２００７年９月１９号《南方都市报》Ｂ１２

卢总發表於 2007-9-20 09:02:58

我嘅恋爱史
 
 　　粤讲粤明　　 　　 　　□易钦富 　　 　　唔係我吹水，曾经有个女仔一见到我就同我私定终生，佢话“我呢世都唔想再见到你”；亦曾经有个女仔同我约定来生，佢话“你想沟我，第二世啦”；仲有个女仔为咗我可以去死：“同你喺埋一起我情愿去死！” 　　所以，听到呢度，基本上可以认为我係一个好失败嘅人！但失败係成功嘅妈咪，我以前成日失败係因为我太过老实，仲要係担屎都唔偷食嗰只。以前啲女仔问我，“李嘉欣靓定係我靓吖？”你哋估下我点答佢？我话，“一样靓——关埋灯嗰阵！”结果就係畀佢话我咸湿兼贱格。从来都冇人同我讲呢个时候只要揞住良心讲一句地球人都知道嘅假话：“梗係你靓啲啦，你喺我心目中係至靓嘅。”佢听完就会一路嗌住：“扯，我唔信。”一路个头已经扑埋你度…… 　　所以我揾唔到女朋友，不过唔紧要，有样叫做“QQ”嘅嘢一样可以帮到手。上网倾下偈，大家都冇压力，倾得埋就约个时间出嚟见下面，倾唔埋就拉佢到黑名单，冇手尾。但係呢度都有个问题，就係同我喺网上爱到要生要死嘅，经常到收尾先知佢係男人。当然，有时好彩真係女人，但佢唔係芙蓉姐姐就係芙蓉妹妹，轮到我“情愿去死”：( 　　网络始终係虚嘅，现实生活中仲有一个实打实嘅方法——相睇。好多人谂住，要相睇嘅都係人哋拣剩嘅冇乜好货色嘅嘞，其实呢啲係你哋嘅误解，“好物沉归底”你哋有冇听过啊？有次相睇，去之前我叫老友半个钟之后畀电话我，如果唔啱我就话朋友出咗车祸我要走先。但係好意外我遇到一个“李嘉欣”，我梗係满意啦——只不过半个钟未到，佢朋友就“出咗车祸”……
 
<A href="http://www.nanfangdaily.com.cn/southnews/dd/dsb/B12/200709190470.asp">http://www.nanfangdaily.com.cn/southnews/dd/dsb/B12/200709190470.asp</A>

卢总發表於 2007-9-20 09:12:29

唔系我吹水，曾经有个女仔一见到我就同我私定终生，佢话“我呢世都唔想再见到你”；亦曾经有个女仔同我约定来生，佢话“你想沟我，第二世啦”；重有个女仔为咗我可以去死：“同你喺埋一齐，我情愿去死！” 　　所以，听到呢度，基本上可以认为我系一个好失败嘅人！但失败系成功嘅妈咪，我以前成日失败系因为我太过老实，重要系担屎都唔偷食嗰只。以前啲女仔问我，“李嘉欣靓定係我靓啊？”你哋估下我点答佢？我话，“一样靓——关埋灯嗰阵！”结果就系畀佢话我咸湿兼贱格。从来都冇人同我讲呢个时候只要揞住良心讲一句地球人都知道嘅假话：“梗係你靓啲啦，你喺我心目中系至靓嘅。”佢听完就会一路嗌住：“扯，我唔信。”一路个头已经扑埋你度…… 　　所以我揾唔到女朋友，不过唔紧要，有样叫做“QQ”嘅嘢一样可以帮到手。上网倾下偈，大家都冇压力，倾得埋就约个时间出嚟见下面，倾唔埋就拉佢到黑名单，冇手尾。但系呢度都有个问题，就系同我喺网上爱到要生要死嘅，经常到收尾先知佢系男人。当然，有时好彩真系女人，但佢唔系芙蓉姐姐就系芙蓉妹妹，轮到我“情愿去死”：( 　　网络始终系虚嘅，现实生活中重有一个实打实嘅方法——相睇。好多人谂住，要相睇嘅都系人哋拣剩嘅冇乜好货色嘅嘞，其实呢啲系你哋嘅误解，“好物沉归底”你哋有冇听过啊？有次相睇，去之前我叫老友半个钟之后畀电话我，如果唔啱我就话朋友出咗车祸我要走先。但系好意外我遇到一个“李嘉欣”，我梗系满意啦——只不过半个钟未到，佢朋友就“出咗车祸”……

