[原創]近廿年佛山話向廣州音急速靠攏成因分析
<p> 今時今日，若閣下到佛山街頭轉一轉，就會發現佛山本地人（姑且勿論越來越多外地人涌入）講嘅粵語口音因人而異，大致可分為三類口音：濃厚嘅佛山本地口音、帶佛山話韻味嘅廣州口音、與廣州話幾乎無異嘅口音。據本人所知，佛山民眾喺唔到四十年間就有咗呢幾類口音嘅分層，而在此之前，喺佛山舊城區民眾基本上清一色講佛山口音（與南海部分地區口音相若）。但現今好難再喺佛山舊城區搵到一兩個青少年講好純正嘅佛山口音嘞。呢個現象喺接壤廣州城區嘅南海幾個鎭區都存在，如黃岐、鹽步、大瀝、桂城、平洲等。下面係本人試分析造成呢個語音現象嘅成因：</p><p> 1. 佛山與廣州「過從甚密」係最大嘅成因，因為省佛距離極近，自古交流就非常密切，而好多有特色嘅粵文化都源自佛山，如粵劇、廣東武術等，特別係粵劇雖然發源於佛山但一律採用廣州話唱出（當然最初係用桂林官話唱嘅），自然廣州話喺佛山有深厚嘅存在根基；<br/> 2. 香港文化嘅影響，尤其係自80年代起影視劇集、粵語流行曲風行粵語區乃至大江南北，青少年耳濡目染，喜歡模仿口音，雖然珠三角其他地區都有類似現象，但唔係太明顯，佛山係一個較特殊嘅地區；<br/> 3. 青少年唔太願意講佛山口音，認為佛山口音係鄉下音，對佛山話感情不深，一律以講廣州口音為榮；<br/> 4. 喺同一家族內，可能老中青三代人口音各有不同程度嘅差異，但唔妨礙交流，且老一輩多與後生一輩分開居住，自然少咗講本地口音嘅氛圍。</p><p> 因本人唔係專業語言研究者，以上之皮毛觀點祇係通過平時觀察當地人講嘢以及與老一輩民眾交談而總結得嚟，未必作準。拋磚引玉，還請各專家、高手賜教與斧正。</p> <p> 上面分析四条都很正确．我对第三条作点补充：</p><p> 佛山口音和广州口音虽然有区别，但是彼此较接近，是通话的，青年人与其固守佛山口音，让别人费解，不如改为广州口音，可以在更大范围内沟通，何乐而不为呢？青年人朝气蓬勃，很快跟上潮流，这是青年人可贵的优点，并非虚荣。 </p><p> </p>[此帖子已經被作者於2006-10-19 15:18:51編輯過]
?????? 我有一个同村兄弟，从小是说开平话的，青年时期就长期在佛山工作，他说一口广州话（虽然开平话也还会说），因为他是商业系统的，要到广东各地交流，甚至回到开平也说广州话。当然，回到村里还是说开平话。 <p> 我有一个广东老乡，是佛山人，他的老父亲不会说普通话，来到湖南长沙住很长时间，我曾去看望他，他说的话和广州话差不多，我就和他用广州话交谈。 </p><p> 他的两个孙子从小在北方长大，后来全家去了佛山，我想他们肯定也是说普通话和广州话。</p>
[此帖子已經被作者於2006-10-19 15:35:54編輯過]
<p> 我再補充一點就係來自四鄉乃至省外嚟到佛山城區定居嘅人口數量不在少數，各種口音混雜民眾交流自然多用廣州話溝通，亦係衝擊咗佛山話並使其迅速向廣州音轉變嘅原因。</p><p> 另：佛山純正口音嘅語音、語調、部分詞彙方面都同廣州話有明顯差別，鄧老所聽到老鄉父親嘅語音據推測應該係我所分類中嘅第二類。但若細心聆聽，必定能聽出其仍然會講「阿個」「阿啲」「阿邊」等等呢啲帶批示代詞「阿」嘅佛山話痕跡，而純正廣州話係唔會講「阿」嘅，都係講「嗰」（「阿邊個」除外）。</p> <p> 其實聞講有部分佛山舊城區青年佛山口音重幾重，有時會畀廣州人笑話。一個例子係我廣州一個同學細個時有兩年喺佛山讀小學，而且佢啲堂表兄妹都居住喺佛山，據其所述，佢經常取笑佛山人嘅口音。另一個例子係Anl君（廣州人）亦曾講過其佛山親戚口音重。因本人未喺佛山城區深入接觸各式民眾，平時到佛山聽到嘅青年甚至部分中年人口音大致與廣州音相同。兩相對比，產生疑惑：係咪直到如今佛山口音喺舊城區唔同青年口中各有唔同呢？