法蘭西與眾唔同嘅情色文化
<P><BR> 英國有一家電視臺評論法國嘅色情文化時，播咗一齣法國礦泉水廣告。廣告入邊係一只細長、入滿咗水嘅「玻璃棍」，跟住出現咗一只塗咗奎丹嘅女人手指，佢由上而下煽情咁撫摸住樽水。結果，樽入邊嘅水忍唔住，澎湃翻滾咁往上湧出嚟。激流好勁咁沖破樽蓋瀄出嚟。激情畫面伴隨住一句英國人嘅旁述,內容係：「法國人連礦泉水都記住搞啲性感、色情味道出嚟。」</P><P> </P>
<P> 上世紀90年代，英國「孤獨星」出版社出版咗一本《英國觀光手冊》，對於英國種種不為外人所知嘅嘢爆咗出嚟。該書強調喺英國旅行嘅一個優點，就係「女性遊客，喺英國絕對唔會受到當地男人嘅性騷擾。」就係噉樣嘅「表揚」，既受到外國人嘅嘲笑，同時英國人自己都淨係得苦笑。 </P>
<P><BR> 咁啱得咁撟，法國前總理柯松(暫譯)夫人當初接受《紐約時報》訪問時，曾猛烈抨擊過英國男人嘅「性冷淡」。當年倫敦嘅《觀察家報》都以鬼咁大嘅標題給予頭版報道。柯松夫人不滿英國男人嘅評論如下：「盎格魯-薩克遜男人似乎對女人唔感興趣，呢個係個好嚴重嘅問題，需要好好檢討。我唔知道佢哋嘅問題嚟自生理上定係文化上，總之我覺得佢哋就好唔妥。我仲清楚記得，嗰年訪問英國嗰陣時，曾一個人喺倫敦街頭漫步，一下午居然冇一個男人望過我一眼。如果換轉喺巴黎街頭絕對唔係噉，任何男人就算佢哋有幾忙都好，都會擔高頭嚟睇吓行過嚟女人。</P>
<P><BR> 任何一個女人一到英國，必然會好訝異，禁唔住會問：到底咩事啊，點解冇個男人睇我一眼？」刊登呢句嘢嘅《觀察家報》女編輯，贊賞柯松夫人嘅論斷「一針見血」。編輯認為：「英國男人實在好唔識欣賞女人嘅風姿，法國男人一向浪漫多情，對於路過嘅女人多數都係牛咁眼，有啲男人仲會面帶微笑走過嚟撩你添，令女人會感到被欣賞嘅快感。」 </P>
<P><BR> 英國國會貴族院嘅男議員讀到呢篇報道後都唔認低威，喺議會大堂侃落柯松夫人：「英國國會嘅男仕們，唔會為好似老耆英咁嘅法國政壇女強人嗒糖就望吓佢。」為此《紐約時報》刊文添油加醋講：「英國男人嘖女人好鬼陰毒！明知柯松夫人已經57歲，仲特登咁樣刺激佢。」 </P>
<P><BR> 的確南歐熱血著稱嘅拉丁民族，比北美、西北歐人擁有更多嘅浪漫細胞。有篇就反映咗歐美唔同民族性觀念嘅笑話如下。一艘太空船入邊，英、美、俄、法各派出一女二男三名宇航員，而分配畀每個國家只得一間房同一張床。到咗晚黑睇吓佢哋係點瞓覺嘅：英國人房門外邊，兩個英國紳士喺門口打地鋪，將唯一嘅床留咗畀女同胞；美國人呢邊，其中一個大隻佬咬住香口膠喺度不耐煩咁喺房門口行嚟行去，口噏噏咁嗔點解咁耐仲未輪到佢0架；俄國人嘅嗌交聲最響，兩隻北極熊為邊個有權入房陪靓女瞓啱啱喐緊手；淨得法國人呢邊水靜河非，房入邊傳出兩男一女喺床上嬉戲嘅歡聲笑語。 </P>
<P> </P>
<P> 英國Sloggi公司做嘅貼畫廣告喺整個英倫半島引起軒然大波，同時喺係咪太過性感嘅問題上，同埋受到咗廣告監督人員嘅調查.</P>
<P> </P>
