[轉帖]新詞語"屈機"
屈機查實，「屈機」是一個頗為中性的形容詞。
「屈機」這詞用途非常廣泛。無論形容人，形容事，形容物，都很見使！近年，「屈機」於一般青少年口中普遍流行，但本人卻認為頗有濫用之嫌。因此，無論先進或是後輩，都務必弄清「屈機」的底蘊。
先談緣起，主要分兩個學派。
有說「屈機」是純粹指「把一架飛機屈斷」的意思，意指無懈可擊，令人感嘆折服。此說雖易於理解，但過於九唔搭八，故此說有點勉強。另有說「屈機」來自一格鬥遊戲，是一種出招的手段，此絕招超強，也是幾乎無懈可擊，故引伸以形容類似事物，但由於這遊戲並非人人皆懂，故此說毫不流行。
「屈機」有狹義和廣義之分。由於「狹義屈機論」使用嚴格，難以和不敷應用，故「廣義屈機論」應運而生。基於「屈機」的緣起，現分解如下：
「狹義屈機論」中，要先把「屈機」兩字分拆。
首先是「屈」，可解作使彎曲，令人折服，被迫屈服等。例如：「你明屈既！」，意指「你是故意令人折服的！」。有時你可聽到「你老屈既！」。無錯！「明」是故意，擺明車馬咁解，「老」則是格硬黎。又例如：「手屈一指」，「屈金香」等。另外，「機」字方面，大抵解作「機械」，多為堅硬的裝置。如「飛機」，「手機」，「計算機」等。「機」字又具有時間性的客觀條件，如「時機」，「動機」咁！
因此，狹義的「屈機」，組合起來，只可解作「做了一些令人折服，而無可能的事」。試想，把一架飛機屈斷，是多麼的無懈可擊啊！
「廣義屈機論」最為精彩！懶理得 he / she 屈的是甚麼機丫！也懶理得被形容的是否係人類！總之，能令你「無奈地無得駁」，「無奈地無得唔折服」，咁你就可以用「屈機」呢兩隻字喇！
例如，你見到有個人，個鼻窿大到可以塞得落個橙，又取笑你個鼻窿細，做唔到，咁你就可指住呢個令你無奈地無得駁既人個鼻大喝一聲：「你都屈機既！」。又或者，指住令你無辦法唔折服果件野，譬如係，轉行去參加「鬥氣連唱鬥一番」既劉翔，大喝一聲：「你都屈機既！」，又或者說「你唔係咁屈機呀嘩！」。
因此，廣義的「屈機」，可以在你覺得無得反駁，而且好無奈果時使用。除此之外，通常「屈機」這詞，可用來填補句子與句子之間的隙，或是掩飾自己比他人弱，比他人遜，那是最好不過的。
最後，懇請各位先進後輩，好好了解「屈機」，嚴遵使用守則。祝大家屈機愉快！
Re:[轉帖]新詞語"屈機"
成日有新詞語出現...重要我未聽過就已經話好流行...
哎...睇黎我就快脫節lu...
Re:[轉帖]新詞語"屈機"
听都未听过Re:[轉帖]新詞語"屈機"
夹硬整只词出来就话流行....听都未听过....今日都算大开眼界,呵呵 屈机..事实几hit喔.~~我澳门班friend成日都讲噶... 一門語言出現新詞彙係件好事，假如好耐無出現新詞彙或好少，0甘就代表語言出現危機。 仲以為屈人機會嘅縮寫..時間概念
呢條友仔講錯嘢，屈機嚟到喇
有殺過莫放過 「屈機」差唔多係同格鬥遊戲一齊出現,「屈機」本係遊戲術語,有打遊戲機者應大多數會知.之但係唔知點解至到而家至稱之為「潮語」
舊時「屈機」係解被人打到牆角,然之後被人係咁打.又或者係被人打而無得還手,收尾你用個位人物被佢打死,你就會嗟嘆一句「屈機」
順便講埋「升LV」,呢個亦係遊戲術語,本係叫「up LV」,但係講講下貪方便講咗「升LV」.又係一個唔知點解至到而家至稱之為「潮語」嘅詞語
「潛水」我覺係外來語,皆因嚮台灣處常用.粵話應係叫「縮沙」? 「屈機」的確喺來自格鬥game, 意思類似而家北人講嘅「無解」
大概喺90年代初期, 街霸 (street fighter 2)非常流行
格鬥之中如果將對方屈埋角落嚟打, 或使用其他「唔光彩」招數 (有時甚至利用個game嘅bugs)，會被視為「屈招」、「屈機」
贏咗都勝之不武
最初版SF2, 我就覺得Guile(軍佬)非常「屈」、好好「屈」 「屈機」的確喺來自格鬥game, 意思類似而家北人講嘅「無解」
大概喺90年代初期, 街霸 (street fighter 2) ...
a_qi 發表於 2010-8-31 18:23 http://bbs.cantonese.asia/images/common/back.gif
我地 廣州 叫古列 做 軍柴
:lol
街霸 同 吞食天地 最中意 行埋一邊 「屈人」
:lol 都沒聽過嘅！ 回覆 8# 游人
講起「升Lv」，我尋日至喺港鐵列車上見到某月餅廣告寫「升呢」，重要特登大大隻字，下標「sing1 ne1」。我心諗：個呢字平時雖則係有鼻音，但都要顧下個詞源先得架。依個位要字就音，唔可以音就字；要追求「正確」就不如寫「升哩」，字典「哩」可以係「le1」。 我記得中學的時候是先有 "屈B" 和 "大屈B" (B .... 就是男人都有的那根:lol)
過了大半年, 好像是老師說 "屈B" 太粗鄙, 再說就要罰抄, 之後大家就改說 "屈機".
但 "屈B" 怎麼變成了 "屈機", 我就不清楚了.不知道是不是借"打飛機" 的 "機" 來個一字雙解呢?
頁:
[1]