２００７年１１月２３号《南方都市报》

卢总發表於 2007-11-24 16:04:55

7·14　求仁得仁，何怨
 
　　栋笃论语·述而第七　　 　　 　　□子野专栏　　 　　 　　【原文】冉有曰：「夫子为卫君乎？」子贡曰：「诺，吾将问之。」入，曰：「伯夷、叔齐何人也？」曰：「古之贤人也。」曰：「怨乎？」曰：「求仁而得仁，何怨？」出，曰：「夫子不为也。」 　　【译文】冉有问阿子贡话：「阿Sir会唔会支持卫君啊？」子贡话：「得，我去问下佢先。」入咗孔子间屋，子贡就问：「伯夷、叔齐系咩人嚟口架？」孔子话：「古时候嘅贤人。」子贡又问：「佢哋对自己嘅做法有冇后悔过啊？」孔子话：「佢哋追求仁德，最后就得到仁德，有咩可后悔啊？」子贡出咗嚟，同阿冉有话：「阿Sir唔会支持卫君口架。」 　　【栋笃】理解孔门师生之间嘅呢一段说话，要听两段古仔先。冉有问嘅嗰个「卫君」，系卫出公，嗰名叫做「辄」，系卫灵公嘅孙。卫灵公呢，就系嗰个娶咗美女南子，戴咗绿帽嘅国君喇。佢在世嘅时候，本来系立阿蒯聩(辄仔嘅老窦)做太子口架。不过阿蒯聩就对呢位「后母」嘅淫乱行为好睇唔过眼喇，仲想杀咗佢添(梗系喇，自己老窦戴绿帽，做仔嘅肯定块面都唔知放去边喇)。结果，「弑母行动」失败，蒯聩就畀老窦卫灵公赶出咗卫国，着草去到晋国。后尾阿卫灵公瓜咗老衬，既然太子唔喺国内，啲大臣就将蒯聩嘅仔阿辄立为国君。蒯聩喺晋国知道咗，就好唔忿气喇——呢个位本来系佢嘅之嘛，依家佢仲未死，点可以畀咗佢个仔坐啊？于是，蒯聩就喺晋国军队嘅支持下，返番卫国，同佢个仔争位。 　　嗱，你话呢家人系咪好乱呢？都系因为嗰个南子，搞到成个卫国笠笠乱喇，睇嚟，红颜祸水，确系有道理口架——大家咪唔记得，孔Sir畀佢嘅学生子路逼到要对天发誓，都系因为嗰个南子口架。 　　好喇，闲话休提。孔Sir今次喺佢周游列国嘅过程中，第二次嚟到卫国，就撞啱呢件事。佢哋两仔爷争位，其实唔单止系佢哋自家屋企嘅事，仲系关乎名分、礼义嘅「天下事」嚟口架，所以，孔Sir嘅学生，就好想知道，孔Sir喺呢件事上边嘅立场——冉有问嘅，就系呢件事喇。 　　噉点解阿子贡入去问孔Sir，就冇直接问，而系问咗另外两个人呢？嗱，噉就要讲到伯夷、叔齐「不食周粟」嘅古仔喇。 　　伯夷、叔齐系商朝末年一个侯国——孤竹国国君嘅两个仔。孤竹君要立阿叔齐做继承人，不过佢死咗之后，叔齐就认为，伯夷系佢大佬，按理应该伯夷做国君。伯夷呢，佢又认为，老窦立嘅系叔齐，就应该叔齐做。两兄弟为咗让位，都匿埋起嚟，孤竹国人唯有立咗另一个国君。后尾，伯夷、叔齐听讲西伯侯姬昌(周文王)嗰度唔错，谂住要去投奔佢。点知去到西歧，姬昌啱啱死咗，佢个仔姬发(周武王)准备发兵伐纣。伯夷、叔齐认为噉做系不忠不孝嘅事，拦住武王马头苦谏，差啲畀人杀咗，好彩姜太公求情。武王灭咗商纣，建立周朝，伯夷、叔齐两兄弟决定「不食周粟」，匿埋喺首阳山度，采薇(野菜)而食，直到最后饿死。 　　伯夷、叔齐两兄弟互相让位，同蒯聩、辄互相争位，就完全相反喇。子贡系聪明人，佢想知道孔Sir对卫君嘅态度，唔方便直接问，就问阿孔Sir点评价伯夷、叔齐呢两个。得到咗「贤人」嘅评价之后，子贡又问，噉佢哋饿死之前，唔知会唔会后悔呢？孔Sir就话，求仁得仁，点会后悔呢？子贡就明晒嘞，孔Sir系唔会支持卫君口架。 　　其实伯夷、叔齐嘅事过去咗几百年，呢两兄弟最后会唔会后悔，边个可以肯定啊？孔Sir亦都系隔山买老牛——靠估啫，所谓「贤人」，所谓「求仁得仁」，都系为咗表达自己嘅思想服务。佢讲咗呢段说话冇几耐，卫出公畀官佢做，佢咪一样照做？子贡若果再问佢，佢可能会话：「求仕而得仕，何怨？」讲，系姿态；做，系实际。讲一套做一套，噉咪就喺叫做又有姿态又有实际啰，咔咔。　
 
