２００７年１１月１６号《南方都市报》

卢总發表於 2007-11-16 15:30:47

7·11、15　富贵如浮云
 
　　栋笃论语·述而第七　　 　　 　　□子野专栏　　 　　 　　【原文】子曰：「富而可求也，虽执鞭之士，吾亦为之。如不可求，从吾所好。」 　　子曰：「饭疏食，饮水，曲肱而枕之，乐亦在其中矣。不义而富且贵，于我如浮云。」 　　【译文】孔子话：「富贵如果系可以求得到嘅，即使系低贱嘅执鞭之士，我亦都愿意去做。如果唔可以求得到，噉我仲系做我中意嘅嘢得喇。」 　　孔子话：「每日粗茶淡饭，侧侧膊，瞓多觉，人生乐趣自在其中。嗰啲唔符合道义嘅富贵，对我嚟讲，就好似天边嘅浮云一样。」 　　【栋笃】其实喺《里仁第四》入边嘅第5章，我哋就学习过孔Sir嘅另一句好出名嘅说话：「富与贵，是人之所欲也，不以其道得之，不处也。」孔Sir承认咗富贵系人嘅欲望，佢自己亦都唔会拒绝富贵，佢拒绝嘅，只系「不以其道」得之嘅富贵。今次，孔Sir再次强调咗，富贵如果系可以求得到嘅，就算系做一个低贱嘅「执鞭之士」(为达官贵人开路)，佢都肯制口架(孔Sir后生时候都做过仓库管理员嘞)。富贵如果唔求得嘅，噉都冇所谓，做返自己中意嘅事，就算餐餐食盒饭，喺城中村租屋住，咪一样咁开心(乐亦在其中)？ 　　噉「可求」同埋「不可求」，以咩为标准啊？咪误会，唔系难度嘅问题，而系，「求」嘅方法、途径，系咪「以其道得之」。不可求、不义嘅富贵，对孔Sir嚟讲，就好似天边嘅浮云噉，又远，又虚浮。 　　唔理社会点发展，系人，都系要求富贵口架。所以，孔Sir呢几句说话，再过两千年，我估都唔会过时。一个文明嘅社会，就系人民个个都有均等机会「求富贵」嘅社会。1949年以后嘅中国，从鼓吹「越穷越光荣」到宣布「让一部分人先富起来」，进步系可以睇得到口架。但系，「先富起来」嘅嗰部分人，有几个系「以其道得之」嘅，有几个系靠「不义之财」发达嘅？权钱交易、官商勾结、垄断资源、哄抬房价……睇下胡润富豪榜上边，有几个上榜富豪嘅双手，冇「沾满劳动人民的血汗」？ 　　所以，社会矛盾尖锐，唔系穷人仇富——穷人真正「仇」嘅，系嗰啲「不义而富且贵」嘅人。搞笑嘅系，依家，越系「不以其道得之」嘅富豪，越要扮「儒商」。唔知呢啲「儒商」读到孔Sir呢几句教训，有咩感受——不过估计佢哋亦唔会睇到。 
 
<A href="http://www.nanfangdaily.com.cn/southnews/dd/dsb/B13/200711160441.asp">http://www.nanfangdaily.com.cn/southnews/dd/dsb/B13/200711160441.asp</A>

[ 本帖最後由卢总於 2007-11-16 16:54 編輯 ]

