２００８年１月１７号《南方都市报》

卢总發表於 2008-1-18 03:03:03

7·35　奢与俭
　　栋笃论语·述而第七　　 　　 　　□子野专栏　　 　　 　　【原文】子曰：「奢则不孙，俭则固。与其不孙也，宁固。」 　　【译文】孙，通「逊」，谦逊嘅意思；固，书面解释系「固陋」，见闻少、不知变通噉解。 　　孔子话：「奢侈会令人骄纵，悭俭会令人固陋。与其骄纵，不如固陋。」 　　【栋笃】做一个心理测验先：一见到「宝马」呢两个字，你首先会谂起「好马」定系「名车」？答案系「名车」嘅人，跟住又会联想到乜嘢呢？我够胆估下：一见到「宝马」两个字，绝大部分人嘅第一感觉就系「名车」；跟住，又有绝大部分人，个脑里边会浮起「撞人」呢两个字。喺百度上边输入「宝马　撞人」，可以揾到相关网页，高达约263，000篇，再试下第啲车，相关网页，比「宝马」都少咗好多。 　　点解会噉？唔通宝马嘅性能差，容易出事？梗系唔系喇。如果将所有嘅车祸统计下，宝马撞人嘅概率，肯定系偏小口架。「宝马撞人」有咁大嘅新闻效应，最主要嘅原因，系撞咗人之后，车主嘅表现，一般离唔开「霸道」、「蛮横」、「以势压人」呢啲贬义词。相信大家仲记得，04年嗰单轰动全国嘅「哈尔滨宝马撞人案」，就系最典型嘅案例。所以，网民心中都有一个疑问：「点解次次都系宝马？」 　　其实，孔Sir已经讲咗喇：奢则不逊。骄奢淫逸嘅人，好难保持谦虚、平和嘅心态，揸到宝马，就觉得路系自己嘅，边个「穷鬼」够胆阻住我，撞死白撞。话网民有仇富心态，真系噉嘅话，好大部分，都系啲「为富不仁」嘅人引起口架。 　　相对过分奢侈嘅生活，孤寒嘅人，就容易导致见识少、固执、唔知变通。因为佢哋唔舍得出去使钱，成日守住自己嘅屋企、自己嘅财产，自然就会固执己见、与世隔绝。噉样嘅生活态度，都系唔得口架。 　　但系，古语有讲喇，「两害相权取其轻」。「奢」嘅人，佢嘅「不逊」，会害人；「俭」嘅人，佢嘅「固」，害嘅主要系自己——害人同埋害己，梗系「害人」嘅社会危害性大啲喇。所以孔Sir话：「与其不孙也，宁固。」认真有理。
 
　　(插图：老饼)　　 　　 　　　　 　　图： 　　仲唔死开！未见过宝马呀？　　 　　 　　「好马」？长相又确系几特别啵…… 
 
<A href="http://www.nanfangdaily.com.cn/southnews/dd/dsb/B12/200801170584.asp">http://www.nanfangdaily.com.cn/southnews/dd/dsb/B12/200801170584.asp</A>

卢总發表於 2008-1-18 03:06:44

【原文】子曰：「奢则不孙，俭则固。与其不孙也，宁固。」 　　【译文】孙，通「逊」，谦逊嘅意思；固，书面解释系「固陋」，见闻少、不知变通噉解。 　　孔子话：「奢侈会令人骄纵，悭俭会令人固陋。与其骄纵，不如固陋。」 　　【栋笃】做一个心理测验先：一见到「宝马」呢两个字，你首先会谂起「好马」定系「名车」？答案系「名车」嘅人，跟住又会联想到乜嘢呢？我够胆估下：一见到「宝马」两个字，绝大部分人嘅第一感觉就系「名车」；跟住，又有绝大部分人，个脑里边会浮起「撞人」呢两个字。喺百度上边输入「宝马　撞人」，可以揾到相关网页，高达约263，000篇，再试下第啲车，相关网页，比「宝马」都少咗好多。 　　点解会噉？唔通宝马嘅性能差，容易出事？梗系唔系啦。如果将所有嘅车祸统计下，宝马撞人嘅概率，肯定系偏小ロ架。「宝马撞人」有咁大嘅新闻效应，最主要嘅原因，系撞咗人之后，车主嘅表现，一般离唔开「霸道」、「蛮横」、「以势压人」呢啲贬义词。相信大家重记得，04年嗰单轰动全国嘅「哈尔滨宝马撞人案」，就系最典型嘅案例。所以，网民心中都有一个疑问：「点解次次都系宝马？」 　　其实，孔Sir已经讲咗喇：奢则不逊。骄奢淫逸嘅人，好难保持谦虚、平和嘅心态，揸到宝马，就觉得路系自己嘅，边个「穷鬼」够胆阻住我，撞死白撞。话网民有仇富心态，真系噉嘅话，好大部分，都系啲「为富不仁」嘅人引起ロ架。 　　相对过分奢侈嘅生活，孤寒嘅人，就容易导致见识少、固执、唔知变通。因为佢哋唔舍得出去使钱，成日守住自己嘅屋企、自己嘅财产，自然就会固执己见、与世隔绝。噉样嘅生活态度，都系唔得ロ架。 　　但系，古语有讲喇，「两害相权取其轻」。「奢」嘅人，佢嘅「不逊」，会害人；「俭」嘅人，佢嘅「固」，害嘅主要系自己——害人同埋害己，梗系「害人」嘅社会危害性大啲啦。所以孔Sir话：「与其不孙也，宁固。」认真有理。
 
