2007年粵語協會大事回顧
<P> 一年人事幾番新，粵語協會又走過咗唔平凡嘅第四年。喺粵語同粵文化日漸備受冷落、飽遭「推普機」侵蝕、得唔到China Gov有效保護嘅今日，粵語協會呢把由民間保育衛士編就嘅堅韌之傘，遮擋住省港澳日益污染煙霞密佈嘅上空，隔離渾濁到難以喘息嘅空氣，為粵語、粵文化撐起一片晴天，並延展到世界各地華人世界，蔭護一眾愛粵赤子，得以在此間享受清新暢快自由嘅南粵氣息。<BR> 繼往開來，08年注定係多事之秋，新年伊始又係回顧返過往一年成果嘅時候，相信經常關注協會動態嘅網友，都知道舊年難忘嘅大事，而家一齊嚟重溫吓（排列不分先後，有補充請跟帖）：</P><P><BR> 1. 再次成功更換網站伺服器：前年我哋經已揼過重本換咗一次伺服器，隨住論壇訪問人數不斷攀陞，後來嚴重超出負荷，於是乎喺8月底9月初，幾位管理員死慳死抵自扲荷包，花費近兩萬文，一次過更換咗速度更快、容量更大嘅伺服器同網絡空間，大大加快咗網站及論壇嘅訪問速度。</P>
<P><BR> 2. 受眾多傳媒採訪或做客串嘉賓：<BR> a. 自1月31號大陸傳媒（最早採訪係香港電臺）首度喺《羊城晚報》全面報道協會，之後計有珠江商報、廣州日報、佛山日報、佛山電臺、信息時報、廣州電視臺等傳媒以唔同角度採訪協會成員。<BR> b. 由協會開發嘅粵拼輸入法廣受好評，得到眾多傳媒追訪（可惜呢類報道都過於失實）如：南方都市報、廣州日報、羊城晚報、廣州電視臺、香港大公報、東莞電視臺、東莞日報以及中新網等媒體。<BR> c. 協會聯合幾大兄弟網站製作嘅《難忘您的音韻》CD，喺本地原創音樂界產生極大迴響，眾成員8月份亦獲邀上三水電臺節目客串嘉賓。</P>
<P><BR> 3. 協會舉辦嘅各種活動得到眾會員響應同支持，尤其係2月4號喺廣州越秀山別開生面嘅大型聚會（聚集到唔少元老級及新丁會員），以及十月初嘅街頭掃錯字行動，後者更被羊城晚報及Poco網專題報道。</P>
<P><BR> 4. 南方都市報開辟協會專欄文章：10月30號開始該報嘅「白話廣州」版以數種專題刊登會員嘅原創作品，大受讀者歡迎，更主持該版唯一可以同讀者互動嘅問答專欄。</P>
<P><BR> 5. 會員盧總獲博客之星大獎：獎品就係坐遊輪去越南遊埠，據稱一路宣傳粵語文化收效甚豐。今年佢再戰江湖，現時正密鑼緊鼓以其粵文博客對其他千篇一律嘅普文博客發起攻勢，但願可以再為粵人爭光。</P>
<P><BR> 6. 網站及論壇人氣急陞：訪問人數再創高峰，註冊會員人數現已接近8000。增設嘅錯字誤音澄教署同外語角版，都展示住佢哋獨特嘅風采，為粵語嘅規範性同全球推廣增色唔少。論壇發帖質素為同類論壇之翹楚，尤其係Dada主持《每日一句與粵語有關之古詩詞》嘅專題帖長做長有，迄今跨度達三年之久，余OK主持嘅每日名家專欄帖亦堅持咗半年時間冇間斷。</P>
<P><BR> 7. 為咗實現成為官府註冊登記嘅機構，核心成員作過多番努力同嘗試，如聯絡紅線女、倪惠英等前輩，趡過多個Gov部門，雖然最終食咗閉門羹，依然冇削弱到我哋對粵語粵文化嘅熱情，更加激發我哋事事做得更好嘅鬥志。</P>
[ 本帖最後由 余OK 於 2008-1-5 00:38 編輯 ] 盧總今鑊真係要請食飯啦 <P>咩树要我请食饭？</P>
<P>之前已经讲好咗，如果我赢到就我请食饭，否则就虾仁请——你去揾佢啦！</P> <P>07年嘅嘢全部講晒，不如我講下08年嘅大計啦：</P>
<P>1、正式版會服嘅製作。現時已經出咗設計初稿，唔使幾耐，會員就會擁有潮得嚟又有文化底蘊嘅粵語協會制服！</P>
<P>2、更換網站程序，準備使用super site，同論壇無縫嵌接。到時網站功能更強大。</P>
<P>3、執掂個字詞庫，推出新版嘅輕鬆粵拼。</P> <P>重有两件好重要嘅事唔可以唔提：</P>
<P> </P>
<P>一件系，我哋联合咗好多爱广人士，一齐粉碎咗广州地铁取消广州话报站嘅阴谋诡计——话之佢广州地铁点样解释，或者我哋嘅作用如何。</P>
<P> </P>
<P>另外一件就系，我哋联同一众反推普人士插屎「文远竹」嗰只仆街走狗。</P>
<P> </P>
<P>呢两件事都不可不提，因为呢两件事都吸引到好多人嘅关注，为我哋发展事业带嚟咗好多人才，壮大咗我哋嘅队伍，而且我哋最后亦取得咗空前嘅胜利！</P> <P><FONT size=6>粉碎陽謀扑死狗,粵恊兄弟真一流 !</FONT></P>
<P><FONT size=6></FONT> </P> <P>好嘢，真威風 ~</P> <P>做個論壇仔就算喇.</P>
<P>人唔好抱太大嘅野心.</P>
<P> </P>
<P>想注冊?No money no talk.</P>
<P>想登記?No power no talk.</P> <P>原帖由 <I>饅饅</I> 於 2008-1-15 22:32 發表 <A href="http://bbs.cantonese.asia/redirect.php?goto=findpost&pid=72058&ptid=9388" target=_blank><IMG onclick=zoom(this) alt="" src="http://bbs.cantonese.asia/images/common/back.gif" onload="attachimg(this, 'load')" border=0></A> 做個論壇仔就算喇. 人唔好抱太大嘅野心. 想注冊?No money no talk. 想登記?No power no talk. </P>
<P> </P>
<P><FONT face=Arial>有时女仔嘅直觉重犀利过男人嘅智慧！</FONT></P> <P>感谢有一班咁伟大，默默付出嘅人</P> <P>原帖由 <I>外外星人</I> 於 2008-1-18 07:21 發表 <A href="http://bbs.cantonese.asia/redirect.php?goto=findpost&pid=72328&ptid=9388" target=_blank><IMG onclick=zoom(this) alt="" src="http://bbs.cantonese.asia/images/common/back.gif" onload="attachimg(this, 'load')" border=0></A> 有时女仔嘅直觉重犀利过男人嘅智慧！ </P>
<P> </P>
<P>嗱，睇下我几有先见之明啦！</P> <P>同心协力 共同努力</P> 原帖由 <I>余OK</I> 於 2008-1-4 23:08 發表 <A href="http://bbs.cantonese.asia/redirect.php?goto=findpost&pid=70733&ptid=9388" target=_blank><IMG onclick=zoom(this) alt="" src="http://bbs.cantonese.asia/images/common/back.gif" onload="attachimg(this, 'load')" border=0></A> 繼往開來，08年注定係多事之秋 今年中國流年不利，噖日又整鑊咁勁嘅。眞係畀我批中咗，而家睇返都幾唏噓。
頁:
[1]