關於“唱衰廣州”

羊城惜花人 發表於 2007-7-7 23:21:22

大家睇到個標題先唔好激動，聽我解釋，此處嘅“唱衰”並唔係惡意中傷，而係實事求事噉將廣州嘅弊端\醜陋嘅一面反映出嚟！ 受“盧總”啟發，覺得“唱好廣州”確實係有啲無聊兼無謂，而且一味歌頌報喜不報憂又確實有啲似CCP所為。再者古語有云：“道吾好者是吾賊。”啫係話“唱好廣州”其實唔係真係為廣州好。諗起當年益力多嘅一個廣告：有條傻佬係巴士上話唱好香港，然後有人話：“你唱就會好嘅咩？” 所以我決定將“唱衰廣州”作為一個專欄寫落去（如《撥亂返正》歡迎大家參與），將自己對廣州不滿嘅地方寫出嚟，講到呢個話題肯定會涉及唔少政治嘢，要盡量小心，唔好太過火。所以話唱好廣州正苦唔支持，但唱衰就更加唔受歡迎。 不過就算講出嚟都可能冇咩用，因為正苦肯定唔會改，就當係自己發洩囉~ 
要求：字數不限，題目自擬，格式以下“《唱衰廣州》之XXXX” 
題材可以直接寫文章，可以寫詩詞，歌詞，白欖等等
詩詞最好寫古體詩，寫現代嗰啲所謂嘅詩就擺明博插；如果寫歌詞必須寫明調寄邊首歌，如果係自己寫埋曲就錄好發上嚟~

卢总發表於 2007-7-8 00:03:13

讲到“唱衰广州”，系我卢总提出嚟嘅，所以我卢总自然会万二分支持啦！
好一句“道吾好者是吾贼”！醒多一句：“知屋漏者在宇下，知政失者在草野。”－－温家宝曾经多次引用过汉代政论家王充《论衡》之中嘅呢两句说话去勉励国务院参事同政协委员。
拍死嗰啲以揾钱掠水攞着数为真正目的嘅“假广州人”！

highyun 發表於 2007-7-8 02:47:50

所提專欄甚佳，正所謂愛之深恨之切，鬧者愛也。不過論壇入面好多非廣州人，除咗廣州，重歡迎將各自所在地嘅衰嘢寫埋出嚟。不過記住要有個度，否則如果管理員覺得該帖有可能為網站帶嚟麻煩，就會刪帖。

Wai 發表於 2007-7-8 04:01:11

《唱好廣州》呢張碟帶嚟嘅概念係有啲廣州嘅舊時，值得回憶嘅嘢，並唔係你所講嘅一味歌頌。
呢張碟起碼畀咗個空間播放廣州嘅回憶。有幾多個行過長堤，有幾多個人喺長堤有回憶，有幾個人有踩單車返屋企嘅路有回憶。
廣東人鍾意好意頭嘅嘢。
至於你講嘅《唱—廣州》，換一個中肯啲嘅詞畀人嘅感覺會好好多。
與其批評《唱好廣州》呢個詞似CCP，不如問吓廣東幾時有張值得聽嘅碟。

highyun 發表於 2007-7-8 04:14:37

<DIV class=quote>以下是引用Wai在2007-7-7 20:01:11的發言： 
《唱好廣州》呢張碟帶嚟嘅概念係有啲廣州嘅舊時，值得回憶嘅嘢，並唔係你所講嘅一味歌頌。
呢張碟起碼畀咗個空間播放廣州嘅回憶。有幾多個行過長堤，有幾多個人喺長堤有回憶，有幾個人有踩單車返屋企嘅路有回憶。
廣東人鍾意好意頭嘅嘢。
至於你講嘅《唱—廣州》，換一個中肯啲嘅詞畀人嘅感覺會好好多。
與其批評《唱好廣州》呢個詞似CCP，不如問吓廣東幾時有張值得聽嘅碟。</DIV>
其實樓主呢個意念係好嘅，不過個專欄名可能有待商榷。

