讲讲我琴日下午噶遭遇，希望得到你噶观点同睇法
<P>呢篇文章，系我想同大家share我自己噶经历。首先，我就我自己噶文笔差呢个问题响睇到呢张贴噶朋友道歉。你就当系一个朋友同你倾计噶时候讲起自己噶事甘样睇就得了，唔好摆到距上纲上线。我自己对于呢件事噶观点，我原意系唔想表露噶，等睇到其他人噶意见之后再发表。不过写完之后发现，其实已经有D表达左出黎噶拉。我希望各位睇呢篇野噶时候，冷静甘去睇，以一个局外人，同事件对象完全无关噶身份黎睇。呢件事，系关于安利噶。</P><P>我琴日中午，我个师姐兼曾经噶兼职同事约我出黎话倾下计，聚下旧。我当然系会去噶拉~一来的确好耐冇见，二来甘见下饮下野，冇坏噶~于是乎，我就应约去农讲所地铁站C出口等距拉~（可能有人会见到个我呢个傻仔企左响度等人等左好耐）。</P>
<P>见到面，讲左两句，我师姐就话：不如上我公司倾啊~不过，我知道平时师姐系响某cp部门下属公司度做，但我唔知到距公司地址响边，于是我就跟咯。公司公司，一般有办公室噶都领正牌噶嘛~于是米跟住距行咯。</P>
<P>搭电梯上到去，一开门，咦？安利？乜点解你唔系帮cp打工噶咩？跟住我师姐就话：冇啊，甘我业余做咯。甘我以为系单纯噶兼职，于是冇问落去。跟住我师姐就响度介绍安利D产品，果D咩纽崔莱之类噶，相信捧场睇小弟噶烂贴噶人都听过下拉。甘一般黎讲，安利产品（注意净系产品）噶感觉都ok，冇咩问题。甘介绍完之后，我师姐就同我介绍安利D所谓高层拉。咩邝世杰（自称原孙逸仙医院，即系长堤果间噶拣药仔）、咩田翔（自称原广东十佳导游）都过晒黎安利度做全职，做左先几年就做高层，收入仲好高，买咩靓车，买咩中海名都甘样。当时，作为一个社会阅历唔深，见识甘浅薄噶学生，除左羡慕，我霖，好少人会有其他噶霖法。</P>
<P>然后，我师姐叫左我过去试下D产品。距当时叫左条友示范洗洁精。距滴左D油状有花生油气味噶液体落两个羮度，然后用安利自己噶洗洁精同另外某品牌噶洗洁精比较清洁能力。结果当然系个比较结果系安利好拉~然后，有个自称自来水厂噶30几岁噶姐姐（或者叫距啊姨拉）就同我介绍安利直销员D野。旁边有一个女仔，距听左一阵，未听完就走左了。甘我霖，既然黎到，既然系friend讲好噶，听下冇坏咖，至少要比面个friend拉~于是，米听晒咯~当时，真系讲到天花龙凤，做安利有9种12项甘多噶奖励制度。哇！甘好？甚至乎做到一定程度噶时候我唔do都有钱收，我训觉都有钱收。哇，发达咯~第一个念头就系：边有甘大只“夹乸”（我唔识打个“夹”音果个字，只能用白字代替）随街跳啊？！甘当时就肯定耍太极拉~</P>
<P>一招不成，第二招，讲座！一张门票就10蚊，甘就肯定唔制拉~但系我师姐就话：我出拉~听下咯又冇损失。甘又得，反正我得闲。结果差D中招拉。果堂讲座，我时候发现，真系好识得煽动人噶感情。</P>
<P>一开始讲个古仔：A同B受某镇雇去运水。A通过增大水桶增加次数去赚更多噶钱，B通过搭建水管去赚钱。然后套落A做打工仔，B做安利。人，肯定系偏向于B噶拉！问题系，B等唔等于安利？距巧妙甘将两者划等于号。</P>
<P>然后，开始由人黎现身说法拉。讲下面噶野之前，我要先简单讲讲安利噶所谓分级奖励制度，唔讲，你睇唔明霖唔明个底细。一个所谓底层直销员，做够一年内有一个月80000噶阶段就叫银章，一年有3个月80000就叫金章，发展左3个做够80000噶“合作伙伴”（实质系下线）就叫DD，下面直属有3个DD或以上就叫翡翠，直属有6个DD或以上就叫钻石，后面噶唔讲拉，反正类推拉。DD开始就有所谓噶4%额外分成拉。后面仲有一堆，一来我唔知，二来我唔系帮距sell，所以我唔讲果D拉，有心人自己baidu都得。</P>
