其實妳唔明廣東人 II -- 粵人點解要死守自己本民族嘅母語？
<p>粵嚟粵掂</p><p><br/>好耐冇上過嚟喇，今日上嚟發篇嘢先！</p><p>呢篇嘢嘅原作者係葉曙明，原作名稱係<其實你不懂廣東人>，雖然呢篇嘢全文上下都係企喺我哋粵人嗰邊，為我哋粵人抱不平，不過只可惜成篇嘢都係用撈文撈字嚟寫作，並唔係用我哋粵民族嘅母語母文嚟寫，咁會大大削弱我哋粵民族對佢嘅親和力同認受度。</p><p>我而咖就將呢篇嘢嘅粵文版分次貼出，作品名稱改成<其實妳唔明廣東人>。</p><p>順祝各位粵族兄弟華歷丁亥新年快樂！</p><p>---------------------------------------------</p><p>其實妳唔明廣東人 II -- 粵人點解要死守自己本民族嘅母語？</p><p><br/> 我哋粵人嘅先祖——秦漢晉唐中原人嚟嶺南定居後，佢哋帶嚟嘅文化，便一如水銀瀉地，滲透到社識嘅各個角落。處於弱勢地位嘅土著語言——古百越語，好快就被逐入深山老林、窮崖絕穀之中。客家人有一警句：“寧賣祖宗田，莫忘祖宗言”。祖宗嘅語言，係佢哋喺遠離故鄉，無奈不得不掙扎求存於“瘴癘之地”時，仍然抱著廟宮未改，城社尚存嘅心態，堅守強勢文化優越感嘅精神支柱，成為維繫一個族群世代相傳嘅重要紐帶。 </p><p> 如果妳認為自己係一個廣東人，喺廣東出世，食廣東米，飲珠江水大，從細到大妳填寫簡歷嘅時候，籍貫一欄都係填廣東。不過有一日，失驚無神有人問妳：“妳有咩證據證明妳係廣東人吖？”妳呢陣時嘅第一反應係咩嘢呢？妳識點應佢呢？應佢因為我喺廣東出世，所以我就係廣東人咗？定係答佢因為我父母係廣東人，所以我就係廣東人？抑或係答因為我嘅戶口喺廣東，所以我就應該係廣東人呢？ </p><p> 中山大學人類學系喺廣府、潮汕同客家三大南粵民族中做過一個調查，到底廣東人係根據咩嘢嚟認定自己係廣東人呢？結果，喺被訪對象當中，有一半以上嘅人都係根據我哋南粵嘅語音語言，其次係血緣關係，第三先至係地緣關係。亦就係講，我哋粵人係根據鄉音，從茫茫人海中，搵到自己嘅同鄉嘅。舉例講，假如妳生活喺梅州，不過唔識講客家話，妳亦唔算係客家人；就算妳嘅戶口喺汕頭，不過妳唔識講潮州話，行喺街上高亦唔會有人當妳係伽譏囊。喺廣東人心目中，鄉音嘅位置就係咁高。南粵語言嘅功用，並唔單止僅係簡單嘅信息傳遞橋梁，而且更重要係我哋粵人內部感情交流嘅工具。 </p><p> 以前，撈頭將廣東嘅語言一律貶稱為“禽聲鳥語”。滿清皇帝喺召見廣東本土官員嗰陣，畀佢哋一口一個“我哋、妳哋、佢哋”搞到頭暈腦漲，氣急敗壞之下，詔令要喺南粵設立正音蒙館、正音書院，以駐防旗人為正音教師，全力推廣普及胡虜撈話。可惜駐防旗人本嚟就懶，又撞啱好似廣東咁嘅本土語言死硬派，推廣咗半日，結果廣東人連條脷都未識撩起伸，正音書院卻荒廢執笠咗唔少。五嶺之外，依然係一片鳥語花香。 </p><p> 今日，“推廣胡撈話，邁向現代化”呢個口號叫到震天響。似乎我哋南粵嘅本土語言一夜間成咗現代化嘅障礙。其實，歐盟15個成員國，統一咗貨幣，統一咗經濟政策，甚至準備要統一司法體系，不過佢哋始終都冇統一各自嘅語言，人家唔係一樣現代化咗咩？香港人喺英屬時代咪一樣冇推廣撈話，大家都講粵語，咁並唔妨礙佢成為現代化嘅國際大都市。事實上，廣東話同現代化並唔矛盾，講到底，撈話只係一種交流嘅工具，無須提升到道德同素養嘅高度，甚至同國家嘅前途、民族嘅興衰掛上鉤。 </p><p> 廣東人都係好講實際嘅，只要生活確實有講撈話嘅需要，根本唔需要政府去採取啲咩行政手段，佢哋自然識去學、去講。只要有助於佢“揾食”，冇講話係撈話，就算係非洲土話佢都肯去學。學撈話就等於學英語一樣，多掌握一種交流工具，絕對有賺冇賠，不過絕對唔可以為咗鼓勵學撈話，就去踐踏我哋自己嘅母語。我哋廣東人並唔拒絕學撈話，而且佢哋嘅“推撈”係不遺餘力嘅，“煲冬瓜”嘅水平，同“改革開放”前相比，已不可同日而語，中青年一輩基本上都可以識聽識講。只要北撈尊重呢個事實，就唔會否認廣東呢個巨大嘅進步。 </p><p> 今時今日撈頭嚟廣州嘅商店買嘢，大部分售貨員都識同佢講撈話；公務員亦都識講咗撈話；廣州市裡頭嘅大部分學校都用咗撈話嚟教學。據調查，銀行、郵局、公園、商店、的士等行業嘅撈話亦都通通過關。呢啲唔通仲唔夠咩？係咪一定要廣東人喺屋企裡頭亦都講撈話先至得？唔通真係要做大戲嗰陣都用撈話嚟罯咩？ </p><p> 喺南中國七大漢民族本土語言當中，粵語係最古色古香嘅，留存咗大量原汁原味嘅古漢語詞彙同用法，好似“企”（站）、“食”（吃）、“行”（走）、“頸”（脖）、“佢”（他）、“晏”（晚）、“慳”（節省）、“冇”（ 無）、“銀子”（錢幣）、“捽之”（最後）、“姑且勿論”（暫不說）、“於是乎”（於是）等等，讀起嚟儒雅之至，撈話白話文早就冇人咁用喇，但係喺粵語裡頭，佢哋仲大行其道，成為市井坊間嘅日常口語，甚至連“嗟”、“噫”呢啲古漢語中嘅感歎詞，廣州嘅細蚊仔細路女亦都會時常沖口而出——“嗟，怕乜啫？”（“嗟” 粵話讀作“車”音，含否定之意，“怕乜”即係“怕咩” “啫”係加強語氣嘅助詞。）“噫，好肉酸！”（人哋通常誤將“噫”寫成“咦”，其實喺粵語當中，兩個字係唔同嘅。“肉酸”意即“難睇”。）使人不禁拍案驚奇。 </p><p> 廣東人裡頭有唔少中原世家，古風餘韻，雖廢猶存。喺臺山人嘅屋企，心抱叫家婆做“安人”。安人，從宋代開始就係正從六品官誥命夫人嘅封號。除咗臺山，據講喺花都、從化一帶，亦都有稱家婆為安人嘅。聽起伸頗有啲官宦人家嘅派頭，或者，呢啲就係“祖上亦曾風光過”嘅遺痕喇。 </p><p> 有人認為，粵語形成于晉代，所謂“北人避胡多在南，南人至今能晉語”。西晉時發生“八王之亂”，繼而出現“五胡亂華”嘅局面，呢度一個北人南遷嘅高潮。故廣東人“至今可以晉語”，亦唔係咩奇怪嘅事。