彭定康旋風式訪港
http://202.85.162.86/images/apple-photos/apple/20100912/large/12la4p3n.jpg低調訪港的前港督彭定康，昨午與妻子在中環太子大廈逛街。 楊浩賢攝【本報訊】末代港督「肥彭」彭定康現身香港。彭定康與妻子前晚抵港，以英國牛津大學校監身份作旋風式訪問，並跟特首曾蔭權敍舊。彭定康好友指，肥彭比之前再肥咗少少。前晚抵港的彭定康，昨傍晚 6時許，與妻子到中環太子大廈逛街，兩夫婦神態輕鬆，其間進入高檔西裝品牌「詩閣」（ Ascot Chang）店內，看了一些領呔，但最後未有收穫。彭定康看到本報記者時，保持親民作風，微笑打招呼，態度友善。與特首私人敍舊彭定康的好朋友珠寶商劉宏漢，昨日跟彭氏夫婦在中環文華東方酒店聚會。他形容彭定康精神非常好，體形更比之前「肥咗少少」。彭定康今次是以英國牛津大學校監身份訪問北京、上海與香港三地，周二將離開。彭定康本月 9日曾在北京出席「牛津中國經濟論壇」，並發表演說。
據了解，彭定康今次訪港，曾跟舊下屬、特首曾蔭權私人敍舊。一向饞嘴的彭定康，在任時鍾情本港地道美食，包括泰昌餅家蛋撻。餅家老闆歐陽天閏表示，每年中秋節均會寄送一盒雙黃白蓮蓉月餅給彭定康，希望今次能親手送給他。 「肥彭」認真識得入鄉隨俗呢味嘢:victory:
隔牆有耳：肥彭讚煲呔做得啱
http://202.85.162.86/images/apple-photos/apple/20100914/large/A17_02_a.gif設計圖片末代港督肥彭日前低調訪港，上星期六下晝同太太喺中環行街，十分悠閒。遠道而來，肥彭當然唔係嚟購物咁簡單，原來當日中午肥彭出席由香港牛津劍橋校友喺中國會舉行嘅午餐會，以"My World since 1997"為題發表演說。雖則肥彭不在其位，不過佢都有講到香港時事，仲讚舊部曾蔭權處理菲律賓人質事件做得啱。當日午餐會收費每位 500蚊，坐滿十幾圍枱，三個月前已預訂爆棚，可見肥彭號召力。
據在場人士稱，肥彭演講雖然不至於風花雪月，但就真係頗為全球化，主要講佢卸任港督後從政嘅事。後來答問環節，有人提及近日城中熱話菲律賓人質事件，問肥彭對特首曾蔭權打電話畀菲律賓總統不獲接聽，寫信又被指冇禮貌事件點睇。撐致電菲總統冇錯呢單慘劇係國際大新聞，肥彭似乎都幾留意，快人快語咁話，如果佢做港督時發生同樣緊急事件，佢都會第一時間急 call菲律賓總統，要求安全拯救香港人質，仲會打電話返倫敦，搵埋外交部長交涉，事關人命關天，不能掉以輕心，因此佢好同意曾蔭權做法，力撐曾蔭權冇做錯。
肥彭曾任歐盟對外關係專員，係國際級外交高手，據稱肥彭呢次嚟香港，有同煲呔私下敍舊，煲呔得佢稱讚，睇嚟「政治家」呢個稱號當之無愧了。舊時殖民地時代，港英官員似乎好能幹，被指係因為有英國政府一班「教車師傅」在身後教路，否則一班「學神」斷無如此英明神武，今次獲師傅大讚，徒弟終於吐氣揚眉啦。避重就輕唔提北京立法會向菲律賓國會提出，旁聽調查慘劇嘅聆訊，肥彭話贊成香港議員咁做，又指菲律賓方面應該配合，因為可以令香港人更清楚事件。雖然肥彭讚煲呔同菲律賓交涉冇錯，不過佢冇觸及令好多人神經敏感嘅「次主權」問題。家陣係牛津大學校監嘅肥彭，訪港前在北京出席首屆牛津中國經濟論壇，評論環球經濟復蘇情況時，佢話會有好多困難，亦有機會見到曙光，果然係非一般外交家。
mailto:pf_lee@appledaily.com http://202.85.162.86/adoinfile/Section_Logo/20sign.gif
頁:
[1]