[轉貼]《我喺长堤做登场—“劈酒部”的日子》 (8)
<p>原著：欺霜傲雪（Tiffanyho）</p>PART?8? <br/><br/>呢晚，VINCENT又嚟咗，VINCENT佢爸爸系开广告公司。佢就帮佢爸爸打理公司啲生意。佢其实就系陪客人嚟玩嘅。不过成日都揾我玩，佢同佢啲朋友得2、3个人嚟玩,都要包张大卡。份人几好就真，识得尊重人。佢都唔会好似其他人噉钟意抽水。之前又问我拎电话。不过我觉得,出嚟浮啲人唔系太多人会认真噉对你。有啲媾得你,就系想玩一夜情，玩“赵完松”。所以,电话我就冇畀到佢。我份人对一啲唔熟悉嘅人会摆出傲慢嘅样，本身自己出生喺小康家庭，觉得自己个样又有返咁上下，自细就生成呢种高傲嘅性格。但如果同我熟嘅话,就知道我系点样嘅人。? <br/><br/>VINCENT着住一件APE嘅T-SHIRT，同EVSIU嘅牛仔裤。? <br/><br/>VINCENT：“你今晚成晚喺我呢度玩啊？”? <br/><br/>我：“点解你嚟亲都揾我玩嘅？”? <br/><br/>VINCENT：“冇，因为我嚟揾你玩,你可以唔饮都得。但如果你去其他客人度玩，你可能要饮好多。饮得太多对你唔好嘅。”? <br/><br/>我：“哦……”? <br/><br/>VINCENT:?“你有冇钟意边个牌子嘅饰物咖？”? <br/><br/>我：“有吖，咪TIFFANY啰。”? <br/><br/>VINCENT：“哦。”佢答得若有所思。? <br/><br/>即使佢对我好，我都冇考虑过佢，因为我心中可能已经有咗某人嘅位置。? <br/><br/>我个朋友细细嚟咗玩。细细都识得几多有钱人，佢好细个就已经出嚟浮了。佢啲衫、化妆品、出街使费都唔使佢自己出。 <br/>? <br/>“KATHY？乜你依家喺度做啊？”? <br/>“系吖。做咩？”? <br/>“冇吖。你唔好做啦!?咁辛苦，你都系为咗赚钱啫，我帮你啦!”? <br/><br/>佢拉埋我一边,只手摆到好低,指住前面嘅阿叔,细细声同我讲:“呢个男人系香港人，自己开玩具厂，佢睇中咗你，你今晚陪唔陪佢？”? <br/><br/>唔怪知得,佢同我讲话,咩今晚唔好搞乱佢屋啲嘢，我头先听到一嚿云噉。 <br/>? <br/>“如果你陪佢嘅话，佢畀出嘅钱可以抵得上你1个月或更多个月嘅人工，甚至重有得商量，你觉得点啊？其实佢好快嘅咋，你咪当畀鬼笮啰!”? <br/><br/>我：“我唔做吖”。?我都唔缺钱用，同埋我净系会同钟意嘅人做啰。我唔会为咗钱,而出卖自己嘅肉体。? <br/><br/>细细：“噉好啦，我都唔逼你吖。”? <br/><br/>我：“嗯。噉你哋慢慢玩，玩得开心啲，我去做嘢先。”? <br/><br/>晚上落班之后，我都会打畀ANDREW，将每晚喺公司发生嘅开心事或唔开心嘅事都会话畀佢知道。佢成日都叫我唔好做啦，转工啦，对身体唔好吖。不过佢自己又冇做嘢，我叫咗佢揾嘢做先啦。佢话要睇埋世界杯先去做喎。 <br/><br/>我哋真系每晚都会倾好耐好耐电话，成几个钟头。佢成日都话,饮醉就畀电话佢。 <br/>? <br/>我就话：“傻嘅你，醉咗我重识畀电话你!”?跟住佢就笑到咩噉。我同佢讲笑。? <br/><br/>我：“我浮咗咁多年，我从来都未试过醉到要人扶住我返屋企,或者醉到要人照顾,或者醉到好似泥噉。我’千杯不醉’嘅嘛，你有冇睇过先？千华嗰套《千杯不醉》啊?”? <br/><br/>ANDREW：“有吖，噉唔通你真系要遇到你爱嘅人先至会醉？”? <br/><br/>我：“哈哈，可能吖，我都唔知道。”? <br/><br/>ANDREW：“其实我都想揾个女朋友。”? <br/><br/>我：“你咪去揾啰。”? <br/><br/>ANDREW：“嗯，讲真，我ANDREW如果要女嘅话,唔方会冇女啰!?不过,如果揾咗女朋友之后，使费就会大咗。”? <br/><br/>我：“噉你咪努力啲揾钱啰!”? <br/><br/>ANDREW：“不过,我都唔会揾靓女做我女朋友。如果唔系,顶绿帽重唔戴上头咩!？”? <br/><br/>我听咗之后,都唔知道畀咩反应好。我唔知道我喺人哋心目中,系属于靓定唔靓。? <br/><br/>有晚上班，我饮咗太冻嘅酒，所以个胃好痛。跟住就去咗洗手间,打咗个电话畀佢，佢叫我唔好再做。? <br/><br/>之后，佢成日都关心我有冇胃痛。令到我好感动。晚晚都倾电话，我个朋友重以为我揾到个新男朋友。
頁:
[1]