卢总發表於 2007-9-20 09:16:06

习惯鎅颈

羊城论坛　　 　　 　　□Pippo阮　　 　　 　　近日睇到一段新闻《大一生生活不习惯自杀获救》，话新学期嘅一晚，学校安排新生参加计算机基础测试，呢位啱啱入学、19岁嘅大一新生冇去参加。佢匿埋喺宿舍，用玻璃片割颈自杀，好在抢救及时，已经脱离危险。据依家一直陪护住呢位学生嘅老师介绍，佢自杀嘅原因好简单，係由于啱啱读大学，好多地方都唔惯。 　　惯，《尔雅》曰：“习也。”有习以为常，积久成性之意。好似有人问，你咁搏命——日头猛做，夜晚重做埋Part－time　添，顶唔顶得顺嘎？你可能会答：“唉，惯咗喇，鬼叫你穷啊，顶硬上！”而事件中嘅呢位学生，嚟到新环境，可能食嘅唔惯(唔係以前食开嗰种餸菜)，住嘅又唔惯(唔係屋企入面嘅高床软枕)，读书又唔惯(可能以前一日七堂课，重有先生成日笃住；依家唔同晒)……咩都唔惯，谂到冇得谂，去鎅颈啰！所以睇到呢段新闻可能好多朋友同我嘅反应都一样：呢位朋友仔畀人纵惯晒！其实，“惯”字喺国语入面亦有“纵容，迁就”嘅意思。所以呢位畀“惯惯”嘅学生，其心理承受能力同环境适应能力真係极有必要提高。 　　唔想再讲咩呢个係教育制度发展嘅缺陷：片面追求分数，忽视学生个人品德、心理素质嘅教育等等。净係想问吓嗰啲对新嘅读书、生活环境唔习惯就谂住去自杀嘅朋友：可能依家同以前嘅情况好唔同，你好唔惯，唔通你就好习惯鎅颈？噉一个学期鎅几多次啊？有冇分期中鎅、期末鎅呢？放假鎅得多唔多啊？其实鎅颈重唔惯啦，不如叠埋心水尽快适应新环境，识多啲新朋友，读好啲书，等父母安乐啲重好啦，係咪？
 
<A href="http://www.nanfangdaily.com.cn/southnews/dd/dsb/B12/200709190469.asp">http://www.nanfangdaily.com.cn/southnews/dd/dsb/B12/200709190469.asp</A>

[ 本帖最後由卢总於 2007-9-20 10:12 編輯 ]

卢总發表於 2007-9-20 10:10:08

近日睇到一段新闻《大一生生活不习惯自杀获救》，话新学期嘅一晚，学校安排新生参加计算机基础测试。呢位啱啱入学、19岁嘅大一新生冇去参加。佢匿埋喺宿舍，用玻璃片割颈自杀，好在抢救及时，已经脱离危险。据而家一直陪护住呢位学生嘅老师介绍，佢自杀嘅原因好简单，系由于啱啱读大学，好多地方都唔惯。 　　惯，《尔雅》曰：“习也。”有习以为常，积久成性之意。好似有人问，你咁搏命——日头猛做，夜晚重做埋Part－time　添，顶唔顶得顺嘎？你可能会答：“唉，惯咗喇，鬼叫你穷啊，顶硬上！”而事件中嘅呢位学生，嚟到新环境，可能食嘅唔惯(唔系以前食开嗰种餸菜)，住嘅又唔惯(唔系屋企入面嘅高床软枕)，读书又唔惯(可能以前一日七堂课，重有先生成日笃住；依家唔同晒)……咩都唔惯，谂到冇得谂，去鎅颈啰！所以睇到呢段新闻可能好多朋友同我嘅反应都一样：呢位朋友仔畀人纵惯晒！其实，“惯”字喺国语入面亦有“纵容，迁就”嘅意思。所以呢位畀“惯惯”嘅学生，其心理承受能力同环境适应能力真系极有必要提高。 　　唔想再讲咩呢个系教育制度发展嘅缺陷：片面追求分数，忽视学生个人品德、心理素质嘅教育等等。净系想问下嗰啲对新嘅读书、生活环境唔习惯就谂住去自杀嘅朋友：可能而家同以前嘅情况好唔同，你好唔惯，唔通你就好习惯鎅颈？噉一个学期鎅几多次啊？有冇分期中鎅、期末鎅呢？放假鎅得多唔多啊？其实鎅颈重唔惯啦，不如叠埋心水尽快适应新环境，识多啲新朋友，读好啲书，等父母安乐啲重好啦，系咪？

