畸變腫化嘅「漢藏語系」

粵嚟粵掂 發表於 2006-11-12 02:22:31

畸變腫化嘅「漢藏語系」
 
 對於漢藏語系嘅涵蓋範圍同分支系屬，世界各度地方因應各自唔同嘅需要搞出咗好多版本，最極端嘅莫過於中國大陸嘅「巨無霸」版同歐美學界嘅「袖珍縮水」版。兩者唯一嘅共同之處僅在於「漢藏同屬」，至於「苗瑤」同「侗臺」，「袖珍縮水」版冇將佢哋列入漢藏語系當中，喺語言發生學嘅角度嚟睇，呢種劃分方法係合理嘅，不過若然摻入某啲「中華情感」嘅因素，呢種噉嘅劃分無疑係喺度剃緊某國同某族群嘅眼眉。
 其實以理性嘅，語言學嘅視角去睇中國大陸官方欽定嘅「巨無霸」版「漢藏語系」，無疑係一個怪胎！諸多使用者眾嘅南中國地域語言，遭到刻意矮化，並賜名「方言」，而一啲旁支末葉唔知喺邊個山咔喇嘅地方話卻可以水鬼升城隍噉被冠稱為乜「語」物「語」！現時國際上研究語言與語言之間關係嘅權威方法同準則，經已從先前嘅詞彙集聚學說，轉移到語言發生學說，「巨無霸」版「漢藏語系」作為詞彙集聚學說時代嘅催生產品，係時候作出必要嘅檢討同修訂喇！
 「苗瑤」同「侗臺」諸語，喺語言發生學嘅角度嚟睇，佢哋同孟高棉語，越芒語，馬來語等南亞，南島語關聯密切，顯然有著相同嘅源頭，不過將之統一為澳泰語系顯得過於龐雜，有如「巨無霸」版「漢藏語系」一樣，所以現時國際語言學主流傾向於將佢哋分成苗瑤語系，侗臺語系，南亞語系，南島語系。呢啲語系嘅地位，係同印歐語系，漢藏語系，阿爾泰語系，尼日爾-剛果語系，閃含語系等等大語系完全平等嘅。
 真正嘅漢藏語系，其實分為羌，藏，緬三支，用語言發生學解釋：佢哋同源於遠古時代喺西藏高原東北一帶遊牧嘅古羌族群。呢個族群其後不斷向東南，正南，西南三個方向遷徙，形成咗羌，藏，緬三大族群系統嘅源頭。
 漢藏系統族群嘅南侵，觸發咗苗瑤系（三苗），侗臺系（百越），南亞系（百濮）三大族群嘅被迫南遷。具體為夏商周三朝時期夏族商族周族對苗瑤系嘅征伐（有必要喺度指出，商族係侗臺系族群），同時代雲南西康嘅縱谷地帶則係發生咗緬族對南亞系嘅戰鬥，苗瑤系戰敗向蘇皖鄂湘黔一帶逃亡，而南亞系則南遁緬江，潞江，湄公河，湄南河流域，南亞系南下亡命東南亞半島（印度支那半島）地區，又觸使原居於此嘅南島系南渡馬來群島。及至秦漢，秦族同古漢族對湘黔苗瑤系殘部，江南嶺南侗臺系，雲南南亞系殘部，川康滇藏緬系，乃至東南亞半島上高嘅南島系殘部（日南郡外林邑，南島系占族）發動空前規模嘅征戰，空前嘅征戰推動空前嘅民族遷徙浪潮：可以確定，侗臺系就係喺呢個時候遷入東南亞半島地區，同時，曾喺雲南打敗過南亞系嘅緬族，亦都畀古漢族逐出滇省。流落喺泰北，緬北，寮北，越北嘅泰，緬，越諸族，喺及後千幾年嘅時間裏頭，不斷向佢哋南邊嘅南亞南島系嘅孟，高棉，占諸族施壓，並最終取而代之成為今日緬泰越三國嘅主體民族，柬埔寨作為世界上碩果僅存嘅南亞系民族主權國家苟延殘喘噉孤懸喺東南亞半島上面，而孟，占二族則被徹底熔滅。
 
