何謂延世,累世?!

中二仔

得閒翻一翻<廣東俗語考>,見到「延世」「累世」,小弟都未聽過.

有無前輩高人解釋一下?

或者大家平日有無講,常唔常講?

外外星人

謂人折墮曰延世。
謂人折墮曰延世。言其人延長不死須受此折磨也。又負累人曰累世。生曰出世。死曰去世。

中二仔

就係要解釋一下.....

 

而且最重要係,今時今日有無人講?

殺人王

此種咁古典嘅講法今時今日物應該都冇咩人講。at least我未聽過

xiss

唔知係唔係現代人所講嘅「獻世」呢？

僆仔

原帖由 殺人王 於 2008-6-24 18:08 發表 此種咁古典嘅講法今時今日物應該都冇咩人講。at least我未聽過

因為咿傢啲后生仔生性咗，無激嬲嗰老母啫。

中二仔

原帖由 xiss 於 2008-6-25 10:53 發表 唔知係唔係現代人所講嘅「獻世」呢？

感覺上就直情係~

 

而結論就係:已經無人講

 

多謝各位,我已經得到我要嘅答案.

殺人王

「累世」一詞國語詞典都有

 

連續好幾代。荀子˙榮辱：「又欲夫餘財蓄積之富也，然而窮年累世，不知不足，是人之情也。」三國演義˙第十一回：「昔孔子曾問禮於老子，融與君豈非累世通家？」

 

http://dict.revised.moe.edu.tw/cgi-bin/newDict/dict.sh?cond=%B2%D6%A5@&pieceLen=50&fld=1&cat=&ukey=607142440&serial=1&recNo=0&op=f&imgFont=1

中二仔

原帖由 殺人王 於 2008-6-25 12:27 發表 「累世」一詞國語詞典都有   連續好幾代。荀子˙榮辱：「又欲夫餘財蓄積之富也，然而窮年累世，不知不足，是人之情也。」三國演義˙第十一回：「昔孔子曾問禮於老子，融與君豈非累世通家？」   http://dict.revised.moe. ...

呢個意思係「連續好幾代」

 

不過我心目中嘅累世係「拖累」個累,唔知你有無呢個感覺?

殺人王

原帖由 中二仔 於 2008-6-25 01:30 PM 發表 呢個意思係「連續好幾代」   不過我心目中嘅累世係「拖累」個累,唔知你有無呢個感覺?

或者百幾年前會咁講啩，但係到而家，真係好少聽到喇。就算以前係講「累世」係「拖累」嘅意思，但係到而家隨著時代嘅變遷好多古典嘅講法逐漸消失。

xiss

原帖由 中二仔 於 2008-6-25 12:24 發表 感覺上就直情係~   而結論就係:已經無人講   多謝各位,我已經得到我要嘅答案.

咩冇講啊，廣州人成日都講啦。

好似我哋如果趕人走，時時會講：「你重唔走唔通留喺道獻世啊？」

中二仔

原帖由 xiss 於 2008-6-25 14:00 發表 咩冇講啊，廣州人成日都講啦。好似我哋如果趕人走，時時會講：「你重唔走唔通留喺道獻世啊？」

我唔係指「獻世」,我係話「延世」同「累世」

贏旺生

廣東俗語考釋天時篇，謂人折墮曰延世，會唔會係我哋成日講嘅「前世」呢？一見人折墮就話「前世」囉﹗