卢总發表於 2007-11-16 15:45:31

【原文】子曰：「富而可求也，虽执鞭之士，吾亦为之。如不可求，从吾所好。」 　　子曰：「饭疏食，饮水，曲肱而枕之，乐亦在其中矣。不义而富且贵，于我如浮云。」 　　【译文】孔子话：「富贵如果系可以求得到嘅，即使系低贱嘅执鞭之士，我亦都愿意去做。如果唔可以求得到，噉我重系做我钟意嘅嘢得喇。」 　　孔子话：「每日粗茶淡饭，侧侧膊，唔多觉，人生乐趣自在其中。嗰啲唔符合道义嘅富贵，对我嚟讲，就好似天边嘅浮云一样。」［「侧侧膊，瞓多觉」除咗唔啱韵之外，意思亦大相径庭。］ 　　【栋笃】其实喺《里仁第四》入边嘅第5章，我哋就学习过孔Sir嘅另一句好出名嘅说话：「富与贵，是人之所欲也，不以其道得之，不处也。」孔Sir承认咗富贵系人嘅欲望，佢自己亦都唔会拒绝富贵，佢拒绝嘅，只系「不以其道」得之嘅富贵。今次，孔Sir再次强调咗，富贵如果系可以求得到嘅，就算系做一个低贱嘅「执鞭之士」(为达官贵人开路)，佢都肯制ロ架(孔Sir后生时候都做过仓库管理员啦)。富贵如果唔求得嘅，噉都冇所谓，做返自己钟意嘅事，就算餐餐食盒饭，喺城中村租屋住，咪一样咁开心(乐亦在其中)？ 　　噉「可求」同埋「不可求」，以咩为标准啊？咪误会，唔系难度嘅问题，而系，「求」嘅方法、途径，系咪「以其道得之」。不可求、不义嘅富贵，对孔Sir嚟讲，就好似天边嘅浮云噉，又远，又虚浮。 　　唔理社会点发展，系人，都系要求富贵ロ架。所以，孔Sir呢几句说话，再过两千年，我估都唔会过时。一个文明嘅社会，就系人民个个都有均等机会「求富贵」嘅社会。1949年以后嘅中国，从鼓吹「越穷越光荣」到宣布「让一部分人先富起来」，进步系可以睇得到ロ架。但系，「先富起来」嘅嗰部分人，有几个系「以其道得之」嘅，有几个系靠「不义之财」发达嘅？权钱交易、官商勾结、垄断资源、哄抬房价……睇下胡润富豪榜上边，有几个上榜富豪嘅双手，冇「沾满劳动人民的血汗」？ 　　所以，社会矛盾尖锐，唔系穷人仇富——穷人真正「仇」嘅，系嗰啲「不义而富且贵」嘅人。搞笑嘅系，依家，越系「不以其道得之」嘅富豪，越要扮「儒商」。唔知呢啲「儒商」读到孔Sir呢几句教训，有咩感受——不过估计佢哋亦唔会睇到。

卢总發表於 2007-11-16 15:47:14

广州播客第185期　

同声同气　　 　　 　　□阿展专栏　　 　　 　　1.依家行街好似打仗噉口架，又要睇住路面，唔好踩中「地雷」，又惊野狗又惊荷包仔，一眼关七先得口架。我个人又论尽，冇乜事，我都费事落街呀。(现在逛街就像打仗，又要留意路面，不要踩中「地雷」，又怕遇上野狗又怕遇上小偷，一眼关七才行，我行动又不利索，没什么事，我都不愿意到街上走。) 　　——一个街坊路上遇到朋友，对她这样说。 　　2.甲：有「止蚀位」，有冇「止赚位」口架？(有「止蚀位」，有没有「止赚位」？) 　　乙：赚边有话够口架？升紧就梗系打死都唔卖口架啦。(赚钱哪有说够的？上升就当然打死都不卖啦。) 　　甲：因住「贪字得个贫」呀。(小心「贪近贫」呀。) 　　乙：有得贪先算啦，我依家仲蚀紧钱口架。(有机会贪再说啦，现在我正亏着呢。) 　　——茶餐厅里，两个茶客聊起股票。 　　3.你生得靓啲，我或者会考虑下嘅。(要是你长相好点，我或许会考虑。) 　　——一个街坊走在路上，有人拍他一下，回头一看，一个外地口音的女人问他可不可以买瓶水嘅她喝，他这样回答。 　　4.班友仔直情系食水深得滞啦，当啲村民系老衬，偷食都唔识抹嘴。(那帮人吃回扣太厉害了，当村民是傻瓜，偷吃都不会抹嘴。) 　　——一个茶客谈起G4报道关于从化荔枝树被砍事件的新闻，这样说。
 
