廣州學生網

cingsan

呢度有冇後生仔上呢？？上高有好多用口語嚟寫嘅小說喔，雖然冇咩大水平，我估計係中學生寫嘅…我偶爾上去「目及」吓…哈哈，幾好玩！！事實証明，我！同九十後、係冇代溝嘅！！

newkid

网址係？、、、

思覺失調

高中嗰時都會上下嘅,

但係而家覺得..嗰個論壇來來去去都係話邊個靚仔,邊個校花.又邊個明星.
又話我條仔點點點,我條女如何如何..
然後又鬧下啲老師過下癮.

膚淺.. 無聊 ..

你話嗰啲"小說"唔知係咪我見到嗰啲火星文嘞...好鬼攞命

凈係睇題目就冇興趣.全部都係班學生喺度發春夢.

monfan

你所讲网站，绝对系广州火星文/脑残体 胜地。

 

不过都会有人（上网站嘅学生）唔钟意呢种成文嘅中文使用。

 

不过系少数啰，好多倾偈，吹水，发帖，回帖都系用嗰啲文字，我都系由于呢个原因，所以先唔上

cingsan

你哋0甘抗拒，點同啲細路溝通吖？？嗰啲行為，我完全理解到，鐘意威，晒命！自己都做過學生，明解！等佢哋大咗咪唔會咯…我覺得佢哋鐘意火星文係覺得另類、與眾不同…有個性。佢哋寫啲嘢唔淨係打架吖、浮吖、媾女/仔吖……重有家庭方面嘅，可能係縮影！！同現實九十後狀況相似…

cingsan

原帖由 newkid 於 2008-8-15 17:18 發表 网址係？、、、

你搜索喇，我冇存到，因為我都好少上…

xiss

原帖由 cingsan 於 2008-8-15 17:10 發表 呢度有冇後生仔上呢？？上高有好多用口語嚟寫嘅小說喔，雖然冇咩大水平，我估計係中學生寫嘅…我偶爾上去「目及」吓…哈哈，幾好玩！！事實証明，我！同九十後、係冇代溝嘅！！ ...

我就係嗰道嘅老顧客！

cingsan

原帖由 xiss 於 2008-8-15 19:07 發表 我就係嗰道嘅老顧客！

之前聽你講過。。。

xiss

原帖由 cingsan 於 2008-8-15 20:42 發表 之前聽你講過。。。

噉你既然問開，咪講多次囖。

思覺失調

你哋講開...我上去<目及>咗下...

發現...成個論壇最吸引我嘅依然係廣州本地鬼故....

可惜....啲鬼故來來去去都重係嗰幾個..
[ 本帖最後由 思覺失調 於 2008-8-16 14:31 編輯 ]