「本字」、「借字」之我見
本帖最後由 xxkai 於 2012-12-7 00:20 編輯我考慮同「香江白丁」先生匸某主題嘅討論，已超出咗嗰個主題嘅範圍，故開爾一頁，與先生及其他網友繼續探討。正確邌講，當列出本字嘅時候，應該標以年份或年代，以講明該字系邊個時期用緊嘅本字。當然，爾方面我多數都做唔到。唯由「廣東俗語考」揾到嘅本字，我會好肯定噉標1933年。雖然康熙字典最早系1716發行，但因為其後有多個修訂版，故亦好難講字典中某字系邊個年份嘅字。我考本字嘅目的，唔系要追溯源頭，而系想揾字典中有記載而又音義吻合嘅字，通常以字義行先，字音為輔，以代替一尐冇意思嘅借字或造字。我好籠統噉稱爾尐字為「本字」。而並非盤古初開嘅本字。由於考「本字」類似考古工作，所選擇嘅參考資料；如字典或古籍，一定要信譽良好，而且一定要夠古老，爾方面，「康熙字典」、「廣東俗語考」、「說文解字」、「廣韻」、「澳門電視台-粵音正讀」、「陳伯煇-粤方语词正字考释」、「王亭之教授嘅文章」、「漢典」、以及「新華字典」等等，都唔多唔少滿足到噉嘅要求。相反，如果我哋用一尐無乜口碑嘅或者太近代嘅資料邌考「本字」，分分鐘得到嘅答案系另一個自我為是嘅借字或造字。當我揾到某字嘅「本字」，我會考慮1）爾個「本字」系咪用一般嘅輸入法打得出、2）爾個「本字」嘅質素系咪真系比借字好、3）爾個「本字」人哋系咪睇得明、等等。如果滿足唔到以上嘅要求，我亦未必會用爾個「本字」，如果經過網友討論之後，都真系考唔到某個字嘅「本字」，我會考慮「借靚字」，即系立一個更有意思嘅借字代替，亦唔怕人哋質疑，皆因只系五十步笑百步之談。當然，大前題系爾個新借字一定要有可取之處，同埋大家一睇就會明。 本帖最後由 香江白丁 於 2012-10-31 20:27 編輯
回覆 1# xxkai
無疑，樓主對中文好有感情，有探索精神，在下敬佩。尤其是在現今中文日漸凋零之時代，這份精神更值嘉許。然而，在下不禁要問，兄台欲「揾字典中有記載而又音義吻合嘅字」的目的是甚麼呢？粵語中留存不少古文古字，當然要保留及研究，但時代的巨輪不斷前進，近百年前的白話文運動，已將中文改革，艱澀的文言文漸為淺白的文體所取代，不常用的字詞則以較規範的所代替，目的是要將中文普及全國，人人看得懂，識得用。
舉例說，貴文尾二段中的四個「爾個本字」，若用現在規範的詞語，應作「那個本字」或「該本字」，用「爾」，則分不清是「這個」抑或「那個」了。
又如，「先生匸某主題嘅討論」一句，用這個「匸」而不用「在」，或俗一點之「喺」，除了窒礙溝通，別無用處。
不才對粵語的看法是，他比普通話及其他方言為優，若以粵語為國語，我是舉腳讚成的。粵語之優點，不須我講，在此網站有很多文章討論帖介紹過。但，欲使粵語成為國語，有點不切實際，那麼，退一步，要讓操普通話的同胞接納粵語，多接觸粵語，從而領略到粵語的內涵，是有意義的。首先要做的，是減少溝通障礙，若人家一看到粵人寫的文字，古字多多，口語不解其意，還會有興趣看下去嗎！
香港的中文一向優良，而大陸之中文，正受「偉光正」的摧殘。禍之所及，兼受西方文化影響，香港固有之傳統中文也岌岌可危。當今之要務，不是去遙遠的古代為某某字找本源，而是盡力去捍衛現代中文（不才實不敢用純正中文，傳統中文，優良中文等詞）。皮之不存，毛將焉附。
故此，不才不揣魯鈍，上帖的內容，多環繞現代的中文文法及用字，少談古粵語。待粵語的地位提升了，其他的訓詁，再談不遲。 本帖最後由 xxkai 於 2012-10-31 21:06 編輯
先生忠於白話文，言之有理，但系我喜歡粵語入文，正系龍蝦, 麵包, 各有擁躉。我所捍衛嘅粵語，系廣府口語，廣府話畀人排擠，系因為冇正式入文，要粵語入文，首先要「正本字」同「立借字」，要做到「有音必有正字」嘅境界。前人已落咗唔少功夫，我人微言輕，只想稍效微勞而已。 呢度有人研究過「喺」嘅本字係「于」
http://bbs.cantonese.asia/redirect.php?tid=33663&goto=lastpost#lastpost 本帖最後由 xxkai 於 2012-11-19 20:12 編輯
爾個「匸」字，正正可以用邌解釋我對「本字」同「借字」嘅取捨。
「喺」本身系一個借字，一睇就知。勝在易明，系「隨便加個口系列」嘅借字。除咗提醒大家爾個字系「係」字嘅變調，基本上字義同「口」無關，我匸冇得揀嘅情況下會用。