卢总發表於 2007-7-8 04:17:47

宁缺毋滥

卢总發表於 2007-7-8 05:32:48

<PRE>宁缺毋滥系相对于广东有几多只值得听嘅碟而言！</PRE>
《唱好广州》呢啲纯粹为经济利益嘅擦鞋之作，由２００６年年初佢哋揾我帮手推广嘅时候我已经对佢深恶痛绝！
“唱好广州”一方面凭个名去讨好当权者，另外一方面假借地方特色之名讨好受众——但系作为一个地道嘅广州人，作为一个比嗰个“假广州人”东山少爷大得多嘅广州人，作为一个同自称系正宗“东山少爷”嘅黄毅成年纪相若嘅广州人，我完全感受唔到啲歌中有咩广州嘅地方特色。我身边好多人都认同我嘅睇法。
呢啲冇乜社会认受性嘅作品，可以代表到啲乜嘢呢？又算系乜嘢呢？
再睇下呢两年“唱好广州”嗰班人对广州又做过啲乜嘢呢？答案系冇啰——即使有都系乏善足陈！
“唱衰广州”系我谂出嚟嘅，但并唔系因为有咗“唱好广州”，所以先会有“唱衰广州”，而系一早就已经有咗“唱衰广州”呢个概念！我“唱衰广州”都有经年啦！
至于点样唱衰广州法，并唔系某啲人睇／谂得咁肤浅，而系有非常之深远嘅意义喺里面！
所以我绝对支持花仔写《唱衰广州》，根本唔使要有咩人批准，只要你想写，你就去做！我会支持你，所有真正爱广州嘅人都会支持你！当然，我哋都相信你唔会乱唱！
[此帖子已經被ungoo於2007-7-8 12:25:22編輯過]

lhk 發表於 2007-7-8 08:02:53

《唱好廣州》呢張專輯係有正面影響，起碼喚醒咗一部分年輕人嘅觸覺。
但係喺我心目中，可能其質素同意義未免就被宣傳得言過其實了。
不過希望佢可以帶出更多人創作嘅興趣，進而有本地作品嘅百花齊放。因爲目前，本地無論製作水平同包裝都有好大進步空間。
樓主嘅意念其實我好支持，我哋需要從多角度發聲。
不過如何掌握分寸同技巧去理性看待問題，係需要注意，畢竟這裡有別于香港或國外。
[此帖子已經被作者於2007-7-8 0:03:50編輯過]

殺人王 發表於 2007-7-8 16:37:48

講咗咁耐都無嘢睇吖?

卢总發表於 2007-7-9 01:33:07

嗱，睇饱佢嘞：
<A href="http://bbs.cantonese.asia/dispbbs.asp?boardid=121&id=6903">http://bbs.cantonese.asia/dispbbs.asp?boardid=121&id=6903</A>
请版主、管理员及认证会员留意。　（其他会员点开都冇用。）

余OK 發表於 2007-7-9 06:13:20

　　再次聲明本論壇所有帖子除協會重要負責人公告外，僅代表發帖者（包括版主）個人意見，一概與協會立場無關。如有引起爭議之觀點，請追究發帖者個人，協會一律不受理且並豁免於此類投訴。

卢总發表於 2007-7-9 07:35:36

所有页面都有注明“發帖者言論純屬個人觀點與本會立場無關”，去担心一两个人冇违反政府法律法规嘅言论会有咩不良影响，简直就有啲杞人忧天！

monfan 發表於 2007-7-9 08:57:14

<DIV class=quote>以下是引用lhk在2007-7-8 0:02:53的發言： 
《唱好廣州》呢張專輯係有正面影響，起碼喚醒咗一部分年輕人嘅觸覺。
但係喺我心目中，可能其質素同意義未免就被宣傳得言過其實了。
不過希望佢可以帶出更多人創作嘅興趣，進而有本地作品嘅百花齊放。因爲目前，本地無論製作水平同包裝都有好大進步空間。
樓主嘅意念其實我好支持，我哋需要從多角度發聲。
不過如何掌握分寸同技巧去理性看待問題，係需要注意，畢竟這裡有別于香港或國外。 </DIV>
就如王晶喺人兽交辩论上讲，个presentaion唔可以出错，嗰件事情就系呢个唔得。
好显然，就楼主嘅题目就已经有呢个问题喇。大家谂谂佢。
[此帖子已經被作者於2007-7-9 0:58:10編輯過]