<A href="http://www.nanfangdaily.com.cn/southnews/dd/dsb/B13/200711160442.asp">http://www.nanfangdaily.com.cn/southnews/dd/dsb/B13/200711160442.asp</A>

卢总發表於 2007-11-16 15:50:04

1.依家行街好似打仗噉ロ架，又要睇住路面，唔好踩中「地雷」，又惊野狗又惊荷包仔，一眼关七先得ロ架。我个人又论尽，冇乜事，我都费事落街呀。(现在逛街就像打仗，又要留意路面，不要踩中「地雷」，又怕遇上野狗又怕遇上小偷，一眼关七才行，我行动又不利索，没什么事，我都不愿意到街上走。) 　　——一个街坊路上遇到朋友，对她这样说。 　　2.甲：有「止蚀位」，有冇「止赚位」ロ架？(有「止蚀位」，有没有「止赚位」？) 　　乙：赚边有话够ロ架？升紧就梗系打死都唔卖ロ架啦。(赚钱哪有说够的？上升就当然打死都不卖啦。) 　　甲：因住「贪字得个贫」呀。(小心「贪近贫」呀。) 　　乙：有得贪先算啦，我依家重蚀紧钱ロ架。(有机会贪再说啦，现在我正亏着呢。) 　　——茶餐厅里，两个茶客聊起股票。 　　3.你生得靓啲，我或者会考虑下嘅。(要是你长相好点，我或许会考虑。) 　　——一个街坊走在路上，有人拍他一下，回头一看，一个外地口音的女人问他可不可以买瓶水给她喝，他这样回答。 　　4.班友仔直情系食水深得滞啦，当啲村民系老衬，偷食都唔识抹嘴。(那帮人吃回扣太厉害了，当村民是傻瓜，偷吃都不会抹嘴。) 　　——一个茶客谈起G4报道关于从化荔枝树被砍事件的新闻，这样说。

卢总發表於 2007-11-16 15:52:44

四十年一觉沈园梦

粤韵飘香　　 　　 　　□李池湘　　 　　 　　「斜阳画角哀，诗肠愁满载，沈园悲复旧词台，红酥手，黃縢酒，泪湿绞绡人何在……」 　　呢支粤剧名曲《再进沈园》，系由编剧家陈冠卿作曲，大老倌罗家宝演唱嘅，佢将晚年嘅诗人陆游四十年后重返沈园嘅落寞、感慨、苍凉同埋孤寂嘅心态表露无遗。 　　陆游同表妹唐琬嘅爱情故事，大家都知喇。喺剧里边，佢同唐琬分开咗之后嘅四十年，老态龙钟又刁然一身。有一日，佢重返故里，去到以前成日同唐琬题诗对词、留低咗好多欢乐时光嘅沈园，「伤心桥下春波绿，曾是惊鸿照影来」。触景生情、感慨万千，真系四十年一觉沈园梦，当堂就唱出呢首《再进沈园》。 　　呢首曲系已故著名编剧家陈冠卿嘅心血之作，喺曲牌编排上面好成功。比如曲嘅开头，佢用咗「子规啼引子」、「雾障楼台」转」叫相思」：」沈园！词台！唐琬表妹呀！唉！」几句就唱出咗主人公嘅感慨、重见旧地嘅脚步踉跄；再直转」长句二王」：「斜阳画角哀，诗肠愁满载，沈园悲复旧词台……」令人好似睇到陆游扶住词台，好激动噉举起颤抖嘅手，摸住嗰啲几乎睇唔清嘅旧时词句，泪如雨下。」红酥手、黄縢酒……」转「反线」系加强咗佢悲伤嘅情绪，令闻者落泪、听者伤心。「一个潦倒乡关，一个早被铜棺掩盖……」想到现实好心痛，物在人非。「南音」，系用嚟回忆嘅，「流水」同「二流」，卿叔用得好妙，将主人公嘅无奈之情表达得淋漓尽致；最后一句「滚花」：「当向泉台告捷慰妹哀！」一句长腔，好似将悲酸嘅感觉不断拉长，令到听曲嘅人同唱曲嘅人，喺支曲唱完咗之后，仲浑然不觉沉浸系悲伤中不能自拔。 　　卿叔作呢首曲，作得好辛苦口架，佢话过：艺术作品，要先感动自己，才能够感动观众。音乐员出身嘅卿叔，佢作曲中意一边弹古筝一边唱一边写，呢支曲佢边唱边改咗好多次，一直唱到「二王」个时，卿叔唱唔落去咯，系度喊，喊得好凄凉，喊咗一阵，佢又再弹，又再唱，又再改，又再喊…… 　　一支名曲嘅产生，真系作者呕心沥血同埋多年才华嘅凝聚哦。
 
