搞返個粵協成員隨筆專欄如何
<P> 現時粵語文庫版有若干位版友自設原創專欄，吸引咗唔少閱讀者眼球，衷心多謝佢哋對協會嘅支持。<br> 回想香港當年新晚報三位寫武俠小說嘅健筆金庸、梁羽生、陳凡合撰專欄《三劍樓隨筆》，指點江山、激揚文字，論盡世間百態，廣受讀者歡迎。在下亦想喺協會開設類似嘅隨筆專欄，由眾成員今日你寫一篇聽日我寫一篇，內容可以涉及粵語及粵文化嘅方方面面。當然我哋並非個個都係耍弄文字嘅高手，所以唔要求話文筆一定要非常好或者寫啲過於專業嘅嘢，建議祇需寫出自己對身邊文化嘅個人感悟即可，起碼寫咗出嚟畀人讚嘅機率遠大於畀人笑。<br> 譬如Highyun君早前已構思寫一專欄，收集平時掛喺口邊嘅地道粵語講法，對比現時被外來文化影響而產生嘅「畸型」講法（「返工開工、收工放工」Vs「上班、下（落）班」即為一例），藉此喚起母語為粵語人士嘅注意，喺時候救救就嚟消失有特色嘅講法。但考慮到單靠一兩個去寫，唯恐有時「貨源」唔充足，時間精力都有限（有好多好嘅推廣粵語粵文化諗法暫未實現查實都苦於此），非一兩人之功能夠搞掂（協會單靠幾條「老骨頭」撐起並非良性狀態），祇能學某party話齋「依靠群眾力量」先能成大事。<br> 上邊祇係舉一個例子，群策群力其實好多題材都可以寫，因為我哋並非專業寫手，協會又唔係有糧出嘅團體，唯有寄望多啲有心人「抵諗啲」為此加一把勁。</P>[此帖子已經被作者於2007-6-22 12:20:28編輯過]
<P>寡人两年半以嚟，积集五百几篇，按照“二八定律”打个两折都过百篇，你唔使慌会冇货！</P>
<P>况且我重有一班拥趸添！</P> <P>提議當然好，不過要首先定好專欄形式，係每人開一個專欄，抑或一個專欄內收錄好多人嘅文章（每篇文章開一帖），又抑或一個帖中各人以回帖形式寫自己嘅文章？</P>
<P> </P> 一人開一個專欄難度大咗啲，因為保證唔到長寫長有。建議每個專題開一個專欄帖，以回帖形式發表各自嘅文章。
頁:
[1]