黃子華奸人堅老嫩通殺
<P></P><P>圖：黃子華老嫩不放過，被葉童（左）和楊秀惠（右）教訓 <BR><BR>無線新劇《奸人堅》昨日試造型，出席演員包括黃子華、林嘉華、葉童、楊秀惠及李思欣等，其中飾演「奸人堅」的子華，更即場示範調戲良家婦女，且由老到嫩都不放過，他首先向自梳「三小花」黎萱、梁葆貞及陳嘉儀埋手，當他挨近萱姨時，萱姨即迴避道：「我係自梳女，唔嫁?！」子華卻色迷迷笑道：「我最鍾意自梳女，成世都冇畀人……」之後萱姨又用辮尾掃子華的臉，子華即問道：「放工去邊啫？」調戲完「三小花」後，子華即向李思欣及楊秀惠埋手，問她們夠十八歲沒有。 <BR><BR><U>驚觀眾「頂唔順」</U> <BR><BR>子華過去曾在《宋世傑》一劇中演過奸角，但戲份不多，今次則是大篇幅去演奸人，相信是其電視生涯史上的巔峰之作。他笑道：「今次可以好放肆，因為從來冇劇集畀奸人做主角，而且奸得好厲害，所以最初我都驚觀眾頂唔順，但係啲高層就叫我盡量去奸，因為之後做少少好事就值得同情。（你怎樣奸法呢？）一般人唔敢做嘅事我都做，調戲良家婦女更加係低層次嘅嘢，所以我有一句口頭蟬：『損人必利己、打贏靠暗器！』（你剛才連阿婆都不放過喎？）所以第一星期真係要睇下觀眾頂唔頂得順，當然劇中一定有喜劇元素啦！」正所謂惡有惡報，所以子華在結局時將有淒慘報應，非常折墮。 <BR><BR><U>林嘉華難甩戲癮</U> <BR><BR>另外，葉童乃首次與子華及林嘉華合作，為了聯絡感情及了解戲的方向，前晚她率先「萬歲」請他們吃飯。問她可擔心被子華整蠱？她笑道：「要接受佢，講明佢係奸人堅，應該會做出出人意表嘅事，所以都要防吓佢，希望大家?現場會有多啲火花。不過佢衰得來幾可愛，專門欺負弱者，小朋友唔好學就得喇！」而移民加拿大多年的林嘉華，去年因為返港客串《學警出更》竟拍出戲癮，之後回來接拍電影之餘，現在又返無線拍新劇《奸人堅》並飾演黃飛鴻。他笑道：「做咗呢行三十年，好似飲美沙酮咁，甩唔到，（是否跟無線簽了約？）一部還一部啦！唔好急！（是否要回流香港？）雖然太太遲吓都會返港，但唔算回流，逗留幾耐要視乎工作量。」</P>
<P> </P>
<P><A class=f14 href="http://bbs.ent.163.com/board/tvb/183/253183.html" target=_blank><FONT color=#666666>http://bbs.ent.163.com/board/tvb/183/253183.html</FONT><FONT color=#800080> </FONT></A></P>
頁:
[1]