卢总教识嘢：廿四孝 之 埋儿奉母

卢总

 

　　我谂我应该就唔系一个孝子嘞，但就肯定系一个贤孙！因为我深明客家人所讲嘅「宁卖祖宗田，不卖祖宗言」嘅道理！我系唔会好似嗰啲奉「普通话」为「母语」嘅猪狗不如嘅禽兽畜牲噉样，自己做咗鱼民任人宰割都不突止，重要人哋跟埋佢做契弟，呢啲噉嘅禽兽畜牲，唔死都冇用！送去垃圾焚化炉烧都嫌唔够环保啊！

 

 

　　其实识唔识讲普通话冇乜相干，但系如果唔识讲自己嘅母语就系数典忘祖！乱认祖宗就更加系大逆不道！所以奉劝各位岭南同胞，学好、保护好你哋自己嘅语言、文化、传统、风俗习惯……呢啲都系你哋嘅祖先留畀你哋嘅宝藏，千祈唔好丢弃！

卢总

　　噉点先可以「学好」、「保护好」呢？噉我哋最好就从一啲传统开始做起。学习传统，有助于我哋更好噉认识世界、接触世界、分享世界！

　　开讲都有话：万恶淫为首，百行孝为先－－嗱，呢个「行」字要读「幸」嘅音，呢个音亦都系我哋嘅祖宗传落嚟畀我哋嘅，呢个「行」字系指「德行」噉解。讲到「孝」，我哋成日都会听到人哋讲：「你真系‘廿四孝’嘅唧！」噉咩系「廿四孝」呢？

 

　　「廿四孝」源自一本书——元代郭居敬嘅《二十四孝》。呢本书系民间流传甚广嘅儿童启蒙读物，内容为自上古至唐宋二十四个孝亲嘅故事。佢将虞舜、汉文帝、曾参、闵损、仲由、董永、郯子、江革、陆绩、吴猛、王祥、郭巨、杨香、朱寿昌、庾黔娄、老莱子、蔡顺、黄香、姜诗、王褒、丁兰、孟宗、唐夫人、黄庭坚等廿四个人极尽孝道嘅典型人物嘅古仔集结成书，序而诗之，用训童蒙。随后，有人为之序诗、作图，刊行多种版本——例如系《二十四孝图诗》、《女二十四孝图》等，流传甚广。喺传统嘅木雕、砖雕同刺绣上，经常会见到呢类题材嘅作品——各位可以喺参观我哋岭南传统古旧建筑嘅时候发现好多有关「廿四孝」嘅艺术作品。

卢总

　　汉郭巨，家贫。有子三岁，母尝减食与之。巨谓妻曰：「贫乏不能供母，子又分母之食，盍埋此子？儿可再有，母不可复得。」妻不敢违。巨遂掘坑三尺余，忽见黄金一釜，上云：「天赐孝子郭巨，官不得取，民不得夺。」

卢总

 

http://general-lo.blogcn.com/diary,18792076.shtml

卢总

　　郭巨，晋代隆虑（今河南安阳林州）人，一说系河内温县（今河南温县西南）人，原本家道颇殷实。父亲死后，佢将家产分作两份，畀咗两个细佬，自己独取母亲供养，对母亲极为孝顺。后来家境就逐渐贫困，老婆生咗个仔，郭巨阿妈非常痛爱呢个孙，自己有得食都唔舍得食，系都要将仅有嘅食物留返畀个孙食。郭巨因此深感不安，佢好担心因为要养呢个仔，从而影响供养自己母亲，就同老婆商议：「我哋而家已经穷到几乎无法供养母亲，个仔又分阿妈啲嘢食，不如埋咗个仔，悭返啲粮食嚟供养阿妈啦。个仔冇咗我哋可以再生过，但系阿妈死咗就冇得返生。」佢老婆虽然系好唔情愿，但都唔敢逆个老公嘅意思。当佢哋挖坑嘅时候，喺地下两尺嘅地方忽然发现一釜黄金，上面写住「天赐郭巨，官不得取，民不得夺」。夫妻得到黄金，返屋企孝敬母亲，并且得以兼养埋个仔。从此，郭巨唔单止过上咗好日子，而且「孝顺」嘅美名亦传遍天下。

 

　　「埋儿奉母」又名「为母埋儿」、「郭巨埋儿」——呢个故事喺东晋干宝所著嘅《搜神记》，以及宋代嘅《太平广记》、元代郭居敬嘅《二十四孝》、明代嘉靖时期嘅《彰德府志》等书中均有记载。

卢总

【后人诗赞曰】：郭巨思供给，埋儿愿母存。黄金天所赐，光彩照寒门。

卢总

〖卢总有嘢讲〗：

 

　　郭巨如果真系埋咗自己个仔嘅话，可能会导致「激死老母揾山拜」——唔知佢有冇谂过呢？

卢总

　　想睇埋其余嗰二十三孝／廿三条？

 

　　请高抬贵手，稍移玉步，移驾前往《卢总教识嘢：廿四孝》

　　http://general-lo.blogcn.com/diary,18792076.shtml