２００７年１０月１６号《南方都市报》

卢总發表於 2007-10-17 05:49:22

Ｂ１２版　　后「遗」症　
 
　　例汤正　　 　　 　　□老饼专栏　　 　　 　　今日汤料：话说开平碉楼「申遗」成功后的首个黄金周人潮汹涌，村民纷纷转而「行商」。目睹满村的「碉楼农家饭」招牌和尾随叫卖拉客的村民，有游客称古朴宁静氛围不再，同时担忧开平碉楼的原生态可能因此被破坏。　　 　 　　 　　图： 　　我中意嚟呢度旅游，係因为呢度有古朴嘅建筑……　　 　　 　　而且仲有纯朴嘅民风民俗！　　 　　 　　农家蛋清仓特卖！最后一日！　　 　　大番薯！大平卖！　　 　　环保牛屎！极品珍藏！行过路过唔好错过！ 
 
<A href="http://www.nanfangdaily.com.cn/southnews/dd/dsb/B12/200710160510.asp">http://www.nanfangdaily.com.cn/southnews/dd/dsb/B12/200710160510.asp</A>

卢总發表於 2007-10-17 05:51:50

今日汤料：话说开平碉楼「申遗」成功后的首个黄金周人潮汹涌，村民纷纷转而「行商」。目睹满村的「碉楼农家饭」招牌和尾随叫卖拉客的村民，有游客称古朴宁静氛围不再，同时担忧开平碉楼的原生态可能因此被破坏。　　 　　 　　图： 　　我钟意嚟呢度旅游，系因为呢度有古朴嘅建筑……　　 　　 　　而且重有纯朴嘅民风民俗！　　 　　 　　农家蛋清仓特卖！最后一日！　　 　　大番薯！大平卖！　　 　　环保牛屎！极品珍藏！行过路过唔好错过！

卢总發表於 2007-10-17 05:53:19

「要命」嘅药名　

街坊话事　　 　　 　　□冯富华　　 　　 　　母：阿女，点解叫你帮我买药，买咗啲假药口架？ 　　女：妈，你唔好屈得就屈啦，我点会帮你买啲假药啊！ 　　母：仲话唔係添，好彩我睇真啲啫，如果唔喺嘅话，食错药嗰时都唔知点算好。 　　女：点样错法呀？ 　　母：我叫你买啲速效胶囊，你买返嚟啲係学校嗰校，唔係效果嗰效，仲唔係买错？ 　　女：冤枉呀大老爷。你知唔知啫，而家话唔准啲药品喺包装道印乜嘢疗效之类?，噉间厂于是就将「效果」个「效」改为学校个「校」啰。 　　母：唉，真係阿茂整饼，冇嗰样整嗰样。噉样写法你话会畀啲港澳同胞点睇呢？ 　　女：阿妈，噉都唔止啊。你以前感冒用开嗰只「新康泰克」呢，你第日去买嗰时，要话买「复方盐酸伪黄麻碱缓释胶囊」。记住啦！ 　　母：真喺该煨啰，水蛇春咁长嘅名，我哋啲伯爷婆点记啊。 　　女：噉样做主要係为咗唔好话一个药有几个名，所有嘅西药统一用化学名，啲药就唔会咁贵嘞。 　　母：如果真係噉样都好嘅。唯有第时要去买药之前，揾张纸写住嗰药名，去药房对住嚟买啰。 
 
<A href="http://www.nanfangdaily.com.cn/southnews/dd/dsb/B12/200710160509.asp">http://www.nanfangdaily.com.cn/southnews/dd/dsb/B12/200710160509.asp</A>