卢总發表於 2007-9-20 10:14:11

数字电视唔着数

街坊话事　　 　　 　　□江晖　　 　　 　　张姨：三婶，乜你都落嚟透凉呀？你唔係不嬲都係电视迷，要电视剧送饭，兼晚晚捞埋电视汁先瞓嘅咩？ 　　三婶：哎呀，唔好提啦。热辣辣，我梗想喺屋企叹空调煲电视嘞。不过自从教咗数字电视之后，呢支歌仔就冇唱得咁好听嘞。 　　张姨：哦，我知你烦咩嘞，肯定係嫌转台慢嘞。 　　三婶：你真係了解我，我係短命种嚟口架嘛，心急到死嘅，广告时间想转下其它台睇下其它嘢，转一次起码要花2、3秒，唔似之前，一闪就过。个机盒反应慢成咁，点得口架？仲有呀，个个台嘅音量都唔同嘅，忽大忽细，冇喱拉更会大声到鬼咁，我心脏弱呀嘛，成日吓一跳。初初仲以为数字电视好巴闭，装嗰阵仲以为得米。今晚部电视坏埋添，啲人头个个拉到长一长，可能佢都受唔住折磨想退休嘞。 　　张姨：噉呀。不过你咪算叻啰，起码都识用，我仲衰，平时开部收音机都已经手震震。之前个仔教我开完呢部机再开嗰部，按完边个“制”又点，我成日都冇心装载，左耳入右耳出，到依家都未学识。屋企老嘢不嬲眼尾都唔睄一眼电视，更加唔识。今晚个仔未返，我就开唔掂部电视嘞。 　　三婶：使唔使我去帮你开呀？ 　　张姨：好呀，你都一齐嚟我度过电视瘾啦。 　　三婶：好呀，好呀，就係想噉。其实我听个仔讲过，话呢半年内都可以继续用住有线电视先口架。 　　张姨：唉，呢啲高科技我哋啲老嘢谂唔掂口架嘞，留返畀啲后生谂嘞。你都唔好咁掹住，可能迟下有得改善呢。 
 
<A href="http://www.nanfangdaily.com.cn/southnews/dd/dsb/B12/200709190468.asp">http://www.nanfangdaily.com.cn/southnews/dd/dsb/B12/200709190468.asp</A>

