論壇多咗火藥味

gboss

　　今年論壇重開以嚟，見到粵協嘅會員逐漸增多，本嚟係件好開心嘅事。作為一個粵協嘅老會員，亦好希望睇住粵協繼續壯大，將我哋嘅南粵文化更好噉傳承落去。

　　以前發一張貼放好耐都等唔到一個人回帖，而家一下子就有好多人回。本嚟一個好嘅學術環境就應該系噉，不過個人覺得如今嘅粵協的確多咗好多火藥味，隨便一個人講咗一句無心嘅戲話，可能就引嚟連串漫罵，我承認講一句話冇可能照顧到好多人嘅意見同感受，亦知道唔係每個人嘅心理承受能力都咁好，但口角可以解決咩問題呢？

　　我嚟粵協嘅論壇，本嚟就因為粵協嘅氣氛相對「和諧」，接觸過幾個論壇嘅管理員，知道佢哋真系用自己私人時間同金錢去打造我哋今日見到嘅呢個平臺嘅，但而家見到好多排外嘅貼，甚至粵人互相對罵嘅貼，我唔知佢哋見到有咩感受。不過之前去嘅一啲論壇，就親眼見到粵人同外地人互相對罵，好多人相繼被封ID，搞到好多用戶就此告別呢個論壇，我唔想見到粵協有呢日。

　　希望大家講說話嘅時候照顧吓人哋感受，之前如果得失過邊個，喺度講聲唔好意思！

[ 本帖最後由 gboss 於 2008-8-22 13:19 編輯 ]

余OK

　　心事浩渺連廣宇，於無聲處聽驚雷。

外外星人

色即系空，空即系色。火由心生，相随心转。

gboss

原帖由 余OK 於 2008-8-23 21:26 發表 　　心事浩渺連廣宇，於無聲處聽驚雷。

 

詩亦云：

 

　　睡眠是甜蜜的，成為頑石更幸福；
　　只要世上還有罪惡與恥辱，
　　不見不聞，無知無覺，于我是最大的快樂；
　　不要驚醒我啊！請講得輕些。

张打油

子曰「君子和而不同」，惟守求同存异之基本原则，方可戮力同心，共谋传承岭南文化之大计也。

唔三唔四蠢魚

火药係中国四大发明，我地弘扬紧中国文明啫。

思覺失調

唔啱嘴形自動收聲..一隻手掌係拍唔響嘅..

 

呢個世界,有樣嘢叫做--嘥氣!

gboss

原帖由 思覺失調 於 2008-8-28 16:59 發表 唔啱嘴形自動收聲..一隻手掌係拍唔響嘅..   呢個世界,有樣嘢叫做--嘥氣!

 

冇錯，你歸納得真係精确，講咁多廢話都不及你兩個字，你实在太有才喇！

不关云和月

观点唔同就各有自表达唧，弊就弊在有啲人钟意自动申请攞闹，咁无计嗰噃，佢哋咁主动，我哋有所行动唔觉得有咩问题。至于摆事实又唔够人讲嗰啲，收声就必然啦。

小薏

        变化系持续发展0既必然结果,虽然系学术论坛,但呢个世界无咩世外桃园,睇下你抱住咩心态去迎接呢D变化所带来0既冲击.