２００７年９月２８号《南方都市报》Ｂ１３

卢总發表於 2007-9-28 14:30:23

如此“家务”　
 　　孖辫妹　　 　　 　　□图／谈芳波　文／谈芳波　莫夕　　 　　
 　　图： 　　老窦老窦，我头先已经将所有碗碗碟碟洗干净晒嘞！　　 　　 　　我咁乖，你係咪应该加啲啲咁多多零用畀我呢？　　 　　 　　光头，你睇，你个妹孖辫都识得学做家头细务啦，你睇你都做过啲咩吖？　　 　　 　　哼！我喺度扫紧佢头先打烂啲碗碟啰！ 
 
<A href="http://www.nanfangdaily.com.cn/southnews/dd/dsb/B13/200709280343.asp">http://www.nanfangdaily.com.cn/southnews/dd/dsb/B13/200709280343.asp</A>

卢总發表於 2007-9-28 14:32:47

老窦老窦，我头先已经将所有碗碗碟碟洗干净晒嘞！　　 　　 　　我咁乖，你系咪应该加啲啲咁多多零用畀我呢？　　 　　 　　光头，你睇，你个妹孖辫都识得学做家头细务喇／嘞，你睇你都做过啲咩啊？　　 　　 　　哼！我喺度扫紧佢头先打烂啲碗碟啰！

卢总發表於 2007-9-28 14:33:58

酒楼趣话　

粤讲粤明　　 　　 　　□易钦富　　 　　 　　1.一日，楼面嘅生意爆晒棚，老细见到出菜慢咗，就入嚟厨房催菜。点知佢见到我哋啲厨师都忙到死下死下噉，就话嘞：“你哋唔使急，至紧要快！” 　　2.一次，有个新服务员唔识得点菜，佢居然将豉油王炒河粉点成咗——干炒牛河。新服务员同外省客人沟通唔好就好容易出现下面呢种情况：“罗汉上树一份。”“罗汉上树”係乜嘢？其实就係“罗汉上素”。 　　3.又一次，我哋酒楼搞特价海鲜，三两重嘅红丁斑先至八蚊一条。有张台嚟咗两个客人，一个话：“我要一条豉汁蒸红丁斑。”另一个话：“我要一条清蒸嘅新鲜红丁斑！”到上菜嗰阵，服务员就问嘞，“啱先係边个要新鲜嘅红丁斑啊？” 　　4.有时，有啲客人都好搞笑口架。有次三个客人食完饭，佢哋嘅一个朋友先赶到嚟。嗰个迟到嘅客人一坐低就问服务员：“靓女，你哋呢度有冇四斤重嘅龙虾吖？”服务员去海鲜池睇咗一下，返嚟话：“先生唔好意思，我哋啲龙虾冇四斤重，两斤几嘅就有。”嗰个客人就话：“冇就算嘞，噉就畀碗白粥我吖，唔该！” 
 
<A href="http://www.nanfangdaily.com.cn/southnews/dd/dsb/B13/200709280342.asp">http://www.nanfangdaily.com.cn/southnews/dd/dsb/B13/200709280342.asp</A>

卢总發表於 2007-9-28 14:40:58

1.一日，楼面嘅生意爆晒棚，老世见到出菜慢咗，就入嚟厨房催菜。点知佢见到我哋啲厨师都忙到死下死下噉，就话嘞：“你哋唔使急，至紧要快！” 　　2.一次，有个新服务员唔识得点菜，佢居然将豉油王炒河粉点成咗——干炒牛河。新服务员同外省客人沟通唔好就好容易出现下面呢种情况：“罗汉上树一份。”“罗汉上树”系乜嘢？其实就系“罗汉上素”。 　　3.又一次，我哋酒楼搞特价海鲜，三两重嘅红丁斑先至八蚊一条。有张台嚟咗两个客人，一个话：“我要一条豉汁蒸红丁斑。”另一个话：“我要一条清蒸嘅新鲜红丁斑！”到上菜嗰阵，服务员就问嘞：“啱先系边个要新鲜嘅红丁斑啊？” 　　4.有时，有啲客人都好搞笑ロ架。有次三个客人食完饭，佢哋嘅一个朋友先赶到嚟。嗰个迟到嘅客人一坐低就问服务员：“靓女，你哋呢度有冇四斤重嘅龙虾啊？”服务员去海鲜池睇咗一下，返嚟话：“先生唔好意思，我哋啲龙虾冇四斤重，两斤几嘅就有。”嗰个客人就话：“冇就算嘞，噉就畀碗白粥我吖，唔该！”