卢总發表於 2007-9-20 10:34:04

张姨：三婶，乜你都落嚟唞凉呀？你唔系不嬲都系电视迷，要电视剧送饭，兼晚晚捞埋电视汁先瞓嘅咩？ 　　三婶：哎呀，唔好提喇。热辣辣，我梗想喺屋企叹空调煲电视啦。不过自从校咗数字电视之后，呢支歌仔就冇唱得咁好听嘞。 　　张姨：哦，我知你烦咩嘞，肯定系嫌转台慢嘞。 　　三婶：你真系了解我，我系短命种嚟ロ架嘛，心急到死嘅，广告时间想转下其它台睇下其它嘢，转一次起码要花2、3秒，唔似之前，一闪就过。个机盒反应慢成噉，点得ロ架？重有呀，个个台嘅音量都唔同嘅，忽大忽细，冇喱拉更会大声到鬼噉，我心脏弱吖嘛，成日吓一跳。初初重以为数字电视好巴闭，装嗰阵重以为得米。今晚部电视坏埋添，啲人头个个拉到长一长，可能佢都受唔住折磨想退休嘞。 　　张姨：噉呀。不过你咪算叻啰，起码都识用，我重衰，平时开部收音机都已经手震震。之前个仔教我开完呢部机再开嗰部，按完边个“掣”又点，我成日都冇心装载，左耳入右耳出，到而家都未学识。屋企老嘢不嬲眼尾都唔睄一眼电视，更加唔识。今晚个仔未返，我就开唔掂部电视嘞。 　　三婶：使唔使我去帮你开呀？ 　　张姨：好呀，你都一齐嚟我度过电视瘾啦。 　　三婶：好呀，好呀，就系想噉。其实我听个仔讲过，话呢半年内都可以继续用住有线电视先ロ架。 　　张姨：唉，呢啲高科技，我哋啲老嘢谂唔掂ロ架嘞，留返畀啲后生谂啦。你都唔好咁目孟住，可能迟下有得改善呢。

卢总發表於 2007-9-20 13:13:23

我在交易会的日子　

广州旧影　　 　　 　　□冯璐赟专栏　　 　　 　　照片提供、口述：萧丽卿(后排中) 　　拍摄时间：1980年 　　拍摄地点：广交会流花展馆 　　同广交会结缘，係喺1980年嘅秋交会。嗰一年嘅交易会，我係喺农场调派过嚟帮手嘅。点解喺嗰阵时，我一个十几廿岁嘅女仔可以去到交易会度帮手做嘢呢？ 　　1977年，我17岁就去到从化大夫田嘅“民乐”茶场度做知青。当时党校要同市干校合并，噉就唔够人手，所以我一开始就畀人派咗去党校度做嘢嘞。党校嘅条件好啲啦，做嘢又唔会辛苦，又有热水冲凉，夜晚有时仲有电影睇添。过咗两年左右啦，1979年下半年，党校要调返广州办，73届、75届嘅知青都可以跟调埋返广州，我哋76届呢啲僆妹，啱啱卡住。所以，1979年我就只可以调返去茶场嘞。嗰时真係好唔习惯啊，冇热水冲凉又要自己担水，仲成个星期先有片猪肉食下。嗰时啲人成日都讲笑，话“今晚又开'三国四方'会议啦”，即係话今晚又要食榄角、腐乳嘞。