地名點翻譯好?[轉帖]

Kathy

地名通常以音譯為主，不過也有採用意譯，例如︰ oxford︰牛津 cape of good hope︰好望角 有些地方譯名音、意並重，例如︰ cambridge︰「劍」(音譯)「橋」(意譯) 地方譯名一般不會隨意改變，不過也有例外︰ new zealand︰新西蘭/紐西蘭 一些地方譯名十分精彩，例如︰ - 美國加州南部一個國家公園yosemeti譯作「幽山美地」，音近之餘用字漂亮。 - 詩人徐志摩利用意大利文的發音firenze，將意大利名城florence(佛羅倫斯)譯為「翡冷翠」，晶瑩冷艷。 - 有人將uc berkeley(加州柏克萊大學)譯成「不可來」，並作了一句標語︰「不可來，不可不來」，大玩文字學。 摘自 網上中文一分鐘..

余OK

凡係外國地名、人名，中文譯名多數用粵語嚟讀更接近外國發音，用普語發音有啲簡直就不文不類。因為粵語比普語多咗好多語音音素，可以更準確譯音，而且粵語譯法又唔好似普語噉經常將弱化音都譯埋出嚟，感覺舒服好多。舉幾個例子：溫哥華、三藩市、阿仙奴、碧咸，等等重有好多。。。

desmond

噉呢幾個譯名嘅對應普通話譯名係乜嘢呢？

highyun

溫哥華同三藩市据我所知系完全一样，阿仙奴系“阿森纳”， 碧咸系“贝克汉姆”，呢个真系核凸嘅经典啊。

余OK

三藩市普語譯作：聖弗朗西斯科，又叫舊金山。。。

desmond

余ok在2005-06-29 17:57:37說道：[br]三藩市普語譯作：聖弗朗西斯科，又叫舊金山。。。

吓？叫聖弗朗西斯科？乜咁鬼死長嘅。噉呢個譯名究竟有冇用咖。

highyun

旧金山唔系普通话嘅称呼，应该系广东人叫起先嘅，而聖弗朗西斯科呢个名曾经喺中学地理书度见过，不过而家冇咩人用。而家绝对多数人讲“三藩市”

余OK

“聖弗朗西斯科（舊金山）”，中國版嘅地圖都係噉標，新版地圖唔知係咪呢，超級難忍受呢啲音譯地名。類似嘅有：符拉迪沃斯托克（海參崴），火奴魯魯（檀香山）。。。

Kathy

嘩.........咁大陸讀地理科個d 人咪好慘?????????咁長點記...

highyun

读地理主要都唔系记呢啲嘢，系学其他地理知识