卢总發表於 2007-9-28 14:43:58

韩流兴整容　

广州随笔　　 　　 　　□樊泳欣　　 　　 　　韩片《美女的烦恼》讲嘅係一个又肥又丑嘅幕后女歌手，发现所暗恋嘅男生十分厌恶佢嘅容貌。伤心欲绝之下，女生做咗成个人嘅整容手术。整容后，佢好快就成为好受欢迎嘅幕前歌手。但佢内心挣扎，觉得整容后嘅自己唔係真正嘅自己，然而又唔舍得因整容后得到嘅一切。最终，喺佢第一场演唱会嘅时候，佢同所有嘅歌迷讲述咗自己嘅整容经历，并得到咗好多歌迷嘅谅解。 　　呢部电影，既崇尚自然美，又有倡导整容嘅嫌疑。女主角整容后，无论係笑定係喐，动作都唔可以太大，因为会“嘞教”；唔可以畀人摸，因为全身大部分嘅肉都係用硅胶填充嘅，一摸就会“穿煲”。诸多嘅不便加上要彻底抹掉过去，令女主角深深咁体会到做整容人嘅悲哀，体会到自然才是美，才是最真实嘅自己。然而，剧中整容技术嘅鬼斧神工，就将人引向整容嘅幻想。喺韩国，局部整容係家常便饭，而女主角完美嘅整体整容，无疑係为韩国整容业更高嘅指标卖咗广告：整容唔单止係局部。整容后嘅生活，会更加多姿多彩。 　　爱美之心人皆有之，韩国嘅整容风气随着韩流流入中国。喺广州，各大整容医院林立，整容广告喐下就占咗成版报纸。医院各出奇招，揾一啲喺选美中落选嘅人亲身试刀，证实整容嘅真实性，证明整容效果嘅显著。睇到咁多麻雀变凤凰嘅广告，加上韩国整容风气嘅熏陶，好多灰姑娘都希望以整容嚟改变自己。但係，整容失败嘅例子比比皆是，好好嘅身体点解要“挨千刀”？对于整容，我哋真係要慎重考虑，唔好净係睇到成功整容后嘅光环，仲要睇到嗰啲隐藏係黑暗角落中嘅失败、烦恼、悲哀…… 
 
<A href="http://www.nanfangdaily.com.cn/southnews/dd/dsb/B13/200709280341.asp">http://www.nanfangdaily.com.cn/southnews/dd/dsb/B13/200709280341.asp</A>

卢总發表於 2007-9-28 15:22:44

韩片《美女的烦恼》讲嘅系一个又肥又丑嘅幕后女歌手，发现所暗恋嘅男仔十分厌恶佢嘅容貌。伤心欲绝之下，女仔做咗成个人嘅整容手术。整容后，佢好快就成为好受欢迎嘅幕前歌手。但佢内心挣扎，觉得整容后嘅自己唔系真正嘅自己，然而又唔舍得因整容后得到嘅一切。最终，喺佢第一场演唱会嘅时候，佢同所有嘅歌迷讲述咗自己嘅整容经历，并得到咗好多歌迷嘅谅解。［唔该唔好学埋晒台湾嗰啲“男生”、“女生”嘅口吻！］ 　　呢部电影，既崇尚自然美，又有倡导整容嘅嫌疑。女主角整容后，无论系笑定系喐，动作都唔可以太大，因为会甩铰；唔可以畀人摸，因为全身大部分嘅肉都系用硅胶填充嘅，一摸就会“穿煲”。诸多嘅不便加上要彻底抹掉过去，令女主角深深咁体会到做整容人嘅悲哀，体会到自然才是美，才是最真实嘅自己。然而，剧中整容技术嘅鬼斧神工，就将人引向整容嘅幻想。喺韩国，局部整容系家常便饭，而女主角完美嘅整体整容，无疑系为韩国整容业更高嘅指标卖咗广告：整容唔单止系局部。整容后嘅生活，会更加多姿多彩。 　　爱美之心人皆有之，韩国嘅整容风气随着韩流流入中国。喺广州，各大整容医院林立，整容广告喐下就占咗成版报纸。医院各出奇招，揾一啲喺选美中落选嘅人亲身试刀，证实整容嘅真实性，证明整容效果嘅显著。睇到咁多麻雀变凤凰嘅广告，加上韩国整容风气嘅熏陶，好多灰姑娘都希望以整容嚟改变自己。但系，整容失败嘅例子比比皆是，好好嘅身体点解要“挨千刀”？对于整容，我哋真系要慎重考虑，唔好净系睇到成功整容后嘅光环，重要睇到嗰啲隐藏喺黑暗角落中嘅失败、烦恼、悲哀……

