點解仲係有好多字顯示唔到？
本帖最後由 promethusewei 於 2011-4-7 22:11 編輯如題，先介紹我嘅系統環境，WIN 7 32-bit 。我先安裝咗網站上邊提供嘅海峰超大字符集，然後再裝輕鬆粵拼輸入法3.0。但係裝完之後仲係有字打唔出嚟，舉例：「wet」，「口滑」;「gaa」, "口架" 等等。。。以上嘅字喺網頁可以正常顯示，但係喺通訊軟件MSN等上邊無法顯示。另外，以上字喺記事本文件上可以正常顯示，但係喺Office 2010上無法顯示。再者，喺本站發貼嘅編輯模式以上字可以正常顯示，但係點發貼後正式內容裡面顯示唔到。大家有解決辦法嗎？ 我再試咗下，發現喺Office 2010下邊，將上邊打出嚟顯示為亂碼嘅字體改為「SimSun-ExtB」之後就可以顯示，繼續喺後邊輸入上邊提及嘅顯示亂碼嘅字體都可以正常顯示，但係一但輸入標點之後，默認字體會自動改成「宋體」，再打頭先嘅字就又變翻亂碼，要重新編輯為「SimSun-ExtB 」先恢復顯示。。。好奇怪，而且貌似唔可以將「SimSun-ExtB」設為默認字體。。。咁樣打字好麻煩下喎。
至於通訊軟件上边，以MSN 為例，將字體改成「SimSun-ExtB」之後就慘啦，打出嚟嘅任何字都顯示一個大大嘅框框「口」。。。暫時未諗到點解決
繼續求助！！ Sun-ExtB收錄嘅全部都係Unicode CJK 擴展B區嘅漢字，呢個區大部份都係粵字以及一啲冷僻字，因而如果將MSN設置為Sun-ExtB字體之後，喺MSN輸入日常用字，因為Sun-ExtB冇收錄過呢啲字，自然就會顯示為方框啦。
如果想解決問題，樓主可以將超大字符集安裝包所帶嘅字體（Sun-ExtB）同「宋體」「細明體」呢啲常用字體關聯。關聯咗之後，系統遇到日常字體就會調用默認嘅宋體顯示，如果默認嘅宋體顯示唔到，就會按照關聯名單自動去調用同宋體關聯咗嘅字體（Sun-ExtB）關聯。
具體做法，樓主可以參考呢張帖：
http://bbs.cantonese.asia/thread-26717-1-1.html
PS：我記得，WIN 7帶嘅字體已經收錄咗Unicode 擴展A、B、C區嘅漢字㗎啦，其實樓主你冇必要再裝「超大字符集補丁包」啦！！
頁:
[1]