卢总發表於 2007-10-17 05:59:02

母：阿女，点解叫你帮我买药，买咗啲假药ロ架？ 　　女：妈，你唔好屈得就屈啦，我点会帮你买啲假药啊！ 　　母：重话唔系添，好彩我睇真啲啫，如果唔系嘅话，食错药嗰时都唔知点算好。 　　女：点样错法呀？ 　　母：我叫你买啲速效胶囊，你买返嚟啲系学校个校，唔係效果个效，重唔系买错？ 　　女：冤枉呀大老爷。你知唔知啫，而家话唔准啲药品喺包装道印乜嘢疗效之类?，噉间厂于是就将「效果」个「效」改为学校个「校」啰。 　　母：唉，真系阿茂整饼，冇嗰样整嗰样。噉样写法你话畀啲港澳同胞会点睇呢？［原句语序有问题。］ 　　女：阿妈，噉都唔止啊。你以前感冒用开嗰只「新康泰克」呢，你第日去买嗰时，要话买「复方盐酸伪黄麻碱缓释胶囊」。记住喇！ 　　母：真系该煨啰，水蛇春咁长嘅名，我哋啲伯爷婆点记啊？ 　　女：噉样做主要系为咗唔好话一个药有几个名，所有嘅西药统一用化学名，啲药就唔会咁贵嘞。 　　母：如果真系噉样都好嘅。唯有第时要去买药之前，揾张纸写住个药名，去药房对住嚟买啰。

卢总發表於 2007-10-17 06:00:46

强龙压咗地头蛇

粤讲粤明　　 　　 　　□李益军　　 　　 　　嗰日，我同街坊珍姐一行近20人参加咗「××峡漂流」一日团。车开咗一个钟左右，中途喺一个购物点度停车购物。15分钟后大家上返车，珍姐一睇，自己两公婆嘅座位畀一个中年人带住两个20岁上下嘅一仔一女坐咗。珍姐话：「呢几个位我哋坐开嘅噃。」嗰个中年男人话：「你坐开就係你嘅咩，边度写住你个名啊！」导游闻声行过嚟，对中年人话：「你哋嘅位喺最尾嗰排位度。」然后转头同我哋话：「本旅行社最近开展联网，异地报团，佢哋三位係喺依度上车嘅团友。」 　　珍姐嘅老公见「新团友」仲係喐都唔喐，就话：「我哋一行廿人一早报团先至坐到咁靓位啫，係旅行社安排口架，呢部唔係公交车……」「我唔理咁多，有位我就坐！」哇，噉都得？见到好多团友表示不满，佢个仔突然企起身发起恶：「你哋咪咁串！以为有廿几人我哋就惊啊，话畀你哋知，我係本地人，我打个电话分分钟揾嚟成百人！」 　　气氛愈嚟愈紧张，胆细嘅导游早就收晒声。司机即刻报警。冇几耐，警车到咗，两个阿ＳＩＲ上车了解情况之后，问嗰个牛精佬：「你愿唔愿意坐后边？」牛精佬一味摇头。阿ＳＩＲ就话：「噉即係冇谒倾嘞。嗱，我唔想一阵间有咩事发生，你哋三个‘不如归去’算嘞！我开张证明再由导游签返个名，你揾旅行社退返团费……」 　　睇住牛精佬一行跟住阿ＳＩＲ落咗车，大家松咗啖气。
 
 
<A href="http://www.nanfangdaily.com.cn/southnews/dd/dsb/B12/200710160508.asp">http://www.nanfangdaily.com.cn/southnews/dd/dsb/B12/200710160508.asp</A>

卢总發表於 2007-10-17 06:05:56

嗰日，我同街坊珍姐一行近20人参加咗「××峡漂流」一日团。车开咗一个钟左右，中途喺一个购物点度停车购物。15分钟后大家上返车，珍姐一睇，自己两公婆嘅座位畀一个中年人带住两个20岁上下嘅一仔一女坐咗。珍姐话：「呢几个位我哋坐开嘅噃。」嗰个中年男人话：「你坐开就系你嘅咩，边度写住你个名啊！」导游闻声行过嚟，对中年人话：「你哋嘅位喺最尾嗰排位度。」然后转头同我哋话：「本旅行社最近开展联网，异地报团，佢哋三位系喺依度上车嘅团友。」 　　珍姐嘅老公见「新团友」仲系喐都唔喐，就话：「我哋一行廿人一早报团先至坐到咁靓位啫，系旅行社安排ロ架，呢部唔系公交车……」「我唔理咁多，有位我就坐！」哇，噉都得？见到好多团友表示不满，佢个仔突然企起身发起恶：「你哋咪咁串！以为有廿几人我哋就惊啊，话畀你哋知，我系本地人，我打个电话分分钟揾嚟成百人！」 　　气氛愈嚟愈紧张，胆细嘅导游早就收晒声。司机即刻报警。冇几耐，警车到咗，两个阿ＳＩＲ上车了解情况之后，问嗰个牛精佬：「你愿唔愿意坐后边？」牛精佬一味摇头。阿ＳＩＲ就话：「噉即系冇偈倾嘞。嗱，我唔想一阵间有咩事发生，你哋三个‘不如归去’算嘞！我开张证明再由导游签返个名，你揾旅行社退返团费……」 　　睇住牛精佬一行跟住阿ＳＩＲ落咗车，大家松咗啖气。