卢总發表於 2007-9-28 15:24:37

《逝去的诺言》，遗下的痴情　

金曲寻味　　 　　 　　□叶丽贞　　 　　 　　相识是偶然／无奈爱心顷刻变／你在我／又或是我在你内心曾许下诺言／谁说有不散筵席／谁说生死不变／这份爱／让这份爱被流水一一冲染…… 　　常言道“天下无不散之筵席”，但其实“不散之筵席”、“生死不变”嘅爱係有嘅，只不过紧缺啲，“可遇不可求”啫。当开始热恋之际，山盟海誓之时，我哋就好容易以为“遇”到嘞，但慢慢就发现，“这份爱”往往畀“时光”所掌控，好似“流水一一冲染”嘞！幸而，留低嘅“悲怨”，亦时常能够借助“时光”去稀释、溶化啫。 　　“诺言”会“逝去”，但无可否认嘅係：好多人做出承诺嘅时候，通常係出自真心诚意口架！只不过正如某首歌所唱噉啫：“今时情迷因今天，他年无情还无情……真爱又如何，难说永没变改。”否则就唔会愈来愈多人信奉“不在乎天长地久，只在乎曾经拥有”嘞。 　　呢首歌曲叫做《逝去的诺言》，係香港第二代粤语歌手陈慧娴嘅首本名曲。呢首歌之所以赢得咁多拥趸，除咗得益于歌词嘅平实真挚以及原唱者当年嘅名气之外，我认为居功至伟嘅係，呢首歌嘅音乐同旋律好好听。佢自始至终以古筝为主乐器，古筝嗰种幽怨寂寥嘅意境同陈慧娴清脆的声音好匹配，实在係珠联璧合，仲有，成首歌嘅旋律都係唔紧唔慢，如泣如诉，正正切合曲中人欲断难断、此恨绵绵嘅矛盾心情嘞： 　　看著你／我愁怀满脸／泪水有如洒在面前／我的心怎忍说离别／凝望你轻忽走远…… 
 
<A href="http://www.nanfangdaily.com.cn/southnews/dd/dsb/B13/200709280340.asp">http://www.nanfangdaily.com.cn/southnews/dd/dsb/B13/200709280340.asp</A>

卢总發表於 2007-9-28 15:41:06

相识是偶然／无奈爱心顷刻变／你在我／又或是我在你内心曾许下诺言／谁说有不散筵席／谁说生死不变／这份爱／让这份爱被流水一一冲染…… 　　常言道“天下无不散之筵席”，但其实“不散之筵席”、“生死不变”嘅爱系有嘅，只不过紧缺啲，“可遇不可求”啫。当开始热恋之际，山盟海誓之时，我哋就好容易以为“遇”到嘞，但慢慢就发现，“这份爱”往往畀“时光”所掌控，好似“流水一一冲染”嘞！幸而，留低嘅“悲怨”，亦时常能够借助“时光”去稀释、溶化啫。 　　“诺言”会“逝去”，但无可否认嘅系：好多人作出承诺嘅时候，通常系出自真心诚意ロ架！只不过正如某首歌所唱噉啫：“今时情迷因今天，他年无情还无情……真爱又如何，难说永没变改。”否则就唔会愈来愈多人信奉“不在乎天长地久，只在乎曾经拥有”嘞。 　　呢首歌曲叫做《逝去的诺言》，系香港第二代粤语歌手陈慧娴嘅首本名曲。呢首歌之所以赢得咁多拥趸，除咗得益于歌词嘅平实真挚以及原唱者当年嘅名气之外，我认为居功至伟嘅系，呢首歌嘅音乐同旋律好好听。佢自始至终以古筝为主乐器，古筝嗰种幽怨寂寥嘅意境同陈慧娴清脆嘅声音好匹配，实在系珠联璧合，重有，成首歌嘅旋律都系唔紧唔慢，如泣如诉，正正切合曲中人欲断难断、此恨绵绵嘅矛盾心情嘞： 　　看着你／我愁怀满脸／泪水有如洒在面前／我的心怎忍说离别／凝望你轻忽走远……

