２００７年１２月１４号《南方都市報》

卢总發表於 2007-12-15 00:24:43

7·26　儒家式伪善　
 
　　栋笃论语·述而第七　　 　　 　　□子野专栏　　 　　 　　【原文】子钓而不纲，弋不射宿。 　　【译文】孔子钓鱼，但唔会用网喺水面拦截捉鱼；孔子用带丝线嘅箭去射雀，但系唔会射飞返窦入面嘅雀。 　　【栋笃】一个笑话系噉讲口架：一个和尚仔偷偷煮虾食。佢煮虾嘅时候，见到啲虾喺镬里边跳下跳下，就双手合十念经，仲低低声同啲虾讲：「你哋忍耐下啊，阵间周身红晒，就唔会痛口架喇……」 　　和尚想食虾，又唔忍心见到啲虾痛苦，所以，佢嘅念经同埋对虾嘅安慰，都系想求得一种心理平衡。 　　孔Sir嘅「钓而不纲，弋不射宿」，讲起身，亦都系求一种类似嘅心理平衡啫。但系，有人唔系噉睇嘅噃。嗱，朱熹嘅《论语集注》就系噉擦孔Sir鞋嘅：「孔子少贫贱，为养与祭，或不得已而钓弋。然尽物取之，出其不意，亦不为也，此可见仁人之本心矣。」即系话，孔Sir钓鱼、打雀，系「不得已」嘅，但系佢冇赶尽杀绝，噉就「可见仁人之本心」喇。 　　本来，我哋唔可以用佛教徒「不杀生」嘅戒律嚟要求孔Sir，佢「钓而不纲，弋不射宿」，讲到尾，都系「量」嘅问题，唔系「质」嘅问题。而且，讲手段，讲道德，「纲」先至系光明正大嘅捕杀，系阳谋；「钓」系利用诱饵进行欺骗，系阴谋，仲阴功，点可能话玩阴谋反而「可见仁人之本心」啊？真正嘅仁，真正嘅善，应该系不钓不纲、不弋不射口架。你做唔到嘅话，亦唔系咩罪过，但系，好心你唔好咁伪善得唔得？ 　　讲到呢个问题，我又谂起孟子答齐宣王嘅说话：「君子之于禽兽也，见其生，不忍见其死；闻其声，不忍食其肉。是以君子远庖厨也。」喺呢一点上边，孟子比孔子仲要「仁」啲，但讲到尾，呢啲咪又系伪善啰。呢种伪善，就叫做「儒家式伪善」。好彩，呢一章唔系噉口架：「子曰：吾钓而不纲，弋不射宿，仁也。」所以，「伪善」呢个罪名，就入埋落孔Sir嘅徒子徒孙笔数身上算喇。 
 
<A href="http://www.nanfangdaily.com.cn/southnews/dd/dsb/B13/200712140495.asp">http://www.nanfangdaily.com.cn/southnews/dd/dsb/B13/200712140495.asp</A>

卢总發表於 2007-12-15 00:30:38

【原文】子钓而不纲，弋不射宿。 　　【译文】孔子钓鱼，但唔会用网喺水面拦截捉鱼；孔子用带丝线嘅箭去射雀，但系唔会射飞返窦入面嘅雀。 　　【栋笃】一个笑话系噉讲ロ架：一个和尚仔偷偷煮虾食。佢煮虾嘅时候，见到啲虾喺镬里边跳下跳下，就双手合十念经，重细细声同啲虾讲：「你哋忍耐下啊，阵间周身红晒，就唔会痛ロ架喇……」［「细细声」比「低低声」更加合乎广州话嘅习惯。］ 　　和尚想食虾，又唔忍心见到啲虾痛苦，所以，佢嘅念经同埋对虾嘅安慰，都系想求得一种心理平衡。 　　孔Sir嘅「钓而不纲，弋不射宿」，讲起身，亦都系求一种类似嘅心理平衡啫。但系，有人唔系噉睇嘅噃。嗱，朱熹嘅《论语集注》就系噉擦孔Sir鞋嘅：「孔子少贫贱，为养与祭，或不得已而钓弋。然尽物取之，出其不意，亦不为也，此可见仁人之本心矣。」即系话，孔Sir钓鱼、打雀，系「不得已」嘅，但系佢冇赶尽杀绝，噉就「可见仁人之本心」嘞。 　　本来，我哋唔可以用佛教徒「不杀生」嘅戒律嚟要求孔Sir，佢「钓而不纲，弋不射宿」，讲到尾，都系「量」嘅问题，唔系「质」嘅问题。而且，讲手段，讲道德，「纲」先至系光明正大嘅捕杀，系阳谋；「钓」系利用诱饵进行欺骗，系阴谋，重阴功，点可能话玩阴谋反而「可见仁人之本心」啊？真正嘅仁，真正嘅善，应该系不钓不纲、不弋不射ロ架。你做唔到嘅话，亦唔系咩罪过，但系，好心你唔好咁伪善得唔得？ 　　讲到呢个问题，我又谂起孟子答齐宣王嘅说话：「君子之于禽兽也，见其生，不忍见其死；闻其声，不忍食其肉。是以君子远庖厨也。」喺呢一点上边，孟子比孔子重要「仁」啲，但讲到尾，呢啲咪又系伪善啰。呢种伪善，就叫做「儒家式伪善」。好彩，呢一章唔系噉ロ架：「子曰：吾钓而不纲，弋不射宿，仁也。」所以，「伪善」呢个罪名，就入埋落孔Sir嘅徒子徒孙笔数身上算喇。