卢总發表於 2007-10-17 06:07:09

马死落地行

粤讲粤俗　　 　　 　　□何颖珊专栏　　 　　 　　美剧《好汉两条半》中，Ｕｎｃｌｅ问他的侄子：「最近好吗？」肥腯腯的侄子一脸无奈，敷衍地说：「一镬泡！」Ｕｎｃｌｅ无情地说：「唔会太差嘅——你仲未大透。」人越大，离「为赋新词强说愁」的年龄越远，就会越清楚「马死落地行」的滋味，到那时才会真正知道什么是「一镬泡」。 　　马死落地行，是广州话的一句俗语，望文生义可知，从前有个人骑着马出门，但不幸马死了，只有下马自己步行。指没有了优势、靠山、可以依靠的工具，就只能踏实地靠自己，一步步前进。有些「顶硬上」，「冇计啦」的无奈，也有些「车到山前必有路」的达观。 　　关于马的俗语有不少。有选美主办方最近宣布，其决赛定于马场举行，大家笑言，是不是为了暗合「造马」的意思呢？「造马」一词源于赛马，有人幕后操纵赛果，使大热倒灶，使冷门马成为头马，从而谋取非法利益。后来「造马」多用于选美、竞赛、抽奖等结果，表示大奖已由内部决定，经过只不过是一场Ｓｈｏｗ。 　　人事变动，高至国家内阁人选的变更，都可以叫「换马」。它同样是出自赛马。出名的骑师一般备有多匹马选择，如果有些马经过多次策骑都没有取得成绩，骑师就会「换马」。后来引申为换人。 　　每个单位或者公司可能都会有几个「撞死马」——行动鲁莽、做事不小心、心口只有个勇字「衰冲动」的人。这个词有个故事，故事发生在现在还保留着的广州大马站。大马站以前是个出租马匹马车的小巷。有一天，一位托着杉木的搬运工人穿过横街窄巷，一路大叫「闪开闪开」，路上行人听闻后都会纷纷避闪。唯有他穿过大马站的时候，也同样一边冲一边叫「闪开闪开」。马听不懂人话，不会躲避，活活被撞死。后来，就把这类做事大大咧咧、鲁莽行事的人统一称为「撞死马」。 
 
<A href="http://www.nanfangdaily.com.cn/southnews/dd/dsb/B12/200710160507.asp">http://www.nanfangdaily.com.cn/southnews/dd/dsb/B12/200710160507.asp</A>

卢总發表於 2007-10-17 06:11:32

美剧《好汉两条半》中，Ｕｎｃｌｅ问他的侄子：「最近好吗？」肥腯腯的侄子一脸无奈，敷衍地说：「一镬泡！」Ｕｎｃｌｅ无情地说：「唔会太差嘅——你重未大透。」人越大，离「为赋新词强说愁」的年龄越远，就会越清楚「马死落地行」的滋味，到那时才会真正知道什么是「一镬泡」。 　　马死落地行，是广州话的一句俗语，望文生义可知，从前有个人骑着马出门，但不幸马死了，只有下马自己步行。指没有了优势、靠山、可以依靠的工具，就只能踏实地靠自己，一步步前进。有些「顶硬上」，「冇计啦」的无奈，也有些「车到山前必有路」的达观。 　　关于马的俗语有不少。有选美主办方最近宣布，其决赛定于马场举行，大家笑言，是不是为了暗合「造马」的意思呢？「造马」一词源于赛马，有人幕后操纵赛果，使大热倒灶，使冷门马成为头马，从而谋取非法利益。后来「造马」多用于选美、竞赛、抽奖等结果，表示大奖已由内部决定，经过只不过是一场Ｓｈｏｗ。 　　人事变动，高至国家内阁人选的变更，都可以叫「换马」。它同样是出自赛马。出名的骑师一般备有多匹马选择，如果有些马经过多次策骑都没有取得成绩，骑师就会「换马」。后来引申为换人。 　　每个单位或者公司可能都会有几个「撞死马」——行动鲁莽、做事不小心、心口只有个勇字「衰冲动」的人。这个词有个故事，故事发生在现在还保留着的广州大马站。大马站以前是个出租马匹马车的小巷。有一天，一个托着杉木的搬运工人穿过横街窄巷，一路大叫「闪开闪开」，路上行人听闻后都会纷纷避闪。唯有他穿过大马站的时候，也同样一边冲一边叫「闪开闪开」。马听不懂人话，不会躲避，活活被撞死。后来，就把这类做事大大咧咧、鲁莽行事的人统一称为「撞死马」。 ［「工人」嘅量词用「位」欠妥。］