卢总發表於 2007-9-28 15:42:34

出粮难　

街坊话事　　 　　 　　□出粮难　　 　　 　　阿婶：真喺烦啦，个个月出粮嚟排队都要排两三个钟。 　　阿伯：噉咪几好啰。 　　阿婶：噉仲话几好呀，你真喺识讲风凉说话啰。 　　阿伯：一啲都冇风凉到口架。如果要你返厂出粮，咁又点呀？ 　　阿婶：噉又係嘅，我退休咗几年啰，间厂经已搬咗去增城，如果要返厂出粮，噉就惨啰。 　　阿伯：你话啦，你返厂出粮好呢，抑或嚟银行出粮好呢？ 　　阿婶：噉样讲?，梗係嚟银行好啦，起码唔使坐几粒钟嘅车。 　　阿伯：仲有啊，如果返到厂，个出纳唔係道?，仲要行多次。嚟银行出粮，佢有时有候开门嘅，时间靠自己掌握啫。 　　阿婶：阿伯，你真係睇得开。你讲得都几有道理，不过我係唔抵得要排几个钟头队啫。 　　阿伯：凡事多啲从几个方面嚟谂下，少发啲牢骚，咁就条气都顺啲，饭都食多几碗口架。 　　阿婶：真喺嘅？ 　　阿伯：我呃你有饭开咩！哈哈。 
 
<A href="http://www.nanfangdaily.com.cn/southnews/dd/dsb/B13/200709280339.asp">http://www.nanfangdaily.com.cn/southnews/dd/dsb/B13/200709280339.asp</A>

卢总發表於 2007-9-28 15:55:11

阿婶：真系烦嘞，个个月出粮嚟排队都要排两三个钟。 　　阿伯：噉咪几好啰。 　　阿婶：噉重话几好呀，你真系识讲风凉说话啰。 　　阿伯：一啲都冇风凉到ロ架。如果要你返厂出粮，噉又点呀？ 　　阿婶：噉又系嘅，我退咗休几年啰，间厂经已搬咗去增城，如果要返厂出粮，噉就惨啰。［“退休咗”好明显就系由普通话“退休了”翻译过嚟，根本就唔啱广州话嘅语序！］ 　　阿伯：你话啦，你返厂出粮好呢，抑或嚟银行出粮好呢？ 　　阿婶：噉样讲?，梗系嚟银行好啦，起码唔使坐几粒钟嘅车。 　　阿伯：重有啊，如果返到厂，个出纳唔喺道?，重要行多次。嚟银行出粮，佢有时有候开门嘅，时间靠自己掌握啫。 　　阿婶：阿伯，你真系睇得开。你讲得都几有道理，不过我系唔抵得要排几个钟头队啫。 　　阿伯：凡事多啲从几个方面嚟谂下，少发啲牢骚，噉就条气都顺啲，饭都食多几碗ロ架。 　　阿婶：真系嘅？ 　　阿伯：我呃你有饭开咩！哈哈。

卢总發表於 2007-9-28 15:56:12

广州播客第161期　

同声同气　　 　　 　　□阿展专栏　　 　　 　　1.最怕黄金周嘞，乜嘢都贵啲，成街都係人，饮茶都冇位。（最怕黄金周了，什么都贵了，满街都是人，喝茶都没位。） 　　——茶楼里，一个老伯对黄金周有这样的评价。 　　2.中得嗰鸡穗咁多，有鬼用咩。“打劫红毛鬼，进贡法兰西”，一阵咪输返晒。（中得一点点没什么用，左手来，右手去，还不是一下又要输回去。） 　　——某小区里，一个街坊买私彩，中了两元特码，自我解嘲。 　　3.你唔受沟，咪唔睬佢啰，使乜吠佢咁劳气啫？（你不跟它做朋友，别理它就是了，用不着对它叫这么动气。） 　　——晓港地铁站附近广场，一个师奶摸着爱犬的头。十几条宠物狗每晚都在那里聚会。 　　4.“……”“……” 　　——地铁杨箕站。车到了，一个孕妇上了车。此时，一位胡须佬后面有空位，他望着那孕妇，又往那空位的方向使了一下眼色。孕妇看见了，向他摇了摇头，又向门口打了一下眼色，意思是不坐了，下个站就下。胡须佬就望一下自己的手，又望一下自己扶的柱，再望她，示意她扶稳。她点了点头。到了体育西，她下了车，他也下了。上扶手电梯时，他站她后面，但始终让她周围有空间，并不让后面和旁边的人冲上来。她明白了，善意地向他点了点头，他报以微笑。上到地面，一个向左，一个向右。 
 
