[轉貼]《我喺长堤做登场—“劈酒部”的日子》 (9)
<p>原著：欺霜傲雪（Tiffanyho）</p><p>PART?9? <br/><br/>6月12号。今晚返紧工。? <br/><br/>嘟嘟…… <br/>有短讯？？? <br/><br/>ANDREW：”你今晚有冇胃痛啊？”?? <br/>我喺度同啲客玩紧，想落咗班再揾佢，所以就冇复到佢短讯。? <br/><br/>ANDREW：”做咩唔复人短讯啊？我又嚟咗唱K啦!”?? <br/><br/>唔系啩？于是我就立即复返佢。? <br/><br/>我：”唔系啊!我做紧嘢吖嘛，你喺几号房啊？”?? <br/><br/>ANDREW：”V06。”?? <br/><br/>我：”噉好啊，我落班之后上嚟揾你啊。”? <br/><br/>我想早啲走，点知道呢班客系JANNY班朋友，所以又走唔到。我都好难做，所以同佢讲话玩到3点半。其中有个男想媾我，后屘重问我拎电话同埋叫我起吃宵夜，不过我都拒绝咗。我惊ANDREW走咗，所以飞短畀佢。? <br/><br/>我：”我要3点半先上到嚟吖，你哋走未啊？”?? <br/><br/>ANDREW：”未吖，我哋有牌都未走。”?? <br/><br/>我上到去V06。唔计埋我嘅话，总共有6个人。其中2对系情侣。?我见到ANDREW，今日着咗一件白色嘅T-SHIRT。牛仔裤。着咗对普通嘅波鞋，好明显，全身冇一样系名牌。? <br/><br/>原先ANDREW坐喺最左边。跟住我用眼神示意叫佢过嚟，不过佢又示意叫我坐过去。佢唔坐过嚟我又唔坐过去，搞咗一阵。佢都系就我,佢自己坐咗过嚟。? <br/><br/>我：“嚟咗又唔早啲话我知道嘅？”? <br/><br/>ANDREW：“冇吖，我个朋友生日，佢话嚟咪嚟啰，我哋搭船过嚟嘅。哈哈”? <br/><br/>我：“系咩？”? <br/><br/>ANDREW：“系吖，我对鞋烂咗吖。”佢指住佢对鞋话畀我知，跟住就拎个遥控器畀我叫我点歌。? <br/><br/>我：“我唔唱啦，今日上班我好攰啊。”?佢拍拍佢膊头，示意係佢膊头度瞓阵。我个头就挨住佢，佢当我系只小猫一样用手抚摸我啲头发。佢屋企养咗2只猫，生咗几只猫仔。佢同我倾进电话嘅时候，都同啲猫仔讲下嘢，啲感觉真系好温柔，好细心，好有爱心。? <br/><br/>ANDREW：“你话我电发好??定剪发好吖嗱？”佢用只手将耳边嘅头发Q起。? <br/><br/>ANDREW：“我侧面似唔似女仔啊？”? <br/><br/>我：“似吖。”我摸下佢啲发质。? <br/><br/>我：“啲发质都几软，电OK唔OK咖？” <br/><br/>佢个朋友大口仔话：“电都几好吖，电松佢啦！”大口仔同佢女朋友都拎只手嚟搞佢啲头发，? <br/><br/>佢话：“唔好搞啊。”?重推开佢哋。但系我搞紧佢又冇反抗。个MV度出现咗部MINI?COPPER。我听见大口仔个女朋友话要佢买你佢。我喺度谂：你哋系咪真系买得起嘅？起码最少要二十万以上。原来后屘知道原来大口仔系捞偏嘅，买到都唔出奇。不过我都怀疑紧佢系咪真系买到。? <br/><br/>ANDREW知道我有洁癖，佢记得我之前同佢讲过:我唔喜欢男生留长嘅手指甲。? <br/><br/>ANDREW：“你睇下我只手，我喺见你之前剪短晒啊。”? <br/><br/>我：“噉你就乖，抵惜。”?我口渴，于是就拎咗佢支“金桔柠蜜”嚟饮，我唔会随便饮人哋饮过嘅嘢。除咗喜欢嘅人之外。