就算「于」真系本字，我都唔會用，因為如果我寫「于」，大家會照讀「jyu1」，唔會讀「hai2」，情況就等於寫「邌」嘅本字「來」，有尐人會照讀「loi4」一樣。得唔到我要嘅效果。如果用「于」，倒不如用「在」喇。起碼白丁兄會好喜歡。
有學者話「匸」系本字，我暫時都系半信半疑，若然「匸」唔系本字，作為借字都有可取之處：因為「匸」字中空，有受物空間之意，同埋聲調吻合。唔好處系第一次讀嘅人會唔識讀，要查一下字典。相反，若然「匸」系本字，噉就拂嗮嘞。爾個「匸」字，我而家都系先匸尐討論粵語嘅網站試下用。
=============================================
補充於 2012-11-19：
今日終於可以落實，「喺」嘅本字系「匸」。
「廣東俗語考1933」釋器具（上）篇錄得「在處曰匸處」。
註：「匸」讀若奚上上聲。凡物在處曰匸處。不知其所在。曰唔匸處。『說文』邪徯有所挾藏也。從乚。上有一覆之。胡禮切。蓋匸為藏物之處。故物所在曰匸處。問物之所在曰匸邊處。 本帖最後由 xxkai 於 2012-11-18 01:32 編輯
「揾本字」嘅目的系學術性多於實際使用，網友大家聚埋探討下其樂無窮。畢竟，有大部分嘅本字知道咗都系冇用，因為輸入法唔收生僻字。而且本字出邊好多人都唔識，就算寫捯出邌人哋都未必睇得明。匸「粵語協會」裏面用當然冇問題。
「借靚字」就實際得多嘞，因為借字一直都系家家有求嘅勾當，唔使人哋批准，只須要合情合理就可以嘞。成功借捯嘅靚字馬上就可以試用，睇下反應如何。當然，每個字匸未借之前，一定要經過「揾本字」爾個階段，以供取捨。 「匸」字我諗唔係好多人識係乜字，所以，搵本字都要畀人睇得明其意思！ 你哋覺唔覺得有好多人一提起『何文匯』便當佢係毒藥一樣。
雖然『何文匯』嘅正音係過份，但都唔可以㕻定一切，無線嘅正字節目亦都係可以借鑒！ 本帖最後由 xxkai 於 2012-11-19 20:16 編輯
「匸」字我諗唔係好多人識係乜字，所以，搵本字都要畀人睇得明其意思！
KinNg 發表於 2012-11-18 02:04 http://bbs.cantonese.asia/images/common/back.gif
正如兄台噉講，「匸」字匸出便真系冇乜人識，所以我目前淨系匸討論粵語嘅網站裏便用。 若然話我鍾意用爾個「匸」字，不如話我好憎個「喺」字，因為佢正正系一個「隨便加個口系列」嘅粗劣造字。不過我暫時都未揾捯一個更加好嘅借字。「匸」字肯定有不足之處，但仍然好過個「喺」字多多聲。
=============================================
補充於 2012-11-19：
今日終於可以落實，「喺」嘅本字系「匸」。請參考五樓嘅補述。 本帖最後由 xxkai 於 2012-12-3 19:19 編輯
你哋覺唔覺得有好多人一提起『何文匯』便當佢係毒藥一樣。
雖然『何文匯』嘅正音係過份，但都唔可以㕻定一 ...
KinNg 發表於 2012-11-18 02:18 http://bbs.cantonese.asia/images/common/back.gif
雖然明知匸「何文匯」有份參與嘅節目裏面，有尐嘢唔錯得嗮，但我仍然唔敢睇，怕會匸不知不覺間感染捯一尐衰嘢。而家聽聽下傳媒講「時奸」，都覺得順耳過以前。總之爾條躝癱，最好拉佢去充軍。 本帖最後由 xxkai 於 2012-12-3 19:09 編輯
有好多靚嘅「借字」，好值得我哋使用。以下系轉自「百家廊‧不敢落筆的粵音正字」中嘅一段，正合我意：
明知故錯，錯得也有理
大半世紀以來，大中小學學校從未認真傳授過詳細的粵語辭彙，大家誤以為上述的粵語有音無字，就只好自我聰明猜度，其中有錯出道理的，也就不問本字了，今日就算寫了正字，也感到怪怪的不敢落筆，好比看到老太爺的長衫馬褂，知道用料一流，就是不敢穿著。此外香蕡蕡寫成香噴噴；冤豬頭有盲鼻菩薩，也不用「蔫」豬頭；至於打ㄩ露寫成「打喊露」；火灺寫成「火屎」；喊到ㄎㄎ聲寫成「喊到咕咕聲」；衒野寫成「演野」；硬弸弸寫成硬「轟轟」，音義同樣傳神，兩字一義，看得明白，不必深究了吧。 本帖最後由 xxkai 於 2012-12-5 22:13 編輯
有尐字根本就冇本字嘅。而家我哋有好多所謂「本字」，其實咪系古人建立咗嘅「借字」，既然爾尐借字有咁耐歷史，我哋唔應該稱佢哋做「借字」，唯有叫佢哋做「唔同時代嘅本字」。我哋成日講「有音必有字」，其實咪就系「本字」、「借字」、「造字」，三種都有份。 有音必有字, 無的話，係可以造，多人用後，就變成日常字。
頁:
[1]