卢总發表於 2007-12-15 00:32:17

老窦斗木　

广州往事　　 　　 　　□何彤　　 　　 　　上个世纪六七十年代嗰阵，边度有宜家咁多时尚嘅靓家私吖。边家屋企有张真皮沙发，好高级口架啦。 　　老窦同单位嘅木工师傅学过下斗木，于是就发扬自力更生、艰苦奋斗嘅精神，利用落班、星期天休息时间，自己喐手整家私，铁拐李打足球——一脚踢，由设计、揾料、施工，冚棒唥自己搞掂。都唔知佢喺边度整返嚟鬼咁多嘅斗木架罉，宜家我屋企仲保留住佢用过啲大小号齐全嘅锤仔、凿仔、锯仔、刨仔等。当年，如果唔係呢啲架罉同埋老窦嘅一双巧手，我屋企边度有咁多件真正嘅家私(家具DIY)吖。 　　我仲记得，大热天时，老窦赤膊上阵，铁木真打仔——大汗耷细汗。我哋都食完饭，佢仲係度斗紧，我哋都瞓咗觉，佢仲喺度刨紧。当时仲係细路哥，唔识得咁多嘢，依家谂返，老窦真系伟大，为咗头家，劳心劳力。嗰阵，我屋企啲家私都几齐全口架，全部都係老窦嘅杰作。隔篱邻舍都赞老窦本事，悭番买家私嘅钱。老窦整嘅炕床，早上就用嚟坐人，夜晚拉开就用嚟瞓人，一物两用。我都试过瞓炕床做「厅长」。相信好多广州人都有过噉嘅经历。仲有一张的的骰骰嘅食饭枱仔，是做比我细蚊仔嗰阵时食饭用嘅，宜家都成咗屋企嘅文物嘞。 　　有时谂落，如果老窦唔系做机关干部，会唔会下海开家私厂吖嗱？ 
 
<A href="http://www.nanfangdaily.com.cn/southnews/dd/dsb/B13/200712140497.asp">http://www.nanfangdaily.com.cn/southnews/dd/dsb/B13/200712140497.asp</A>