好好彩，嗰时喺党校嘅师傅，同茶场我哋中队嘅队长係战友，佢就好照顾我嘅，同队长讲话“阿萧返嚟肯定好唔习惯嘅，关注下佢啦”，可能因为噉，所以之后冇几耐嘅1980年嗰届秋交会，队长就调咗我同埋两个女仔去帮手嘞。嗰阵时嘅交易会劳动力唔係好够，所以广州市八大农场都有调派人去做嘢。一个中队先得两三个名额，所以当时真係好开心，亦都好珍惜呢个机会。 　　呢张相入面企喺我两边嘅，就係李少莲同黄妙嫦嘞，同我同一个中队嘅。前排左边呢，就係同我哋唔同农场，但係分埋一个小组度做嘢嘅阮小姐；右边呢位呢，就係当时交易会啲正式员工“珍姐”。我件西装呢，係我第二个月出粮，畀钱叫我妈妈揾人车畀我嘅，係我第一件西装外套嚟嘅嘞，喺交易会做嘢，点都要着得好好睇睇嘅嘛。 　　喺交易会做嘢，同喺农场相比真係差得远。嗰时啱啱喺农场调走之前心情都唔係太好嘅，仲係喺低落期，之后一出嚟交易会啦，就成个人都开豁咗好多嘞。我哋要提前一个月去到交易会做准备工作，摆设、布置展位啦，基本上一个组就跟一个团嘅，譬如苏州团啊，上海团啊噉，广交会依家好似已经唔分团嘅嘞。嗰阵时，我好食得嘅喔，而且有补贴，一餐饭一毫两毫就已经食得好好嘅嘞。望落去我个人比较大份，所以另一个副组长就成日话“嗌埋阿大只萧过嚟搬嘢啰”，之后我就去搬嘢，又唔会话觉得咩蚀底嘅，组长分配啲咩就做咩嘞。有时候攰，趴喺台度就瞓着嘅嘞，一有人嗌你做嘢就又起身做嘢。我哋嗰时候喺苏州团嘅展位帮手，喺第5展馆，噉我嗰阵时就係负责锁门嗰个喔，噉一落班呢，就着下人哋啲羊毛冷衫、外套，做下Model，影下相。噉平时展位冇咩做嘞，一得闲就会睇下人哋落单、洽谈啊，啲外国人啲英文好好听，我好留心听佢哋讲嘢口架。一有嘢做就畀人话嘞，“大只萧，唔好睇嘞，过嚟做嘢啦”，呵呵。 　　基本上我哋做啲嘢就係执头执尾，即係“打杂”，但係，因为嗰时候喺农场嘅生活令我好失落，所以，喺交易会做嘢，又有得玩、又有得见识下啲嘢，虽然都会攰，但真係打杂都好开心口架。夜晚喺交易会大礼堂仲会时不时有电影放添，都係啲香港片嚟嘅，仲记得睇过《夜夜盼郎归》呢啲添。1980年呢届啲物品算係慢慢多番，装饰材料都开始有嘞，毛衫类好受外国人欢迎添，可以感觉得到我哋嘅出口商贸已经开始慢慢好嘞。不过呢，喺交易会上面出现嘅商品嗰啲品牌，喺市面上都係好少有嘅。记得嗰啲好靓嘅罐装饼干，个罐可能笠咗或者啲饼碎咗，卖番畀我哋都要成五六蚊，平时冇得买嘅，而且嗰时觉得好好食。总体嚟讲，係感觉得到我哋嘅国家气氛喺度慢慢噉开放，经济贸易亦都开始慢慢恢复嘞。 
 