<A href="http://www.nanfangdaily.com.cn/southnews/dd/dsb/b13/200711230213.asp">http://www.nanfangdaily.com.cn/southnews/dd/dsb/b13/200711230213.asp</A>

卢总發表於 2007-11-24 16:14:56

【原文】冉有曰：「夫子为卫君乎？」子贡曰：「诺，吾将问之。」入，曰：「伯夷、叔齐何人也？」曰：「古之贤人也。」曰：「怨乎？」曰：「求仁而得仁，何怨？」出，曰：「夫子不为也。」 　　【译文】冉有问阿子贡话：「阿Sir会唔会支持卫君啊？」子贡话：「得，我去问下佢先。」入咗孔子间屋，子贡就问：「伯夷、叔齐系咩人嚟口架？」孔子话：「古时候嘅贤人。」子贡又问：「佢哋对自己嘅做法有冇后悔过啊？」孔子话：「佢哋追求仁德，最后就得到仁德，有咩可后悔啊？」子贡出咗嚟，同阿冉有话：「阿Sir唔会支持卫君口架。」 　　【栋笃】理解孔门师生之间嘅呢一段说话，要听两段古仔先。冉有问嘅嗰个「卫君」，系卫出公，个名叫做「辄」，系卫灵公嘅孙。卫灵公呢，就系嗰个娶咗美女南子，戴咗绿帽嘅国君嘞。佢在世嘅时候，本来系立阿蒯聩(辄仔嘅老窦)做太子ロ架。不过阿蒯聩就对呢个「后母」嘅淫乱行为好睇唔过眼嘞，重想杀咗佢添(梗系啦，自己老窦戴绿帽，做仔嘅肯定块面都唔知放去边啦)。结果，「弑母行动」失败，蒯聩就畀老窦卫灵公赶出咗卫国，着草去到晋国。后尾阿卫灵公瓜咗老衬，既然太子唔喺国内，啲大臣就将蒯聩嘅仔阿辄立为国君。蒯聩喺晋国知道咗，就好唔忿气喇——呢个位本来系佢嘅之嘛，依家佢重未死，点可以畀咗佢个仔坐啊？于是，蒯聩就喺晋国军队嘅支持下，返番卫国，同佢个仔争位。［「位」呢个量词有褒义，用喺「后母」前面略嫌不妥；「做仔嘅肯定块面都唔知放去边」表述为「做仔嘅块面肯定都唔知放去边」会更加通顺。］ 　　嗱，你话呢家人系咪好乱呢？都系因为嗰个南子，搞到成个卫国笠笠乱喇，睇嚟，红颜祸水，确系有道理ロ架——大家咪唔记得，孔Sir畀佢嘅学生子路逼到要对天发誓，都系因为嗰个南子ロ架。 　　好喇，闲话休提。孔Sir今次喺佢周游列国嘅过程中，第二次嚟到卫国，就撞啱呢件事。佢哋两仔爷争位，其实唔单止系佢哋自家屋企嘅事，重系关乎名分、礼义嘅「天下事」嚟ロ架，所以，孔Sir嘅学生，就好想知道，孔Sir喺呢件事上边嘅立场——冉有问嘅，就系呢件事喇。 　　噉点解阿子贡入去问孔Sir，就冇直接问，而系问咗另外两个人呢？嗱，噉就要讲到伯夷、叔齐「不食周粟」嘅古仔喇。 　　伯夷、叔齐系商朝末年一个侯国——孤竹国国君嘅两个仔。孤竹君要立阿叔齐做继承人，不过佢死咗之后，叔齐就认为，伯夷系佢大佬，按理应该伯夷做国君。伯夷呢，佢又认为，老窦立嘅系叔齐，就应该叔齐做。两兄弟为咗让位，都匿埋起嚟，孤竹国人唯有立咗另一个国君。后尾，伯夷、叔齐听讲西伯侯姬昌(周文王)嗰度唔错，谂住要去投奔佢。点知去到西歧，姬昌啱啱死咗，佢个仔姬发(周武王)准备发兵伐纣。伯夷、叔齐认为噉做系不忠不孝嘅事，拦住武王马头苦谏，差啲畀人杀咗，好彩姜太公求情。武王灭咗商纣，建立周朝，伯夷、叔齐两兄弟决定「不食周粟」，匿埋喺首阳山度，采薇(野菜)而食，直到最后饿死。 　　伯夷、叔齐两兄弟互相让位，同蒯聩、辄互相争位，就完全相反喇。子贡系聪明人，佢想知道孔Sir对卫君嘅态度，唔方便直接问，就问阿孔Sir点评价伯夷、叔齐呢两个。得到咗「贤人」嘅评价之后，子贡又问，噉佢哋饿死之前，唔知会唔会后悔呢？孔Sir就话，求仁得仁，点会后悔呢？子贡就明晒嘞，孔Sir系唔会支持卫君ロ架。 　　其实伯夷、叔齐嘅事过去咗几百年，呢两兄弟最后会唔会后悔，边个可以肯定啊？孔Sir亦都系隔山买老牛——靠估啫，所谓「贤人」，所谓「求仁得仁」，都系为咗表达自己嘅思想服务。佢讲咗呢段说话冇几耐，卫出公畀官佢做，佢咪一样照做？子贡若果再问佢，佢可能会话：「求仕而得仕，何怨？」讲，系姿态；做，系实际。讲一套做一套，噉咪就喺叫做又有姿态又有实际啰，咔咔。［「过去咗」应该用「过咗去」先啱广州话嘅语序。］