卢总發表於 2007-10-17 06:12:41

喂，你踩亲我只脚啦

疯狂粤语　　 　　 　　□十二甫人推荐　　 　　 　　（有一日，喺公车上边，有人大嗌：喂，你踩亲我只脚啦……） 　　1.点踩口架？唔係几熟练，唔好意思！ 　　2.知啦，咁多人我唔踩，净係踩你只脚，你唔觉得我哋有缘分咩？ 　　3.哦，你都算好彩嘞，我最近啱啱减咗肥。 　　4.唔紧要，我企得稳口架。 　　5.哦，唔好意思，我唔知你只脚放喺地下。 　　6.係咩？你使唔使咁兴奋啊？ 　　7.证明你只脚嘅承受能力起码超过了150ｋｇ。 　　8.唔好意思，你就当我係盲公啦。 　　9.如果你觉得好痛，就大声嗌出来啦！ 　　10.噉，你仲唔缩开只脚，等我踩番落地？
 
 
<A href="http://www.nanfangdaily.com.cn/southnews/dd/dsb/B12/200710160506.asp">http://www.nanfangdaily.com.cn/southnews/dd/dsb/B12/200710160506.asp</A>

卢总發表於 2007-10-17 06:16:46

喂，你踩亲我只脚喇　 　　 　　（有一日，喺公车上边，有人大嗌：喂，你踩亲我只脚喇……） 　　1.点踩ロ架？唔系几熟练，唔好意思！ 　　2.知喇，咁多人我唔踩，净系踩你只脚，你唔觉得我哋有缘分咩？ 　　3.哦，你都算好彩嘞，我最近啱啱减咗肥。 　　4.唔紧要，我企得稳ロ架。 　　5.哦，唔好意思，我唔知你只脚放喺地下。 　　6.系咩？你使唔使咁兴奋啊？ 　　7.证明你只脚嘅承受能力起码超过咗150ｋｇ。 　　8.唔好意思，你就当我系盲公啦。 　　9.如果你觉得好痛，就大声嗌出嚟啦！ 　　10.噉，你重唔缩开只脚，等我踩返落地？

卢总發表於 2007-10-17 06:19:07

广州播客第166期

同声同气　　 　　 　　□阿展专栏　　 　　 　　1.甲：今日咁早返嚟嘅？（今天怎么这么早就回来了？） 　　乙：落班我惊又塞车，咪行路返嚟啰。（下班我怕又堵车，就走路回来了。） 　　——小区里，一个街坊遇到邻居时这样说。 　　2.星期六坐车经过解放路，天桥上边啲簕杜娟开晒花，几鬼靓啊！（星期六坐车经过解放路，天桥上边的簕杜娟开了花，真漂亮啊！） 　　——巴士上，一个乘客对她的朋友这样说。 　　3.街坊：「只狗好靓呀，狗仔定狗女呀？」（这只狗真漂亮，公的母的？） 　　狗主：「狗仔嚟口架。」（公的） 　　街坊：「叫乜嘢名呀？」（叫什么名字？） 　　狗主：「碧咸。」 　　——某地铁站附近的空地，每天晚上总有狗的聚会，一个街坊停在一只「金毛」前面，这样问狗的女主人。 　　4.佢中意我老细，我老细唔中意佢，咪失恋啰。佢话想拍下散拖，咁我咪介绍畀你啰，「一家便宜，两家着数」啫。（她喜欢我老板，我老板不喜欢她，就失恋了。他说要找个人拍拖，我就介绍给你，这事大家都有好处。） 　　——一辆244路巴士上，一个略带乡音的靓女，旁若无人地打手机。
 