我就觉得唔好饮。叫佢卖返我喜欢嘅“菊花蜜”。佢立即叫佢生日嗰个朋友买咗支“菊花蜜”畀我。? <br/><br/>ANDREW：“我睇咗你篇文章吖，我重记得个男主角叫阿DIC。我记得晒里面啲内容。”?我喺05年嘅时候都写咗篇文章。我想同我啲朋友分享，所以我叫咗佢睇。? <br/><br/>我：“系咩？觉得点啊？”? <br/><br/>ANDREW：“OK噉啦。你几时又再写啊？写“我喺蹬场嘅日子”啰，哈哈。”我根本都冇谂过写呢篇文章。不过有灵感所以先写。? <br/><br/><br/>我突然抽起条筋，想睇佢部手机，? <br/><br/>我：“拎你部手机嚟睇下？”? <br/><br/>ANDREW：“点解嘅？”? <br/><br/>我：“想睇咪睇啰。”佢点都唔畀，我就整咗个嬲样出嚟，佢就死喺度哄我，我都唔理佢，佢就死死地气噉畀我睇。我拎咗佢部西门子嘅CX65，见到有个女人嘅相做咗墙纸。? <br/><br/>我：“呢个女边个嚟嘅？”? <br/><br/>ANDREW：“咪我同你讲过我以前和记个同事啰。”? <br/><br/>我：…… <br/><br/>佢拎住佢部手机，好似好得意噉指住我个名。佢问我叫咩名，我之前冇话畀佢知道，点知到佢真系SET咗我个名做“你钟意”。我继续睇佢部手机嘅内容。我睇咗佢通讯录里面，见到有个名叫咗“老婆“。? <br/><br/>我：“呢个边个嚟嘅？”? <br/><br/>ANDREW：“我都唔知道啊!”? <br/><br/>我：“唔知道？部手机你嘅。”? <br/><br/>ANDREW：“我真系唔知道吖!哦，我记得啦!我之前借个部机畀个朋友用，可能个电话就SET咗喺嗰度。”? <br/><br/>我：“系真唔系啊？”? <br/>佢就一路睇佢手机里面嘅电话一路删咗啲。? <br/><br/>ANDREW：“呢啲人我都唔识嘅。嗱，呢个我电话号码，我会唔会咁傻，将自己嘅号码SET落自己部手机度啊？”我都开始有少少相信佢。佢重喺我面前发咗条短讯畀“老婆”。内容系”你系咪XX个女朋友啊？”?佢喺我面前做咗咁多，噉我就相信咗佢啰。? <br/><br/><br/>我见到佢只手度有只戒指，? <br/><br/>我：“只戒指?”? <br/><br/>ANDREW：“靓过你嗰只，哈哈。”? <br/><br/>我：“边个送嘅？”? <br/><br/>ANDREW：“冇吖，我妈妈喺香港买呢对鞋嘅时候,买埋畀我嘅。”? <br/><br/>我：“唔信。”? <br/><br/>ANDREW：“真嘅，唔信你打去问佢啦。”? <br/><br/>佢真系打返屋企。我立即CUT咗线。我谂：唔通我真系打过去问:“伯母，呢只戒指系咪真系你买畀ANDREW咖？”?算啦，我都系信佢啦。噉我就试下佢，拎咗佢只戒指落嚟，戴咗喺我手上，扮唔畀返佢噉样。点知佢好紧张,点都要拎返。你估我真系会拎咗你呢只戒指咩,我就立即畀返佢。突然间，我觉得佢其实有好多好多嘢都系呃紧我。发觉自己原来好蠢。?我对佢已经冇晒信心……。? <br/><br/><br/>ANDREW：“你一阵唱完K有咩做啊？”? <br/><br/>我：“噉你呢？”? <br/><br/>ANDREW：“我哋去幸运楼饮茶吖。你去唔去啊?”? <br/><br/>我：“我唔知道啊。”? <br/><br/>ANDREW：“噉一齐去啦!“? <br/><br/>我：“OK。”</p>
頁:
[1]