卢总發表於 2007-11-24 16:16:30

物理问题

孖辫妹　　 　　 　　□　图／谈芳波　文／谈芳波　莫夕　　 　　 　　老窦，你话点先可以令到啲水滚啊？　　 　　 　　梗係要将水加热到100℃先至可以滚口架啦。　　 　　 　　老窦，你呃人嘅！　　 　　 　　你睇我冲凉嘅时候放屁，都可以令到啲水滚啦！ 
 
<A href="http://www.nanfangdaily.com.cn/southnews/dd/dsb/b13/200711230214.asp">http://www.nanfangdaily.com.cn/southnews/dd/dsb/b13/200711230214.asp</A>

卢总發表於 2007-11-24 16:17:08

老窦，你话点先可以令到啲水滚啊？　　 　　 　　梗系要将水加热到100℃先至可以滚ロ架啦。　　 　　 　　老窦，你呃人嘅！　　 　　 　　你睇我冲凉嘅时候放屁，都可以令到啲水滚啦！

卢总發表於 2007-11-24 16:18:26

广州播客第190期

同声同气　　 　　 　　□阿展专栏　　 　　 　　1.甲：佢样衰不但止，仲口臭先黑人憎吖嘛。(他不但样子丑，还大嘴巴，这才讨人厌。) 　　乙：话埋畀你知啦，佢打麻将，输咗畀自己老母，呻到树叶都落埋呀。(告诉你吧，他打麻将，输了给自己母亲，还一直不停抱怨呢。) 　　——茶楼里，两个八婆喝下午茶时说别人的是非。 　　2.「辛苦揾埋自在食」，慢慢食啦。(辛苦挣来自在吃，你慢慢吃。) 　　——晓港一间云吞面店，老板把一碗云吞面端到一个食客面前，对他这样说。 　　3.你成日跟住我做乜嘢呀？(你整天跟着我干嘛？) 　　——上下九步行街，一个靓女发现有人一直跟着她，就回过头来这样问。那个跟着她的男人指了指她手里的可乐罐…… 
 
 
<A href="http://www.nanfangdaily.com.cn/southnews/dd/dsb/b13/200711230216.asp">http://www.nanfangdaily.com.cn/southnews/dd/dsb/b13/200711230216.asp</A>