<P> 英國有一家電視臺評論法國嘅色情文化時，播咗一齣法國礦泉水廣告。廣告入邊係一只細長、入滿咗水嘅「玻璃棍」，跟住出現咗一只塗咗奎丹嘅女人手指，佢由上而下煽情咁撫摸住樽水。結果，樽入邊嘅水忍唔住，澎湃翻滾咁往上湧出嚟。激流好勁咁沖破樽蓋瀄出嚟。激情畫面伴隨住一句英國人嘅旁述,內容係：「法國人連礦泉水都記住搞啲性感、色情味道出嚟。」 喺英國呢種廣告恐怕冇機會登場。曾有家英國文胸公司制作咗一幅貼畫，一位身著比堅尼、曲線玲瓏嘅女郎瞓喺草坪上邊，旁邊嘅廣告詞係：「女人唔單止鍾意硬窐窐嘅嘢。」廣告一出街，第二日早上就有百幾個婦女電話抗議咁嘅「色情」廣告，有辱女性。廣告公司迫於壓力，只有意味深長咁改成：「女人都鐘情軟綿綿嘅嘢。」 </P>
<P><BR> 北歐瑞典人嘅性觀念開放程度，亦係世界上獨樹一格嘅。尤其係瑞典嘅三級片堪稱世界潮流先鋒，於是，色情電影碟封面如果寫住瑞典文，咁就意味著火爆同出位。所以，英國又有過一單冇厘頭、搞笑嘅官司。一個客嫌自己買嘅DVD影碟內容唔夠「勁」好有意見，佢仲得人鍾意度將影碟發行商告上法庭，理由係影碟封面貌似瑞典文嘅文字，經鑒定係偽造。最激氣嘅就係，內容同封面唔同.冇咁激喎(真係冇佢符。)!!話噉係欺詐行為，傷害咗顧客嘅消費權益(真係唔得佢死!!)。呢位阿哥堅決要求發行商賠償其精神及經濟損失。</P>
<P> </P>
<P> 法國嘅「五七制」情人 </P>
<P><BR> 大哲學家孟德斯鳩雲(暫譯)：「喺比利牛斯山嗰邊被認為係啱嘅嘢，喺山嘅呢邊就唔一定喇。」 </P>
<P> 法國時裝設計師讓娜-蘭芬(暫譯)嘅理論係：「只有喺成日除衫著衫嘅地方，人先會真正領悟到點樣扮靓。」 </P>
<P><BR> 喺法國如果有人因為道德唔檢點而聞名，其原因大多數係因為其情婦制度，通常又叫「五七制」。因為從下晝五點放工，到晚黑七點返屋企報到呢段時間，往往係同情人幽會嘅黃金時刻。長久落嚟由於噉樣嘅情婦制度，使到法國人嘅離婚率喺西方世界入邊一直徘徊喺低水平。「五七制」嘅浪漫潛規則，亦令到法國電訊局直至上世紀八十年代中期，先將電話明細流水帳單話畀用戶聽，呢個喺發達國家入邊絕無僅有嘅。 </P>
<P><BR> 顯然法國老公同老婆，都唔想對方見到一啲神秘嘅號碼。曾因為噉咨詢一個法國後生仔，佢嘅回答係，自從性革命蓬勃後「五七制」就今時唔同往日喇。我嘅先生布萊恩(暫譯)跟住講：「而家隨時都可以「執返一劑嘞」。法國後生仔感興趣我從邊度得知「五七制」嘅，我答喺英國介紹法國文化嘅書入邊提到。佢好錯愕咁講：「怪唔知嘞，明眼人一睇就知喇!英國人喺度嫉妒我哋，因為英國人喺下晝嘅呢段時間，佢哋淨係識飲下午茶。」佢接住講笑，佢唔介意同外國人宣傳法國嘅「五七制」，同埋正宗嘅「法國香腸」。 </P>
<P><BR> 法國前總統密特朗(暫譯)嘅「地下戀情」 </P>
<P><BR> 法國前總統密特朗，掌管政權14年始終聲望極高，同世上好少聖人一樣密特朗都唔例外。呢位總統臨終前仲徘徊喺兒女私情嘅邊緣，佢死前兩日寫咗一份最後遺囑講明心聲，希望喺其出生嘅小鎮安排一個私人葬禮。原因係，使其21歲嘅私生女，及忍受咗多年屈辱嘅地下情婦，有機會送佢最後一程。當然另一方面，仲想借此機會承認呢個默默無聞嘅女士同埋親生女嘅地位，並喺自己落土之前同世人公開佢哋嘅願望。 </P>