 
<A href="http://www.nanfangdaily.com.cn/southnews/dd/dsb/B12/200710160505.asp">http://www.nanfangdaily.com.cn/southnews/dd/dsb/B12/200710160505.asp</A>

卢总發表於 2007-10-17 06:22:18

1.甲：今日咁早返嚟嘅？（今天怎么这么早就回来了？） 　　乙：落班我惊又塞车，咪行路返嚟啰。（下班我怕又堵车，就走路回来了。） 　　——小区里，一个街坊遇到邻居时这样说。 　　2.星期六坐车经过解放路，天桥上边啲簕杜娟开晒花，几鬼靓啊！（星期六坐车经过解放路，天桥上边的簕杜娟开了花，真漂亮啊！） 　　——巴士上，一个乘客对她的朋友这样说。 　　3.街坊：「只狗好靓呀，狗仔定狗女呀？」（这只狗真漂亮，公的母的？） 　　狗主：「狗仔嚟ロ架。」（公的） 　　街坊：「叫乜嘢名呀？」（叫什么名字？） 　　狗主：「碧咸。」 　　——某地铁站附近的空地，每天晚上总有狗的聚会，一个街坊停在一只「金毛」前面，这样问狗的女主人。 　　4.佢钟意我老世，我老世唔钟意佢，咪失恋啰。佢话想拍下散拖，噉我咪介绍畀你啰，「一家便宜，两家着数」啫。（她喜欢我老板，我老板不喜欢她，就失恋了。他说要找个人拍拖，我就介绍给你，这事大家都有好处。） 　　——一辆244路巴士上，一个略带乡音的靓女，旁若无人地打手机。

卢总發表於 2007-10-17 06:23:52

6·26　君子可欺不可罔

栋笃论语·雍也第六　　 　　 　　□子野专栏　　 　　 　　【原文】宰我问曰：「仁者，虽告之曰‘井有仁焉’，其从之也？」子曰：「何为其然也？君子可逝也，不可陷也；可欺也，不可罔也。」 　　【译文】宰我，即宰予，日头瞓觉畀孔Ｓｉｒ闹过「朽木不可雕也」嗰个学生。 　　宰我问阿孔Ｓｉｒ话：「有仁德嘅人，如果有人话畀佢知，有人跌咗落井，佢会唔会跟住跳落去救人啊？」孔子话：「点解会噉呢？你可以用呢件事呃君子去救人，但係冇可能陷害佢跳落井里边；你可以用呢件事呃到君子，但係整蛊唔到佢。」 　　【栋笃】宰我呢条友仔，都唔知点讲好。日头瞓觉，畀孔Ｓｉｒ闹「朽木不可雕」。不过，可能係阿Ｓｉｒ闹，反而起到咗「激将」嘅作用，宰我唔甘心「一日朽木，成世废柴」，就经常向孔Ｓｉｒ提啲刁钻嘅问题，显示佢嘅聪明嘞。你睇佢今次嘅问题，係咪好有「求异性思维」啊？ 　　「井有仁焉」，呢个「仁」，有几种解释：仁者、仁德、人，如果係「人」，就解释得通啲，所以，朱熹、钱穆等古今大儒，都话係「人」。宰我点解问呢个问题呢？我估可能係孔Ｓｉｒ啱啱讲过仁者要「见义勇为」等等嘅话。宰我就谂住用呢个问题嚟难倒佢：「噉如果有人同仁者讲，有人跌落井里边啊，仁者会唔会跟住跳落去救人啊？」宰我噉问，其实係两难：「从，则不智；不从，则不义。」跟住跳落去，係傻口架；唔跟住去救，就係不义嘞。话之傻定不义，都唔係「仁者」。係咪好叻啊？ 　　点知孔Ｓｉｒ一啲都冇畀佢难倒。「听到噉嘅事，君子肯定要跟去救人。但係，君子亦都係聪明人，因为你留喺井上边，先至可以谂办法救到人；如果你跟住落去井里边，点救啊？噉嘅理由，可能暂时呃到君子，但係要迷惑佢整蛊佢，係冇可能口架。」 　　师生两个，一个问得巧，一个答得正，都係叻人嚟口架。但係我唔明嘅係：宰我问嘅係「仁者」，孔Ｓｉｒ答嘅係「君子」，係咪偷换概念啊？唔通孔Ｓｉｒ认为君子=仁者？但係佢又讲过「君子而不仁者有矣夫」啊（宪问第十四）！或者孔Ｓｉｒ认为世间根本就冇仁者，所以宰我嘅问题根本就唔成立，但係唔答佢又唔得，求其揾个最接近仁者嘅「君子」顶数？真係谂极都唔明啊，咔咔。 
 
