嗰啲「一個九毫」嘅日子

gboss

　　喺嗰個鋪滿塵嘅書架上面，我攞出咗一本「七龍珠」嘅漫畫，已經唔係記得好清楚到底係邊年邊月買嘎喇。雖然表面重幾新凈，但里面啲紙張都已經泛黃。
　　書脊上標住「海南攝影美術出版社」，皆因當年翻版書猖獗，買書望書脊已經係指定動作。呢個出版社，伴隨住我哋由童年過度到少年，后嚟漸漸退出歷史舞臺，完成佢對我哋呢代人嘅歷史使命。再望望封底右下角，「每集1.90元」嘅字樣赫然入目。
　　喺好長一段時間里面，「七龍珠」、「女神的圣斗士」都係必追嘅漫畫（雖然內地嘅書名譯得有啲老套），嗰時書報攤嘅阿嬸就好似比老師重親切嘅人噉，有時等成個星期都唔見出新書，心急就會去問佢幾時有得賣，當然，一有新書到就掉低兩蚊，攞住本書連錢都唔記得問人找就跑喇，諗住快啲返屋企睇啊嘛！然后呢，次次都係畀人叫返轉頭攞返嗰一毫紙。
　　喺嗰時，同學仔、朋友仔談論嘅嘢幾乎都係一樣嘅，咩動畫片好睇啦，邊個有好睇嘅漫畫啦，漫（動）畫里面嘅劇情啦，啲閃卡炒到幾錢張啦，放學去邊玩捉衣因啦，就連女生，好似對呢啲都有興趣（嗰時內地好似重未有咩少年漫畫、少女漫畫嘅概念）。至于學習上面嘅，我諗多數係講吓邊個叻啲就囉邊個嘅筆記同作業抄之類……
　　得到再大啲先知道，原嚟人係咁多分歧嘅，就攞運動嚟講吖，有人鐘意田徑，有人鐘意足球，有人鐘意籃球，有人鐘意羽毛球。漫畫呢，原嚟都唔係個個會買嚟睇個喔，而且個個品味都唔一樣，同啲唔啱key嘅人講漫畫，會覺得佢九唔搭八。我覺得我哋好似班一齊起巴比倫塔嘅人，畀上帝擾亂晒共同語言。嗰種感覺，好討厭。
　　而家，如果你啱啱想同人討論琴晚某出肥皂劇嘅內容，你嘅朋友或者同事可能會同你講：我都唔睇電視嘅！又或者講琴晚我出咗街之類。然后當嗰個答你嘅人同另外一個人講：有冇聽過阿邊個首新歌啊？另一個人又會答佢：我都唔鐘意阿邊個啲歌個喔，佢啲歌都好聽嘅咩？然后，喺呢幾個講嘢嘅人周圍，都彌漫住一種尷尬嘅氣氛。
　　望住嗰啲「一個九毫」嘅漫畫書，我諗起咗好多嘢。哈，人真係奇怪，以往嘅記憶本嚟都有好多係傷心嘅事，但回想過嚟，每件事都覺得好有趣。每個片段，都整整齊齊擺喺我腦里面，就好似一本本「一個九毫」嘅漫畫書整整齊齊擺喺書柜噉……

卢总

　　喺嗰個鋪滿塵嘅書架上面，我攞出咗一本「七龍珠」嘅漫畫，已經唔係記得好清楚到底係邊年邊月買嘎喇。雖然表面重幾新凈，但里面啲紙張都已經泛黃。
　　書脊上標住「海南攝影美術出版社」，皆因當年翻版書猖獗，買書望書脊已經係指定動作。呢個出版社，伴隨住我哋由童年過度到少年，后嚟漸漸退出歷史舞臺，完成佢對我哋呢代人嘅歷史使命。再望望封底右下角，「每集1.90元」嘅字樣赫然入目。
　　喺好長一段時間里面，「七龍珠」、「女神的圣斗士」都係必追嘅漫畫（雖然內地嘅書名譯得有啲老套），嗰時書報攤嘅阿嬸就好似比老師重親切嘅人噉，有時等成個星期都唔見出新書，心急就會去問佢幾時有得賣，當然，一有新書到就掉低兩文，攞住本書連錢都唔記得問人找就跑喇，諗住快啲返屋企睇吖嘛！然后呢，次次都係畀人叫返轉頭攞返嗰一毫紙。
　　喺嗰時，同學仔、朋友仔談論嘅嘢幾乎都係一樣嘅，咩動畫片好睇啦，邊個有好睇嘅漫畫啦，漫（動）畫里面嘅劇情啦，啲閃卡炒到幾錢張啦，放學去邊玩捉伊人啦，就連女生，好似對呢啲都有興趣（嗰時內地好似重未有咩少年漫畫、少女漫畫嘅概念）。至于學習上面嘅，我諗多數係講吓邊個叻啲就攞邊個嘅筆記同作業抄之類……
　　得到再大啲先知道，原嚟人係咁多分歧嘅，就攞運動嚟講吖，有人鍾意田徑，有人鍾意足球，有人鍾意籃球，有人鍾意羽毛球。漫畫呢，原嚟都唔係個個會買嚟睇個喔，而且個個品味都唔一樣，同啲唔啱key嘅人講漫畫，會覺得佢九唔搭八。我覺得我哋好似班一齊起巴比倫塔嘅人，畀上帝擾亂晒共同語言。嗰種感覺，好討厭。
　　而家，如果你啱啱想同人討論琴晚某出肥皂劇嘅內容，你嘅朋友或者同事可能會同你講：我都唔睇電視嘅！又或者講琴晚我出咗街之類。然后當嗰個答你嘅人同另外一個人講：有冇聽過阿邊個首新歌啊？另一個人又會答佢：我都唔鍾意阿邊個啲歌個喔，佢啲歌都好聽嘅咩？然后，喺呢幾個講嘢嘅人周圍，都彌漫住一種尷尬嘅氣氛。
　　望住嗰啲「一個九毫」嘅漫畫書，我諗起咗好多嘢。哈，人真係奇怪，以往嘅記憶本嚟都有好多係傷心嘅事，但回想過嚟，每件事都覺得好有趣。每個片段，都整整齊齊擺喺我腦里面，就好似一本本「一個九毫」嘅漫畫書整整齊齊擺喺書柜噉……

外外星人

 

思覺失調

寫得好好啊~~

 

支持啊支持！！

 

 

不過我唔睇漫畫嘅..