大象席地而坐
#大象席地而坐#好奇怪的一個戲名，由於好奇導演為何年未滿三十就自殺，从佢考大學嘅經歷，就覺得佢係個有啲過於執著嘅人……
但係我好佩服一個咁樣年紀嘅人有如此功力，居然令我感覺電影嘅敘事手法与是枝裕和相似，用好平和嘅手法，講述人生各種殘酷，缺陷，遺憾，將近4個鐘嘅電影，你可以定定地坐著睇完，但係，胡波与是枝裕和唔同在於，是枝裕和嘅電影寫盡人生嘅缺陷卻仍然令人覺得人間係溫暖嘅，你仍然留戀人世因為仍然有愛，胡波係完全嘅絕望，令人連喊嘅衝動都冇埋，因為佢一啲希望都冇，唔畀人哋亦唔畀自己~
電影故事拍得好寫實，基本冇乜廢話，廢嘅情節，幾個唔出名嘅演員，表現得好自然，令人真切感受個種絕望，而且，冇得揀。以前，我經常戲謔誰想自殺冇勇氣，大可搵幾套婁燁嘅電影睇，諸如《頤和園》，《蘇州河》等，保證就有勇氣去死啦，因為我覺得婁燁嘅電影，某種程度是自己作死~但我唔敢同樣戲謔《大象席地而坐》~
豆瓣嘅評論，好多人都認為導演自殺，係由於性格偏執~是與否都唔再重要~因為結果係一個好有才華嘅導演對呢個社會絕望而放棄生命~
係值得細細品味嘅電影，所有理性嘅人都唔會因為一套電影而絕望，但係你會思考，點解電影所講嘅絕望~有時會係你心底泛起過~
頁:
[1]