[原創]【原创】飮茶吹水纪要之三（粤语版）
<p>【原创】飮茶吹水纪要之三（粤语版）<br/>人物：茶客甲 ＋? 茶客乙<br/>地点：广州某茶楼茶皇厅<br/>时间：本月某日</p><p>? 甲：“琴日晚报话德庆三百个果农中柑发咗达，包咗两架飞机上京考察，新闻条题目叫做‘种柑得金’。”<br/>? 乙：“琴晚《新闻日日睇》陈SIR够唔少‘金句’啦，佢话克林顿个老婆选总统系‘夫妻同心，其利段金。’转头讲到越秀公安局长落恩宁路视察就话：‘警民同心，其利段金’啵。”<br/>? 甲：“其实道理就一样嘅，‘夫妻同心，’又好，‘警民同心’又好，关键就系同心。同心就做乜都掂。”<br/>? 乙：“系啊，点解广州D治安同埋交通咁乱嗟？D官同老百姓唔够同心啰！。好似‘禁摩’咁，话禁就禁，几十万开摩托嘅市民，唔系逼番巴士，就系踩番单车架啦，点知佢话：‘踩单车唔系城市发展方向，应该卖私家车’大佬啊！鬼唔知‘阿妈系女人’咩！买得起先得架。”<br/>? 甲：“买得起，你都养唔起啦，不过老实讲啊：依家踩单车都唔系好着数架，好多主干道都冇单车道，你局住响机动车道穿插，好牙烟！仲有呀，D机动车嫌你阻住佢，尊登逼你埋坑渠架，所以我有时都系踩上人行道，最多撞亲人，都好过被大车撞死呀。”<br/>? 乙：“唔踩单车，逼巴士仲衰，又嘥钱又嘥时间，繁忙时间架架巴士都爆棚，逼得上车已经半条命，最惨就系唔知几时到，日日塞车塞到傻。”<br/>? 甲：“不过D官唔同你咁谂嘅，佢计下条GDP数，人均有成万银美金一年，依家D私家车几万银就有交易，你无谓啰苦嚟辛呀！”<br/>? 乙：“所以唔知民间疾苦，即系唔同心，制定D政策又点会行得通呀，听讲人地个伦敦市长都系日日搭巴士地铁返工咋，学下人地啦。”<br/>? 甲：“老百姓呻来呻去，咪得个讲字！讲起‘夫妻同心，其利段金。’我就谂起许冠杰个只歌。”<br/>? 乙：“边只呀？”<br/>? 甲：“沉默是金。”</p><p><br/></p> 唔少錯字~
頁:
[1]