[原創]粤语足球评述是否在没落?
如题!究竟粤语讲波係咪没落紧?唔可以话唔係一个大问题!就算有篇时评表扬粤语讲波,但係我一样觉得有危机感!尤其是睇咗上星期新闻透视之后!相信大家都睇过亚叔[林尚义]讲波,大家觉得点呢?讲到亚叔,佢自己就话踢咗21年波,讲波时到底点讲,带波嗰个要点踢!佢好清楚!点解现时讲波要讲咁多题外话?咩花边新闻吖,赌波吖,读资料吖,全部无谓!嘥气!佢讲波就将讲波,唔搞其他嘢,"读资料我俾钟仔读嘅啫,我唔读"!睇亚叔讲波,都係初中嘅事喇!虽然睇得唔係好多,不过总算有所了解,点解当时我哋一班花"岭青"咁钟意睇亚叔讲波,咪就係觉得佢讲得好之嘛!总好过某台点名点全场吖!点到你想瞓,又冇亲切感[粤语]!虽然都睇某台,局于当时佢转嘅节目多,联赛佢都有转,咪睇囉,冇办法架!我哋现在睇波,叫做有广东体育同香港台!广东体育就买咗某台嘅世界杯转播喇,仲有得睇吓,港台就冇喇~!想当年无线转世界杯,牵动几多人嘅心?就睇亚叔之嘛!亚叔係老咗!所以今年无线唔做?唔係,有线买断咗啫!
讲波,到底现在仲有边个台讲得好啲?少之又少!广东体育有几好,见仁见智喇!除咗何辉,数得出嘅有几个?无线就真係青黄不接,想揾亚叔嘅接班人,难之又难!睇广东体育,叫做吊住条瘾啫,总好过某台点到你瞓!无线,广东体育,亚视,espn[卫视体育]同时做同一场比赛,你会点拣?我就拣2个港台,前提有亚叔同丁伟杰!睇人去之嘛!讲得好我就睇,讲唔好,转台喇!虽然高中以后少睇咗亚叔讲波,以前嘅10分1都冇!不过依然力撑亚叔!怀念以前睇球迷世界[无线]同联赛精华[明珠台]嘅日子!所以到咗比赛后半程,我会转台睇丁丁同亚叔!广东体育你咁多人喺度做乜?咪盏搞到一祸泡!亚叔就话斋讲波,准决赛嗰时睇吓佢有冇食言,太耐冇睇佢讲过波喇!贺岁杯嗰啲唔係好记得!
睇过上星期新闻透视嘅人都知,赌波风气盛行!甚至好多人连足球基本术语都未知,纯粹为咗钱!讲波嗰啲又唔知喺度讲啲乜!电台讲波直头教埋你赌!现时嘅环境係咁,讲波嗰啲就要审时度势,跟唔上就要out!呢2日喺度谂,如果讲波嗰时真係全场讲波,其他乜都唔讲!有冇可能做到?
世界杯开锣嗰日,亚叔讲波前做准备:"俾2张大嘅我,睇唔到吖!得喇,睇到!"
亚叔讲完今届决赛就收咪,除咗上边呢个原因外,同上边咁多原因有冇关呢?定抑或年老小气咗?完!!!!!
写得有点乱,大家自己理顺吓!
Re:[原創]粤语足球评述是否在没落?
点解冇人回咖?意见交换吓都好吖!
Re:[原創]粤语足球评述是否在没落?
我睇咗三個台嘅直播：無線，有線，廣體我覺得最正嘅是廣體，然後是有線，最差就是無線！
廣體陳維聰搭何輝是相當正嘅配合，如果詹俊番嚟就好了
有線嘅蔡文堅，潘源亮幾個起碼都係喺度講波
而無線最爲亂七八糟，東噏下西噏下，一啲都唔專業，聽到就火滾
Re:[原創]粤语足球评述是否在没落?
我要嘅係交换意见,唔係你咁样连发2篇一样嘅!要嘅係对主题嘅反应!
Re:[原創]粤语足球评述是否在没落?
怀念以前睇球迷世界[无线]同联赛精华[明珠台]嘅日子!週六傍晚的明珠台英超聯精華，和週日的球迷世界。
週六或週日晚有一場英超聯直播的日子真係好懷念！
Re:[原創]粤语足球评述是否在没落?
winfield在2006-7-24 11:56:17說道：怀念以前睇球迷世界[无线]同联赛精华[明珠台]嘅日子!週六傍晚的明珠台英超聯精華，和週日的球迷世界。
週六或週日晚有一場英超聯直播的日子真係好懷念！
唔知係咪因为时代嘅变化,冇晒以前嘅感觉!
頁:
[1]