不過滿清時代廣東著名學者陳灃認為，廣州音最切合隋唐音，最方便閱讀古文。佢寫過一本《廣州音講》，專門解釋個中因由，“蓋千餘年來中原之人徙居廣中，今之廣音實隋唐時中原之音。” </p><p> 呢度所講嘅“粵語”，主要係指廣府話，尤其係指以廣州西關（上下九、第十甫一帶）口音為基準嘅廣州白話。如果妳想驗證下自己嘅粵語講得准唔准，有一個辦法，唱下呢支歌仔喇：“阿四阿四，攞條鎖匙，開個夾萬，攞兩毫子，買斤荔枝，唔愛黑葉，要愛槐枝。”呢首歌謠取衣韻，必須上下齒咬合，舌面向上，先至發得出衣音。如果妳可以咬字清晰準確，就算識講正宗嘅粵語喇。 </p><p> ? 喺粵語嘅詞彙裡頭，據講有三分之一以上係南粵本土所特有。廣州人嘅日常口語當中，南粵本土特有詞彙出現嘅頻率，竟高達五六成。最令撈頭頭痛嘅，睇怕都應該係廣州話裡頭大量嘅倒裝句。廣州人講“妳行先”，撈頭講“妳先走”； 廣州人講“多謝哂”，撈頭講“好感謝”； 廣州人講“飽得滯”，撈頭講“太飽了”； 廣州人講“畀一蚊過妳”，撈頭講“給妳一塊錢”； 廣州人講“揾妳唔到”，撈頭講“找不到妳”。如此等等，真係天涯同此路，人語各殊方吖。 </p><p> 喺粵語文化圈裡頭，經常聽到人哋講起辛亥革命後嘅一段典故。當年，帝制傾覆，共同初肇，喺中華民國國會裡頭，要求奉粵語為中國唯一國語嘅呼聲好高，支持嘅票數，經已過半。不過孫中山逐一去講服粵籍議員，勸佢哋放棄粵語，改投北平撈話一票。到最後，憑著孫中山嘅人望，粵語僅僅以1票之微，敗咗畀北平撈話。 </p><p> 揣測孫中山嘅用意，當時南中國嘅革命派同北中國嘅保皇黨雙方仍處喺對立狀態，既然滿清將北平撈話作為官話經已有兩百幾年，繼續沿用落去，可以避免節外生枝，減少南北統一嘅障礙。呢個恰恰表現出我哋粵人胸襟開闊，相讓為國嘅精神。南腔北調，乃地理自然形成，本無所謂優劣，既然我可以奉妳撈話為“國語”，咁妳又何必一定要將我哋粵語斥之為“鳥語”呢？ </p><p> 廣東人始終都係咁認為，粵語係廣府人嘅母語，潮州話係潮汕人嘅母語，客家話係客家人嘅母語。語言係一個族群嘅身份認同，係一種凝聚力。佢裡頭蘊含著豐富嘅地方人文內涵，一種語言嘅消失，勢必會使佢所傳承嘅嗰種地方文化亦隨之而萎縮同貧乏化。正如美國一位語言學家所講：“一種語言從地球上消失，就等於失去一座盧浮宮。”所以從文化嘅角度睇，撈話嘅推廣，唔應該阻礙其他漢民族本土語言嘅傳承同發展，更唔應該直接導致其消亡。 </p><p> 喺廣東呢個移民大省裡頭，各種民族語言錯綜複雜，四鄉八鎮，各有不同，甚至村頭村尾亦相迥異。冇邊種語言，可以將三州六府嘅鄉音統一起呻。即使有人力圖從語言學上將佢哋分類，亦往往予人綆短汲深嘅感覺。廣東真係一座語言嘅大寶庫。 </p><p> 中山大學人類學系嘅調查顯示，有82.86%嘅廣府人、39.18%嘅客家人同38.18%嘅潮汕人認為自己嘅母語比其它南粵本土語言好聽。