佢哋會唔會溝通時覺得對方口音同自己所講嘅有唔同呢？</p> <p> 我听广州一个大学中文系副教授（广州人）说，佛山和江门青年人说的话越来越接近广州话。我自己也有两三次亲身经历。除了上述的事情外，还有两次是在张家界碰到的，一次是在宾馆碰到江门市的旅游团，一次是在路上碰到佛山一个大学的几个学生。当然，他们说的广州话没有从小在广州长大大的广州人说得那样好听，但是已经挑不出什么大毛病了。</p> 本人觉得：因为广州从古到今仍广东省经济、历史地位均有住举足轻重嘅份量嘅一个市，邻近嘅市县总会存在攀附嘅心理，以至于有部份人觉得讲说话要似个省城人，要向广州迈进嘅心理。地位之轻重，人心之所向！
[此帖子已經被作者於2006-10-19 22:19:38編輯過]
哈哈，另外我就希望佛山成為廣州話講得最標準嘅地方，但權當一個良好嘅奢願而已，皆因廣州嘅後生而家講嘢好多懶音，至少「廣州」唔應該講成「港州」，佛山人都應該都會步呢個後塵。 佛山粵語及廣州粵語基本上差別不大﹐因為兩地的隔閡不遠。很多廣州居民的原籍也來自佛山的南海﹑順德的。 也可以說廣州粵語是出自佛山話的﹐尤其是南海方言。 反正“廣州話”“佛山話”都是廣東話吧﹗ 佛山城区的人讲广州话，估计解放前就有很多了。 <p>余Ok基本上講晒所有原因，總結嚟講，令到佛山話生存空間减少嘅原因係兩個：<br/>1、外地人（包括本省外市人）不斷涌入，形成一個默認嘅交流語言就係廣州話。<br/>2、電視媒體嘅影響。以前電視咨詢冇咁發達，局限咗地區交流，亦令到一種口音比較穩定。</p><p>至於講到年輕一代唔講佛山話係耻於佛山話係鄉下口音，又或者佛山學生喺省城讀書時候口音廣州話，呢啲都係原因，但唔係主要原因。喺我讀中小學嘅時候，班上嘅同學講佛山話嘅就極少，充其量只有一兩個喺石灣、張槎、瀾石住嘅人會有佛山話口音。老城區嘅同學雖然都有微弱嘅佛山話音低，但已經好接近廣州話喇。試問，年紀咁細，又點會介意鄉唔鄉下口音呢？所以，最主要都係身邊嘅環境，當佢哋身邊越嚟越多人講廣州話時，自己亦會不知不覺講咗一口標準廣州話喇。</p> <p>我一直都覺得佛山人講嘅粵語同廣州人講嘅粵語冇乜大分別，我啲佛山friends啲粵語同家陣啲廣州人講啲一樣，係有啲用詞唔同。三水人講嘅粵語係一樣，冇乜大分別。</p> <div class="msgheader">QUOTE:</div><div class="msgborder"><b>以下是引用<i>南汉</i>在2006-10-20 15:22:01的發言：</b><br/>佛山城区的人讲广州话，估计解放前就有很多了。</div><p>老糊塗﹐廣州居民是來自五湖四海﹐原籍最多是佛山南海。廣州粵語主要是有南海粵語的成份最多。</p> <p>其實而家好多廣州嘅周邊城市嘅後生所講嘅</p><p>都已經向廣州嘅口音靠攏</p><p>唔細心聽，真係以為佢哋係純正嘅廣州人，講緊廣州話</p> 我既意思系講所謂的“廣州話”系出自南海話的。廣州粵語所以被稱為“廣州話”系因為佢系廣東及嶺南的中心。實質它(廣州話)跟南海粵語一樣系同類系粵海片廣東話。 所謂「廣東話」係以偏概全嘅講法。廣東省有粵、閩、客家三大方言，將粵語等同于「廣東話」，係無知嘅。只贊同「粵語」、「粵方言」、「白話」嘅講法。具體去到每個地方，廣州話就係廣州話，南海話就係南海話，臺山話就係臺山話。 <P>最明顯噶區別！</P>
<P>返屋企=返歸</P>
<P>好似 順德同番禺 都係咁嘅講法！</P>
<P>不過睇睇順德話同廣州話嘅差別！同埋南海話同廣州話嘅差別！</P>
<P>明顯南海話同廣州話差別少很多！很多音一摸一樣！很多音也接近！</P>
<P> </P>
<P> </P>
頁:
[1]
2