與「釣金龜婿」對應嘅講法有冇人聽過？
<p> 上兩晚同朋友吹開水，話題轉到某某人因為娶着個有錢老婆從而飛黃騰達。我就問：女人嫁着個闊佬就叫「釣金龜婿」，噉我哋講緊呢種情形有冇啲地道講法形容呢？於是朋友哈哈一笑：噉就係叫「掏古井」囉。</p><p> 算我孤陋寡聞，以前我未聽過呢種講法，有冇人知道出處係點？</p>[此帖子已經被作者於2006-10-13 17:40:01編輯過]
<p>「掏古井」呢個詞以前我成日攞嚟笑人嘅。個中嘅意思我就唔係幾曉，係以前啲人笑開人就講到呢個詞。同煲老藕差唔多喇。溝到啲有年份嘅正嘢。</p><p>喺香港Yahoo知識搵到啲對「掏古井」嘅解釋：</p><p>「掏古井」 原本來自於中國古代娼妓之說，後來指 若有男人娶到來路不正的女人作妻子,例如妓女， 寡婦等等，而且佢哋都帶著錢倒貼嫁畀佢地嘅,都叫做「掏古井」</p><p><br/>後來引申到有啲人做事 明知冇可能 卻一味不斷噉去研究<br/>死都要搵到辦法<br/>但早已荒廢既古井 又點會有水源呢<br/>正如有啲人 臨急抱佛腳 平時又唔努力讀書<br/>到最後要用嘅時候 淘盡古井都搵唔到一句有用嘅知識 </p><p>refer to <a href="http://hk.knowledge.yahoo.com/question/?qid=7006041900692">http://hk.knowledge.yahoo.com/question/?qid=7006041900692</a><br/><br/></p>
[此帖子已經被作者於2006-10-7 11:44:14編輯過]
<p>掏古井 好似係講搵到個上咗年紀嘅有錢嘅女人喎，同 煲老藕 意思一樣。</p><p>如果講食女人飯，就可以講“食軟飯”“食拖鞋飯”。</p> <p>虽然我唔可以好详细讲出意思,但我一睇到就知道,系嗰啲某啲嘢嘅意思了</p><p>果然,冇错~哈哈</p>
頁:
[1]