10月5號 北京路行動報告
10月5號，我Y.J.P.參加咗由盧總發起嘅「錯字澄教署」live版——北京路揾錯字行動。當日我哋一眾粵語協會會員分爲兩組，一齊掃街，成果豐碩。<BR> 記得嗰日我重未去到集合地點就喺路上揾住錯字先，可惜暫無發現(可能未夠細心啦，呵呵~~~)。之後見到盧總佢哋，就問：「你哋有冇斬獲啊？」點知盧總話「梗係有啦！」我心就諗：今日要加油啊！<BR> 臨出發之前，我哋傾咗一陣，期間我留意到附近一間食品店嘅大菜單上面有三個錯字，就問隔籬嘅ANL睇唔睇到，點知佢話已經影埋相。我心又諗：今日要再努力啲先得喇……<BR> 之後我哋分好組，出發~~~<BR> 好快趣我哋就有收穫——喺一間賣眼鏡嘅店鋪入邊，我發現一個價格牌上面將「一副眼鏡」嘅「副」寫成「付」。我基本肯定佢寫錯字，於是問咗吓ANL，佢都認爲寫錯。但係為咗百分百噉肯定，我攞出由饒秉才先生主編嘅《廣州音字典》，查得二字意思，知道確係應該寫「副」，噉我哋就向啲員工表明來意，睇吓可唔可以影張相噉。點知個經理竟然話個「付」字冇錯！咁啱嗰時我見到有另一個價格牌寫住個「副」字，就攞畀佢睇話「副」先啱。個經理只好承認寫錯咗，但係就點都唔畀我哋影相。噉我哋就冇影到相，只係將佢個招牌記喺心咯。<BR> 我哋繼續行。<BR> 由於適逢國慶黃金週，唔少商鋪都嚟「賀國慶」，但係我喺協亨手機城入邊發現咗一個「賀国庆」，明顯係繁簡亂用，影相！<BR> 之後嚟到体育名牌广场，喺一個上二樓嘅樓梯上方見到「体育名牌广场」下面嘅英文係「SPORTS CHOPPING CENTER」，身為廣外學生嘅我對英文比較敏感，一眼就睇到。雖然我知道chop係咩意思，但係唔排除人哋特用，於是我攞出手機，查閲咗Cambridge Advanced Learner's Dictionary同Concise Oxford English Dictionary，發現shop同chop大纜都扯唔埋，應該商場係拼錯，影相！<BR> 又行咗冇耐，我又有斬獲，一個賣鞋檔嘅一塊價錢牌寫住「清仓狂减」，但係个「仓」字中間入邊冇咗個鈎，寫字「懶筆」之過，影相！<BR> 之後經過一啲賣小食嘅店鋪，除咗高頻錯字「尤魚」外，重畀我見到「烘倍」，唔通加倍烘咩！應該係「烘焙」吖嘛，影相！另外，我重同ANL討論過「煨」同「烩」，佢哋其實係兩种唔同嘅烹調方法，煨：用文火烧熟或加热;烩：菜炒熟后加芡粉拌和。<BR> 有一間賣珍珠奶茶嘅鋪頭啲錯字真係誇張：「我哋係即摇即卖！係我哋哩度先有嘎！」入邊竟有多隻錯字，繁簡混用+係喺唔分+懶音……影相！<BR> ……<BR> 我哋就係噉樣一路認認真真，仔細小心，各人都有斬獲，揾到唔少錯字。ANL更係揾到非常多嘅簡繁混用、亂用錯字。由於我喺呢方面功底唔狗，好多時候佢問我知唔知邊隻字錯咗，我都揾唔到，但係佢一指出，我就如恍然大悟。跟住ANL真係受益匪淺，唔單只揾到錯字，重對繁體字越來越有興趣。Yeah!<BR> 嗰日下晝，「掃街」完畢后我哋喺中央公園集中總結咗一日嘅成果，並安排好後續工作。<BR> 揾錯字工作必將繼續落去，大家要畀足心機，規範我哋嘅文字。下次應該會有更多人參與，大家一齊努力喇！ ^o^<IMG alt="" src="http://bbs.cantonese.asia/images/smilies/default/victory.gif" border=0 smilieid="14">[ 本帖最後由 YJP 於 2007-10-29 09:11 編輯 ] 錯字 · 圖片 <P>写得唔错，再接再厉！</P>
<P>希望其他参与过嘅朋友都一齐嚟写一下！</P> <P>我都系初次接触ANL,接触过之后先知道佢真系个字痴.<IMG alt="" src="http://bbs.cantonese.asia/images/smilies/default/smile.gif" border=0 smilieid="1"> </P>
<P> </P>
<P> </P> <P>唔係字癡，係「自信」。</P>
<P>論壇某位「夕日君」嗰啲叫「字吽」或「字呆」。</P>