卢总發表於 2007-11-24 16:20:48

1.甲：佢样衰不但止，重口臭先乞人憎吖嘛。(他不但样子丑，还大嘴巴，这才讨人厌。)［八婆甲讲嘢有懒音，哈哈哈－－黑人憎！<IMG alt="" src="http://bbs.cantonese.asia/images/smilies/default/titter.gif" border=0 smilieid="9"> ］ 　　乙：话埋畀你知啦，佢打麻将，输咗畀自己老母，呻到树叶都落埋呀。(告诉你吧，他打麻将，输了给自己母亲，还一直不停抱怨呢。) 　　——茶楼里，两个八婆喝下午茶时说别人的是非。 　　2.「辛苦揾埋自在食」，慢慢食啦。(辛苦挣来自在吃，你慢慢吃。) 　　——晓港一间云吞面店，老板把一碗云吞面端到一个食客面前，对他这样说。 　　3.你成日跟住我做乜嘢呀？(你整天跟着我干嘛？) 　　——上下九步行街，一个靓女发现有人一直跟着她，就回过头来这样问。那个跟着她的男人指了指她手里的可乐罐……

卢总發表於 2007-11-24 16:26:42

一曲《秋坟》成绝唱　

粤韵飘香　　 　　 　　□李池湘　　 　　 　　六十一年前，一个初秋嘅夜晚，广州先施公司嘅天台音乐茶座人头攒动。从香港返嚟嘅小明星，拖住孱弱嘅病体登台。佢当晚唱嘅系拿手名曲《秋坟》，当佢唱到「叹今日，红粉成灰，还说什么碧玉年华？鸳魄未归芳草死」时，脸色大变，嗰句「只有夜来风雨……」一韵未完即吐血倒地。翌日，芳魂飘逝，时年29岁，一代名伶就噉样湮灭喺荒烟蔓草中。 　　小明星小名叫小莲，三水人。自细就冇咗父亲，但系佢好聪明，而且有住歌唱嘅天才。当时广州已有歌坛，做歌伶有唔错嘅收入，于是，母亲就请咗一位姓周嘅师傅正式教佢唱曲。几年后，小莲15岁，开始由周师傅介绍到歌坛唱曲。仲帮佢改咗个艺名，叫做小明星。 　　小明星在艺术上勤学苦练，一腔一调都精雕细刻，佢仲勇于创新，根据自己嘅嗓音特点，创造一种感情细腻，低回婉转，缠绵悱恻，沁人肺腑嘅声腔，在行腔运气，吐字转板，声韵格调方面自成一家，世称「星腔」，成为咗著名嘅粤曲平喉声腔流派。 　　小明星声誉鹊起，歌腔风靡省港澳，同张月儿、徐柳仙、张蕙芳并称为粤曲平喉四大名家。《秋坟》系佢嘅代表作，唱嘅系一位死于贫病交迫嘅殉情歌女。喺唱腔上边，小明星处理得好细致：「忆年前，通眉语，她避人、在灯下。坐石桥，望仙郎，同饭胡麻。」佢用流畅嘅唱法追忆往事。「翻旧谱，画新缣，亦儒亦雅。唉，叹今日，红粉成灰，还说什么碧玉年华。记画眉，我曾为卿研黛，你潤吻犹教我奉茶。媚态难描下，娇姿更潇洒，情难罢，心牵挂……」唱呢段曲时，小明星行腔运气上都做咗细腻嘅处理，仲二次用佐「星腔」特有嘅腔，令人留低深刻印象。 　　小明星因《秋坟》而成名，又因《秋坟》而离开人世，后人写了「一曲秋坟成绝唱，可怜七月落薇花」嘅诗句来纪念佢。　　 
 
<A href="http://www.nanfangdaily.com.cn/southnews/dd/dsb/b13/200711230217.asp">http://www.nanfangdaily.com.cn/southnews/dd/dsb/b13/200711230217.asp</A>

