[原創]G肉佬之日常：Lottery
<P> 雖然愛情係一種緣分，但一定要識得把握時機、主動爭取，咁先至會有收穫。——G肉佬（2007年2月6日）</P><P><BR> 記得上年嘅呢個時候，又係差唔多到西方情人節，我迷上咗買彩票。點解？哈哈，因為附近投注站來左個好靚嘅彩票妹，我之所以去買彩票當然係醉翁之意啦。 </P>
<P><BR> 話說我嗰排好似撞斜噉，日日都至少去買一次彩票。每日中午兩點左近，市場沒咩人嘅時候，就叫蝦佬幫我睇檔。我一去就係成個鐘，每次隻眼都淨系睄住彩票妹，支筆就唔知寫左咩號碼。不過我都冇乜邊次認真對過獎，話唔定中咗幾百萬都唔知，呢啲咪係愛情嘅魔力囉！ </P>
<P><BR> 彩票妹見我個人傻更更，成日都笑鬼我，佢一笑，塊面有兩個酒凹，好靚！我見到噉就連阿媽係男定女嘅都唔記得咗。後來熟絡咗知道佢沒男朋友，當然開心啦，決定等情人節一到就送紮玫瑰花畀佢，借啲意問佢電話。於是嗰日我提早好多收檔，去花檔買左紮紅玫瑰（真係好貴），嗱嗱聲跑去投注站揾佢…… </P>
<P><BR> 「肥婆，彩票妹呢？」 </P>
<P><BR> 「屎鬼咗啦！」 </P>
<P><BR> 「冇理由嘅！！！佢噖日重好哋哋，點會死咖？」 </P>
<P><BR> 「哎呀，你咁大聲想嚇屎我咩！佢辭咗職返鄉下嘞！」 </P>
<P><BR> 後來嘅事，都唔使我多講啦！所以奉勸各位男士，如果有中意嘅女仔，就算唔可以即刻表白，都要問到佢電話先。如果唔係，邊個都幫你唔到。<BR><BR></P>
[ 本帖最後由 gboss 於 2008-11-13 16:45 編輯 ]
頁:
[1]