　　(插图：老饼)　　 　　 　　　　 　　图： 　　重唔死开！未见过宝马呀？　　 　　 　　「好马」？长相又确系几特别噃……

卢总發表於 2008-1-18 03:08:28

娱乐圈风云之周润发　

港人讲嘢·黄子华栋笃笑　　 　　 　　□记录：莫夕　　 　　 　　所以我最鬼憎就系周润发，我觉得任何想做戏嘅男仔，要提防周润发呢个人。周润发好唔好戏啊我问大家？好，好戏，系呀，我都觉得佢好戏！噉我想问嘅，系咪喺一百套戏里面，周润发每一套戏都适合做，多过我适合做啊？ 　　周润发做过《监狱风云》，佢有冇坐过监啊？我衰衰哋都守过行为口架。嗰套叫做《英雄本色》，《英雄本色》要讲义气嘅嗰套戏啊，我话畀大家听，我都系一个好讲义气嘅人嚟嘅，不过呢套戏我服，周润发系适合做多过我，因为周润发着大褛系着得好睇过我…… 　　有本嘢叫做《资本杂志》，评阿周润发系咩呢？系80年代嘅经典产品啊，你知唔知去到90年代尾嘅时候啲人会点样评论阿周润发呢？到咗90年代尾，阿周润发除咗成为全香港最受欢迎嘅歌星之外呢，你扭开电视你就会见到啲人讲：「各位，今日周润发开始六个二，收市六个八，升咗六毫，系近来唯一唔受加息影响个蓝酬股。」周润发真系好成功啊依家！但系我想大家考虑一样嘢，你有冇谂过周润发系乜嘢人，周润发嚟自边度，有边个知啊？南丫岛，南丫岛系咩地方啊？南丫岛其实，系「外面人」啊，严格上嚟讲，周润发系半个外地劳工啊，我哋呢啲住喺红勘啊、黄浦啊、西湾河啊、铜锣湾，我哋先至系真正香港人吖嘛，我哋喺香港捱塞车，捱啲废气，畀黑社会盘嘅时候，周润发喺边啊？周润发喺南丫岛晒紧太阳，戳紧泥鯭啊，有为香港做过啲乜嘢啊？点解呢个时候，谭耀宗唔为我哋讲啲说话，「反对输入外地劳工！」噉但系唔紧要，OK，唔紧要。周润发，佢演技好，唔紧要，噉但系我哋依家有啲友仔叫做乜鬼王敏德啊，乜乜大维啊，嗰啲连广东话都唔识得点讲，嗰啲就连技术劳工都不如啦！ 
<A href="http://www.nanfangdaily.com.cn/southnews/dd/dsb/B12/200801170585.asp">http://www.nanfangdaily.com.cn/southnews/dd/dsb/B12/200801170585.asp</A>

