禽流感同你Say hi，唔畀活鸡 Over night

gboss

图/文：G肉佬

　　中国人有一句话，叫：「无鸡不成宴」。即使唔系逢年过节，鸡都系饭台上嘅常客，但近年「禽流感」肆虐，香港人一系冇鸡食，一系有鸡唔敢食。香港政府为避免禽流感再次爆发，规定唔畀活鸡过夜，导致出现市民争相抢购鸡嘅现像。市民如果想食鸡，唯有「手快有，手慢冇」，因为生意受影响，鸡农同鸡贩都叫苦连天。不过我谂最惨嘅，系嗰啲鸡，死喺五脏庙就话死得光荣啫，死于流感就要遗臭万年喇，而且重系一只有病，株连「九族」。不过话时话，唔畀活鸡over night就真系解决到问题了咩？

我阿媽個女

首先，我覺得呢個標題冇得頂~~~~

 

言歸正傳，唔講又講講開又講吖，我記得禽流感都已經好耐噶啦喔，真係仲未有根治嘅方法咩~？

外外星人

你睇下人几高级先得咖！梗系冇得顶啦！

 

使乜根治嗟？细个嗰阵，成日都食发瘟鸡啦！唔发瘟都冇得劏嚟食啊！

cingsan

原帖由 外外星人 於 2008-7-4 09:50 發表 你睇下人几高级先得咖！梗系冇得顶啦！ 使乜根治嗟？细个嗰阵，成日都食发瘟鸡啦！唔发瘟都冇得劏嚟食啊！

0敢你就日日望啲雞發瘟囉噃？？？ [ 本帖最後由 cingsan 於 2008-7-4 10:44 編輯 ]

外外星人

噉又唔系，过年都有鸡食嘅

cingsan

得閒去喫湛江雞…

外外星人

你请？

cingsan

我開聲…當然我請喇！！莫講話食雞，叫雞都冇問題…

我阿媽個女

原帖由 cingsan 於 2008-7-4 11:14 發表 我開聲…當然我請喇！！莫講話食雞，叫雞都冇問題…

 

又大隻廣……

外外星人

我都系好怕纸扎下「爬」。

余OK

　　豬肉佬啲出品拍得住某報嘅白話漫畫配文字專欄，可以考慮有多啲出品，為粵協賺返啲稿酬。

gboss

原帖由 余OK 於 2008-7-8 11:19 發表 　　豬肉佬啲出品拍得住某報嘅白話漫畫配文字專欄，可以考慮有多啲出品，為粵協賺返啲稿酬。

多谢，希望继续留意我嘅作品。 [ 本帖最後由 gboss 於 2008-7-8 22:05 編輯 ]

highyun

呢篇經已幫你投咗稿，希望會有出街之日。G肉佬繼續努力啦。

gboss

原帖由 highyun 於 2008-7-8 22:19 發表 呢篇經已幫你投咗稿，希望會有出街之日。G肉佬繼續努力啦。

 

咁快？我都未有心理准备，不过都唔该晒你先。