[原創]粵語生鬼之處兩例
1、toys“я”us 係美國一間出名嘅玩具生産商，呢個咁古怪嘅名，本來就好難翻譯。唔知邊個天才將呢個名譯成“玩具反斗城”，“反斗”係點睛之筆，一語雙關，佢既可以完美噉傳譯到“я”呢個反轉嘅“r”，又表達作爲玩具主要消費對象細路仔天真百厭嘅性格。真係值得細細玩味。2、最近睇嘅一個香港pizza hut廣告。pizza新出咗一隻新嘅薄餅叫做三文魚芝心批，三文魚撈埋芝士藏喺薄餅外圈中。食過呢種批嘅人應該清楚呢樣嘢。個廣告詞係噉嘅：“三文魚喺邊？咪喺邊囉。”去到pizza入面，張宣傳單亦印住大大嘅“三文魚喺邊”字樣，不過冇問號，表面上係疑問句，但實際上係一個陳述句，話畀你知啲三文魚就喺pizza嘅邊緣嗰度。又係通過粵語中“邊”有兩個意思，一語雙關，妙！
Re:[原創]粵語生鬼之處兩例
粵語詞真係好生鬼喎~~ em2:Re:[原創]粵語生鬼之處兩例
去到pizza入面<---嘩～highyun 你好犀利呀～竟然去到pizza入面？？！！．．．我都食過呢款批，一般般，入面只有忌廉無芝士做心， 但無留意到佢嘅廣告傳單～
Re:[原創]粵語生鬼之處兩例
廣州嘅pizza有冇呢個廣告㗎？Re:[原創]粵語生鬼之處兩例
前段時間 "南都"副刊上看到另一例有異曲同工之妙據説曾有出香港三級片名:《插班女學生》
可說一語相關,片名解為偏正短語與動賓短語意思完全不同
夠曬生鬼,當中奇妙之處祗有粵語才可意會
Re:[原創]粵語生鬼之處兩例
我都係第一次知「玩具反斗城」係噉得嚟嘅，眞係要寫個服字。。。Re:[原創]粵語生鬼之處兩例
lhk在2006-8-9 0:02:47說道：前段時間 "南都"副刊上看到另一例有異曲同工之妙據説曾有出香港三級片名:《插班女學生》
可說一語相關,片名解為偏正短語與動賓短語意思完全不同
夠曬生鬼,當中奇妙之處祗有粵語才可意會
對于呢個片名，以前嘅廣州人係唔會産生唔會嘅。當“班”讀陰平高平時，係作名詞“班房，課室”；當“班”讀陰平高降時，係作量詞“群”。
Re:[原創]粵語生鬼之處兩例
今日喺廣州天河購書中心睇到一本叫做《老香港》嘅書，無意中翻到一頁係介紹香港先施百貨公司得名嘅來由，返嚟再上網搜索，果然亦有以下資料：先施百貨公司始創於1900年，是香港第一間華資百貨公司。公司名稱源於四書裡的《中庸》中的「先施以誠（營業之道，首貴乎誠，先以誠實施諸於人，才得以取信以人）」的理念。而英文名稱sincere更是體現了先施百貨公司的眞誠與誠實。先施堅持貨品品質優良，服務稱心滿意，價錢公平合理的原則。這是先施百貨的名字由來，更是百貨業者極想達到境界。
本人評論：「先施」兩字喺粵語中同原詞sincere非常合音，且意義準確對應，極具古典氣息，誠爲佳名。取此名可謂煞費苦心也。。。
Re:[原創]粵語生鬼之處兩例
我覺得最妙嘅翻譯係“可口可樂”可以講係公認最完美嘅翻譯～！
「薩達姆」（Sadam）若然香港譯成「沙膽」就好喇，不僅合音，而且啱晒佢本人嘅性格。
頁:
[1]