<P>第一个系自称十佳导游噶田翔。距介绍自己系主任，大概系所谓噶DD。但系我响网上点稳都稳唔到距导游噶记录，反而距sell安利噶blog就稳到，相当奇怪。（有兴趣了解噶可以用百度搜索“田翔 十佳导游”，第一个就系距个sell安利blog拉。内容方面，大致上讲左距从唔做，抗拒做，到非典果阵做，到宜家收入如何如何等等。然后又介绍安利公司如何如何前景广阔，将来要做到好又多式噶supermarket甘。讲完一大轮，距吹水噶中心系：等你觉得你应该入安利！安利同乜乜公司合作，又合法，又有刘翔做代言人；甘好噶奖励制度，甘公正公平公开噶机会，只要你肯做，努力做就肯定可以成功，甘仲唔系“夹乸”系咩啊？</P>
<P>距讲完，之前果个邝俊杰出场。距系个场噶最高负责人，做到所谓钻石级。未上台之前就播距做安利后结婚噶场面有如何如何庞大噶车队，包咩亚洲XX酒店个场摆酒（定系XX亚洲酒店，唔记得了）。然后距自己出场之后就讲入左安利之后，距如何如何幸福，如何如何收入巨大之类。呢D都算啦~距开始讲安利噶直销员如何开展业务。不得不承认，距口才好好，能够带动在场每一个人噶感情。对于距噶直销基本要点，距真系会塞左入我个脑度。不过好在有阿妈有朋友同我泼下冷水，所以好多野都洗翻拉。今日我就选几样仲记得噶野讲讲。</P>
<P>第一，距话：“一个成功的直销员首先要体验产品，然后再跟别人介绍。你不用，你介绍不了。因此一个直销员想卖得好，必须自己的包包里面装着安利的产品越多越好！”而据我了解，安利一瓶洗洁精就30多蚊，一盒纽崔莱就633蚊。即系话，你想做得好，你自己必须先消费一笔唔小噶钱去了解产品。</P>
<P>第二，距话：“你介绍安利是不能直接跟人说你是要跟他讲安利的事情。要约他出来，但是要么什么都不说，要么就说你对钱有没有兴趣，让他出来了，见到面了再说。”甘点解要甘神秘呢？点解要利诱呢？</P>
<P>第三，距话：“你带你朋友上来，最好让他当场办卡。因为他办了卡他会想着怎样做好，而没办卡的只会想做不做。”</P>
<P>上完课，在场所有噶人噶表情，系同开始前系完全唔同噶（包括我在内）！个个都系充满希望充满自信，相信自己都可以做到果个金字塔噶顶端。点解有呢个效果？你会有个词弹出黎：洗脑！</P>
<P>安利响中国发展左大概15年，到今年年初，约有1000个钻石，1.3万个DD，每个DD不少于8个9%档次噶“合作伙伴”，仲有其他档次噶唔计。就算系甘样，一个钻石大约有100个9%下线。实际上中国唔只10万个，而系18万（据不可靠来源，来自安利亚太某高层公布噶数据，有兴趣可以自己调查，但肯定不只10万个）。从最理想噶角度黎计，假如我做直销员，当作为金字塔噶我做到钻石噶话，中国需要一个亿噶人去做安利。而呢一个亿噶人需要做几多营业额先维持到我噶钻石地位呢？而中国又有冇甘大个市场去容纳呢？数字，系真实而又残酷噶~18w人几何级发展下线哦！霖下都觉得做果个都白痴。</P>
<P>我对于安利甘样噶合法“经营销售”方式噶态度系点，其实唔需要讲D咩你都会明白。我希望将呢件事share出黎，系想大家用一种冷静噶方法去思考一下个中噶蛊惑野。我有会议噶现场录音，虽然唔系好全，而且我未听过自己录左D咩。不过只要你想听，无论你咩目的，我都会发比你。我唔希望有安利噶人去回帖，因为我知道距点答。我无需距答，因为距已经洗晒脑。如果有呢类贴，我希望睇得明我用意噶人能够帮下距解脱出黎。冥顽不灵噶，我唔会理距。</P>