卢总發表於 2007-12-15 00:46:46

上个世纪六七十年代嗰阵，边度有宜家咁多时尚嘅靓家私吖。边家屋企有张真皮梳化，好高级ロ架喇。［广东人唔会将ｓｏｆａ叫「沙发」。］ 　　老窦同单位嘅木工师傅学过下斗木，于是就发扬自力更生、艰苦奋斗嘅精神，利用落班、星期天休息时间，自己喐手整家私，铁拐李打足球——一脚踢，由设计、揾料、施工，冚ロ棒唥自己搞掂。都唔知佢喺边度整返嚟鬼咁多嘅斗木架撑，而家我屋企重保留住佢用过啲大小号齐全嘅锤仔、凿仔、锯仔、刨仔等。当年，如果唔系呢啲架撑同埋老窦嘅一双巧手，我屋企边度有咁多件真正嘅家私(家具DIY)啊！ 　　我重记得，大热天时，老窦赤膊上阵，铁木真打仔——大汗耷细汗。我哋都食完饭，佢重喺度斗紧，我哋都瞓咗觉，佢重喺度刨紧。当时重系细路哥，唔识得咁多嘢，依家谂返，老窦真系伟大，为咗头家，劳心劳力。嗰阵，我屋企啲家私都几齐全ロ架，全部都系老窦嘅杰作。隔篱邻舍都赞老窦本事，悭返买家私嘅钱。老窦整嘅炕床，早上就用嚟坐人，夜晚拉开就用嚟瞓人，一物两用。我都试过瞓炕床做「厅长」。相信好多广州人都有过噉嘅经历。重有一张的的式式嘅食饭枱仔，系做畀我细蚊仔嗰阵时食饭用嘅，而家都成咗屋企嘅文物嘞。 　　有时谂落，如果老窦唔系做机关干部，会唔会下海开家私厂吖嗱？ 

[ 本帖最後由卢总於 2007-12-15 13:12 編輯 ]

卢总發表於 2007-12-15 00:47:55

暴力遗传

孖辫妹　　 　　 　　□　图／谈芳波　文／谈芳波　莫夕　　 　　　　 　　老窦啊，你话暴力倾向呢啲嘢会唔会遗传吖嘞？　　 　　 　　乱噏廿四，我未听讲过话暴力倾向都会遗传嘅喔。　　 　　 　　但係……你块面上面啲疤分明係寻晚同妈咪 　　争电视睇嗰阵留低嘅，係嘛吖？　　 　　 　　你睇下，我头先都同孖辫争游戏机打啊，块面都同你同一命运嘞！ 
 
<A href="http://www.nanfangdaily.com.cn/southnews/dd/dsb/B13/200712140496.asp">http://www.nanfangdaily.com.cn/southnews/dd/dsb/B13/200712140496.asp</A>

卢总發表於 2007-12-15 00:49:31

老窦啊，你话暴力倾向呢啲嘢会唔会遗传吖嗱？　　 　　 　　乱噏廿四，我未听讲过话暴力倾向都会遗传嘅喔。　　 　　 　　但系……你块面上面啲疤分明系寻晚同妈咪 　　争电视睇嗰阵留低嘅，系咪吖？　　 　　 　　你睇下，我头先都同孖辫争游戏机打啊，块面都同你同一命运嘞！

卢总發表於 2007-12-15 02:09:46

广州播客第201期

同声同气　　 　　 　　□阿展专栏　　 　　 　　1.边日人民桥河南过河北唔塞车，就真系要登报纸嘞。(哪一天人民桥河南过河北不塞车，就真的是新闻了。) 　　——一辆239巴士由南向北，堵在人民桥上，一个不耐烦的乘客这样说。 　　2.杀人填命，欠债还钱，教出啲学生居然有八成人唔还贷款，呢间都唔知乜嘢学校嚟嘅，唔执咗佢都冇用啦。(杀人偿命，欠债还钱，教出来的学生居然有八成人不还贷款，这间都不知是什么学校，不关门都没用啦。) 　　——一个茶客看到一条新闻，有这样评论。 　　3.宜家先复我？仲有冇迟啲呀？你食蕉啦！(现在才复我电话，太迟了吧，你去死吧！) 　　——公园前地铁站，一个靓女接电话时这样说，然后就挂断了。 　　4.你又双鱼，佢又双鱼，四条鱼点会唔斗嘴呀？书都有讲啦，不过双鱼啲人心软，大家理智啲，好快冇事嘅。(你又是双鱼，他又是双鱼，四条鱼怎会不斗嘴呀？书上都讲啦，不过双鱼座的人容易心软，大家理智点，好快就会没事的。) 　　——某茶餐厅里，一个懂得星座的靓女这样开解她的女友。 　　5.甲：你知唔知点样搭讪呀？(你知道怎样搭讪吗？) 　　乙：媾女就媾女啦，搭讪。嗱，教你一招煞食口架啦。(泡妞就泡妞啦，搭什么讪。教你一招管用的吧。) 　　甲：点呀？(怎样？) 　　乙：见到靓女就问：靓女，宜家几点呀？佢话：八点半。你就话：哗！咁巧嘅，我个表又系八点半啵，你话我哋系咪好有缘呢？咁就实冇死嘞。(见到靓女就问：靓女，请问现在几点钟？她答：八点半。你就说：哗，真巧了，我的表也是八点半，你说我们是不是很有缘呢？一定管用。) 　　——两个年轻人喝茶时吹水。 
 
