你食「䢐」飯未？
本帖最後由 xxkai 於 2012-12-10 19:46 編輯「咗」系近代造字。本字究竟系乜哩？
「咗」，解「往也」，查捯有幾個可能性。
1）「䢐」：《廣韻》昨胡切《集韻》叢租切《韻會》全徒切，音徂。往也。
2）「徂」：《廣韻》昨胡切《集韻》叢租切，祚平聲。《爾雅·釋詁》往也。
3）「（辶虘）」：《正字通》籀文䢐字。註：「籀文」亦稱「大篆」。
4）「（虘且）」：《字彙補》昨誤切，音祚。往也。
唯一全拼打捯嘅系「徂」。
最有意思嗰個系「䢐」。 「咗」是近代造字，照形声字的办法，表示完成式，大致上相当于普通话的「了」，已经家喻户晓，不必再考本字了。 同意「咗」字已百分百約定俗成，考本字冇問題，但不宜返轉頭用本字。 表示「完成」的是「完」，不是「咗」：
1.A: 你做完功課未？
B: 未呀，做咗少少，重有好多留返今晚至做。
2.A: 你個仔高咗好多呀！
B: 係呀，佢今年至十五嵗，睇怕重未高完嘅，會再高多一两寸都未定。 食咗飯未？食咗。
做咗功課未？做咗。
呢度咗都係表示完成！ 「咗」本身的基本作用並不表示完成，雖然在某些情况下它跟「動作完成」這個意思可以相容（尤其是當涉及量化的動作，如食飯、讀書、寫信、洗衫... 等）。
如果動作不能涉及量化，带「咗」的動詞便不可以理解為「完成」：
- 佢去咗美國。（？？佢去完美國）
- 佢隻狗死咗。（？？佢隻狗死完）
- 佢嚟咗喇。（？？佢嚟完喇） 「咗」除咗可以指「完成一件事情」，亦可以指「完成一個過程」。「去」、「死」、「邌」等等，都系可以完成嘅過程。 本帖最後由 KinNg 於 2012-12-18 08:15 編輯
佢去咗美國。（？？佢去完美國）
- 佢隻狗死咗。（？？佢隻狗死完）
- 佢嚟咗喇。（？？佢嚟完喇）
呢度咗係表示過去嘅動作已經發生。
動作已經完成。你講嘅例係無完意思。
用英文：
He has gone to the US.
明顯係完成式。
頁:
[1]