卢总發表於 2007-11-24 16:32:46

六十一年前，一个初秋嘅夜晚，广州先施公司嘅天台音乐茶座人头攒动。从香港返嚟嘅小明星，拖住孱弱嘅病体登台。佢当晚唱嘅系拿手名曲《秋坟》，当佢唱到「叹今日，红粉成灰，还说什么碧玉年华？鸳魄未归芳草死」时，脸色大变，嗰句「只有夜来风雨……」一韵未完即吐血倒地。翌日，芳魂飘逝，时年29岁，一代名伶就噉样湮灭喺荒烟蔓草中。 　　小明星小名叫小莲，三水人。自细就冇咗父亲，但系佢好聪明，而且有住歌唱嘅天才。当时广州已有歌坛，做歌伶有唔错嘅收入，于是，母亲就请咗一位姓周嘅师傅正式教佢唱曲。几年后，小莲15岁，开始由周师傅介绍到歌坛唱曲。重帮佢改咗个艺名，叫做小明星。 　　小明星在艺术上勤学苦练，一腔一调都精雕细刻，佢重勇于创新，根据自己嘅嗓音特点，创造一种感情细腻，低回婉转，缠绵悱恻，沁人肺腑嘅声腔，在行腔运气，吐字转板，声韵格调方面自成一家，世称「星腔」，成为咗著名嘅粤曲平喉声腔流派。 　　小明星声誉鹊起，歌腔风靡省港澳，同张月儿、徐柳仙、张蕙芳并称为粤曲平喉四大名家。《秋坟》系佢嘅代表作，唱嘅系一位死于贫病交迫嘅殉情歌女。喺唱腔上边，小明星处理得好细致：「忆年前，通眉语，她避人、在灯下。坐石桥，望仙郎，同饭胡麻。」佢用流畅嘅唱法追忆往事。「翻旧谱，画新缣，亦儒亦雅。唉，叹今日，红粉成灰，还说什么碧玉年华。记画眉，我曾为卿研黛，你潤吻犹教我奉茶。媚态难描下，娇姿更潇洒，情难罢，心牵挂……」唱呢段曲时，小明星行腔运气上都做咗细腻嘅处理，重两次用咗「星腔」特有嘅腔，令人留低深刻印象。［「二」字无论系行文，抑或系平时讲说话嘅时候都好少用到，反而「两」字重用得比较多，比较恰当。］ 　　小明星因《秋坟》而成名，又因《秋坟》而离开人世，后人写咗「一曲秋坟成绝唱，可怜七月落薇花」嘅诗句嚟纪念佢。

卢总發表於 2007-11-24 16:33:47

盗密新招　

街坊话事　　 　　 　　□韦倩妮　　 　　 　　剑华：方姨，一早赶住去边呀？ 　　方姨：去银行啰，依家物价上涨，家庭开支大咗，打算去提番一千几百出嚟使。 　　剑华：你打算用卡提钱，唔系好安全哦，要打醒十二分精神。 　　方姨：我知，但系如果行入去服务柜台取钱，又要排长龙，等到天光都未轮到我。 　　剑华：你都听过银行卡同密码被盗嘅事啦，损失惨重啊！ 　　方姨：我知，就系背后有个人拍下你膊头，等你转过头嚟，就趁机偷龙转凤，换咗你张银行卡，仲印埋密码指纹，如果你懵下懵下，就系噉就做咗老衬。放心，我会留意周围陌生人，小心行事。 　　剑华：至弊防不胜防呢！近排报纸上讲呀，佢哋又出新招喇！ 　　方姨：点样啊？ 　　剑华：依家唔使搞咁多小动作，佢地只要挂住部MP4扮听紧歌就搞掂，将针孔摄像头隐藏装咗系部MP4度，你话系米高超呢？ 　　方姨：哗，听你噉讲，佢哋好似螳螂捕蝉，容不易成为佢地嘅猎物。都系稳阵啲算，用最原始嘅方法，排队算喇。好彩有你提醒。 　　剑华：都系嗰句啦——小心驶得万年船。 
 
<A href="http://www.nanfangdaily.com.cn/southnews/dd/dsb/b13/200711230218.asp">http://www.nanfangdaily.com.cn/southnews/dd/dsb/b13/200711230218.asp</A>

卢总發表於 2007-11-24 16:36:03

剑华：方姨，一早赶住去边呀？ 　　方姨：去银行啰，依家物价上涨，家庭开支大咗，打算去提返一千几百出嚟使。 　　剑华：你打算用卡提钱，唔系好安全哦，要打醒十二分精神。 　　方姨：我知，但系如果行入去服务柜台取钱，又要排长龙，等到天光都未轮到我。 　　剑华：你都听过银行卡同密码被盗嘅事啦，损失惨重啊！ 　　方姨：我知，就系背后有个人拍下你膊头，等你转过头嚟，就趁机偷龙转凤，换咗你张银行卡，重印埋密码指纹，如果你懵下懵下，就系噉就做咗老衬。放心，我会留意周围陌生人，小心行事。 　　剑华：至弊防不胜防呢！近牌报纸上讲呀，佢哋又出新招喇！ 　　方姨：点样啊？ 　　剑华：依家唔使搞咁多小动作，佢哋只要挂住部MP4扮听紧歌就搞掂，将针孔摄像头隐藏装咗喺部MP4度，你话系米高超呢？ 　　方姨：哗，听你噉讲，佢哋好似螳螂捕蝉，容乜易成为佢地嘅猎物。都系稳阵啲算，用最原始嘅方法，排队算喇。好彩有你提醒。 　　剑华：都系嗰句啦——小心驶得万年船。

頁: [1]

粵語協會's Archiver