卢总發表於 2007-7-9 10:36:20

<DIV class=quote>以下是引用monfan在2007-7-9 0:57:14的發言： 
就如王晶喺人兽交辩论上讲，个presentaion唔可以出错，嗰件事情就系呢个唔得。
好显然，就楼主嘅题目就已经有呢个问题喇。大家谂谂佢。 </DIV>
个英文字串错，而且都唔知你想讲乜－－乜嘢“呢件”“嗰个”？自己检讨咗先！

edisonzero 發表於 2007-8-3 10:48:00

我始终觉得用“唱衰”会带比人一种唔够公正噶，偏向负面噶感觉。既然几位版主有心，点解唔用一个客观D噶词呢？虽然有D时候的确令人好气愤，不过你写噶野系要如实甘反映，公道自在人心嘛~
《唱好广州》张碟几位版主可能睇得稍微偏激，但系的张碟确带到D好噶影响。至少张碟出街之后，唔少广州年轻一代听左有翻D广州人噶自觉，唔会话唱K噶时候就识得点《香港地》，老D噶就点《狮子山下》。至于掠水噶问题……商人逐利，最基本噶常识拉。广东人作为中国商业最发达噶地方之一，唔通净系比其他人掠水，唔比人地唱片商掠水？假唔假广州人，我霖，心态黎噶o者。广州，难听讲句，有几多系土生土长嘎？最起码，东山少爷的确有D唱功，唔似的香港D所谓歌星，五音不全都敢去红馆开演唱会。
以上观点，纯属半夜唔训随便乱吹，欢迎各位指教。

卢总發表於 2007-8-3 12:04:15

<DIV class=quote>以下是引用edisonzero在2007-8-3 2:48:00的發言： 
我始终觉得用“唱衰”会带比人一种唔够公正噶，偏向负面噶感觉。既然几位版主有心，点解唔用一个客观D噶词呢？虽然有D时候的确令人好气愤，不过你写噶野系要如实甘反映，公道自在人心嘛~
《唱好广州》张碟几位版主可能睇得稍微偏激，但系的张碟确带到D好噶影响。至少张碟出街之后，唔少广州年轻一代听左有翻D广州人噶自觉，唔会话唱K噶时候就识得点《香港地》，老D噶就点《狮子山下》。至于掠水噶问题……商人逐利，最基本噶常识拉。广东人作为中国商业最发达噶地方之一，唔通净系比其他人掠水，唔比人地唱片商掠水？假唔假广州人，我霖，心态黎噶o者。广州，难听讲句，有几多系土生土长嘎？最起码，东山少爷的确有D唱功，唔似的香港D所谓歌星，五音不全都敢去红馆开演唱会。
以上观点，纯属半夜唔训随便乱吹，欢迎各位指教。</DIV>
噉就等我嚟指教下你嘞！
你觉得用“唱衰”就系“唔够公正”、“偏向负面”－－莫非“唱好”就一定公正，偏向正面？
我哋用“唱衰”呢个字眼就系根据客观现实有感而发－－你都知“公道自在人心”啦！
《唱好广州》带咗啲咩好嘅影响出嚟啊？唔该举啲实际啲嘅例子嚟睇下！
你呢句“至少张碟出街之后，唔少广州年轻一代听左有翻D广州人噶自觉，唔会话唱K噶时候就识得点《香港地》，老D噶就点《狮子山下》”，我都唔知你想讲乜，你想表达乜嘢意思！莫非呢啲又系听得佢只碟多，受佢影响？
商人逐利系冇问题，但唔好当我哋系白痴！唔系广州人就唔好冒认系广州人，系咪想学埋广州电视台嗰套－－逢人都叫“街坊”，眼见个个都系“市民”？
嗰个所谓“东山少爷”有咩唱功咁巴闭呀？你真系未见过大蛇屙屎定嘞！人哋香港嗰啲所谓歌星五音不全（尤其是嗰个垃圾嘅“天朦光”）都可以去红馆开演唱会，嗰啲系人哋嘅本事，你哋呢啲有咩可以同人比啊？你追捧嘅呢个所谓“东山少爷”喺广州开演唱会，又有几多人肯买菲入场睇呀？
家阵呢个题目系讲紧点样反映广州真实而丑陋、荒诞兼无聊嘅一面，并唔系讲嗰只垃圾碟－－不过咁多人对一只打住“广州人”旗号嘅假冒作品咁趋之若鹜，又的确几真实而丑陋、荒诞兼无聊嘅！

