關於粵語常用詞彙嘅普化, 流失同埋發音錯誤, 有無集成貼可以集中睇呢
我嘅輸入法字符集唔多全，如果有字打唔出嚟諸公見諒 我係新仔...不過，係老廣啦 最近多咗上嚟睇嘢, 發覺依家係廣州同附近嘅其他城市啊(總之就係內地啦), 好多詞彙都真係變咗滿大人嘅官話咯，幾遺憾下嘎... 講翻我自己啊, 大學四年北漂, 加上後來又唔係國內, 經以好內無一段長時間留係粵語環境同埋講粵語啦，有好多發音同埋詞彙都係最近勤咗上嚟論壇睇嘢先致捻翻起身嘎...感慨良多 所以係呢度問下各位,有無人好心搞個比較集中嘅貼, 講家陣成日畀人讀錯嘅字同埋滿大人化嘅詞彙放出嚟, 等我得閒可以回顧翻下, 我就厚住面皮做翻次伸手黨啦... 又或者係論壇入邊有相關嘅板塊我無發現嘅, 就麻煩大家提醒我, 指明出處話我知啦... 多謝曬各位... 哎 都怪當年吳三桂放滿大人入關... 搞到依家我嘅mother language岌岌危, 危危乎咯....:'( 自己頂起，求解答！ 有下亦[新仔]一名，看了貴帖，說兩句。- 在下認為要學好粵語，須循正途，買些學者的書籍參詳學習，互聯網平台祇可作參考討論之用。
- 令到現今中文──不單指粵語，水平下降的，不關吳三桂的事，是現代人，也可說是現政權，不尊重傳統，不愛惜中文，以致中文洋化、程式化、官僚化等等等等。
- 閣下有尊重中文嗎？貴寶號用了外文，發帖又用上mother language外文，有點自甘．．．唉！ 回覆 3# 香江白丁
我都可以明白D同你講啦, 第一, 我嘅寶號,免貴啦, 係郵箱名, 而且我任何註冊信息都係用呢個名,以防用戶名起多咗遺忘...相信你都明白用戶名成日變係一件好麻煩嘅事...第二, 如果你話我唔尊重中文, 咁係咪意味住我前面成篇嘅中文白打呢, 至於我用母語嘅英文, 係為咗凸顯語言嘅獨立性, 至少我認為, language一詞可以比較好咁區別於dialect , 單語一字稍嫌力度唔夠, 個人觀點...第三, 可以講係我嘅個人喜好, 亦係個人觀點, 吳三貴唔放清兵入關, 清永遠都只能係後金, 注定會係關外終其一朝, 至於滿清入關後做過咩衰嘢, 你可以去睇下揚州十日, 嘉定三屠, 屬於歷史範疇嘅嘢, 我唔多講...第四, 你講得無錯, 網絡確實比唔上正規途徑學習, 所以如果你知道有咩比較好嘅書籍嘅話, 麻煩講聲我知, 因為我呢邊搵比較正統同系統嘅粵語研究書籍有些少困難...還望不吝賜教 回覆 4# promethusewei
多謝閣下之回覆。
在下明白你是花了一番工夫寫帖子，但這並不等於說你這就是懂得尊重粵語，〔有心〕跟〔懂得〕是兩回事。你可以用蹩腳的中文，不管內容通順與否，這是起碼的尊重──別忘記這是個研討語言的網站，但中英文夾雜，你便不能說是懂得尊重中文了。
至於閣下說〔至於我用母語嘅英文, 係為咗凸顯語言嘅獨立性, 至少我認為, language一詞可以比較好咁區別於dialect , 單語一字稍嫌力度唔夠〕，在下認為，以一名大學生而言，應懂得用〔母語〕一詞來表達mother language、〔方言〕表達dialect罷，如要以英文字詞才能凸顯某種獨立性，那跟懂得尊重中文更相差十萬八千里，你說是嗎？
滿族人本身有其語言和文字，而明代及以前，漢族人用的漢語己有南北地區、方言之分，這漢語之地域不同音，跟滿族人入關不入關無關；相反，滿清取代明室後，滿人逐漸漢化，他們學習〔地道〕之漢語──北京之京片子呢。
閣下現居於外國吧，有關粵語的書籍，容易找到嗎？現列出在下曾閱讀的書及書名，供參考：
1. 廣府話救亡 － 王亭之
2. 〔執正中文〕 〔中文解毒〕 － 陳雲
3. （粵語考 ？－ 系列） － 黃氏
4. 廣州話本字 － 詹憲慈
5. 廣府俗語探奇 － 潘永強
１／３－ 很有趣味
４ － 巨著，查根究柢，學術味濃
２ － 對瞭解現代中文、正規中文、批判差劣中文很有用，是不可多得的好書。
至於有個名叫何文匯寫的所謂粵言正音，則萬萬不可受其荼毒，切記！切記！ 回覆 5# 香江白丁
上述嘅書籍大陸地區有無貨源？可唔可以係正規書店買得到？ 回覆 6# promethusewei
閣下身在廣州嗎？你應該比我這香港人清楚呢！ 回覆 7# 香江白丁
不在, 只能叫國內嘅朋友幫手搵下, 希望搵得到 回覆 5# 香江白丁
順便問多句，第四本書係類似詞典咁嘅講解字同辭彙意思嘅書籍嗎？ 回覆 9# promethusewei
廣州話本字 － 詹憲慈
詹氏乃前清一舉人，祖籍廣東，具熱忱探究廣州話，蒐集字詞片語（估計有千多條），引經據典，列出其字其音，書以秀麗的小楷，成書於民初，約十年前由其後人透過香港中文大學編輯刊印發行。書中所考據，乃詹氏個人之見解，非像康熙字典般具官方權威。唉，粵方言本來就存在這缺點，字音無官方標準，以致各說各話，惟這亦是其有趣之處，吸引學者探究。
如兄初涉足書籍，建議你先看１／３／２。 白丁君列舉呢幾本都算高階書喇，適合本來有一定粵語/中文根底嘅人睇。《廣州話本字》香港以前賣六百幾文，而家兩百幾文就有，聽講廣州都有得買。此外，亦有有心人做咗電子版，擺咗本書嘅大部份內容上網，可以上google搵下。
黃氏嗰本我都想知邊度有，我當前手上得佢本《保衛粵語》，都幾有意思。 等閒我都搵齊個幾本書嚟睇睇先..
頁:
[1]