同時亦有37.06%嘅客家人同37.27%嘅潮汕人認為廣府白話比其它南粵本土語言好聽，而廣府人對潮汕話同客家話嘅“好聽度”評分卻好低。由此可見，喺廣東地區，粵語占咗絕對嘅優勢。 </p><p> 廣東人嘅兼容並蓄，同樣反映喺語言上高。近20年嚟，大量華洋雜陳嘅港式粵語長驅直入，對粵語所作嘅深耕改土，係歷史上兩百年都難以達到嘅。其結果係，粵語除咗有最古色古香嘅美名之外，仲加多個最多創新詞彙嘅特點。“炒更”、“揾食”、“搞掂”、“無厘頭”、“士多”、“T恤”、“的士”、“擦鞋”、“人氣”、“案底”、“做騷”、“草根階層”、“夾心階層”、“人間蒸發”等新詞，以及“佢好陽光嘅樣”、“佢蒼白著臉” 等等呢啲詞法運用新穎嘅港式粵語，更暢行於整個南粵兩廣大地。 </p><p> 半個幾世紀以嚟，廣東仲經歷咗兩次移民高潮。一次係1949~1952年間，撈共匪軍南下，土改賊撈南下，大批北撈“幹部”浩浩蕩蕩開入廣東。另一次係1980年代以後，廣東“改革開放”，喺“東南西北中，發財到廣東”嘅口號激勵底下，千百萬撈頭懷著創業致富嘅夢想，蜂擁南下，奔赴廣東呢片熱土，形成風起雲擁，百川赴海之勢。粵語一度成為眾撈熱衷學習嘅語言，好多地方都競相開辦咗粵語速成班，報學者極為踴躍。我哋從電視新聞上高睇到南下列車上嘅洶湧人潮，亦不禁目瞪口呆，歎為百年難見嘅奇景。 </p><p> 移民潮對廣東政治、經濟、文化所帶嚟嘅影響，係互動互補嘅。尤其係第二次嘅移民潮，至今仲喺度持續高漲。唔管我哋樂意與否，南北文化都喺度不斷咁洗牌，民風民俗嘅易革，已深入到每條街巷、每家店鋪、每間公司、每戶家庭、每一個人嘅起居、飲食、衣著、娛樂、求職、婚姻等等庸常生活。</p><p>??? 好似深圳呢個新興城市，喺1982~1990年間，就有164.25萬人口從外地遷入，占咗當地人口增長嘅96.62%，撈話喺呢度經已成為咗主要嘅交際媒介。如果仲按傳統嘅廣府、潮汕、客家三大民族標準嚟劃分佢，就未免有牽強之感，而事實上，深圳係撈喺廣東一個不折不扣嘅殖民據點。</p><p> 有人話，大量北撈人口嘅湧入，顯示出的確有推廣撈話嘅必要性，不過依我睇嚟，正係因為有大批撈頭入湧我哋南粵，先至更加突顯出保護粵語嘅刻不容緩。我喺報紙上高睇到，杭州市一位政協委員喺向政協會議遞交嘅《關於保護杭州地方語言，防止歷史文化名城內涵缺失》提案中大聲疾呼：“當妳嚟到四川茶樓裡頭，發現擺龍門陣嘅人講嘅唔係四川話；當妳喺對外電視節目上，再亦聽唔到閩南話；當妳嚟到咗非洲嘅某個部落，發現啲土著人講嘅係一口流利嘅English，妳會唔會覺得好失望？當所有城市都講同一種語言嘅時候，咁每個城市獨有嘅吸引力就大幅減弱。所以，我呼籲要保護杭州方言。” 睇到呢度，我不禁為呢位委員拍案叫好。睇下咩時候，我哋廣東亦都有人可以挺身而出，理直氣壯咁為保護我哋廣東嘅南粵本土語言而奮臂高呼，我一定為佢呐喊助威!<br/></p>
頁:
[1]