<A href="http://www.nanfangdaily.com.cn/southnews/dd/dsb/B13/200712140499.asp">http://www.nanfangdaily.com.cn/southnews/dd/dsb/B13/200712140499.asp</A>

卢总發表於 2007-12-15 02:15:35

1.边日人民桥河南过河北唔塞车，就真系要登报纸嘞。(哪一天人民桥河南过河北不塞车，就真的是新闻了。) 　　——一辆239巴士由南向北，堵在人民桥上，一个不耐烦的乘客这样说。 　　2.杀人填命，欠债还钱，教出啲学生居然有八成人唔还贷款，呢间都唔知乜嘢学校嚟嘅，唔执咗佢都冇用啦。(杀人偿命，欠债还钱，教出来的学生居然有八成人不还贷款，这间都不知是什么学校，不关门都没用啦。) 　　——一个茶客看到一条新闻，有这样评论。 　　3.而家先复我？重有冇迟啲呀？你食蕉啦！(现在才复我电话，太迟了吧，你去死吧！) 　　——公园前地铁站，一个靓女接电话时这样说，然后就挂断了。 　　4.你又双鱼，佢又双鱼，四条鱼点会唔斗嘴呀？书都有讲啦，不过双鱼啲人心软，大家理智啲，好快冇事嘅。(你又是双鱼，他又是双鱼，四条鱼怎会不斗嘴呀？书上都讲啦，不过双鱼座的人容易心软，大家理智点，好快就会没事的。) 　　——某茶餐厅里，一个懂得星座的靓女这样开解她的女友。 　　5.甲：你知唔知点样搭讪呀？(你知道怎样搭讪吗？) 　　乙：媾女就媾女啦，搭讪。嗱，教你一招煞食ロ架啦。(泡妞就泡妞啦，搭什么讪。教你一招管用的吧。) 　　甲：点呀？(怎样？) 　　乙：见到靓女就问：靓女，而家几点呀？佢话：八点半。你就话：哗！咁巧嘅，我个表又系八点半噃，你话我哋系咪好有缘呢？噉就实冇死嘞。(见到靓女就问：靓女，请问现在几点钟？她答：八点半。你就说：哗，真巧了，我的表也是八点半，你说我们是不是很有缘呢？一定管用。) 　　——两个年轻人喝茶时吹水。

卢总發表於 2007-12-15 02:17:02

粤剧瑰宝《牡丹亭》　

粤韵飘香　　 　　 　　□韦倩妮　　 　　 　　《牡丹亭》系中国四大名剧之一，原著系明代剧作家汤显祖，故事内容为人熟知。主要讲书生柳梦梅同杜丽娘「非一般」嘅爱情故事。剧中女主角杜丽娘，游园伤春，因梦生情，寻梦不得，为情而死，死后三年，又因情复活，虽然离奇荒诞，却足以说明「情」嘅感人力量。 　　《牡》剧原著文辞美，意境深，所以常被编成各种地方戏上演，如昆曲《游园惊梦》，至今红透半边天。而改编为广东粤剧嘅《牡丹亭》亦不逊色，功劳有赖于著名粤剧编剧家唐涤生先生。 　　唐嘅作品力求剧本词曲优美，注重文学性之余，又善于「因人设戏」；而喺曲词宾白方面，唐能承袭原著优点，又加以适当修改。因而粤剧《牡丹亭》吸收咗原著嘅文学养分，曲词典雅清丽，一改粤剧一贯通俗嘅面貌。尤其系《幽媾》一场，一曲《双星恨》对唱，最为触动人心—— 　　男：好似月里仙降凡尘，佢轻弄降纱，佢轻弄降纱，莫非冷烟蔽月华，她雨中竟致迷途，迷途错归家。 　　…… 　　女：我寄寓，寄寓在柳荫下，悲风霜乞片瓦。 　　男：我非关有意有意苦追查，夜半芳斋欠奉茶，你莫借西厢送药茶，我借盏秋灯你小心归去吧。 　　女：唉，叹息我命如雾里花，杜丽娘未有家泣孤寡。 　　…… 　　男：莫非天仙姐姐你爱我潇洒？所以偷偷降落柳生衙，可惜我一介潦倒潦倒既寒儒，怕有偏差。 　　女：寄属有梦有梦铸佳话，当管不了月夜，月夜月夜扣奔君家，我爱君风华，慕君风华，盼君泣月下。屈居柳底受雾雨打，盼蝶来解雨花。 　　男：唉，佢泣诉多风雅，悲逝水韶华，欲效情花再萌芽。 　　男白：你是否文君新寡？ 　　女：贞花未嫁。 　　男：既是天仙天仙未嫁，咁就亦缘呀福分呀。想落又心中惊怕，想下又心中惊怕，点解会相见在蕉树下？ 　　女：君心休怕，君心休怕，君不记你揖拜仙观下。风吹飞花有心，报与君在佛前为你洒，至令郎拾去我丹青画…… 　　无疑，将《牡丹亭》改编成粤剧，令粤剧传统剧目又增添了新瑰宝。 
 