<A href="http://www.nanfangdaily.com.cn/southnews/dd/dsb/B13/200711160444.asp">http://www.nanfangdaily.com.cn/southnews/dd/dsb/B13/200711160444.asp</A>

卢总發表於 2007-11-16 16:04:50

「斜阳画角哀，诗肠愁满载，沈园悲复旧词台，红酥手，黃縢酒，泪湿绞绡人何在……」 　　呢支粤剧名曲《再进沈园》，系由编剧家陈冠卿作曲，大老倌罗家宝演唱嘅，佢将晚年嘅诗人陆游四十年后重返沈园嘅落寞、感慨、苍凉同埋孤寂嘅心态表露无遗。 　　陆游同表妹唐琬嘅爱情故事，大家都知喇。喺剧里边，佢同唐琬分开咗之后嘅四十年，老态龙钟又孑然一身。有一日，佢重返故里，去到以前成日同唐琬题诗对词、留低咗好多欢乐时光嘅沈园，「伤心桥下春波绿，曾是惊鸿照影来」。触景生情、感慨万千，真系四十年一觉沈园梦，当堂就唱出呢首《再进沈园》。 　　呢首曲系已故著名编剧家陈冠卿嘅心血之作，喺曲牌编排上面好成功。比如曲嘅开头，佢用咗「子规啼引子」、「雾障楼台」转「叫相思」、「沈园！词台！唐琬表妹呀！唉！」几句就唱出咗主人公嘅感慨、重见旧地嘅脚步踉跄；再直转「长句二王」：「斜阳画角哀，诗肠愁满载，沈园悲复旧词台……」令人好似睇到陆游扶住词台，好激动噉举起颤抖嘅手，摸住嗰啲几乎睇唔清嘅旧时词句，泪如雨下。「红酥手、黄縢酒……」转「反线」系加强咗佢悲伤嘅情绪，令闻者落泪、听者伤心。「一个潦倒乡关，一个早被铜棺掩盖……」想到现实好心痛，物在人非。「南音」，系用嚟回忆嘅，「流水」同「二流」，卿叔用得好妙，将主人公嘅无奈之情表达得淋漓尽致；最后一句「滚花」：「当向泉台告捷慰妹哀！」一句长腔，好似将悲酸嘅感觉不断拉长，令到听曲嘅人同唱曲嘅人，喺支曲唱完咗之后，重浑然不觉沉浸喺悲伤中不能自拔。 　　卿叔作呢首曲，作得好辛苦ロ架，佢话过：艺术作品，要先感动自己，才能够感动观众。音乐员出身嘅卿叔，佢作曲钟意一边弹古筝一边唱一边写，呢支曲佢边唱边改咗好多次，一直唱到「二王」嗰时，卿叔唱唔落去咯，喺度喊，喊得好凄凉，喊咗一阵，佢又再弹，又再唱，又再改，又再喊…… 　　一支名曲嘅产生，真系作者呕心沥血同埋多年才华嘅凝聚哦。

