廣州亞運期間買避孕套須實名登記？
先落一個假設：「為咗打擊廣州亞運期間賣淫嫖娼非法活動，廣州市實行買避孕套須實名登記」，大家覺得點樣？可笑嗎？當然可笑啦，打擊賣淫嫖娼同買避孕套須實名登記有乜關係？賣淫嫖娼就一定要用避孕套嗎？買得多避孕套就一定系賣淫嫖娼嗎？如果話廣州市響非亞運期間，每日賣出十萬個避孕套，但突然響亞運期間每日賣出十五萬個避孕套，咁又點樣？唔通可以推斷亞運期間，每日有五萬個人涉及賣淫嫖娼嗎？如果真系有人響實名登記之後去賣淫嫖娼，咁又會點樣？衙門系唔系會根據避孕套上邊嘅編號、同埋購買避孕套時嘅實名登記資料，對買避孕套者及賣避孕套者進行定罪呢？此時此刻，賣避孕套者實會喊冤：「當時我賣避孕套俾佢嘅時候，佢話系自己響屋企用嘅，我又點知佢拿咗去賣淫嫖娼哦？」，而賣淫嫖娼者一定後悔：「早知響外地冇實名登記嘅地方買避孕套啦，之後再帶返廣州用，真系死蠢，毫無計畫！」。
將上邊嘅假設擺到「廣州亞運期間實行買刀具須實名登記」度去，大家又覺得可唔可笑？系話事人燒壞腦呀、定系衙門捕頭無能嘅表現？破壞社會秩序、違反治安法紀就一定要用刀具嗎？買得多刀具就一定有破壞社會秩序、違反治安法紀嘅嫌疑嗎？如果話廣州市響非亞運期間，每日賣出一萬把菜刀，但突然響亞運期間每日賣出兩萬把菜刀，咁又點樣？唔通可以推斷亞運期間，每日有一萬個人準備破壞社會秩序、違反治安法紀嗎？如果真系有人響實名登記之後去破壞社會秩序、違反治安法紀，咁又會點樣？衙門系唔系會根據菜刀上邊嘅編號、同埋購買菜刀時嘅實名登記資料，對買菜刀者及賣菜刀套者進行定罪呢？此時此刻，賣菜刀者實會喊冤：「當時我賣菜刀俾佢嘅時候，佢話系自己響屋企用嘅，我又點知佢拿咗去破壞社會秩序、違反治安法紀哦？」，而買菜刀者一定後悔：「早知響外地冇實名登記嘅地方買菜刀啦，之後再帶返廣州用，真系死蠢，毫無計畫！」。
睇到依度，一定有人話：「大佬呀，呢份系徵求意見稿嚟，都唔一定會實施！」。哈哈，小學雞真系大笑啦，有咁樣嘅諗法，真系枉響天朝生活咗咁多年啦。通常徵求意見稿出得街、見得光，就一定會實施；就算響實施嘅時候會有改動，執行果陣內部亦都一定會有陰陽操作辦法或另類方式。話事人都系燒壞瓦，會同你諗擾民概念？大家真系食得多大頭菜啦！徵求意見稿，大家會提意見咩？就算大家夠膽提意見，你估大家嘅意見會唔會去到上高呢？會被和諧、定系被代表呢？ 亞運，乜都系用亞運做理由，真系有好多嘢都唔使徵求你嘅意見。八月十六日，廣州市國土房管局就出咗下邊嘅管理辦法：
廣州市國土房管局做到「四個到位」加強在穗外國人管理工作為確保第16屆亞運會的順利舉辦，市國土房管局通過調動物業服務企業力量，採取「四個到位」的管理辦法，加強在穗外國人管理工作。一是信息報送到位。物業服務企業須在24小時內將新入住外國人情況報屬地出租屋管理部門和公安派出所，每月將房屋租賃雙方當事人姓名、房屋所在地等具體情況報市房地產租賃管理所。二是配合執法到位。物業服務企業要積極配合，主動協助行政機關和街道（鎮）出租屋管理服務中心工作人員執行公務。三是檢查整治到位。6月份組織了房地產服務行業專項檢查，對亞運場館周邊的社區和「零報送」的物業服務企業進行重點檢查，並跟進後續整治工作。四是行政處罰到位。對漏報、不報外國人資訊的物業服務企業，給予警告並責令限期整改，逾期不報送的，依法進行處罰。需特別提醒的是，為進一步加強亞運期間在隨外國人管理工作，亞運會期間逾期不報送資訊的，取消當年「物業管理示範社區（大廈）」評選資格，已獲得該榮譽的，由市物業管理協會取消榮譽並摘牌；已取得國家、省優秀示範社區榮譽的，由市物業管理協會向上級部門建議取消榮譽並摘牌。 響上邊嘅管理辦法，大家睇到乜？小學雞就睇到又系以亞運做理由，廣州府、衙門捕頭又將「卸膊兼大石矺死蟹」嘅技倆發揮到淋漓盡致，點解？小學雞有時間再續帖啦。 唔知有冇磚家出嚟認證: 呢D係 國~際~慣例, 依D係 與 國~際~接軌, 須要，你估中國官員唔驚D心智不成熟者揸支槍亂咁FE啲鬼妹，從而影響中國禮義廉恥的國際形象啊 啲貪官狗官, 滿腦精蟲
前一晚仲搞完幾個女人
第日就義正詞嚴咁提出「買避孕套須實名登記」
發言時隻手仲要喺女秘書裙底抽下水
現代中國官場, 真係荒謬絕倫, 蔚為奇觀
頁:
[1]