<A href="http://www.nanfangdaily.com.cn/southnews/dd/dsb/B13/200709280338.asp">http://www.nanfangdaily.com.cn/southnews/dd/dsb/B13/200709280338.asp</A>

卢总發表於 2007-9-28 16:15:16

1.最怕黄金周嘞，乜嘢都贵啲，成街都系人，饮茶都冇位。（最怕黄金周了，什么都贵了，满街都是人，喝茶都没位。） 　　——茶楼里，一个老伯对黄金周有这样的评价。 　　2.中得嗰鸡碎咁多，有鬼用咩。“打劫红毛鬼，进贡法兰西”，一阵咪输返晒。（中得一点点没什么用，左手来，右手去，还不是一下又要输回去。） 　　——某小区里，一个街坊买私彩，中了两元特码，自我解嘲。 　　3.你唔受媾，咪唔睬佢啰，使乜吠佢咁劳气啫？（你不跟它做朋友，别理它就是了，用不着对它叫这么动气。）［“你不跟它做朋友”翻译得唔准确。］ 　　——晓港地铁站附近广场，一个师奶摸着爱犬的头。十几条宠物狗每晚都在那里聚会。 　　4.“……”“……” 　　——地铁杨箕站。车到了，一个孕妇上了车。此时，一个胡须佬后面有空位，他望着那孕妇，又往那空位的方向使了一下眼色。孕妇看见了，向他摇了摇头，又向门口打了一下眼色，意思是不坐了，下个站就下。胡须佬就望一下自己的手，又望一下自己扶的柱，再望她，示意她扶稳。她点了点头。到了体育西，她下了车，他也下了。上扶手电梯时，他站她后面，但始终让她周围有空间，并不让后面和旁边的人冲上来。她明白了，善意地向他点了点头，他报以微笑。上到地面，一个向左，一个向右。［用“位”字作量词唔系好适当。］

卢总發表於 2007-9-28 16:16:45

6·22　敬鬼神而远之　

栋笃论语·雍也第六　　 　　 　　□子野专栏　　 　　 　　【原文】樊迟问知。子曰：“务民之义，敬鬼神而远之，可谓知矣。”问仁。曰：“仁者先难而后获，可谓仁矣。” 　　【译文】樊迟问咩係智慧。孔子话：“尽力去做嗰啲人民认为应该做嘅事；敬奉鬼神，但係远离佢哋。噉就可以算係一种智慧嘞。”樊迟又问仁。孔子话：“艰难困苦先，收获享受后，噉就係仁嘞。” 　　【栋笃】学过《论语》嘅人都知口架嘞，喺成部书入边，孔Ｓｉｒ从来都未科学、全面噉对“仁”、“智”等等解释过。唔同嘅人去问佢，都会得到唔同嘅答案——噉就係“因材施教”嘞。因为“仁”喺儒家思想入边係“重点中嘅重点”，“知”（智），就係“求仁”嘅途径、方法。唔同嘅人，可以行唔同嘅“求仁”之路。 　　樊迟係孔Ｓｉｒ嘅学生，但係，同颜回、子贡等“优等生”相比较，佢嘅资质，就可以算係“中人以下”嘞。今次佢问阿孔Ｓｉｒ，究竟咩係知（智）、咩係仁——呢两个问题，偏偏就係属于“上”嘅问题。所以，孔Ｓｉｒ就因材施教嘞，拣啲容易学识嘅，畀佢一个循序渐进嘅机会嘞。 　　噉点解“敬鬼神而远之”就係“知”呢？喺孔Ｓｉｒ生活嘅春秋时代，绝大部分人，係相信有鬼神嘅。统治者要稳固自己嘅地位，亦都要假借神权先至可以令到人民信服。信鬼神嘅人，就会畀“鬼神”所迷惑，失去理智，咩事都靠晒“鬼神”；嗰啲唔信鬼神嘅人，又一啲都唔敬畏鬼神，精神上冇咗约束，就会胆生毛乱咁嚟嘞，距离“仁”嘅要求就越嚟越远嘞。所以，对待鬼神最理智嘅态度，就係“敬而远之”：敬，相信“举头三尺有神明”，就会“日三省吾身”；远，唔信鬼神可以左右人类嘅祸福，有事自己努力解决。噉样，先至係理智嘅行为。但係，“可谓知矣”，唔等于“是为知矣”，即係话，“知”有好多表现，呢啲，只係其中嘅一部分啫。 　　“仁”嘅内容就更加多嘞。“先难而后获”，范仲淹嘅名句“先天下之忧而忧，后天下之乐而乐”讲嘅都係呢层意思，唔使再讲嘞。做到噉嘅人，梗係“仁人”嘞，但係，“仁”，又唔单止係咁简单口架。 
 