<P><BR> 密特朗嘅葬禮通過電視直播傳送到世界各地，其地下情婦同私生女亦因特寫鏡頭而名揚全球。其實密特朗在任時，就有記者問過第一夫人打探總統私生活嘅內情。為此密特朗夫人仲喊住回答：「呢個問題我哋已經私下解決咗。」呢件事仲未引起軒然大波，法國人絕唔似美國人噉打爛沙盤問到篤克林頓前總統性醜聞噉樣，對密特朗窮追猛打。法國人嘅觀念係，政客嘅上半身同下本身應該分開對待。法國人甚至感嘆不幸嘅克林頓投錯胎，如果生活喺法國，佢嗰啲嘅嘢真係「碎料」。 </P>
<P><BR> 法國電視上嘅安全套廣告，都法國式嘅特色。廣告入邊有位管道維修人員啱啱入到嗰客屋企，就畀嗰師奶放生電。倆個人隨即就揇埋一嚿.而廣告旁述係：「好男人用安全套。」而家西方政府全部將安全性教育列為重要議題，鼓勵使用安全套成為一大「國策」。所以最搞笑嘅係，法國衛生部長宣布政府為咗保障性安全，決心降低安全套咗售價方便促銷。所以，部長先生嘅演講十分精彩。佢話：「舊年德國人消費咗1.7億隻安全套；英國人消費咗1.6億隻安全套；而法國人只用咗1億隻，好明顯我們嘅動作過於緩慢，大家必須加快速度先至跟得到。」被傳為笑談。 <BR></P>
[ 本帖最後由 廣州人喺圖盧茲 於 2007-12-10 19:30 編輯 ] <P><FONT color=red>[女性遊客，喺英國絕對唔會受到當地男人嘅性騷擾。]</FONT></P>
<P> </P>
<P>I dont agree lo...成日都會畀男鬼撩</P>
<P> </P>
<P>英國女鬼更瘋狂，對住我個高大靚仔男同學講：你好靚仔，可唔可以嘴你?<IMG alt="" src="http://bbs.cantonese.asia/images/smilies/default/sweat.gif" border=0 smilieid="10"> </P> <P>原帖由 <I>Yanaki220</I> 於 2007-12-10 18:59 發表 <A href="http://bbs.cantonese.asia/redirect.php?goto=findpost&pid=66971&ptid=8985" target=_blank><IMG onclick=zoom(this) alt="" src="http://bbs.cantonese.asia/images/common/back.gif" onload="attachimg(this, 'load')" border=0></A> [女性遊客，喺英國絕對唔會受到當地男人嘅性騷擾。] I dont agree lo...成日都會畀男鬼撩 英國女鬼更瘋狂，對住我個高大靚仔男同學講：你好靚仔，可唔可以嘴你? ... </P>
<P> </P>
<P>嗰本觀光手冊據我所知,已經十年以上歷史.我諗嗰陣時啲鬼冇而家啲鬼咁「狼」啩!!</P>
頁:
[1]