<A href="http://www.nanfangdaily.com.cn/southnews/dd/dsb/B13/200712140500.asp">http://www.nanfangdaily.com.cn/southnews/dd/dsb/B13/200712140500.asp</A>

卢总發表於 2007-12-15 02:23:39

《牡丹亭》系中国四大名剧之一，原著系明代剧作家汤显祖，故事内容为人熟知。主要讲书生柳梦梅同杜丽娘「非一般」嘅爱情故事。剧中女主角杜丽娘，游园伤春，因梦生情，寻梦不得，为情而死，死后三年，又因情复活，虽然离奇荒诞，却足以说明「情」嘅感人力量。 　　《牡》剧原著文辞美，意境深，所以常被编成各种地方戏上演，如昆曲《游园惊梦》，至今红透半边天。而改编为广东粤剧嘅《牡丹亭》亦不逊色，功劳有赖于著名粤剧编剧家唐涤生先生。 　　唐嘅作品力求剧本词曲优美，注重文学性之余，又善于「因人设戏」；而喺曲词宾白方面，唐能承袭原著优点，又加以适当修改。因而粤剧《牡丹亭》吸收咗原著嘅文学养分，曲词典雅清丽，一改粤剧一贯通俗嘅面貌。尤其系《幽媾》一场，一曲《双星恨》对唱，最为触动人心—— 　　男：好似月里仙降凡尘，佢轻弄降纱，佢轻弄降纱，莫非冷烟蔽月华，她雨中竟致迷途，迷途错归家。 　　…… 　　女：我寄寓，寄寓在柳荫下，悲风霜乞片瓦。 　　男：我非关有意有意苦追查，夜半芳斋欠奉茶，你莫借西厢送药茶，我借盏秋灯你小心归去吧。 　　女：唉，叹息我命如雾里花，杜丽娘未有家泣孤寡。 　　…… 　　男：莫非天仙姐姐你爱我潇洒？所以偷偷降落柳生衙，可惜我一介潦倒潦倒嘅寒儒，怕有偏差。 　　女：寄属有梦有梦铸佳话，当管不了月夜，月夜月夜扣奔君家，我爱君风华，慕君风华，盼君泣月下。屈居柳底受雾雨打，盼蝶来解雨花。 　　男：唉，佢泣诉多风雅，悲逝水韶华，欲效情花再萌芽。 　　男白：你是否文君新寡？ 　　女：贞花未嫁。 　　男：既是天仙天仙未嫁，噉就亦缘呀福分呀。想落又心中惊怕，想下又心中惊怕，点解会相见在蕉树下？ 　　女：君心休怕，君心休怕，君不记你揖拜仙观下。风吹飞花有心，报与君在佛前为你洒，至令郎拾去我丹青画…… 　　无疑，将《牡丹亭》改编成粤剧，令粤剧传统剧目又增添咗新瑰宝。