<P>最后，系一条链接，系链接去打消我做安利念头噶最后一盆冷水噶网页。文章写得比较早，同宜家安利噶实际情况大同小异。另外，提醒你上网自备杀毒软件，安全第一。</P>
<P><A href="http://hi.baidu.com/lxm510/blog/item/526ae4fcbacd87fcfc037f19.html">http://hi.baidu.com/lxm510/blog/item/526ae4fcbacd87fcfc037f19.html</A></P> <P>Ａ记啲产品质量好，但质素唔够高－－尤其是啲营养产品。</P>
<P>Ａ记啲人次次同我讲亲营养都被我劈到有气冇“订”唞，因为佢哋啲营养观念知识都比较滞后，所以个个都被我手起刀落，斩于马下！哈哈哈！</P> <P>好多啲直銷模式都應該參唔多咁一輪嘴吹下水呱。。。</P>
<P>不過真系夠薑嘅一定會做好。</P> <FONT face=新細明體>嘩。寫咁多。有排睇。</FONT> <P>聽講安利并冇要求兼職業務員發展下線嘅，亦都唔主張Hard sell 嘅。</P>
<P>佢哋嘅保健品嘅價格相對其它知名品牌亦都唔算貴，我買過，亦都對比過。</P>
<P>佢哋唔設門市嘅原因主要就係保障業務員嘅利益嗟。</P>
<P>我見過一個兼職做安利嘅老師，佢嘅做法就好好。佢從來唔向人哋主動推銷，佢喺客廳擺放一啲安利產品，如果有親友主動問起，佢就會介紹一下。因為市面上冇得賣，所以當親友想買嘅時候就會揾佢幫手，而佢由于係會員，所以會有折頭，佢就係賺呢啲差價。</P>
<P>我曾經幫安利做過工程（就喺廣州開發區），幾乎每個角落都去過，發覺佢哋廠區嘅質素真係好高。</P> <DIV class=quote><B>以下是引用<I>芬1012</I>在2007-8-6 21:50:17的發言：</B><BR>
<P>聽講安利并冇要求兼職業務員發展下線嘅，亦都唔主張Hard sell 嘅。</P>
<P>佢哋嘅保健品嘅價格相對其它知名品牌亦都唔算貴，我買過，亦都對比過。</P>
<P>佢哋唔設門市嘅原因主要就係保障業務員嘅利益嗟。</P>
<P>我見過一個兼職做安利嘅老師，佢嘅做法就好好。佢從來唔向人哋主動推銷，佢喺客廳擺放一啲安利產品，如果有親友主動問起，佢就會介紹一下。因為市面上冇得賣，所以當親友想買嘅時候就會揾佢幫手，而佢由于係會員，所以會有折頭，佢就係賺呢啲差價。</P>
<P>我曾經幫安利做過工程（就喺廣州開發區），幾乎每個角落都去過，發覺佢哋廠區嘅質素真係好高。</P></DIV>
<P>安利噶制度虽然冇讲明要求发展下线，但系系鼓励发展。因为距要你噶下线成功先可以升级。hard sell呢样野，我理解系，安利系用一种soft 噶形式去做。安利有四讲四不讲，而呢样野其实就系hard sell噶soft形式。至于素质，我可以甘样回应你：第一，距地系经过多次噶培训洗脑而成噶；第二，一般做安利而且做得比较好噶都系能够负担安利要求自我体验安利产品所花费噶银纸（一般一个月至少都要一万）噶人。穷人系冇可能去做噶，因为自己根本负担唔起。产品贵唔贵系相对噶，关键系自己负担噶问题。安利间厂经常组织人参观。我果日去听课噶时候都叫我去。不过你地估吓单纯参观几多钱？50蚊啊！虽然50蚊可能唔算D咩，不过，你系单纯甘睇一个下午而已。安利每课必到噶制度，其实要你用好多钱噶。你做安利就想成功，想成功就要多D去听D钻石级人马噶课。问题系，距地唔使sell野，就有提成；而上课系收费噶。屋企冇甘上下财力比你，分分钟拖垮你。</P> <P>宜家寻找紧条数据线传D录音入电脑……</P> <DIV class=quote><B>以下是引用<I>edisonzero</I>在2007-8-7 2:24:44的發言：</B><BR><BR>
