粵語中“咩”同“乜”有何唔同？
<p>喺粵語中，“咩”同“乜”都有“什麼”嘅意思，但呢兩個詞喺實際應用中，有何唔同？</p><p>係“咩”常用於句尾表疑問？或者用於否定句中多點？</p>[此帖子已經被余OK於2006-10-13 17:44:03編輯過]
<p>當表示“什麽”時，兩個用法基本一樣，“咩”係“乜嘢”嘅連讀。</p><p>“咩”可用於句未表示疑問語氣（一般表示反詰語氣）詞，如“上海個貪官唔係畀人拉咗咩？” ，但“乜”可以放喺句前表示呢種疑問語氣，例如“乜你重喺度嘅？”</p> <p>講起呢個"乜"字</p><p>呢個字原來係有好幾個發音嘅(如下圖)</p><p>不過老實講,姓氏個發音"NE6"我真係聽都未聽過</p><p>我地而家寫嘅"歪斜"以前寫"乜斜"</p><p>廣東俗語考上話</p><p><span style="COLOR: rgb(255,0,0);">乜</span>讀若咩上聲。嘴斜曰<span style="COLOR: rgb(255,0,0);">乜</span>嘴。『廣韻』音咩。眼<span style="COLOR: rgb(255,0,0);">乜</span>斜也。斜謂之<span style="COLOR: rgb(255,0,0);">乜</span>。口不正曰<span style="COLOR: rgb(255,0,0);">乜</span>嘴。今人以歪字當之。</p><p>而協會主頁上以前都有文章講過</p><p><a href="http://www.cantonese.asia/Articles/2006/200608/Articles_20060817172206.html">http://www.cantonese.asia/Articles/2006/200608/Articles_20060817172206.html</a><br/></p><p><br/></p> <div class="msgheader">QUOTE:</div><div class="msgborder"><b>以下是引用<i>highyun</i>在2006-10-10 11:04:40的發言：</b><br/><p>“咩”可用於句未表示疑問語氣（一般表示反詰語氣）詞，如“上海個貪官唔係畀人拉咗咩？” ，但“乜”可以放喺句前表示呢種疑問語氣，例如“乜你重喺度嘅？”</p></div><p>“乜”打頭係特殊疑問句呀！放喺句未係一般疑問句。例如“乜你重喺度嘅？” ＝ ”爲何你重喺度嘅？”</p>
[此帖子已經被作者於2006-10-12 19:42:35編輯過]
<div class="msgheader">QUOTE:</div><div class="msgborder"><b>以下是引用<i>Ultra</i>在2006-10-12 19:42:04的發言：</b><br/><p>“乜”打頭係特殊疑問句呀！放喺句未係一般疑問句。例如“乜你重喺度嘅？” ＝ ”爲何你重喺度嘅？”</p><br/></div><p></p><p></p><p>特殊疑問句嘅定義係要求對方畀出確切答案，例如“你叫咩名？”“而家幾點？”<br/>一般疑問句嘅定義係要求對方畀出正或反嘅回答。只需要講yes或者no。<br/>你講嗰句“乜你重喺度嘅？” 係作肯定語氣用嘅一般疑問句，表示驚訝，唔要求對方回答。當然對方可以回答“係”或者“唔係”。</p> <p>我經常聽到人回答“係”之後會跟一個具體理由。</p> <p>特咩殊咩疑問句啫？~講英文咩？</p><p>中文疑問句就只有普通疑問句、反問句同設問句之嘛！</p><p>[上海個貪官唔係畀人拉咗咩？]雖然都答yes or no~但好明顯呢個係反問句啦~</p><p>[乜你重喺度嘅？]呢個只係好普通嘅疑問句啫~</p><p>[上海個貪官唔係畀人拉咗咩？]都可以講[乜上海個貪官唔係畀人拉咗咩？]~</p> <p>我贊成疑問句末加[咩]呢種用法~但[咩]=[乜嘢]加响句中如：有咩事=有乜（嘢）事~呢種用法我就好少用~</p><p>因为本身[乜]有[咩]字音~我覺得係由于同音~所以有將[乜]誤寫為[咩]嘅可能~</p>
頁:
[1]