edisonzero 發表於 2007-8-3 18:50:53

我冇话唱好就系公正，而且我自问唔算追捧。反正讨论噶题目唔系张碟，而系广州本身，我跟返你个话题，广州D衰野系要反映，不过，做记者都要客观噶~我承认你噶贴大部分都写得好到肉，不过就系个题目令人睇得唔爽。我唔系好大，20出头，生长系老西关，但由细到大，“唱衰”呢个词，系用响想个被“唱衰”果个越黎越差。你系希望广州越黎越差？顶系你抱住个希望，希望广州真系能够比人闹醒呢？如果你觉得张碟垃圾，甘你又何必抄桥黎个twins题目呢？我唔系唔赞成你噶行为，而系觉得未够好，比D意见。偏激唔系人人接受，你如果真心想广州好，点解唔用D能够比更多人接受噶方法呢？或者你觉得广州真实而丑陋、荒诞兼无聊嘅一面唔偏激唔得，不过，如果真系想令更多人接受你噶观点，你就唔偏激得！偏激噶后果就系日日去差馆饮茶~我附近间小学有个老师，早几年反日最高潮果阵上网号召D人去游痕，结果就要请去饮茶（最后当然冇事，反日人人有责嘛）。返转头，我唔系话你怕请去饮茶，不过，你换个冇甘偏激用去差馆饮茶噶时间继续宣传，效果你话会唔会好D？火气个个都有，对住广州，我都系哀其不幸，怒其不争……
请各位指教。

UngooChan 發表於 2007-8-3 20:51:21

edisonzero嘅觀點好中肯，《唱衰廣州》嘅意念好好，不過呢個題目有待斟酌。

Wai 發表於 2007-8-3 21:01:17

Edisonzero，你講得好有point。
廣州市唔好嘅一面亦係中國嘅一個縮影。
廣州嘅本土文化亦未到要被人唱衰嗰頭，我哋重可以去飲茶，廣州重有粵劇，重有上下九。。。。。。
除非有一日廣州冇晒茶樓，冇晒腸粉店（例子嚟啫）。
我話《唱好廣州》值得聽。

卢总發表於 2007-8-3 22:40:48

<DIV class=quote>以下是引用edisonzero在2007-8-3 10:50:53的發言： 
我冇话唱好就系公正，而且我自问唔算追捧。反正讨论噶题目唔系张碟，而系广州本身，我跟返你个话题，广州D衰野系要反映，不过，做记者都要客观噶~我承认你噶贴大部分都写得好到肉，不过就系个题目令人睇得唔爽。我唔系好大，20出头，生长系老西关，但由细到大，“唱衰”呢个词，系用响想个被“唱衰”果个越黎越差。你系希望广州越黎越差？顶系你抱住个希望，希望广州真系能够比人闹醒呢？如果你觉得张碟垃圾，甘你又何必抄桥黎个twins题目呢？我唔系唔赞成你噶行为，而系觉得未够好，比D意见。偏激唔系人人接受，你如果真心想广州好，点解唔用D能够比更多人接受噶方法呢？或者你觉得广州真实而丑陋、荒诞兼无聊嘅一面唔偏激唔得，不过，如果真系想令更多人接受你噶观点，你就唔偏激得！偏激噶后果就系日日去差馆饮茶~我附近间小学有个老师，早几年反日最高潮果阵上网号召D人去游痕，结果就要请去饮茶（最后当然冇事，反日人人有责嘛）。返转头，我唔系话你怕请去饮茶，不过，你换个冇甘偏激用去差馆饮茶噶时间继续宣传，效果你话会唔会好D？火气个个都有，对住广州，我都系哀其不幸，怒其不争……
请各位指教。</DIV>
后生仔即系后生仔，睇问题太过流于表面！我点解要用“唱衰”，你当然唔明白啦！
我系觉得张碟垃圾，但你凭咩话我抄桥呢？佢“唱好”就得，我“唱衰”就叫做“抄”？！
我系真心想广州好，但点解系要用啲比较容易接受嘅方法呢？有冇听过“苦口良药”？
你唔偏激，又点会觉得我偏激？你睇到嘅嘢浅窄，我讲紧嘅嘢非你视线或者想象范围之内，你就话“偏激”。
你讲嗰个老师猪兜啫，叫佢学下我点样“抵制普通话”先讲啦！
你单系每日“哀其不幸，怒其不争”，又有何用？

頁: [1] 2

粵語協會's Archiver

關於“唱衰廣州”