卢总發表於 2008-1-18 03:21:28

所以我最鬼憎就系周润发，我觉得任何想做戏嘅男仔，要提防周润发呢个人。周润发好唔好戏啊我问大家？好，好戏，系呀，我都觉得佢好戏！噉我想问嘅，系咪喺一百套戏里面，周润发每一套戏都适合做，多过我适合做啊？ 　　周润发做过《监狱风云》，佢有冇坐过监啊？我衰衰哋都守过行为ロ架。嗰套叫做《英雄本色》，《英雄本色》要讲义气嘅嗰套戏啊，我话畀大家听，我都系一个好讲义气嘅人嚟嘅，不过呢套戏我服，周润发系适合做多过我，因为周润发着大褛系着得好睇过我…… 　　有本嘢叫做《资本杂志》，评阿周润发系咩呢？系80年代嘅经典产品啊，你知唔知去到90年代尾嘅时候啲人会点样评论阿周润发呢？到咗90年代尾，阿周润发除咗成为全香港最受欢迎嘅影星之外呢，你扭开电视你就会见到啲人讲：「各位，今日周润发开始六个二，收市六个八，升咗六毫，系近来唯一唔受加息影响嘅蓝筹股。」周润发真系好成功啊依家！但系我想大家考虑一样嘢，你有冇谂过周润发系乜嘢人，周润发嚟自边度，有边个知啊？南丫岛，南丫岛系咩地方啊？南丫岛其实，系「外面人」啊，严格上嚟讲，周润发系半个外地劳工啊，我哋呢啲住喺红勘啊、黄埔啊、西湾河啊、铜锣湾，我哋先至系真正香港人吖嘛，我哋喺香港捱塞车，捱啲废气，畀黑社会盘嘅时候，周润发喺边啊？周润发喺南丫岛晒紧太阳，「剒」紧泥鯭啊，有为香港做过啲乜嘢啊？点解呢个时候，谭耀宗唔为我哋讲啲说话：「反对输入外地劳工！」噉但系唔紧要，OK，唔紧要。周润发，佢演技好，唔紧要，噉但系我哋依家有啲友仔叫做乜鬼王敏德啊，乜乜大维啊，嗰啲连广东话都唔识得点讲，嗰啲就连技术劳工都不如啦！

卢总發表於 2008-1-18 03:22:23

良师似太阳，知己如星辰　

金曲寻味　　 　　 　　□曾锦燊　　 　　 　　全因身边的你将温暖／赠这普通人／曾经孤僻的我今温暖／学会爱他人／自知即将要分别／暗暗把你藏在心／亦知尽管会伤感／我也觉不枉这生…… 　　喺物质至上嘅商业社会，喺脚步匆匆嘅大都市，人与人之间嘅关系已变得愈来愈现实，关爱似乎亦变得日渐稀缺嘞。但我却系好好彩，有缘遇到一个恩人，喺我最彷徨无助之际，佢向我伸出咗一双温暖而有力嘅手。佢不愧为良师益友。 　　噉样一个赠我温暖，使我远离孤僻，指条明路畀我行嘅人，唔系大阳星辰系咩啊？但如今佢要离开嘞！「相识满天下，知心能几人？」失落同伤感一定有口架嘞。我能够做嘅，只能将你摆入心里面，好无奈。但亦好幸运：因为我已将你嘅教诲存入记忆里面——相信必会一生受用。但我更加希望嘅系，早日相逢，「如旧日并肩行」。 　　呢首脍炙人口嘅《太阳星辰》，系张学友嘅早期粤语歌曲。歌词看似率直夸张，却毫无做作，直抒胸臆。激情洋溢噉表白咗对友情嘅眷恋，对知遇之恩嘅感激之心。兼且佢音乐热烈、旋律奔放，尤其系起点睛作用嘅呢段，好感人：「太阳星辰／即使变灰暗／心中记忆／一生照我心／再无所求／只想我跟你／终于有天能重遇／又再共行。」 
 
<A href="http://www.nanfangdaily.com.cn/southnews/dd/dsb/B12/200801170586.asp">http://www.nanfangdaily.com.cn/southnews/dd/dsb/B12/200801170586.asp</A>

卢总發表於 2008-1-18 03:24:52

全因身边的你将温暖／赠这普通人／曾经孤僻的我今温暖／学会爱他人／自知即将要分别／暗暗把你藏在心／亦知尽管会伤感／我也觉不枉这生…… 　　喺物质至上嘅商业社会，喺脚步匆匆嘅大都市，人与人之间嘅关系已变得愈来愈现实，关爱似乎亦变得日渐稀缺嘞。但我却系好好彩，有缘遇到一个恩人，喺我最彷徨无助之际，佢向我伸出咗一双温暖而有力嘅手。佢不愧为良师益友。 　　噉样一个赠我温暖，使我远离孤僻，指条明路畀我行嘅人，唔系太阳星辰系咩啊？但如今佢要离开嘞！「相识满天下，知心能几人？」失落同伤感一定有ロ架嘞。我能够做嘅，只能将你摆入心里面，好无奈。但亦好幸运：因为我已将你嘅教诲存入记忆里面——相信必会一生受用。但我更加希望嘅系，早日相逢，「如旧日并肩行」。 　　呢首脍炙人口嘅《太阳星辰》，系张学友嘅早期粤语歌曲。歌词看似率直夸张，却毫无做作，直抒胸臆。激情洋溢噉表白咗对友情嘅眷恋，对知遇之恩嘅感激之心。兼且佢音乐热烈、旋律奔放，尤其系起点睛作用嘅呢段，好感人：「太阳星辰／即使变灰暗／心中记忆／一生照我心／再无所求／只想我跟你／终于有天能重遇／又再共行。」