卢总發表於 2007-11-16 16:08:31

伦文叙同福地巷、及第粥　

羊城讲古台　　 　　 　　□陈明　　 　　 　　广州人都知道状元伦文叙，但系佢住喺福地巷13号，就少人知喇。 　　伦文叙出身喺穷苦农家，老窦老母好悭噉先将佢送去私塾读书，伦文叙边读书边落田间做嘢，从细就识写诗、联，畀人叫「神童鬼才」。佢14岁考中秀才，24岁考中举人，34岁考到进士第一名，成为皇帝钦点嘅状元。由于伦文叙教仔有方，他嘅3个仔都考到功名，大仔伦以谅中探花，二仔伦以训考中会元同榜眼，三仔伦以诜亦考到进士。老窦同仔四个人连中四元，喺广东科举史上少有。为咗庆祝，广州人先后喺福地巷起咗六座牌坊，上面分别刻有「状元」、「父子及第」、「父子会元」、「三元」、「兄弟进士」、「四海儒宗」，并且将伦文叙一家住过嘅地方起名为福地巷。当年唔少人都去福地巷参观，希望黐一啲才气。听讲清代姓周嘅商人知道福地巷出状元，好舍得用钱喺福地巷买地起屋住。间屋起好嘅第二年，周夫人就生咗个仔，个仔到18岁时考中举人，周商人逢人就话喺福地巷住真系有福。 　　我哋来到福地巷，发现系一条普通嘅细巷。一连问咗好多街坊，大家唔知伦文叙住喺边，连居委会亦唔知。后嚟我哋揾到一班八九十岁嘅老人讲先知。黄阿婆话80年代喺福地巷1号住嘅伦阿婆喺伦文叙嘅后人，不过佢去世咗。 　　广州人喜欢食嘅「及第粥」同伦文叙有段古。细时嘅伦文叙因屋企穷要去卖菜，一家粥店嘅老板可怜佢细个，每日都要买伦文叙一担菜，而且要佢送到粥铺。喺伦文叙送菜到粥铺时，老板就会将用剩嘅猪肉丸、猪粉肠、猪肝生滚白粥，然后再放啲姜葱免费请佢吃。后嚟，伦文叙高中状元衣锦还乡时，仲特登再次去粥铺请老板再煮粥给佢吃。由于呢个粥冇名，老板请伦文叙起名，伦文叙谂自己可以高中状元都是由于呢个粥，就帮呢个粥起名为「及第粥」。 
 
<A href="http://www.nanfangdaily.com.cn/southnews/dd/dsb/B13/200711160445.asp">http://www.nanfangdaily.com.cn/southnews/dd/dsb/B13/200711160445.asp</A>