<A href="http://www.nanfangdaily.com.cn/southnews/dd/dsb/B12/200709190466.asp">http://www.nanfangdaily.com.cn/southnews/dd/dsb/B12/200709190466.asp</A>

卢总發表於 2007-9-20 13:21:57

好在唔系“我在黑社会的日子”！

同广交会结缘，系喺1980年嘅秋交会。嗰一年嘅交易会，我系喺农场调派过嚟帮手嘅。点解喺嗰阵时，我一个十几廿岁嘅女仔可以去到交易会度帮手做嘢呢？
　　1977年，我17岁就去到从化大夫田嘅“民乐”茶场度做知青。当时党校要同市干校合并，噉就唔够人手，所以我一开始就畀人派咗去党校度做嘢嘞。党校嘅条件好啲啦，做嘢又唔会辛苦，又有热水冲凉，夜晚有时重有电影睇添。过咗两年左右啦，1979年下半年，党校要调返广州办，73届、75届嘅知青都可以跟调埋返广州，我哋76届呢啲僆妹，啱啱卡住。所以，1979年我就只可以调返去茶场嘞。嗰时真系好唔习惯啊，冇热水冲凉又要自己担水，重成个星期先有片猪肉食下。嗰时啲人成日都讲笑，话“今晚又开'三国四方'会议啦”，即系话今晚又要食榄角、腐乳嘞。好好彩，嗰时喺党校嘅师傅，同茶场我哋中队嘅队长系战友，佢就好照顾我嘅，同队长讲话“阿萧返嚟肯定好唔习惯嘅，关注下佢啦”，可能因为噉，所以之后冇几耐嘅1980年嗰届秋交会，队长就调咗我同埋两个女仔去帮手嘞。嗰阵时嘅交易会劳动力唔系好够，所以广州市八大农场都有调派人去做嘢。一个中队先得两三个名额，所以当时真系好开心，亦都好珍惜呢个机会。
　　呢张相入面企喺我两边嘅，就系李少莲同黄妙嫦嘞，同我同一个中队嘅。前排左边呢，就系同我哋唔同农场，但系分埋一个小组度做嘢嘅阮小姐；右边呢位呢，就系当时交易会啲正式员工“珍姐”。我件西装呢，系我第二个月出粮，畀钱叫我妈妈揾人车畀我嘅，系我第一件西装外套嚟嘅嘞，喺交易会做嘢，点都要着得好好睇睇嘎嘛。
　　喺交易会做嘢，同喺农场相比真系差得远。嗰时啱啱喺农场调走之前心情都唔系太好嘅，重系喺低落期，之后一出嚟交易会啦，就成个人都开豁咗好多嘞。我哋要提前一个月去到交易会做准备工作，摆设、布置展位啦，基本上一个组就跟一个团嘅，譬如苏州团啊，上海团啊噉，广交会而家好似已经唔分团咖嘞。嗰阵时，我好食得嘅喔，而且有补贴，一餐饭一毫两毫就已经食得好好咖嘞。望落去我个人比较大份，所以另一个副组长就成日话“嗌埋阿大只萧过嚟搬嘢啰”，之后我就去搬嘢，又唔会话觉得咩蚀底嘅，组长分配啲咩就做咩嘞。有时候攰，趴喺台度就瞓着咖嘞，一有人嗌你做嘢就又起身做嘢。我哋嗰时候喺苏州团嘅展位帮手，喺第5展馆，噉我嗰阵时就系负责锁门嗰个喔，噉一落班呢，就着下人哋啲羊毛冷衫、外套，做下Model，影下相。噉平时展位冇咩做嘞，一得闲就会睇下人哋落单、洽谈啊，啲外国人啲英文好好听，我好留心听佢哋讲嘢ロ架。一有嘢做就畀人话嘞，“大只萧，唔好睇嘞，过嚟做嘢啦”，呵呵。（将“……的了”全部当成系“……嘅嘞”，唔系好啱广州话嘅口语行文习惯。）
　　基本上我哋做啲嘢就系执头执尾，即系“打杂”，但系，因为嗰时候喺农场嘅生活令我好失落，所以，喺交易会做嘢，又有得玩、又有得见识下啲嘢，虽然都会攰，但真系打杂都好开心ロ架。夜晚喺交易会大礼堂重会时不时有电影放添，都系啲香港片嚟嘅，重记得睇过《夜夜盼郎归》呢啲添。1980年呢届啲物品算系慢慢多返，装饰材料都开始有嘞，冷衫类好受外国人欢迎添，可以感觉得到我哋嘅出口商贸已经开始慢慢好嘞。不过呢，喺交易会上面出现嘅商品嗰啲品牌，喺市面上都系好少有嘅。记得嗰啲好靓嘅罐装饼干，个罐可能凹咗或者啲饼碎咗，卖返畀我哋都要成五六蚊，平时冇得买嘅，而且嗰时觉得好好食。总体嚟讲，系感觉得到我哋嘅国家气氛喺度慢慢噉开放，经济贸易亦都开始慢慢恢复嘞。 

[ 本帖最後由卢总於 2007-9-20 13:38 編輯 ]

卢总發表於 2007-9-20 13:50:18

“係”乃“系”嘅繁体，喺呢种情况下，繁简混用，唔多妥，所以特别指出。

卢总發表於 2007-9-20 14:26:41

广州播客第155期　

同声同气　　 　　 　　□阿展专栏　　 　　 　　1.唔理乜嘢汤都好，千祈唔好提个“炖”字，有亲个“炖”字，客人就会觉得贵。(不论什么汤，千万不能提“炖”字，有了这个“炖”字，客人就会感觉贵。) 　　——江南大道某酒楼，一个穿黑衣的部长向一个服务员传授替客人点菜的技巧。 　　2.甲：真係激鬼气，一个礼拜“吉”穿两条呔，一唔小心就中招！(太气人了。一周被两次刺破轮胎，一不小心就中招。) 　　乙：教精你啦，要避开“种钉”陷阱，唔係睇马路面，係睇马路边。睇见马路边有补呔档，即係话附近马路有“钉阵”，即刻落车就冇错嘞。(教你一招，要避开“种钉”陷阱，不是看马面，要看路边，路边有补胎档，附近马路就有“钉阵”，马上下车就错不了了。) 　　——一街坊每天骑自行车经过环市路某路段，多次受“种钉党”所害，友人教他一招。 　　3.难教都要教口架，有乜点呀，咪一啖沙糖一啖屎啰。(难教也要教，一个方法，就是“胡萝卜加大棒”。) 　　——某小学门前，两个家长等学生放学时，谈到教儿方法，一人这样说。 
 
