"唔好遮. 但系我哋系无想到正确嘅方向去. 喺大陆, 同官讲话系发 NGAP 疯, 你要想下, 成个大陆, 民间需要嘅嘢, 而家百废待兴.
粤协面对嘅系一个真空, 而家大陆无乜"权威"阻住粤协唔畀我哋喺民间发展. 民间嘅发展系无限嘅. 而家大陆已经无咗意识形态.
虽然"推普"系个官僚做嘅政策, 却无人能够"批判"地方文化民间发展为"修正主义", "乜乜主义". 民间嘅发展潜力系无限嘅. 有国外撑住,
粤语唔会被普通话征服. 我哋嘅希望喺民间.
----------
请问而家你做审音, 系用边种拼音嘅呢? 审好咗之后注好嗮拼音之后嘅文件, 是否一个类似"两万汉字嘅 JYUTPING 注音"一样嘅文件呢? 如果而家有呢个文件嘅初稿, 可否告知下载地点, 或设一网上存点等我哋粤协几个有兴趣嘅人用呢?
另外, 审音工作中遇到嘅主要课题, 可否喺一个贴中全部连接收集起身, 等我哋知道审音工程嘅最重点喺边啲字上呢?
请你将"曰"字交畀我, 以后我哋可以喺本坛审音版多啲讨论其他课题.
有一个提议: 以后粤字, 粤音汉字审音, 必列此几佐证资料: 【唐韻】【廣韻】【正韻】【集韻】【韻會】... 总之, 凡系有声韵反切嘅中古材料, 释数攞来, 呢啲可以完全从康熙字典中攞到.
|
|
發表於 2008-8-28 12:48:44
發表於 2008-10-14 19:20:26