[原创+分享]徐小凤演唱会2006
<p>2006年12月15日至12月20日晚，以及2006年12月23日至12月26日晚，徐小凤于香港红堪体育馆共举行10场《景福珠宝金光灿烂徐小凤演唱会2006》SHOW，而小弟有幸喺12月16日晚上到香港红堪体育馆观赏咗小凤姐嘅次场演出。由于呢次扑飞时间比较早，准备亦较为充分，小弟一早就顺利买到咗张价钱$400嘅靓飞---正中间略靠右侧第四排（唔知算唔算靓位置呢？哈哈），演唱会当晚，小弟匆匆用过晚饭，就赶到红馆坐定定等睇精彩演出嘞--呢次係小弟继2005年8月之后，第二次欣赏小凤嘅演出。向来形像高贵嘅小凤姐，依旧保持佢一贯风格---表演服装亮丽多彩、雍容华贵。小凤姐以一身火红伞裙出场，甚有圣诞气氛！舞台上吊著巨型水晶灯，十分华丽，无论舞台灯光嘅整体布置，抑或音响效果，红馆都确实一流！小凤姐颇具歌坛大姐大嘅风范，佢以一贯高水准之歌艺及幽默道白，引得坐满全场嘅观众不时以热烈掌声回应。小弟最深印象嘅系，小凤姐当晚曾讲：“我今晚非常激动，咁多年以来，大家都对我不离不弃，一如既往噉支持我......你哋係为咗追随我嘅歌声而来嘅，而其实我却係为咗追随你哋嘅掌声而来嘅......”。演唱会上，小凤姐除咗唱出其连串经典金曲外，更首次Rap歌，唱出佢嘅新歌“徐想曲”，小凤姐边唱歌边向台上观众献飞吻，表现甚为活跃。小凤姐今次嘅演唱会当中，将多首歌曲重新编排。除咗其必唱嘅首本金曲之外，所有演唱歌曲跟上次2005演唱会完全唔同．现场演绎Hip Hop风格嘅新歌［徐想曲］就最有特色。其他歌曲包括［深秋立楼头］，［柔道龙虎榜］，［明日天涯］，［似水流年］，［功夫舞］，［黄昏放牛］，［誓要去入刀山］等等，都令众FANS耳目一新。不过个人觉得呢次演唱会小凤姐所选嘅曲目，有两大特点，第一係唱咗多首“别人的歌”（包括郑少秋、梅艳芳、关正杰等）；第二係较少演唱佢喺宝丽金时期嘅名曲（记忆中好似只有一首《每一步》）。呢场SHOW，担任嘉宾嘅乃係张祟基与张祟德，兄弟二人于台上表演摹仿其他歌星唱歌（学罗文唱《狮子山下》嗰几句就最似、最生动嘞！），之后又用女声演绎《帝女花》添，哇，模仿起来，都米话唔似嘎，哈哈，仲引来小凤姐都用阿LAM腔整番几句［在水中央］添，张祟德仲以阿LAM声线回应，全场爆笑！<br/>总之，呢场SHOW，真係精彩纷呈，令歌迷大饱眼福、耳福，个人觉得：价钱$400嘅飞，实在超值！</p>[此帖子已經被作者於2007-1-4 21:48:04編輯過]
<p>呢张就係小弟当晚嘅门飞，点啊？位置够晒靓嘞啩，拍照就绝对係一流，哈哈。</p><p>?</p><p>?</p><br/> <p>呢张小凤姐嘅照片，就系当晚大会赠送嘅纪念品之一。</p><p>?</p><br/> <p>当晚所有嘅入场观众，都获赠呢只会闪闪发出七色光嘅戒指，令整台SHOW嘅过程，整个红馆都熠熠生辉，场面颇为壮观动人！</p><p></p><p></p><br/>
[此帖子已經被作者於2007-1-4 0:40:09編輯過]
05年睇過小鳳姐0既星光燦爛演唱會,有好多首靚歌都係康藝成音時期果D. 谢谢楼主的精彩报道！ 聽落真係覺得好精彩，有冇當晚嘅曲目？《徐想曲》幾時先有CD聽？ 幾時喺大陸可以開返場？呢啲樂壇老前輩演唱會眞係賣少見少，希望第時可以親臨現場感受。 <div class="msgheader">QUOTE:</div><div class="msgborder"><b>以下是引用<i>余OK</i>在2007-1-4 20:04:54的發言：</b><br/> 幾時喺大陸可以開返場？呢啲樂壇老前輩演唱會眞係賣少見少，希望第時可以親臨現場感受。</div><p></p>我反而對大陸開開演唱會冇咁大興趣，因爲好多歌星喺大陸開演唱會都减咗好多精彩環節。就如阿Sam，04香港紅舘演唱會從8點開到12點幾，但大陸嗰機場，8點半都未開得場，11點半唔夠就冇咗，其中重少咗許冠文揶揄政府嘅棟篤笑，加之大陸嘅音像設備同紅舘差得遠，所以香港400文嘅飛絕對超值過大陸200文嘅飛。 估计小凤姐以后嚟大陆地区开SHOW嘅机会唔大，而且，亦正如H兄所言，就同一个歌手而言，喺大陆开嘅SHOW，同香港及其他海外地区相比，无论係场SHOW嘅时间、灯光、音响效果、演唱内容丰富程度等等都大打折扣，呢样嘢已经有过唔少嘅先例。
[此帖子已經被作者於2007-1-4 21:53:18編輯過]
<p>被个谜语大家估下：谜面：金光灿烂，谜底？更是徐小凤啦！<br/>上年的复出更是全城轰动，门票几个钟卖晒，几度加场，足以证明她是乐坛的大姐大啦！~今年的澳门国际音乐艺术节《金光灿烂——徐小凤与澳门中乐团》的门票更是1个钟卖晒，再度加场，同样爆满！~更是打破澳门国际音乐艺术节表演项目的前例——门票销售迅速，再度加场！~今年的演唱会更是被观众耳目一新的感觉！~正如samkong讲的：“小凤姐，依旧保持佢一贯风格---表演服装亮丽多彩、雍容华贵。”<br/>一点都无错。还有今年她的演出水平是好过旧年好多倍，选曲方面更是耳目一新！~~但是，我因为要考试，所以无法前往红馆欣赏，希望呢次演唱会会出DVD。</p><p>不过小凤姐在结束香港的10场演唱会后亲口证实,于今年展开她的个人巡回演唱会!~期待中,希望来佛山开!~~我地到时一定要早点去扑飞!~~</p>
[此帖子已經被作者於2007-1-4 22:55:36編輯過]
严重期待小凤嘅演唱会将来能够喺中国大陆开啊。 <p>咋冇音樂滴嘶</p> <p>今年第一次看她演唱会．．．该说去年了，看的２３.２４号的两场，看完喜欢的居然是她不常唱的几首，功夫舞，两只鞋子，你懂不懂，明日天涯等．．．．．</p><p>觉得她声音已经值回票价了，听一次少一次，希望有机会再多听几次</p> 大人你的这个文还有下面的照片可以转么??偶自己照出来效果好烂.......
多謝
非常開心可以成為粵語協會官方論壇的一份子.以後我一定多些來這裡.多謝您!<IMG alt="" src="http://bbs.cantonese.asia/images/smilies/default/smile.gif" border=0 smilieid="1"> Thanks for sharing this article with us. I had gone to the concert too. Cant forget this memories !
頁:
[1]