<A href="http://www.nanfangdaily.com.cn/southnews/dd/dsb/B12/200709190467.asp">http://www.nanfangdaily.com.cn/southnews/dd/dsb/B12/200709190467.asp</A>

卢总發表於 2007-9-20 15:38:15

1.唔理乜嘢汤都好，千祈唔好提个“炖”字，有亲个“炖”字，客人就会觉得贵。(不论什么汤，千万不能提“炖”字，有了这个“炖”字，客人就会感觉贵。) 　　——江南大道某酒楼，一个穿黑衣的部长向一个服务员传授替客人点菜的技巧。 　　2.甲：真系激鬼气，一个礼拜“吉”穿两条呔，一唔小心就中招！(太气人了。一周被两次刺破轮胎，一不小心就中招。) 　　乙：教精你啦，要避开“种钉”陷阱，唔系睇马路面，系睇马路边。睇见马路边有补呔档，即系话附近马路有“钉阵”，即刻落车就冇错嘞。(教你一招，要避开“种钉”陷阱，不是看马面，要看路边，路边有补胎档，附近马路就有“钉阵”，马上下车就错不了了。) 　　——一街坊每天骑自行车经过环市路某路段，多次受“种钉党”所害，友人教他一招。［点解唔可以讲清楚系环市路边个路段呢？怕得罪边个呢？］ 　　3.难教都要教ロ架，有乜点呀，咪一啖沙糖一啖屎啰。(难教也要教，一个方法，就是“胡萝卜加大棒”。) 　　——某小学门前，两个家长等学生放学时，谈到教儿方法，一人这样说。

Lucciora 發表於 2007-9-20 20:51:43

盧總你越改越錯
 
係你就改咗系
問吓你你就改成問下你
 
呢兩個都錯

[ 本帖最後由 Lucciora 於 2007-9-21 00:01 編輯 ]

卢总發表於 2007-9-20 21:29:28

原帖由 Lucciora 於 2007-9-20 08:51 PM 發表 <A target=_blank href="http://bbs.cantonese.asia/redirect.php?goto=findpost&pid=58796&ptid=8053"><IMG onclick=zoom(this) alt="" src="http://bbs.cantonese.asia/images/common/back.gif" onload="attachimg(this, 'load')" border=0></A> 廬總你越改越錯   係你就改咗系問吓你你就改成問下你   呢兩個都錯 
你个头就越改越错！连“卢总”两个字嘅繁体你一直都未知点写就话我错！
个“係”字系繁体，捞埋落啲简体里面，算点？
试问有几多个人明白你嗰个“问吓你”？搞清楚而家我正紧嘅系咩报纸、咩字先啦唔该！

Lucciora 發表於 2007-9-21 00:06:49

原帖由 卢总 於 2007-9-20 21:29 發表 <A href="http://bbs.cantonese.asia/redirect.php?goto=findpost&pid=58805&ptid=8053" target=_blank><IMG onclick=zoom(this) alt="" src="http://bbs.cantonese.asia/images/common/back.gif" onload="attachimg(this, 'load')" border=0></A> 你个头就越改越错！连“卢总”两个字嘅繁体你一直都未知点写就话我错！个“係”字系繁体，捞埋落啲简体里面，算点？试问有几多个人明白你嗰个“问吓你”？搞清楚而家我正紧嘅系咩报纸、咩字先啦唔该！ ... 
 
佢係以粵語文法寫，所以應該用“吓”嘅
 
難得報紙用正體字，你又何必篤穿佢呢

卢总發表於 2007-9-21 03:02:44

粤乜Ｑ嘢文法？正乜Ｑ嘢体字？
算罢啦！嗰个唔知乜Ｑ语言文字咩检查会啱啱先话广州达标，你谂住可以用“正体字”出版？
发梦冇咁早！

頁: [1]

粵語協會's Archiver