懶音形成之我見
懶音係香港嘅特有現象，廣州冇，四邑都冇！就此探討吓點解得香港先有懶音呢樣嘢。
唔知懶音呢個詞係點來嘅，但總係覺得咪好妥，細路仔音就啱啲。
從我嘅經驗來講，懶音係細路仔發音唔正嘅問題，咁點解淨係香港獨有。
我認為，香港嘅懶音現象係來源於60末，70年代初，當時香港人嘅語言仲係五花八門，
講廣州話嘅人雖多，但未佔大多數，好多人係屋企講鄉下嘅語言，譬如四邑，潮州等。
當時香港細路仔嘅廣東話應該係學自電視，及其他細路，同學，但細路仔對某啲發音有困難，
譬如ngo會發成oh，或no， n 發成 l 等，通常情況下，如果父母係廣州人，或識得講廣州話嘅人，
會不斷地糾正細路仔嘅發音，直至其發啱為止。依家嘅問題係，當時香港有好多父母根本就唔識廣州話，
咁樣一來，就無法糾正自己仔女嘅發音，久而久之，習慣成自然，當呢哋人長大後，便形成咗今日所謂嘅懶音。
更有甚者，一哋本來冇懶音嘅人，因為出邊多人講，也都當係時尚，跟著講。
之所以我現為懶音呢個詞不妥，係因為好多人根本就唔知自己講錯咗，我有個朋友，講百總係講成八，
我每次都要問係百亦係八，但渠每次都發錯。
以上純屬個人猜測，無經調查！ 四邑唔係講台山話嘅咩？ KinNg兄，我好同意你嘅睇法。有噉嘅見解，我恁你實系香港人。
講開又講，你篇文章有好多錯別字，介唔介意我指正一下，我哋來得唎度，就應該抱住學嘢嘅心情，你話系唔系？ 回覆 3# xxkai
可能寫得太急，可以指正。 本帖最後由 xxkai 於 2012-7-18 11:23 編輯
有啲字系個人喜好，例如「怎解：嚸解」「系：係」「佢：渠」「依家：而家：咿家」。如果我指正錯咗，請唔好介意，話返畀我聽。
懶音係香港嘅特有現象，廣州冇，四邑都冇！
就此探討下怎解得香港先有懶音唎樣嘢。
唔知懶音唎個詞係怎來嘅，但總係覺得唔係好妥，細路仔音就啱啲。
從我嘅經驗來講，懶音係細路仔發音唔正嘅問題，噉點解淨係香港獨有。
我認為，香港嘅懶音現象係來源於60末，70年代初，當時香港人嘅語言重係五花八門，
講廣州話嘅人雖多，但未佔大多數，好多人係屋企講鄉下嘅語言，譬如四邑，潮州等。
當時香港細路仔嘅廣東話應該係學自電視，及其他細路，同學，但細路仔對某啲發音有困難，
譬如ngo會發成oh，或no， n 發成 l 等，通常情況下，如果父母係廣州人，或識得講廣州話嘅人，
會不斷地糾正細路仔嘅發音，直至其發啱為止。依家嘅問題係，當時香港有好多父母根本就唔識廣州話，
噉樣一來，就無法糾正自己仔女嘅發音，久而久之，習慣成自然，當唎啲人長大後，便形成咗今日所謂嘅懶音。
更有甚者，一啲本來冇懶音嘅人，因為出邊多人講，也都當係時尚，跟住講。
之所以我認為懶音唎個詞不妥，係因為好多人根本就唔知自己講錯咗，我有個朋友，講百總係講成八，
我每次都要問係百定係八，但渠每次都發錯。
以上純屬個人猜測，未經調查！
噉：gam2 你噉樣我好難做咁：gam3 因乜搞到咁大獲 多數人用跟著，喺網上幾乎見唔到有人用跟住。
唎個都唔多人用。
香港人多數用仲係。 本帖最後由 xxkai 於 2012-7-20 20:34 編輯
「唎」同你用開嘅「呢」字都系借字，唔同嘅系聲母「l」同「n」，我覺得「l」啱啲。
其實「爾」先至系本字，即系「爾個」「爾尐」「爾樣」「爾日」。有興趣可以用本字。新華字典中，「爾」解：
這個;此〖this〗
問君何能爾。——晉•陶淵明《飲酒》
如:爾夕(今夕,這個晚上);爾日(當天,這天);
「仲」系借字，「重」系本字，「仲」嘅唯一好處系單音。有興趣可以用本字。
「啲」系借字，「尐」系本字，「尐」字多數人都唔識睇。有興趣可以用本字。
「恁」系「噉」、「咁」、「諗」嘅本字，可惜有三種意思，宜只用來代替「諗」字。 我想問香港以外的地區教授粵語發音時，會不會從粵語拼音教起？
學習其他語言的發音時，一般都會從拼音學起，但在香港學習粵語卻省卻了這一步。 回覆 2# 馬萬千
我嘅意思係四邑人講四邑話唔會有類似香港嘅懶音！ 回覆 8# xxkai
有時又唔可以太過要求正字，可能會冇人識！ 本帖最後由 HKCantonese 於 2012-7-20 16:29 編輯
我生活在香港，平時聽人講話，都要對方澄清「八」和「百」。
我自己從不混淆這兩個字。 「唎」很少見人用，普遍是用「呢」
本帖最後由 HKCantonese 於 2012-7-20 16:35 編輯
將n-讀成l-很早已經出現。
最遲出現的是：
-ng讀成-n
-k讀成-t 將n-讀成l-很早已經出現。
最遲出現的是：
-ng讀成-n
-k讀成-t
HKCantonese 發表於 2012-7-20 16:30 http://bbs.cantonese.asia/images/common/back.gif
係吖，粵語長片都好多藝人「男」「藍」打亂讀。 回覆 1# KinNg
呢種睇法完全過時。好多所謂懶音，至少有百幾二百年紀錄。 回覆KinNg
呢種睇法完全過時。好多所謂懶音，至少有百幾二百年紀錄。
OmniBus 發表於 12/8/2012 17:35 http://bbs.cantonese.asia/images/common/back.gif
基本上廣州人係冇懶音（有都係後生一代受香港影響），我所認識嘅50歲以上嘅港人都冇乜懶音。況且，香港係六十年代開始先講廣東話。
你嘅百幾二百年紀錄從何而來？ 基本上廣州人係冇懶音（有都係後生一代受香港影響），我所認識嘅50歲以上嘅港人都冇乜懶音。況且，香港 ...
KinNg 發表於 2012-8-12 21:20 http://bbs.cantonese.asia/images/common/back.gif
呢度有講：
廣州話城內音同西關音嘅區別係乜？
你嘅廣州，係指邊度先？何況講廣東話都唔止省城內喎。西關話，南海話，就係n/l不分。
舊日唔少傳敎士，都有記低有音嘅差異。當中已有提及。
頁:
[1]