卢总發表於 2007-11-16 16:32:55

广州人都知道状元伦文叙，但系佢住喺福地巷13号，就少人知喇。 　　伦文叙出身喺穷苦农家，老窦老母好悭噉先将佢送去私塾读书，伦文叙边读书边落田间做嘢，从细就识写诗、联，畀人叫「神童鬼才」。佢14岁考中秀才，24岁考中举人，34岁考到进士第一名，成为皇帝钦点嘅状元。由于伦文叙教仔有方，他嘅3个仔都考到功名，大仔伦以谅中探花，二仔伦以训考中会元同榜眼，三仔伦以诜亦考到进士。老窦同仔四个人连中四元，喺广东科举史上少有。为咗庆祝，广州人先后喺福地巷起咗六座牌坊，上面分别刻有「状元」、「父子及第」、「父子会元」、「三元」、「兄弟进士」、「四海儒宗」，并且将伦文叙一家住过嘅地方起名为福地巷。当年唔少人都去福地巷参观，希望黐一啲才气。听讲清代姓周嘅商人知道福地巷出状元，好舍得用钱喺福地巷买地起屋住。间屋起好嘅第二年，周夫人就生咗个仔，个仔到18岁时考中举人，周商人逢人就话喺福地巷住真系有福。 　　我哋来嚟到福地巷，发现系一条普通嘅细巷。一连问咗好多街坊，大家唔知伦文叙住喺边，连居委会亦唔知。后嚟我哋揾到一班八九十岁嘅老人讲先知。黄阿婆话80年代喺福地巷1号住嘅伦阿婆系伦文叙嘅后人，不过佢去世咗。［「去世咗」好明显唔系广州话嘅讲法，应该系点，各位自己谂！］ 　　广州人喜欢食嘅「及第粥」同伦文叙有段古。细时嘅伦文叙因屋企穷要去卖菜，一家粥店嘅老板可怜佢细个，每日都要买伦文叙一担菜，而且要佢送到粥铺。喺伦文叙送菜到粥铺时，老板就会将用净嘅猪肉丸、猪粉肠、猪肝生滚白粥，然后再放啲姜葱免费请佢食。后嚟，伦文叙高中状元衣锦还乡时，重特登再次（Ｘ）去粥铺请老板再煮粥畀佢食。由于呢个粥冇名，老板请伦文叙起名，伦文叙谂自己可以高中状元都系由于呢个粥，就帮呢个粥起名为「及第粥」。 ［「再次」系多余嘅。］
 
作者引用咗其他人嘅文章片段嚟改写，可惜连「来」、「给」、「吃」呢啲位都冇改到！

卢总發表於 2007-11-16 16:34:26

卫生筷

街坊话事　　 　　 　　□冯富华　　 　　 　　周姨：何姨，今朝啲水都唔滚嘅。 　　何姨：做人四四六六就系啦，周姨，你又使乜要求得咁十足啊？ 　　周姨：我要渌下啲碗筷嘛，啲水唔滚，点渌得死啲细菌呀！ 　　何姨：你真系头大冇脑，脑大生草，就算啲水滚都渌唔死啲细菌口架。 　　周姨：噉我起码有个心理安慰吖嘛。如果用一次性筷子噉就好好多啦。 　　何姨：你以为一次性筷子就好干净咩，你睇落去白白净净，听讲话有啲不良老细系用啲双氧水、二氧化硫嚟漂白嗰啲发毛嘅卫生筷嘅，唔用佢仲好过用啊！ 　　周姨：俗语话，眼不见为干净。卫生筷我喺第一个用嘅，其他啲筷子就千百万人用过，点知间茶楼洗得干净唔干净口架。 　　何姨：噉你咩就学隔篱台嗰个阿伯噉，自己带筷子上茶楼啰。 　　周姨：噉又系办法呗。 　　何姨：你带咗筷子，噉又带唔带茶杯碗碟呢？ 　　周姨：吓，即系点呀，唔通唔好上茶楼咩？ 　　何姨：用卫生筷只系求个心安理得，我哋广州一日就要用一百万对卫生筷，你话要斩几多树先够呀？ 　　周姨：噉样讲，用卫生筷又唔环保，又唔卫生啰呗。 　　何姨：使乜讲，所以我哋应当尽量唔用卫生筷。 　　周姨：但系，我哋又信唔过茶楼啲卫生。 　　何姨：如果茶楼啲卫生过关，我谂，大家都唔会去用啲卫生筷嘅。 　　周姨：噉就要茶楼做得好，仲要监管部门监管得好至得。
 
<A href="http://www.nanfangdaily.com.cn/southnews/dd/dsb/B13/200711160446.asp">http://www.nanfangdaily.com.cn/southnews/dd/dsb/B13/200711160446.asp</A>

