在我身邊嘅次按受害者
<P>哩幾日全球股市跌到啊媽都唔認得，所以有感而發，覺得要寫一下我身邊嘅美國樓市受害者。想唔到次按離我咁近。系我地學院，今個學期來左個新生，年紀都有返咁上下，原來系美國海軍嘅研究所工作，后來somehow就來左我地學院繼續讀書。最近系辦公室，無意中聽到距打電話係度講賣屋嘅事，后來打聽先發現原來距已經無力償還mortgage了，所以只能夠賣屋還債。其實如果樓市好都無所謂，但系而家美國樓市下跌，間屋就變左負資產，所以即使賣左間屋仲要差銀行錢。真系幾慘。后來聽人講，美國前幾年買屋，借錢好容易，好多人買屋連首期都系問銀行借嘅，咁樣個泡沫想唔大都難啦。而家如果唔撲曬街都無天理。炒樓個啲就系抵死，但系買樓自住個啲好似我同學咁就真系無陰功啰。其實lum返下，中國而家嘅樓市都幾似美國，各位要挨貴樓嘅朋友就只能夠自求多福，希望個樓市唔好lum了。</P><P> </P>
<P>講返個股市啦，中國啲銀行話次按可以獨善其身，我就唔系好信了，中銀成80億美金次按先撇帳3億唔夠，話距個啲系AAA級喔，好有保證，但系lum下我同學，當年買屋個時話曬都系軍方嘅，按揭評級起碼都AAA啦掛，而家一樣仆街，所以我lum中銀個80億都系凍過水。仲有中國咁多外匯，咁都要投資嘎，除左買美國國債之外，點可能無叫啲大行來幫手投資下，如花旗，美林。而哩兩間系次按里面虧到連底褲都要當埋，中國點可能唔lai嘢。所以如果有買股票嘅朋友就唔好掂中國啲金融股啦。</P> <P>真系<U>大檸樂</U>咯 ! 今朝一早啲外文報章就以" <STRONG><FONT color=red>BEAR</FONT> ATTACK</STRONG> " (熊市襲擊),造標題，奉勸各位快快離場罷啦！</P>
頁:
[1]