卢总發表於 2007-12-15 02:24:49

校园禁方言：除裤放屁　

街坊话事　　 　　 　　□叶丽贞　　 　　 　　最近番禺有间小学规定学生喺校园内只讲普通话，禁讲方言，违反则扣分，取消三好学生等评选资格。 　　一睇到呢单新闻我就谂，禁时禁啊，千祈唔好连「白话广州」都禁埋，搞到我有「冤」无路诉就得嘞：) 　　呢间学校搞咁多嘢，我估个校长可能系外省人，唔识白话，故此认为惟有「煲东瓜」一味，方能师生「沟通**限」？又或者以为，此举可以事半功倍噉「全面提升」普语水平？ 　　乜嘢粤语系一大语种，源远流长；禁说方言涉嫌歧视……呢啲无谓讲嘞。只想讨论下禁方言有冇必要啫。其实时移世易，今时今日嘅珠三角，早就生活住嚟自五湖四海、南腔北调嘅人，要用普通话交流，分分钟啦；而今时今日嘅珠三角「土著」，无论男女老幼(包括该校学生)亦早就习惯见乜人讲乜话咯。我隔篱摆地摊嘅六婶都识整番句普通话「这东西挺好，又便宜」啦。 　　更何况，唔搞一语独大，不但学生轻松，而且对该校部分外省教师本身，其实好处多多口架：通过同学生接触，就会多咗练习白话嘅机会。喺同学生沟通、家长会、乃至生活上等场合，都会便利好多口架。久而久之熟悉白话之后，起码唔会好似我打亲小区物管处投诉电话噉——对方接电话例牌第一句：「请说普通话！」冇计，我即刻改变语种同佢「煲东瓜」啰——我读书嗰阵学校冇禁方言，只不过语文老师掂，教得好啫！ 　　 
 
<A href="http://www.nanfangdaily.com.cn/southnews/dd/dsb/B13/200712140501.asp">http://www.nanfangdaily.com.cn/southnews/dd/dsb/B13/200712140501.asp</A>

卢总發表於 2007-12-15 02:36:52

［讲真，「除裤屙屁」比「除裤放屁」更加贴合广州话嘅习惯。］　 　　　　　　 　　最近番禺有间小学规定学生喺校园内只讲普通话，禁讲方言，违反则扣分，取消三好学生等评选资格。 　　一睇到呢单新闻我就谂，禁时禁啊，千祈唔好连「白话广州」都禁埋，搞到我有「冤」无路诉就得嘞：) 　　呢间学校搞咁多嘢，我估个校长可能系外省人，唔识白话，故此认为惟有「煲冬瓜」一味，方能师生「沟通**限」？又或者以为，此举可以事半功倍噉「全面提升」普语水平？ 　　乜嘢粤语系一大语种，源远流长；禁说方言涉嫌歧视……呢啲无谓讲嘞。只想讨论下禁方言有冇必要啫。其实时移世易，今时今日嘅珠三角，早就生活住嚟自五湖四海、南腔北调嘅人，要用普通话交流，分分钟啦；而今时今日嘅珠三角「土著」，无论男女老幼(包括该校学生)亦早就习惯见乜人讲乜话咯。我隔篱摆地摊嘅六婶都识整番句普通话「这东西挺好，又便宜」啦。 　　更何况，唔搞一语独大，不但学生轻松，而且对该校部分外省教师本身，其实好处多多ロ架：通过同学生接触，就会多咗练习白话嘅机会。喺同学生沟通、家长会、乃至生活上等场合，都会便利好多ロ架。久而久之熟悉白话之后，起码唔会好似我打亲小区物管处投诉电话噉——对方接电话例牌第一句：「请说普通话！」冇计，我即刻改变语种同佢「煲冬瓜」啰——我读书嗰阵学校冇禁方言，只不过语文老师掂，教得好啫！ 　　 ［后记：我觉得笔者嘅态度好有问题——人哋一句「请说普通话！」就「冇计」！自己前面先话啲外省教师可以借机会学广州话，但后面就纵容物管处啲废柴讲普通话——噉即系点？厚此薄彼？抑或「讲就天下无敌，做就有心无力／无能为力」？好好地检讨下自己先讲啦！］

Anl 發表於 2007-12-15 10:24:58

人哋「慳番」本身就冇錯。點解要改做「慳返」？
平常講「收番、賺番、行番」都係動詞後面用「番」。
「收番返嚟」
「賺番返嚟」
「行番返嚟」等，幾咁生動。莫非要「行返返嚟」？

Anl 發表於 2007-12-15 10:27:12

又例如：好似佢噉咁靚
唔通又學香港人：好似佢咁咁靚？

頁: [1]

粵語協會's Archiver