<P>安利噶制度虽然冇讲明要求发展下线，但系系鼓励发展。因为距要你噶下线成功先可以升级。hard sell呢样野，我理解系，安利系用一种soft 噶形式去做。安利有四讲四不讲，而呢样野其实就系hard sell噶soft形式。至于素质，我可以甘样回应你：第一，距地系经过多次噶培训洗脑而成噶；第二，一般做安利而且做得比较好噶都系能够负担安利要求自我体验安利产品所花费噶银纸（一般一个月至少都要一万）噶人。穷人系冇可能去做噶，因为自己根本负担唔起。产品贵唔贵系相对噶，关键系自己负担噶问题。安利间厂经常组织人参观。我果日去听课噶时候都叫我去。不过你地估吓单纯参观几多钱？50蚊啊！虽然50蚊可能唔算D咩，不过，你系单纯甘睇一个下午而已。安利每课必到噶制度，其实要你用好多钱噶。你做安利就想成功，想成功就要多D去听D钻石级人马噶课。问题系，距地唔使sell野，就有提成；而上课系收费噶。屋企冇甘上下财力比你，分分钟拖垮你。</P></DIV>
<P>
<P>人家有冇強逼你發展下線先，如果冇，噉就係你自己嘅方法問題啦。即使賣包花生都可以當傳銷噉做咖啦。</P>
<P>如果你想做某個公司嘅產品嘅業務員，去睇一下工廠嘅情況都係有必要嘅。至于係唔係要畀50文就真係唔知嘞。不過如果一個人如果入公司參觀就肯定唔得，因為人家要有公司職員做導游嘅，冇理由服侍你一個人嘅。我做工程嘅時候經常行出工廠門口食煙，所以知道少少。</P>
<P>至于聽課，作為一個保健品嘅兼職業務員，確實有必要學一啲保健品知識嘅。不過有冇強逼你去聽課就真係唔知嘞，又不過，人家好似有呢方面嘅資料畀你嘅，自學都得（當然，我講嘅係一個正常人嘅做法）。</P> <P>我覺得安利嘅産品唔錯.......</P>
<P>做得掂嘅朋友做得好掂...唔掂嘅就真係好一般...</P>
<P>畀我感覺係佢地無時無刻都在推銷</P> 我觉个个咩自用1万蚊个个讲野好夸张。。我自己都做左4个月，好多培训唔系话一定要去架，你自己拿本书系屋企都可以做噶添，但每次噶会议对我都有收获啊，自己翻学都翻左10几年拉我觉得呢度学到噶比学校实际拉，而且好多野都系浓缩噶洗结精用起身比普通噶便，我好努力做左4个月都有1千几蚊一个月拉，有时候如果阿妈阿爸讲噶野一定对，我地个个都住大屋啦，我觉得有时候做决定要自己去思考下罗，我爸爸由不理解到支持都有4个月过程拉，而且讲到尾，你噶介绍人如果无你距5一定会失败，有你也5一定会成功啊，只系有个机会介绍比你姐，如果系厄你啊，抓住你话5比你走拿晒你D钱买产品拉，我Q系123707196如果有咩5明可以问我罗，大家5讲安利都可以做朋友噶，有时候你见你身边噶朋友做得差米觉得安利差罗系米？好似我见我地团队都系你讲噶田翔旁部门噶，我地全部都系10几20岁，有4个人做到主任了，最后生个个先21岁。有时候你话厄你边厄你到你甘多姐自己平下心，我觉得如果你拒绝一个行业最起码你对距了解清楚，而唔系人云亦云啊。
[ 本帖最後由 tonghualide 於 2009-3-17 15:31 編輯 ]
頁:
[1]