卢总發表於 2008-1-18 03:26:30

广州播客第212期　

同声同气　　 　　 　　□阿展专栏　　 　　 　　1.甲：又环保，又方便，我话冇嘢好得过水草口架喇。(又环保，又方便，没什么比水草更好了。) 　　乙：鱼丝袋都几好口架，有几年好兴口架。(鱼丝袋都不错，有几年很时兴啊。) 　　甲：鱼丝袋用完又要洗返干净，点都冇咁方便嘅。水草用完就丢，又唔使钱，绑鱼又得，绑猪肉又得，以前乜嘢都系用水草之嘛，依家就净系卖蟹先用水草。(鱼丝袋用完又要洗干净，怎么说都没那么方便。水草用完就丢，又不用钱，绑鱼又行，绑猪肉又行，以前什么都是用水草，现在就只有卖蟹才用水草。) 　　乙：绑豆腐唔得嘞啩？(绑豆腐不行了吧？) 　　甲：买豆腐咪用碗装啰，你真是枕头木虱——包咬(拗)颈嚟嘅。(买豆腐当然用碗装啦，你就会抬杠。) 　　——小区里，一群街坊在议论禁止免费使用塑料袋的问题。 　　2.甲：唔系咁孭，调转头，挂喺胸前，两只手抱住。(不是这样背法，倒过来，挂在胸前，双手抱住。) 　　乙：不过呢个系背囊嚟嘅，梗系孭喺背脊先啱口架。(不过这个是背囊，当然是背在背上才对呀。) 　　甲：喺香港就系，总之呢度广州有广州嘅孭法啦。唔系一阵后面跟咗一班人，你就知错喇。(在香港就是，总之这里广州有广州的背法，要不，一会儿后面跟了一群人，你就知错了。) 　　乙：唔系啩，咁夸张？！(不是吧，这么夸张？) 　　——一个街坊与他的香港亲戚在酒楼吃完饭，收拾行李离开时提醒他背囊要挂在胸前比较安全。 
 
<A href="http://www.nanfangdaily.com.cn/southnews/dd/dsb/B12/200801170588.asp">http://www.nanfangdaily.com.cn/southnews/dd/dsb/B12/200801170588.asp</A>

卢总發表於 2008-1-18 03:30:44

1.甲：又环保，又方便，我话冇嘢好得过水草ロ架喇。(又环保，又方便，没什么比水草更好了。) 　　乙：鱼丝袋都几好ロ架，有几年好兴ロ架。(鱼丝袋都不错，有几年很时兴啊。) 　　甲：鱼丝袋用完又要洗返干净，点都冇咁方便嘅。水草用完就丢，又唔使钱，绑鱼又得，绑猪肉又得，以前乜嘢都系用水草之嘛，依家就净系卖蟹先用水草。(鱼丝袋用完又要洗干净，怎么说都没那么方便。水草用完就丢，又不用钱，绑鱼又行，绑猪肉又行，以前什么都是用水草，现在就只有卖蟹才用水草。) 　　乙：绑豆腐唔得嘞啩？(绑豆腐不行了吧？) 　　甲：买豆腐咪用碗装啰，你真系枕头木虱——包咬(詏)颈嚟嘅。(买豆腐当然用碗装啦，你就会抬杠。) 　　——小区里，一群街坊在议论禁止免费使用塑料袋的问题。 　　2.甲：唔系噉孭，调转头，挂喺胸前，两只手抱住。(不是这样背法，倒过来，挂在胸前，双手抱住。) 　　乙：不过呢个系背囊嚟嘅，梗系孭喺背脊先啱ロ架。(不过这个是背囊，当然是背在背上才对呀。) 　　甲：喺香港就系，总之呢度广州有广州嘅孭法啦。唔系一阵后面跟咗一班人，你就知错喇。(在香港就是，总之这里广州有广州的背法，要不，一会儿后面跟了一群人，你就知错了。) 　　乙：唔系啩，咁夸张？！(不是吧，这么夸张？) 　　——一个街坊与他的香港亲戚在酒楼吃完饭，收拾行李离开时提醒他背囊要挂在胸前比较安全。