 
<A href="http://www.nanfangdaily.com.cn/southnews/dd/dsb/B12/200710160504.asp">http://www.nanfangdaily.com.cn/southnews/dd/dsb/B12/200710160504.asp</A>

卢总發表於 2007-10-17 06:30:31

【原文】宰我问曰：「仁者，虽告之曰‘井有仁焉’，其从之也？」子曰：「何为其然也？君子可逝也，不可陷也；可欺也，不可罔也。」 　　【译文】宰我，即宰予，日头瞓觉畀孔Ｓｉｒ闹过「朽木不可雕也」嗰个学生。 　　宰我问阿孔Ｓｉｒ话：「有仁德嘅人，如果有人话畀佢知，有人跌咗落井，佢会唔会跟住跳落去救人啊？」孔子话：「点解会噉呢？你可以用呢件事呃君子去救人，但系冇可能陷害佢跳落井里边；你可以用呢件事呃到君子，但系整蛊唔到佢。」 　　【栋笃】宰我呢条友仔，都唔知点讲好。日头瞓觉，畀孔Ｓｉｒ闹「朽木不可雕」。不过，可能系阿Ｓｉｒ闹，反而起到咗「激将」嘅作用，宰我唔甘心「一日朽木，成世废柴」，就经常向孔Ｓｉｒ提啲刁钻嘅问题，显示佢嘅聪明嘞。你睇佢今次嘅问题，系咪好有「求异性思维」啊？ 　　「井有仁焉」，呢个「仁」，有几种解释：仁者、仁德、人，如果系「人」，就解释得通啲，所以，朱熹、钱穆等古今大儒，都话系「人」。宰我点解问呢个问题呢？我估可能系孔Ｓｉｒ啱啱讲过仁者要「见义勇为」等等嘅话。宰我就谂住用呢个问题嚟难倒佢：「噉如果有人同仁者讲，有人跌落井里边啊，仁者会唔会跟住跳落去救人啊？」宰我噉问，其实系两难：「从，则不智；不从，则不义。」跟住跳落去，系傻ロ架；唔跟住去救，就系不义嘞。话之傻定不义，都唔系「仁者」。系咪好叻啊？ 　　点知孔Ｓｉｒ一啲都冇畀佢难倒。「听到噉嘅事，君子肯定要跟去救人。但系，君子亦都系聪明人，因为你留喺井上边，先至可以谂办法救到人；如果你跟住落去井里边，点救啊？噉嘅理由，可能暂时呃到君子，但系要迷惑佢整蛊佢，系冇可能ロ架。」 　　师生两个，一个问得巧，一个答得正，都系叻人嚟ロ架。但系我唔明嘅系：宰我问嘅系「仁者」，孔Ｓｉｒ答嘅系「君子」，系咪偷换概念啊？唔通孔Ｓｉｒ认为君子=仁者？但系佢又讲过「君子而不仁者有矣夫」啊（宪问第十四）！或者孔Ｓｉｒ认为世间根本就冇仁者，所以宰我嘅问题根本就唔成立，但系唔答佢又唔得，求祈揾个最接近仁者嘅「君子」顶数？真系谂极都唔明啊，咔咔。

茗荷介 發表於 2007-10-17 14:12:29

2.星期六坐车经过解放路，天桥上边啲簕杜鹃开晒花，几鬼靓啊！（星期六坐车经过解放路，天桥上边的簕杜鹃开了花，真漂亮啊！） 　　——巴士上，一个乘客对她的朋友这样说。
<IMG alt="" src="http://bbs.cantonese.asia/images/smilies/default/smile.gif" border=0 smilieid="1">

卢总發表於 2007-10-17 14:22:06

哦，系噃，走漏眼添！
希望其他人都可以好似茗荷介噉样，一齐嚟「正字＂！

頁: [1]

粵語協會's Archiver