漢字臺文：以「開闊」ｅ腹腸看拼音方案
<P> </P><P>漢字臺文：以「開闊」ｅ腹腸看拼音方案</P>
<P> </P>
<P>（2000.10.21上網） </P>
<P> </P>
<P>江東英</P>
<P> </P>
<P> </P>
<P><BR>家己母語有可能被消滅ｅ時陣，噯有危機意識，阮ｅ囡置厝內底袂駛講北京語兮，準若是用北京話講，阮翁仔某是袂佮伊講話、袂采怹咧！</P>
<P> </P>
<P>中國漢文化佮海洋南島文化攏是台灣文化ｅ重要內涵，咱台灣唔免逐項攏欲「去中國化」，好ｅ噯吸收，歹ｅ當然噯清除，這是目前台灣ｅ主流看法，亦是陳總統今年雙十節講話ｅ重要內涵。即二十外冬來，置做人做事方面，影響我上大兮是儒家思想，孟子說「君子固窮，小人窮斯濫矣。」對一個人ｅ志節來講是蓋重要兮，道家「豁達」、自然ｅ哲理，是家己心靈空虛時陣上好ｅ支持，我讀新儒家《十力語要》捌感動 ga 留目屎！</P>
<P> </P>
<P>孔子公講：「君子和而不同，小人同而不和。」</P>
<P><BR>怹ｅ後代有一寡人無法度學到即款「開闊」ｅ腹腸，煞變做柏楊所講ｅ「醬缸文化」，「小人」步數盡展。卡早，干單為著欲推廣北京語，老國民黨（昑馬分做國民黨、親民黨、新黨）強制沒收台灣各族群用羅馬拼音母語所寫ｅ聖經，即款「暴秦」ｅ行為，實在誠害，有夠無天理！戒嚴時陣，罰錢、敲手骨，掛狗牌仔、剝削工作機會，種種ｅ不公佮不義，安怎講攏講袂了，台灣人會凍原諒這款惡行惡狀，唔過，咁會凍放袂記兮這段歷史咧？咱故鄉ｅ序大人到今仔日亦一直受北京話ｅ推磨啊！</P>
<P><BR>過去唔對ｅ語言政策當然噯改革，外省人（新住民）唔免有陳師孟「原罪」ｅ觀念，不二過，噯有反省ｅ腹腸，袂駛閣想欲用北京語霸占台灣所有ｅ語言資源。</P>
<P> </P>
<P>總統大選前，台灣母語ｅ復興方案，立法院長王金平、台灣各大語言社團攏簽名支持，陳水扁佮宋楚瑜亦攏簽名支持，干單連戰唔噯簽名爾爾，到尾仔，開出來ｅ票連戰上低，天公伯啊實在有目睭！</P>
<P><BR>親民黨噯徛置2300萬人ｅ立場去爭取選民ｅ認同才對，用台北看台灣是唔通咧，用中國看台灣閣卡唔通，拼音方案就噯有即款精神，才袂變做另外一個新黨──愈選愈小黨。袂駛選前為著選票就大聲喊愛台灣、是台灣人，等到凍選了後，三不五時就欲問政府官員是不是「中國人」，即款步數是有騙票ｅ嫌疑，有一工選民ｅ目睭是會擘金咧。看清啥米人是政客閣置騙票啊！</P>
<P> </P>
<P>知識分子噯有以台灣為主體ｅ頭殼。反對漢語拼音、威妥瑪拼音、注音符號ｅ原因攏仝款，阮支持通用拼音，就是因為通用拼音對台灣2300萬人語言ｅ整合卡適合。以台灣為主體去思考上適合2300萬人ｅ拼音方案，準說會凍佮中國連接當然袂歹，唔過，袂駛為著欲佮中國ｅ漢語拼音相接，煞來犧牲台灣語言家己ｅ利益，這是袂駛咧！</P>
<P> </P>
<P>「阮若打開心內的窗，就會看到青春的美夢。」</P>
<P> </P>
<P> </P>
頁:
[1]