卢总發表於 2008-1-18 03:32:36

问路篇(3)　

实用粤语　　 　　 　　□粤语协会专栏　　 　　 　　【情景】在某个场所找洗手间。 　　【用语】唔该，洗手间喺边度？(请问洗手间在哪里？)唔该边度有洗手间？(请问哪里有洗手间？) 　　【解释】上期讲的「点去」以及今期的「边度」是粤语两种主要的问路方式。例句第一句「边度」可以简化为「边」，而第二句就不可以，否则变成反问语气了。以后还会再谈「边」的用法。 
 
<A href="http://www.nanfangdaily.com.cn/southnews/dd/dsb/B12/200801170589.asp">http://www.nanfangdaily.com.cn/southnews/dd/dsb/B12/200801170589.asp</A>

卢总發表於 2008-1-18 03:36:29

【情景】在某个场所找洗手间。 　　【用语】唔该，洗手间喺边度？(请问洗手间在哪里？)唔该边度有洗手间？(请问哪里有洗手间？) 　　【解释】上期讲的「点去」以及今期的「边度」是粤语两种主要的问路方式。例句第一句「边度」可以简化为「边」，而第二句就不可以，否则变成反问语气了。以后还会再谈「边」的用法。［第二句嘅「边度」一样可以简化为「边」：唔该边有洗手间？呢个唔一定系反问句，要视乎讲嘢嘅时候嘅情景、前后，以及当事人嘅语气而定。］

卢总發表於 2008-1-18 03:40:27

辨音&出马　

有问必答　　 　　 　　□粤语协会专栏　　 　　 　　问：我最近边听粤语歌边记录歌词，发现「心、身、声、生、神」这几个字很难分得清，如何区别呢？ 　　答：这几个字涉及到开合口尾音和前后鼻音，初学粤语者往往容易混淆，辨音时可以借助粤语拼音或发音相近的英文单词。如心(sam1)为合口，身(san1)为开口；声(sing1)近似英文sing，生(sang1)近似英文sung；至于神(san4)，发音与「身」相同，只是声调较为低沉，读阳平声。 　　问：「出手」，广州话点解可以叫「出马」呢？ 　　答：「出马」通常都系指其他人搞唔掂某件事，此时某人先出嚟搞掂，暗示此人比其他人厉害，最后时刻先出手。此词源于古时打仗，军中主将喺关键时候会亲自「出马迎战」，因为古时一般都骑喺马上对打嘅。后嚟「出马」就引申为「亲自出手做某事」嘅意思。 
 
<A href="http://www.nanfangdaily.com.cn/southnews/dd/dsb/B12/200801170590.asp">http://www.nanfangdaily.com.cn/southnews/dd/dsb/B12/200801170590.asp</A>

卢总發表於 2008-1-18 03:45:35

问：我最近边听粤语歌边记录歌词，发现「心、身、声、生、神」这几个字很难分得清，如何区别呢？ 　　答：这几个字涉及到开合口尾音和前后鼻音，初学粤语者往往容易混淆，辨音时可以借助粤语拼音或发音相近的英文单词。如心(sam1)为合口，身(san1)为开口；声(sing1)近似英文sing，生(sang1)近似英文sung；至于神(san4)，发音与「身」相同，只是声调较为低沉，读阳平声。 　　问：「出手」，广州话点解可以叫「出马」呢？ 　　答：「出马」通常都系指其他人搞唔掂某件事，此时某人先出嚟搞掂，暗示此人比其他人厉害，最后时刻先出手。此词源于古时打仗，军中主将喺关键时候会亲自「出马迎战」，因为古时一般都骑喺马上对打嘅。后嚟「出马」就引申为「亲自出手做某事」嘅意思。［「出马」唔一定要喺其他人搞唔掂某件事，某人先出嚟搞掂，某人比其他人厉害，唔一定要等到最后时刻先出手；古代打仗，军中主将可以喺一开始嘅时候就亲自「出马迎战」。如此解释，有误导之嫌，希望以后斟酌过先好讲。］

頁: [1]

粵語協會's Archiver