「這」字你讀第幾聲？

南汉

如題。

各本字典收音不一。東莞話這個字的發音接近書面發音。

前朝9年出版的《粵音檢字法》紀第5聲。

這讀第3聲應該是前清（分韻）流行的讀音，保留在東莞話這類方言中。

[ 本帖最後由 南汉 於 2008-8-13 15:04 編輯 ]

desmond

讀 ze2

普君南拆遷居民

ze2 ze5都得，平時口語我會更傾向用ze2。

中二仔

有咩時候會讀陽上聲?

dada

我從未聽過「這」讀ze2。我讀ze5﹐《電腦用漢字粵語拼音表》認為係「最可接受的讀音」。

平時都冇機會用「呢」個字﹐所以我唔明上便書面同口語嘅分別。

中二仔

「這」本字係「者」,應該係讀返陰上.

我反而從來無聽過人讀陽上.

 

諗返我聽過人讀陽上,只係得一次.

就係張敬軒首酷愛,不過都係因為就返旋律先讀成陽上.

 

[ 本帖最後由 中二仔 於 2008-7-5 15:37 編輯 ]

dada

原帖由 中二仔 於 2008-7-5 15:34 發表 「這」本字係「者」,應該係讀返陰上.

冇錯﹐「這」本來應該係「者」。不過﹐今日讀唔讀陰上係另一件事。既然兩個字已經分工﹐唔好再用「者」嚟正「這」個音。國語/普通話都唔同音。

中二仔

原帖由 dada 於 2008-7-5 16:36 發表 冇錯﹐「這」本來應該係「者」。不過﹐今日讀唔讀陰上係另一件事。既然兩個字已經分工﹐唔好再用「者」嚟正「這」個音。國語/普通話都唔同音。 ...

我唔係用「者」來正「這」嘅音,不過係話你知「這」字本來都係「者」音

highyun

「這」，平時用口嚟照讀書文嘅內容，會讀ze2，但唱歌嘅時候，時時會根據選律唱成ze5音，否則唔協音。

南汉

東莞話讀陰去，與「借」同音。《英華分韻》只收陰去這個讀音。我還沒有查過正本《分韻》，不敢確定。黃錫淩的《韻彙》就上述三個讀音都收錄。

tonybean

我手頭上得《廣州話正音字典》，收錄陰去同陽上（陽上係又讀音）

一般廣州人都讀dze5，好少聽到dze2，更少聽過dze3

 

以下一段話摘自張洪年《21世纪的香港粤语：一个新语音系统的形成》：

阴上阳上的分别，似乎开始有消失的倾向。枉往、想上、鄙蜱、写社、齿耻．这些高升和低升
的对立．现在年轻人有一些已分不开来，一律读高升。假如这情形发展下去．香港粤语可能只
剩下八类五调。

中二仔

原帖由 tonybean 於 2008-7-6 09:39 發表

以下一段話摘自張洪年《21世纪的香港粤语：一个新语音系统的形成》：

阴上阳上的分别，似乎开始有消失的倾向。枉往、想上、鄙蜱、写社、齿耻．这些高升和低升
的对立．现在年轻人有一些已分不开来，一律读高升。假如这情形发展下去．香港粤语可能只
剩下八类五调。

我完全唔覺喎.....

我從來都唔覺有人會分唔清陰上同陽上囉..............

tonybean

原帖由 中二仔 於 2008-7-6 13:21 發表 我完全唔覺喎..... 我從來都唔覺有人會分唔清陰上同陽上囉..............

我都唔係好覺，不過有某啲字會聽起嚟兩個聲調都可以接受

嶺南散人

tse3

普君南拆遷居民

陰上音值係35，陽上音值係13，都係相對音高，所以係某啲情形下，呢兩個調係唔好分嘅。

禾苗小昭

這（ze2）個

這（ze5）裡

2個聲的用處都多