《撥亂反正》之二十一：再講快餐食品
<P><BR> 承接上一期，今日繼續爲快餐店食品撥亂反正。<BR> 近年越嚟越少幫襯“垃圾食品”，不過有時貪圖方便，都偶然入去“嗍啖可樂，食個包”。最近一次，我對住個M妹點咗個“芝士漢堡”，佢確認我份柯打嘅時候，變咗“吉士漢堡”，我一時反應唔過嚟，唯有重複一次“芝士漢堡”，個M妹用一種唔同意嘅眼神望咗我一陣，先幫我落單。查實“吉士”喺粵語裏面，表示另一個意思，嚟自英文gutsy，大概可以譯成“夠薑，有膽”，“芝士漢堡”我就敢食，“吉士漢堡”最好留返畀大力水手食喇。<BR> 又有一次去M記嘅死敵“雞店”度食嘢，我嗌咗份“薯蓉”，點知個K妹攞畀我嘅時候對住我講“先生你嘅土豆泥”。真係大吉利市！我唔豆泥，佢先豆泥！跟住見到旁邊個細路仔大聲對住佢阿媽講，我要食“色拉”，跟住個唔知頭唔知路嘅阿媽就問K妹有咩“色拉”，K妹就話有“水果色拉”、“蔬菜色拉”……我望到杯嘢嘅時候先知原來佢哋講緊嘅係廣東人講咗好多年嘅“沙律”。<BR> 下一代嘅細路，唉。。。。。</P> <P>似乎色拉亦係老式譯音，好似係以吳語為基礎嘅。重有個撈譯音係沙拉，我依家正喺度努力糾正緊我個姪仔：係沙律醬，唔係沙拉醬。</P>[此帖子已經被作者於2007-7-26 23:27:23編輯過]
我都不斷畀我個外甥仔接觸多啲粵語嘅歌影視作品，等佢唔好畀普語洗腦。 <P>纠正读音之余，希望各位纠正埋佢哋啲饮食习惯！</P>
<P>唔好畀呢啲垃圾食品成为新时代嘅“福寿膏”！</P> 盧總講得好，不過“福壽膏”係唔等於“鴉片”嘅~相反，係一種戒煙藥~ 噉大個仔真係第一次聽「吉士漢堡」,啲國語真有新意!!! <P>講多尐廣東話,就唔會畀普通話洗腦啦.</P>
<P>我記得之前有一次去雲南,先知道大陸嘅普通話侵蝕咁嚴重.一間小學入面任何一幅牆都有一句標語.咩"中國人講普通話""普通人講普通話""懂普通話才是好孩子"之類..</P>
<P>可能我呢個香港後生仔見識少,不過見到呢個情況真係好心痛</P>
頁:
[1]