卢总發表於 2007-11-16 16:51:53

周姨：何姨，今朝啲水都唔滚嘅。 　　何姨：做人四四六六就系啦，周姨，你又使乜要求得咁十足啊？ 　　周姨：我要渌下啲碗筷嘛，啲水唔滚，点渌得死啲细菌呀！ 　　何姨：你真系头大冇脑，脑大生草，就算啲水滚都渌唔死啲细菌ロ架。 　　周姨：噉我起码有个心理安慰吖嘛。如果用一次性筷子噉就好好多啦。 　　何姨：你以为一次性筷子就好干净咩，你睇落去白白净净，听讲话有啲不良老世系用啲双氧水、二氧化硫嚟漂白嗰啲发毛嘅卫生筷嘅，唔用佢重好过用啊！［老世用「无良」形容好过用「不良」！］ 　　周姨：俗语话，眼不见为干净。卫生筷我系第一个用嘅，其他啲筷子就千百万人用过，点知间茶楼洗得干净唔干净ロ架。 　　何姨：噉你咩就学隔篱台嗰个阿伯噉，自己带筷子上茶楼啰。［呢个「咩」字真系唔知佢「咩」意思，唔知佢想表达啲乜嘢。］ 　　周姨：噉又系办法噃。［「呗」为何物？］ 　　何姨：你带咗筷子，噉又带唔带茶杯碗碟呢？ 　　周姨：下，即系点呀，唔通唔好上茶楼咩？［简体字就唔适宜用个「吓」字嘞，因为「吓」喺广州话唔系一个拟声词。］ 　　何姨：用卫生筷只系求个心安理得，我哋广州一日就要用一百万对卫生筷，你话要斩几多树先够呀？ 　　周姨：噉样讲，用卫生筷又唔环保，又唔卫生啰噃。［又系「呗」！］ 　　何姨：使乜讲，所以我哋应当尽量唔用卫生筷。 　　周姨：但系，我哋又信唔过茶楼啲卫生。 　　何姨：如果茶楼啲卫生过关，我谂，大家都唔会去用啲卫生筷嘅。 　　周姨：噉就要茶楼做得好，重要监管部门监管得好至得。
 
倡议大家唔好用一次性嘅卫生筷的确系一件好事！可以保护森林，系爱护地球嘅表现，值得赞扬！

卢总發表於 2007-11-16 18:42:04

翻睇咗罗家宝亲自演绎嘅《再进沈园》，发现「泪湿绞绡人何在」里面嘅「绞绡」应该系「鲛绡」先啱。「鲛绡」相传系鲛人所织嘅绡，泛指细薄嘅纱，亦都有人指系手巾仔。
 
另外，「黃縢酒」就即系「黃封酒」，系宋代一种代官酿嘅酒，因为用黄罗帕或者黄纸封口，故而名之。苏轼嘅《杜介送鱼》诗：「新年已赐黄封酒，旧老仍分頳尾鱼。」「縢」字本身就系指绳索（「公车千乘，朱英绿縢。」），亦有封闭（「武王有疾，周公作金縢。」）、缠束（「竹闭绲縢。」）嘅意思。但系而家有好多人想当然噉将「黃縢酒」写成咗「黃藤酒」－－噉样系唔啱嘅！陆游嘅《钗头凤》原词系「红酥手，黄縢酒，满城春色宫墻柳。」佢另外一首诗《病中偶得名酒小醉作此篇是夕极寒》都有提到「黄縢酒」：「一壶花露拆黄縢，醉梦酣酣唤不譍。」
 
因此我觉得，大家若然想提高自己嘅历史认知、文字水平同文学修养，不妨去听下粤曲、睇下粤剧，包你哋有长足嘅进步！

highyun 發表於 2007-11-16 22:00:48

原帖由 卢总 於 2007-11-16 16:51 發表 <A href="http://bbs.cantonese.asia/redirect.php?goto=findpost&pid=64062&ptid=8633" target=_blank><IMG onclick=zoom(this) alt="" src="http://bbs.cantonese.asia/images/common/back.gif" onload="attachimg(this, 'load')" border=0></A> 　　［呢个「咩」字真系唔知佢「咩」意思，唔知佢想表达啲乜嘢。］ ... 
佢應該想用個「咪mai6」字。

頁: [1]

粵語協會's Archiver