 
漢藏語系(Sino-Tibetan)譜系及其大致地域分佈
 
┌－－－粵語族(Cantonese)－兩廣大部及港澳
└－－－閩臺語族(Min)－閩南及臺灣
└－－－吳語族(Wu)－上海，江蘇東南，浙江中北部
└－－－客家語族(Hakka)－廣東東北，閩西及贛南
└－－－潮語族(Teochew)－潮汕
└－－－瓊雷語族(Hainanese)－海南及雷州
└－－－福語族()－閩東及閩中閩北
└－－－甌語族()－浙江南部
└－－－贛語族(Gan)－江西中北部
└－－－湘語族(Hunanese)－湖南中北部
└－－－平土語族()－廣西中西部
└－－－徽語族()－安徽東南部
└－－－川語族()－川滇黔及兩湖西部
└－－－晉語族()－山西中北及東南部，內蒙河套，河北西北部，河南北部
└－－－漢語族(Mandarin)－大巴山及揚子江以北諸撈
└－－－藏語族(Tibetic)－西藏，西康，青海及隴西南，滇西北，拉達克
└－－－緬語族(Burmish)－緬甸中南部 
└－－－彝語族(Loloish)－雲南中西部
└－－－羌語族(Qiangic)－四川西北
└－－－巴語族(Tujia)－兩湖西部及川東南黔東北
└－－－白語族(Bai)－雲南西部
└－－－克欽－景頗語族(Kachin)－雲南西部及緬甸克欽邦
└－－－欽語族(Chin)－緬甸欽邦
└－－－克倫語族(Karen)－緬甸克倫邦及泰國西北
└－－－納西語族()－雲南西北
└－－－獨龍語族(Trung)－雲南西北及緬甸克欽邦
└－－－僜語族(Taraon-Digaru)－雲南西北，西藏山南及緬甸克欽邦，印度阿魯納恰爾邦
└－－－怒語族(Nu)－雲南西北
└－－－倉洛門巴語族()－西藏山南及不丹
└－－－達尼珞巴語族(Tani)－西藏山南及印度阿魯納恰爾邦
└－－－蘇龍珞巴語族()－西藏山南及印度阿魯納恰爾邦
└－－－那加語族(Naga)－印度那加蘭邦
└－－－曼尼普爾語族(Manipuri)－印度曼尼普爾邦
└－－－米佐語族(Mizo-Kuki)－印度米佐拉穆邦及緬甸欽邦
└－－－提馬爾語族(Dhimal-Toto)－印度東北
└－－－米基爾語族(Mikir)－印度東北
└－－－列佈查語族(Lepcha)－錫金及不丹
└－－－貢獨語族(Gongduk)－不丹
└－－－尼瓦爾語族(Newar)－尼泊爾
└－－－基蘭提語族(Kiranti)－尼泊爾
└－－－阿拉幹語族(Arakan)－緬甸若開邦
└－－－普米語族()－雲南西北
└－－－波多語族(Bodo-Garo)－印度阿薩穆邦東部
└－－－姆魯語族(Mru)－孟加拉
└－－－喜馬偕爾及北安查爾諸語(Almora, Manchad, Byangsi, Kinnauri)－印度喜馬偕爾邦及北安查爾邦
 

[ 本帖最後由粵嚟粵掂於 2009-10-22 18:14 編輯 ]

Wai 發表於 2006-11-12 02:41:41

撈語（撈魚）族好搞嘢喎。呢篇文分啲族群好細吓喎。

leon_jeng 發表於 2006-11-12 03:12:56

潮州話是閩南語的一種次方言的。潮州話與漳泉話的差別亦好像廣州話與四邑話的差別程度﹐不過粵族人的內部認同比閩族的強所以就沒有彼此之間的區分。

leon_jeng 發表於 2006-11-12 03:23:14

還有“吳語”區的人有很多人不知道他們的語言被稱為“吳語”的。一般來講他們只有地域的稱呼如﹕蘇州人就稱當地話為蘇州話﹐上海人稱為上海話。不過有一點值得考究的是所謂的“上海話”實質就是蘇州話的一種。以前的上海是屬于蘇州府管轄的。蘇州﹑上海至浙江寧波一帶的居民稱他們的語言為“閑話”﹐這種情況就好像廣東人對自己的廣東話稱為“白話”般。還有一個有關歷史的問題想提出的是過去住在廣東東北一帶的居民或住在福建閩西﹑江西贛南地區的居民並沒有“客家”的概念與認同。住在廣東東北的居民一般只有“廣東人”及“廣東話”的認同﹐他們也承認廣東省城話(廣州話)為他們的標準語言即證明了粵東北地區的語言是屬于廣東語系(今叫粵語)的一種。後來只因住在廣東東北居民生活貧困向省城及其週邊遷居與當地人發生爭執﹐被當地人叫之為“客家”﹐由此他們才有“客家”的認同來區別廣東平原居民。
[此帖子已經被作者於2006-11-11 20:27:52編輯過]

粵嚟粵掂 發表於 2006-11-12 21:42:20

補充四個語族：└－－－阿拉幹語族(Arakan)－緬甸若開邦└－－－普米語族()－雲南西北└－－－波多語族(Bodo-Garo)－印度阿薩穆邦東部└－－－姆魯語族(Mru)－孟加拉

Wai 發表於 2006-11-12 23:14:50

Cantonese譯成粵語族，幾好喎。

leon_jeng 發表於 2006-11-13 01:45:31

粵語族素來就是Cantonese﹐只是北方研究者故意把粵語叫做Yue閩語族本來就叫做Hokkienese不是Min

頁: [1]

粵語協會's Archiver

畸變腫化嘅「漢藏語系」