<A href="http://www.nanfangdaily.com.cn/southnews/dd/dsb/B13/200709280337.asp">http://www.nanfangdaily.com.cn/southnews/dd/dsb/B13/200709280337.asp</A>

卢总發表於 2007-9-28 16:34:03

【原文】樊迟问知。子曰：“务民之义，敬鬼神而远之，可谓知矣。”问仁。曰：“仁者先难而后获，可谓仁矣。” 　　【译文】樊迟问咩系智慧。孔子话：“尽力去做嗰啲人民认为应该做嘅事；敬奉鬼神，但系远离佢哋。噉就可以算系一种智慧嘞。”樊迟又问仁。孔子话：“艰难困苦先，收获享受后，噉就系仁嘞。” 　　【栋笃】学过《论语》嘅人都知ロ架嘞，喺成部书入边，孔Ｓｉｒ从来都未科学、全面噉对“仁”、“智”等等解释过。唔同嘅人去问佢，都会得到唔同嘅答案——噉就系“因材施教”嘞。因为“仁”喺儒家思想入边系“重点中嘅重点”，“知”（智），就系“求仁”嘅途径、方法。唔同嘅人，可以行唔同嘅“求仁”之路。 　　樊迟系孔Ｓｉｒ嘅学生，但系，同颜回、子贡等“优等生”相比较，佢嘅资质，就可以算系“中人以下”嘞。今次佢问阿孔Ｓｉｒ，究竟咩系知（智）、咩系仁——呢两个问题，偏偏就系属于“上”嘅问题。所以，孔Ｓｉｒ就因材施教嘞，拣啲容易学识嘅，畀佢一个循序渐进嘅机会嘞。 　　噉点解“敬鬼神而远之”就系“知”呢？喺孔Ｓｉｒ生活嘅春秋时代，绝大部分人，系相信有鬼神嘅。统治者要稳固自己嘅地位，亦都要假借神权先至可以令到人民信服。信鬼神嘅人，就会畀“鬼神”所迷惑，失去理智，咩事都靠晒“鬼神”；嗰啲唔信鬼神嘅人，又一啲都唔敬畏鬼神，精神上冇咗约束，就会胆生毛乱咁嚟嘞，距离“仁”嘅要求就越嚟越远嘞。所以，对待鬼神最理智嘅态度，就系“敬而远之”：敬，相信“举头三尺有神明”，就会“日三省吾身”；远，唔信鬼神可以左右人类嘅祸福，有事自己努力解决。噉样，先至系理智嘅行为。但系，“可谓知矣”，唔等于“是为知矣”，即系话，“知”有好多表现，呢啲，只系其中嘅一部分啫。 　　“仁”嘅内容就更加多嘞。“先难而后获”，范仲淹嘅名句“先天下之忧而忧，后天下之乐而乐”讲嘅都系呢层意思，唔使再讲嘞。做到噉嘅人，梗系“仁人”啦，但系，“仁”，又唔单止系咁简单ロ架。

羊城惜花人 發表於 2007-10-6 15:12:46

盧總，我覺得你呢度有啲矯枉過正~

huang 發表於 2007-10-6 21:10:25

ロ架   同口架呢個有乜唔同？？就係因為個口細啲？？
既然你ロ架 都係唔啱嘅點解又要去正人呢？？
 
  ?    應該係咁嘅

huang 發表於 2007-10-6 21:13:38

重有個"媾"字  十劃都未有一撇就想媾？？
狼死啲喎~~<IMG alt="" src="http://bbs.cantonese.asia/images/smilies/default/smile.gif" border=0 smilieid="1">

頁: [1]

粵語協會's Archiver