<P>人如其名，夕日，日末來臨。</P> 敬请以上两位猛人整几段文字说明，谈谈你哋当日嘅经历、感受或者睇法啦唔该！ <IMG alt="" src="http://bbs.cantonese.asia/images/smilies/default/sweat.gif" border=0 smilieid="10"> 吓，我都要写呀？不如下次先啦好冇？我今次嚟純粹系跟你哋學嘢。。。露丑不如藏拙啦，唔敢寫啲咩呀。。。加上我都無相響手。。。
[ 本帖最後由 柳寻风 於 2007-10-28 17:16 編輯 ] <P>原帖由 <I>Anl</I> 於 2007-10-28 11:57 發表 <A href="http://bbs.cantonese.asia/redirect.php?goto=findpost&pid=62077&ptid=8409" target=_blank><IMG onclick=zoom(this) alt="" src="http://bbs.cantonese.asia/images/common/back.gif" onload="attachimg(this, 'load')" border=0></A> 唔係字癡，係「自信」。論壇某位「夕日君」嗰啲叫「字吽」或「字呆」。人如其名，夕日，日末來臨。 </P>
<P>ANL，我唔系話你咩呀，我其實都好佩服你伽，不過肉麻嘢我從來唔講伽，唔好意思丫嘛，唔好迫我講讚美說話啦。</P> <P>原帖由 <I>柳寻风</I> 於 2007-10-28 05:13 PM 發表 <A href="http://bbs.cantonese.asia/redirect.php?goto=findpost&pid=62100&ptid=8409" target=_blank><IMG onclick=zoom(this) alt="" src="http://bbs.cantonese.asia/images/common/back.gif" onload="attachimg(this, 'load')" border=0></A> 吓，我都要写呀？不如下次先啦好冇？我今次嚟純粹系跟你哋學嘢。。。露丑不如藏拙啦，唔敢寫啲咩呀。。。加上我都無相響手。。。 有啲字你都有份发现嘎嘛，虽然唔系你影，但你都有功劳嘎嘛！</P>
<P>正字唔系有相机或者有相喺手先可以做嘅！</P>
<P>况且之前佢哋都有发相，你可以拣其中几个嚟写嘎嘛！</P> <P>如果參加過嘅人都寫篇或長或短嘅感想，噉就可以凑齊個專集喇。</P>
2007年10月05日 北京路正字行动相关
<P>１０月５号北京路商圈错字扫荡行动报告</P><P><A href="http://bbs.cantonese.asia/viewthread.php?tid=8230&highlight=%E5%8C%97%E4%BA%AC%E8%B7%AF">http://bbs.cantonese.asia/viewthread.php?tid=8230&highlight=%E5%8C%97%E4%BA%AC%E8%B7%AF</A></P>
<P> </P>
<P>10月5號粵協北京路掃街行動</P>
<P><A href="http://bbs.cantonese.asia/viewthread.php?tid=8232&highlight=%E5%8C%97%E4%BA%AC%E8%B7%AF">http://bbs.cantonese.asia/viewthread.php?tid=8232&highlight=%E5%8C%97%E4%BA%AC%E8%B7%AF</A></P> 花仔<A href="http://bbs.cantonese.asia/viewthread.php?tid=8232&highlight=%E5%8C%97%E4%BA%AC%E8%B7%AF"><STRONG>篇嘢</STRONG></A>好精彩 CHOPPING CENTER<IMG alt="" src="http://bbs.cantonese.asia/images/smilies/default/titter.gif" border=0 smilieid="9"> <IMG alt="" src="http://bbs.cantonese.asia/images/smilies/default/titter.gif" border=0 smilieid="9">
頁:
[1]