[轉貼]《我喺长堤做登场—“劈酒部”的日子》 (2)
原著：欺霜傲雪（Tiffanyho） <br/><br/>PART?2? <br/><br/>我辞咗之后，都有揾工作。不过始终揾工呢样嘢，要慢慢揾先会揾到适合,唔系话想揾就揾到。我有啲同事好彩嘅就1个月到就揾到另外一份，唔好彩就要成半年先揾到。? <br/><br/>我个朋友菲菲话：“沿江嗰间BXX请人吖，我都做紧，你做唔做啊？你打畀CANDY，睇下几时面试。呢间嘢系噉请人嘅，晚上见完你之后，如果你得嘅话,跟住咪请你啰。”? <br/>?“好，噉我打畀佢。”?我答。 <br/><br/>我都知道做“登场”系青春饭，老咗唔可以做嘅啦。不过,我依家又揾紧嘢做，咪做住先啰。我都知道噉做落去嘅话,个人会好残，所以我都系兼职。 <br/>? <br/>我就同CANDY约好咗时间，星期一就见佢哋。点知道有另外一个场，就喺BXX隔篱。我个朋友YAN话我知，嗰晚又系面试嘅时间，我都几迷下。因为讲真,我系想去隔篱嗰间做，话晒我都系靓仔靓妹，梗系喜欢去细路场度做啦。?不过,BXX就多啲钱,所以我决定选择BXX。? <br/><br/>嗰晚我好早就到咗东急。?一望，哗!?徛喺MINI门口嗰个男咁熟口面，咁靓仔嘅？?咁似我以前去咗美国嘅师兄嘅？不过,?佢太靓仔,我都唔好意思望人望咁耐。点知，转个面就唔见咗，激死~~~~~~~~~~~~? <br/>? <br/>电话响。。? <br/>YAN问：“你到未啊？”? <br/>我答：“我到咗啦!”? <br/>“你喺边啊？”? <br/>“我咪喺东急嗰边啰。”? <br/>“你搞错咗啦，系长堤呢间啊。”? <br/>“唔系啩，死啦，你等我啊!”? <br/><br/>于是,我就立即打的去咗长堤。?到咗BXX门口,我揾到咗CANDY。?我之前未见过佢，原来佢系个肥肥地、个胸都几大嘅女仔。?佢话：“等等先，要等个老世落嚟。”? <br/><br/>YAN又来电问：“喺边度啊？”? <br/>我话：“就到啦，等等啊。”? <br/><br/>其实我系讲大话，我已经喺BXX面紧试，想等面完BXX，再去“细路场”嗰度面试。因为如果BXX我唔得嘅话,都有“细路场”做后备啊。? <br/><br/>CANDY讲：“你得嘅啦，你以后就跟我。”? <br/>我话：“OK，咁我系做兼职嘅咋。”? <br/>“好，你到时排好班之后交畀我。如果冇问题嘅话,听晚上班有冇问题？”? <br/>“应该就冇，唔该晒你啊。”? <br/>“我介绍番我哋嘅队员畀你识，呢个系小倩，呢个系KIKO，呢个系……”? <br/><br/>我望咗过去。小倩系个几靓嘅女仔，有鬼妹仔嘅轮廓。KIKO就系个大眼妹。? <br/>CANDY讲完之后，我哋就各自散BAND。? <br/><br/>我打畀YAN：“点啊？面试点啊？”? <br/>YAN：“已经面完啦。或者下次啰。”? <br/>我应：“哦。”? <br/><br/>我谂：”冇所谓啦，我都已经有嘢做啦。”?我以为我唔会喺“细路场”度返工，点知后屘……。? <br/><br/>第二晚，返到BXX，?见到小倩同KIKO。?我哋各自都有打招呼，?跟住就倾咗起身。?原来我哋嗰度有个翻版EDSION，对小倩有意思嘅。KIKO就有个识得好多夜场嘅男友COEY。后屘都唔知道点解,做做下嘢，唔见咗小倩。原来畀EDSION拉咗去索K，搞到我见佢嘅时候,个头揈下揈下。我喺度谂，又一个无知少女畀男人所害。 <br/>? <br/>当我同KIKO坐喺度嘅时候，无端有个男人冲过嚟问我哋拎电话号码。我就梗系冇畀到，而KIKO就畀咗。因为佢帮佢个朋友，要拎客人嘅电话。我哋呢队唔使做额，而佢个朋友就要。? <br/><br/>其实,呢份工我只不过系返咗2日,重冇粮出添,?因为我其实已经办好咗证去香港SHOPPING。当我返嚟嘅时候,已经换过晒啲人。全部都系XWALK调过去嘅，可以噉样形容：“高同捞”。
頁:
[1]